Simuluho 50

Puluko ya Jakobo

1Josefa a itatela fahalimw'a ndat'ahe, a lila a nz'a mu tubeta kwa pata. 2Cwale Josefa a laela liñaka za hae kuli li omise situpu sa ndat'ahe. Liñaka za eza cwalo. 3Kwa ba nga mazazi a mashumi a mane, ili yona nako ya ku omisa litupu. Maegepita kiha ba mu silisa mazazi a mashumi a supile.

4Mazazi a sililo sa ndat'ahe ha s'a felile, Josefa a li kwa manduna ba Faro, “A mu ni tuse. Mu y'o bulelela Faro manzwi a, mu li, 5#Sim 47.29-31 ‘Ndate ha n'a s'a li fakaufi ni ku shwa, a li ni mu sepise kuli ni ta mu buluka mwa libita l'a n'a s'a ikepezi lona mwa naha ya Kanana. Cwalehe, u ni lumelele ku y'o buluka ndate pili, kihona ni ta kuta.’ ”

6Faro a alaba, a li, “Zamaya, u y'o buluka ndat'aho, sina ha n'o mu sepisize kuli u ta eza cwalo.”

7Cwale Josefa a y'o buluka ndat'ahe. Manduna kamukana ba Faro, bahulu mwa likuta, ni baeteleli ba mwa Egepita kaufela ba ya ni yena. 8Ni lubasi lwa Josefa, bahulwani ba hae ni lubasi lwa ndat'ahe, bona kaufela ba ya. Konji bana ba bona, ba banyinyani, ni lingu za bona, lipuli ni likomu, ki zona ze ne siyezi mwa naha ya Gosheni. 9Likoloi ni batu ba ba pahami fa lipizi ba ya ni yena. I n'e li sitopa se situna hahulu.

10Ha ba t'o fita fa sihoto sa Atadi, kwa upa wa Nuka ya Jordani, sililo sa ba se situna hahulu, ka maswabi ba bokolola, mi Josefa a silisa ndat'ahe mazazi a supile. 11Makanana ha ba bona sililo sa kwa Atadi, ba li, “Sililo sa Maegepita se, ki se situna luli!” Ki lona libaka sibaka seo ha si bizizwe Abele Miziraimi. Ki kwa upa wa Jordani.

12Bana ba Jakobo ba eza sina mw'a n'a ba bulelezi. 13#Lik 7.16 Ba mu isa kwa Kanana, mi ba y'o mu buluka mwa liñope le li mwa simu kwa Makapela, kwa upa wa Mamare. Liñope leo ne li lekelezwi ni simu ki Abrahama, ku Eferoni wa Muhiti, kuli i be mayumbelo. 14Josefa ha s'a bulukile ndat'ahe, a kutela kwa Egepita ni bahulwani ba hae ni b'a n'a ile ni bona kamukana kwa kepelo.

Josefa u wisa bahulwani ba hae lipilu

15Mwamulaho a lifu la ndat'a bona, bahulwani ba Josefa ba li, “Cwale, haiba Josefa u sa lu toile, mi u lela ku lu kutiseza bumaswe ka kezo ye butuku ye ne lu mu ezize yona, fo lu ta eza cwañi?” 16Kiha ba se ba lumela linzwi ku Josefa, ba li, “Ndat'aho n'a lu bulelezi cwana, a si ka shwa kale, a li, 17‘Na mi kupa, mu bulelele Josefa, a mi swalele ka mulatu ni sibi se si maswe se mu mu ezize mina bahulwani ba hae.’ Cwalehe, u lu swalele ka foso ye lu ezize, luna batanga ba Mulimu wa ndat'aho.” Ha ba mu bulelela cwalo Josefa a kala ku lila.

18Bahulwani ba hae kasibili kiha ba taha, ba t'o kandelela, ba li, “Ki luna ba, lu tile lu ikutwa lu li batanga ba hao.”

19Kono Josefa a li ku bona, “Mu si ke mwa saba. Ha ni koni ku ipeya mwa sibaka sa Mulimu. 20Ne mu lelile ku ni eza maswe, kono bumaswe bo Mulimu u bu fetuzi bunde, kuli ku piliswe batu ba bañata ba ba sa pila ni kacenu le kabakala bona bunde bo. 21Cwale mu si ke mwa saba. Ni ka mi babalela hamoho ni bana ba mina ba banyinyani.” A ba wisa pilu cwalo ka manzwi a musa, mi a ba sisimuzi lipilu.

Lifu la Josefa

22Josefa a ina mwa Egepita ni lubasi lwa ndat'ahe. U shwile a nz'a na ni lilimo ze mwanda ni lishumi. 23A pila mane a ba a bona bana ba Eferaimi ni baikulu ba hae. Bana ba Makiri, mwan'a Manase, ha ba pepwa, ki Josefa ya n'a ba amuhezi. 24A li kwa bahulwani ba hae, “Ni tuha ni shwa, kono Mulimu u ta mi babalela, ni ku mi zwisa mwa naha ye ku mi kutiseza mwa naha ye ne sepisizwe Abrahama ni Isaka ni Jakobo.” 25#Mut 13.19; Josh 24.32; Maheb 11.22 Josefa kih'a kupa bana ba Isilaele ku sepisa ka ku itama, a li, “Mu ni sepise kuli Mulimu h'a ka bonisa pabalelo ya hae ku mina, mu ta lwala masapo a ka ku a zwisa mwa sibaka se.” 26Josefa a shwa a nz'a na ni lilimo ze mwanda ni lishumi. Ba mu omisa mwa Egepita, mi ba mu beya mwa likwati.

Currently Selected:

Simuluho 50: Lozi09

Highlight

Compare

Copy