Tsutɨarika 16
16
Hakari meta 'Itsimaheri
1Merikɨtsɨ Tsarahi 'Apɨrami hamatɨa nunutsi mepɨkahexeiyakai. Tsarahi xeime pexeiyakai 'uka ti'uximayatame 'ekipitutanaka Hakari titewakame, 2hikɨ Tsarahi mɨpaɨ katinitahɨawe yukɨna:
—Yawé pɨkanetsipitɨawe nunutsi nemayexeiyakɨ. 'Ayumieme, keneukahu'i neti'uximayatsiriwame Hakari hamatɨa. Heiwatɨ mɨkɨ 'utiniweni neniwema memakɨnekɨ.
'Apɨrami yakatiniutanaki'erieni 'ɨyaya kemɨrehɨawekai. 3Hikɨ Tsarahi tiyu'uximayatsiriwame 'ekipitutanaka Hakari 'uwiyaka, 'Apɨrami kaniyetuirieni mɨ'ɨyayatɨnikɨ. Mɨpaɨ katiniuyɨni kepauka 'Apɨrami tamamata wiyari muyuriekai Kanani kwieyaritsie.
4'Apɨrami Hakari hamatɨa kaniukahuni, mɨkɨ kaniutihukata. Kepauka Hakari mɨretima kename 'ayehukakai, kaniyuti'ɨretɨyani yukutsiyari Tsarahi hɨxie. 5Hikɨ Tsarahi 'Apɨrami mɨpaɨ katiniutahɨawe:
—'Ekɨtsɨ ya'anekame pekaniwiwieka kenemɨtinanaimarie. Ne nepɨmatsiyetuiri ti'uximayatame 'a'ɨya mayanikɨ, hikɨri mayehuka mariweme kanayuyeitɨwani. Yawé yake'utayɨni kemɨ'ane heitserie mexeiya, xɨka 'ekɨ yatɨni ne.
6'Apɨrami mɨpaɨ katinita'eiya:
—'Ekɨ heitserie pepexeiya ti'uximayatame pemɨti'aitɨakakɨ, ketine'aitɨaka kemɨmatinake kehepaɨ 'aixɨa mɨ'ane.
Hikɨ Tsarahi waɨkawa kaniti'uximatɨatɨyani, 'ana Hakari kaniuyuta'una makumawetsie paitɨ. 7Mana niuki tuayame Yawé hetsɨa mieme kanitaxeiya, haixa matinieretsie huye Tsuhuxi mieme manuyehanetsie 8mɨpaɨ katinita'iwawiya:
—Hakari, Tsarahi ti'uximayatsiriwame, ¿hakewa pepeyetɨa, hakewa pepeutɨa?
Hakari mɨpaɨ kaniutayɨni:
—Nepeyuta'unaxɨ nekutsiyari Tsarahi hetsɨa.
9Niuki tuayame mɨpaɨ katinitahɨawe:
—Kenakunua hetsɨana, yaketinekamieni kemɨmare'aitɨa. 10Yaxeikɨata 'anuiwarima nepɨwatimɨiriya, xewitɨ pɨkayɨweni mɨwaruti'inɨata.
11»Hikɨri pemayehuka xeime nunutsi 'uki pekanayexeiyamɨkɨ,
'Itsimaheri pekatiniterɨwamɨkɨ,
Yawé mi'enikɨ 'ahiwerika.
12Tewi mɨkatiyu'aitɨarinɨa kanayeimɨkɨ, puxu tsimaruni hepaɨ.
Yunaime kaniwatakwimɨkɨ, yunaitɨta mekanitamiekuni,
yu'uximatɨatɨ puyeikani yu'iwama yunaime wahamatɨa».
13Yawé Hakari mɨtiutaxatɨakɨ mɨpaɨ pɨtiterɨwaxɨ «Kakaɨyari pemɨniere». Mɨpaɨ mutainekaikɨ: «Hikɨ nepixei kemɨ'ane mɨnetsixeiya». 14'Ayumiemeta mɨpaɨ pɨtitewa putsu Karetsi Wereri wahixɨapa mɨtiniere «Kakaɨyari mayeyuri putsuya mɨnetsixeiya».
15Hakari xeime nunutsi kaniutiniweni 'Apɨrami niweyatɨme, 'Apɨrami mɨkɨ 'Itsimaheri katiniuterɨwa. 16'Apɨrami nauka tewiyari heimana 'ataxewi wiyari kanexeiyakaitɨni kepauka 'Itsimaheri mutinuiwaxɨtsie.
Currently Selected:
Tsutɨarika 16: hch
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc.
Tsutɨarika 16
16
Hakari meta 'Itsimaheri
1Merikɨtsɨ Tsarahi 'Apɨrami hamatɨa nunutsi mepɨkahexeiyakai. Tsarahi xeime pexeiyakai 'uka ti'uximayatame 'ekipitutanaka Hakari titewakame, 2hikɨ Tsarahi mɨpaɨ katinitahɨawe yukɨna:
—Yawé pɨkanetsipitɨawe nunutsi nemayexeiyakɨ. 'Ayumieme, keneukahu'i neti'uximayatsiriwame Hakari hamatɨa. Heiwatɨ mɨkɨ 'utiniweni neniwema memakɨnekɨ.
'Apɨrami yakatiniutanaki'erieni 'ɨyaya kemɨrehɨawekai. 3Hikɨ Tsarahi tiyu'uximayatsiriwame 'ekipitutanaka Hakari 'uwiyaka, 'Apɨrami kaniyetuirieni mɨ'ɨyayatɨnikɨ. Mɨpaɨ katiniuyɨni kepauka 'Apɨrami tamamata wiyari muyuriekai Kanani kwieyaritsie.
4'Apɨrami Hakari hamatɨa kaniukahuni, mɨkɨ kaniutihukata. Kepauka Hakari mɨretima kename 'ayehukakai, kaniyuti'ɨretɨyani yukutsiyari Tsarahi hɨxie. 5Hikɨ Tsarahi 'Apɨrami mɨpaɨ katiniutahɨawe:
—'Ekɨtsɨ ya'anekame pekaniwiwieka kenemɨtinanaimarie. Ne nepɨmatsiyetuiri ti'uximayatame 'a'ɨya mayanikɨ, hikɨri mayehuka mariweme kanayuyeitɨwani. Yawé yake'utayɨni kemɨ'ane heitserie mexeiya, xɨka 'ekɨ yatɨni ne.
6'Apɨrami mɨpaɨ katinita'eiya:
—'Ekɨ heitserie pepexeiya ti'uximayatame pemɨti'aitɨakakɨ, ketine'aitɨaka kemɨmatinake kehepaɨ 'aixɨa mɨ'ane.
Hikɨ Tsarahi waɨkawa kaniti'uximatɨatɨyani, 'ana Hakari kaniuyuta'una makumawetsie paitɨ. 7Mana niuki tuayame Yawé hetsɨa mieme kanitaxeiya, haixa matinieretsie huye Tsuhuxi mieme manuyehanetsie 8mɨpaɨ katinita'iwawiya:
—Hakari, Tsarahi ti'uximayatsiriwame, ¿hakewa pepeyetɨa, hakewa pepeutɨa?
Hakari mɨpaɨ kaniutayɨni:
—Nepeyuta'unaxɨ nekutsiyari Tsarahi hetsɨa.
9Niuki tuayame mɨpaɨ katinitahɨawe:
—Kenakunua hetsɨana, yaketinekamieni kemɨmare'aitɨa. 10Yaxeikɨata 'anuiwarima nepɨwatimɨiriya, xewitɨ pɨkayɨweni mɨwaruti'inɨata.
11»Hikɨri pemayehuka xeime nunutsi 'uki pekanayexeiyamɨkɨ,
'Itsimaheri pekatiniterɨwamɨkɨ,
Yawé mi'enikɨ 'ahiwerika.
12Tewi mɨkatiyu'aitɨarinɨa kanayeimɨkɨ, puxu tsimaruni hepaɨ.
Yunaime kaniwatakwimɨkɨ, yunaitɨta mekanitamiekuni,
yu'uximatɨatɨ puyeikani yu'iwama yunaime wahamatɨa».
13Yawé Hakari mɨtiutaxatɨakɨ mɨpaɨ pɨtiterɨwaxɨ «Kakaɨyari pemɨniere». Mɨpaɨ mutainekaikɨ: «Hikɨ nepixei kemɨ'ane mɨnetsixeiya». 14'Ayumiemeta mɨpaɨ pɨtitewa putsu Karetsi Wereri wahixɨapa mɨtiniere «Kakaɨyari mayeyuri putsuya mɨnetsixeiya».
15Hakari xeime nunutsi kaniutiniweni 'Apɨrami niweyatɨme, 'Apɨrami mɨkɨ 'Itsimaheri katiniuterɨwa. 16'Apɨrami nauka tewiyari heimana 'ataxewi wiyari kanexeiyakaitɨni kepauka 'Itsimaheri mutinuiwaxɨtsie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc.