Tsutɨarika 22
22
Kakaɨyari 'Apɨrahami kemɨtiuta'inɨataxɨ
1Merikɨtsɨ yapaɨmexɨa tukari 'anukayaku, Kakaɨyari 'Apɨrahami kaniuta'inɨata, mɨpaɨ katinitahɨawe:
—'Apɨrahami 'aku.
'Apɨrahami mɨpaɨ katinita'eiya:
—'Ena nepuyeika.
2Kakaɨyari mɨpaɨ katinita'aitɨani:
—'Aniwe muyuxewi 'a'iyarikɨ peminakierie, kenawitɨtɨ kenemie Muriya kwieyaritsie paitɨ. Hikɨ mana keneutimawa mawari naitɨ mɨtaiyarɨwa hepaɨ, xeime hɨri nemɨmatsixeitsitɨanitsie.
3'Uxa'arieka ximeri paitɨ kananukukeni 'Apɨrahami yupuxu kaniutixiratɨani mɨranu'ikatakɨ. Meta kɨye kaniutiwiteni mɨretimawarieni hetsiemieme, hikɨ meyuhutame te'uximayatamete meta yuniwe 'Itsahaki warawitɨtɨ kanayeyani hakewa Kakaɨyari mɨrehɨawekai. 4Hairieka tukaritsie me'uhutɨ, 'Apɨrahami hɨri 'ateewa kaniuxeiya hakewa Kakaɨyari mexatakai. 5Hikɨ 'Apɨrahami mɨwarawitɨkɨ te'uximayatamete yuhutame, mɨpaɨ katiniwarutahɨawe:
—'Ena xekeneyuhayewa puxu hamatɨa. 'Akuxi temaikɨ meta ne tepuhuni, Kakaɨyari temetahɨawekɨ, kwitɨwata tepakunuaxɨani xehetsɨa.
6'Apɨrahami kɨyexi 'uti'ɨka 'Itsahaki kaniutitɨtɨani, mɨkɨta tai kaniutikweni meta nawaxa kanakakeni. Hikɨ mekanekɨne yunaitɨ me'uhutɨ.
7'Itsahaki 'Apɨrahami mɨpaɨ katiniutahɨawe:
—Nepaapa.
Paapaya mɨpaɨ katinita'eiya:
—¿Tita neniwe?
'Itsahaki mɨpaɨ kaniutayɨni:
—Neuxei, kɨyexi tema'ɨ, tai temakwe'e, peru ¿hakewa muxa temeitimawa?
8'Apɨrahami mɨpaɨ katinita'eiya:
—Neniwe. Kakaɨyari kaniyɨweni mɨkɨ muxa kaneyetuamɨkɨ.
Hikɨ mekaniuhukaitɨni.
9Hikɨ kepauka memuye'axɨa Kakaɨyari hakewa mexatakai, mana 'Apɨrahami mawari taiyame kaniutawewieni meta kɨyexi 'aixɨa katiniunetɨani mana. Hikɨ yuniwe 'Itsahaki 'uwiyaka kanihɨani mawari taiyametsie kaneteni kɨyexi heima. 10Hikɨ 'Apɨrahami yunawaxa kaniwatihana yuniwe mienike mawari mayanikɨ, 11peru Yawé niuki tuayameya 'anakwitɨ heimana kanetaniuni karima mɨpaɨ tikɨhɨawetɨ:
—'Apɨrahami. 'Apɨrahami 'aku.
Mɨkɨta mɨpaɨ katinita'eiya:
—'Ena nepuyeika.
12Hikɨ niuki tuayame mɨpaɨ katinitahɨawe:
—Keneuhayewa temaikɨ, pepɨkatikwinitɨaka. Nepɨretimari 'ekɨ Kakaɨyari pepayemakaxe, pepɨka'uyuta'ima 'aniwe penetsiyetuirienike muyuxewi.
13Hikɨ 'Apɨrahami kananieretɨyani, muxa kaniuxeiya yu'awatekɨ tsekame 'ɨtsitsie. Hikɨ 'Apɨrahami 'ixɨnaka kanitimawa taipa yuniwe hetsiemieme. 14'Ayumieme 'Apɨrahami mana pɨtiuterɨwaxɨ: «Yawé pɨrayetuirieni tita mɨreuyehɨaka». 'Ayumieme teɨteri mɨpaɨ meputiyuane: «Hɨritsie Yawé pɨrayetuirieni».
15Yawé niuki tuayameya 'Apɨrahami kaniutahɨawe hutarieka taheima paitɨ, 16mɨpaɨ katinitahɨawe:
—'Ekɨ pepɨraye'atɨa kenemutayɨ, 'aniwe muyuxewi pepɨka'utikweri, 'ayumieme ne yurikɨ nekanaineni ―Yawé mɨpaɨ kanaineni—. 17'Aixɨa nepɨmatsiyurieni waɨkawamekɨ, 'anuiwarima yɨmɨireme nepuwarayeitɨani xurawetsixi muyuawitsie memɨtama wahepaɨ meta xiekari haramara tetsita mɨtika hepaɨ. Meta 'anuiwarima mepɨte'ayu'iwani kemɨ'ane memɨwaraye'unie wakiekarite mepɨwanawairieni. 18Yemekɨ kenematiutahɨawixɨ yapemɨtikatɨakɨ, yunaitɨ nuiwarite kwiepa memɨtama 'aixɨa mepɨ'itɨarieka 'anuiwarima wahekɨ.
19'Apɨrahami kanakunuani hakewa memeyuhayewakai te'i'uximayatsiriwametemama, hikɨ yunaitɨ mekanekɨne Weritsewa, hakewa 'Apɨrahami mekatei.
Nakuxi niwemama
20Hikɨ kepauka, 'Apɨrahami katiniutamarieni kename 'iwaya Nakuxi yɨ'ɨya Mirika hamatɨa, tɨɨri mewarayexei. 21Matɨarieya 'Utsi titewatɨ kanayani, 'utɨmanata mekaniutinunuiwa Wutsi, Kemuheri matɨa. 'Ikɨ wa'utɨamieme 'Arami paapaya kanayani. 22Mɨkɨ wa'utɨata mekaniutinunuiwa Ketseri, Katsú, Piriratsi, Hirurapi, 'imatɨrieka Wetuheri, 23mɨkɨ Xeweka paapaya patɨa. 'Ikɨ mepɨhɨkɨ 'atahaika tɨɨri Mirika Nakuxi hamatɨa memɨwarayexei, 'Apɨrahami 'iwaya. 24Nakuxi meta kaniwarayexeiya tɨɨri Xeuma titewakametsie, hutarieka yɨ'ɨyatsie. Mɨkɨ mepɨtetetewakai, Tewaki, Kakani, Takatsi, meta Mahaka.
Currently Selected:
Tsutɨarika 22: hch
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc.
Tsutɨarika 22
22
Kakaɨyari 'Apɨrahami kemɨtiuta'inɨataxɨ
1Merikɨtsɨ yapaɨmexɨa tukari 'anukayaku, Kakaɨyari 'Apɨrahami kaniuta'inɨata, mɨpaɨ katinitahɨawe:
—'Apɨrahami 'aku.
'Apɨrahami mɨpaɨ katinita'eiya:
—'Ena nepuyeika.
2Kakaɨyari mɨpaɨ katinita'aitɨani:
—'Aniwe muyuxewi 'a'iyarikɨ peminakierie, kenawitɨtɨ kenemie Muriya kwieyaritsie paitɨ. Hikɨ mana keneutimawa mawari naitɨ mɨtaiyarɨwa hepaɨ, xeime hɨri nemɨmatsixeitsitɨanitsie.
3'Uxa'arieka ximeri paitɨ kananukukeni 'Apɨrahami yupuxu kaniutixiratɨani mɨranu'ikatakɨ. Meta kɨye kaniutiwiteni mɨretimawarieni hetsiemieme, hikɨ meyuhutame te'uximayatamete meta yuniwe 'Itsahaki warawitɨtɨ kanayeyani hakewa Kakaɨyari mɨrehɨawekai. 4Hairieka tukaritsie me'uhutɨ, 'Apɨrahami hɨri 'ateewa kaniuxeiya hakewa Kakaɨyari mexatakai. 5Hikɨ 'Apɨrahami mɨwarawitɨkɨ te'uximayatamete yuhutame, mɨpaɨ katiniwarutahɨawe:
—'Ena xekeneyuhayewa puxu hamatɨa. 'Akuxi temaikɨ meta ne tepuhuni, Kakaɨyari temetahɨawekɨ, kwitɨwata tepakunuaxɨani xehetsɨa.
6'Apɨrahami kɨyexi 'uti'ɨka 'Itsahaki kaniutitɨtɨani, mɨkɨta tai kaniutikweni meta nawaxa kanakakeni. Hikɨ mekanekɨne yunaitɨ me'uhutɨ.
7'Itsahaki 'Apɨrahami mɨpaɨ katiniutahɨawe:
—Nepaapa.
Paapaya mɨpaɨ katinita'eiya:
—¿Tita neniwe?
'Itsahaki mɨpaɨ kaniutayɨni:
—Neuxei, kɨyexi tema'ɨ, tai temakwe'e, peru ¿hakewa muxa temeitimawa?
8'Apɨrahami mɨpaɨ katinita'eiya:
—Neniwe. Kakaɨyari kaniyɨweni mɨkɨ muxa kaneyetuamɨkɨ.
Hikɨ mekaniuhukaitɨni.
9Hikɨ kepauka memuye'axɨa Kakaɨyari hakewa mexatakai, mana 'Apɨrahami mawari taiyame kaniutawewieni meta kɨyexi 'aixɨa katiniunetɨani mana. Hikɨ yuniwe 'Itsahaki 'uwiyaka kanihɨani mawari taiyametsie kaneteni kɨyexi heima. 10Hikɨ 'Apɨrahami yunawaxa kaniwatihana yuniwe mienike mawari mayanikɨ, 11peru Yawé niuki tuayameya 'anakwitɨ heimana kanetaniuni karima mɨpaɨ tikɨhɨawetɨ:
—'Apɨrahami. 'Apɨrahami 'aku.
Mɨkɨta mɨpaɨ katinita'eiya:
—'Ena nepuyeika.
12Hikɨ niuki tuayame mɨpaɨ katinitahɨawe:
—Keneuhayewa temaikɨ, pepɨkatikwinitɨaka. Nepɨretimari 'ekɨ Kakaɨyari pepayemakaxe, pepɨka'uyuta'ima 'aniwe penetsiyetuirienike muyuxewi.
13Hikɨ 'Apɨrahami kananieretɨyani, muxa kaniuxeiya yu'awatekɨ tsekame 'ɨtsitsie. Hikɨ 'Apɨrahami 'ixɨnaka kanitimawa taipa yuniwe hetsiemieme. 14'Ayumieme 'Apɨrahami mana pɨtiuterɨwaxɨ: «Yawé pɨrayetuirieni tita mɨreuyehɨaka». 'Ayumieme teɨteri mɨpaɨ meputiyuane: «Hɨritsie Yawé pɨrayetuirieni».
15Yawé niuki tuayameya 'Apɨrahami kaniutahɨawe hutarieka taheima paitɨ, 16mɨpaɨ katinitahɨawe:
—'Ekɨ pepɨraye'atɨa kenemutayɨ, 'aniwe muyuxewi pepɨka'utikweri, 'ayumieme ne yurikɨ nekanaineni ―Yawé mɨpaɨ kanaineni—. 17'Aixɨa nepɨmatsiyurieni waɨkawamekɨ, 'anuiwarima yɨmɨireme nepuwarayeitɨani xurawetsixi muyuawitsie memɨtama wahepaɨ meta xiekari haramara tetsita mɨtika hepaɨ. Meta 'anuiwarima mepɨte'ayu'iwani kemɨ'ane memɨwaraye'unie wakiekarite mepɨwanawairieni. 18Yemekɨ kenematiutahɨawixɨ yapemɨtikatɨakɨ, yunaitɨ nuiwarite kwiepa memɨtama 'aixɨa mepɨ'itɨarieka 'anuiwarima wahekɨ.
19'Apɨrahami kanakunuani hakewa memeyuhayewakai te'i'uximayatsiriwametemama, hikɨ yunaitɨ mekanekɨne Weritsewa, hakewa 'Apɨrahami mekatei.
Nakuxi niwemama
20Hikɨ kepauka, 'Apɨrahami katiniutamarieni kename 'iwaya Nakuxi yɨ'ɨya Mirika hamatɨa, tɨɨri mewarayexei. 21Matɨarieya 'Utsi titewatɨ kanayani, 'utɨmanata mekaniutinunuiwa Wutsi, Kemuheri matɨa. 'Ikɨ wa'utɨamieme 'Arami paapaya kanayani. 22Mɨkɨ wa'utɨata mekaniutinunuiwa Ketseri, Katsú, Piriratsi, Hirurapi, 'imatɨrieka Wetuheri, 23mɨkɨ Xeweka paapaya patɨa. 'Ikɨ mepɨhɨkɨ 'atahaika tɨɨri Mirika Nakuxi hamatɨa memɨwarayexei, 'Apɨrahami 'iwaya. 24Nakuxi meta kaniwarayexeiya tɨɨri Xeuma titewakametsie, hutarieka yɨ'ɨyatsie. Mɨkɨ mepɨtetetewakai, Tewaki, Kakani, Takatsi, meta Mahaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc.