SUN JUAN 21:15-17
SUN JUAN 21:15-17 TZOA
C'alal laj co'nton ve'ucuntutic, ti Jesuse hech laj sjac'be ti Simon Pedroe: ―Simón, snich'onot Jonás, c'ux chiya'yun ti achi'iltac li'to. ¿Mi ech'em c'uxun ti avo'nton ho'oti? ―xchi. Hech itac'av ti Pedroe: ―Cajval, xana' ti c'uxot ti co'ntone ―xchi. Ti Jesuse hech laj yalbe: ―Mac'limbun scotol ti much'utic chixch'umbucun ti jc'ope hech ch-an yip yo'ntonic ―xchi. Ti Jesuse hech laj xcha'jac'be nixtoc: ―Simón, snich'onot Jonás, ¿mi c'uxun ti avo'nton? ―xchi. Hech itac'av ti Pedroe: ―Cajval, xana' ti c'uxot ti co'ntone ―xchi. Ti Jesuse hech laj yalbe: ―Chabibun scotol ti much'utic chixch'umbucun ti jc'ope ―xchi. Ti Jesuse hech laj sjac'be ti yoxibal vuelta: ―Simón, snich'onot Jonás, ¿mi c'uxun ti avo'nton? ―xchi. Hech lic yich' mul ti Pedroe yu'un yoxibal xa vuelta ti hech ijac'bate ¿mi c'uxun ti avo'nton? ti xchi chjac'bate. Hech itac'av: ―Cajval, scotol oy ti avo'nton. Xana' ti c'uxot ti co'ntone ―xchi. Ti Jesuse hech laj yalbe: ―Mac'limbun scotol ti much'utic chixch'umbucun ti jc'ope hech ch-an yip yo'ntonic ―xchi―.
Bible App
Bible App for Kids
![[Unboxing Psalm 23: Treasures for Every Believer] Paths of Righteousness SUN JUAN 21:15-17 Tzotzil de Huixtán](/_next/image?url=https%3A%2F%2Fimageproxy.youversionapistaging.com%2Fhttps%3A%2F%2Fs3.amazonaws.com%2Fyvplans-staging%2F35790%2F320x180.jpg&w=640&q=75)
