Salmos 11
11
Salmo 11
Ñayii sa'a ja va'a ja ndaa ma chi maa Su'si ma kasi ña'a te kaku i nuu ja u'vi ma
1Nuu Iya Tátnuni ma kúkanu ini sa, te kaku sa nuu ja u'vi ma.
¿Nava'a ka ka'an ñayii ma nuu sa ja na kunu sa onde yuku ma
sukan ka ndava lasaa ma?
2Jin konde'ya ni ja ñayii ka sa'a ja u'vi ma
chi jâ ka iyo tu'va i nuu iyo yu'u ma.
Ka yinda'a i kuji i ma, ji'in flecha i ma.
Sani te jin kani i nuu ka iyo ñayii
ka iyo ndaa ini anua i ma nuu Su'si ma.
3Nute naa ñuu ñayivi a,
¿nawa sa'a ñayii sa'a ja va'a ja ndaa ma?
4Iya Tátnuni ma, iyo ya ini veñu'u ii ya ma.
Onde andivi ma iyo nuu núkoo Iya Tátnuni ma,
te nde'ya ya ji'in nduchinuu ya ma
sukan ka sa'a ka kuu ñayii ma.
5Iya Tátnuni ma, jitotnuni ya ñayii ka sa'a ja va'a ja ndaa ma
nú inundija i ja ka kukanu ini i ya ma.
Kovaa ñayii ka sa'a ja u'vi ma
te ka jatna ini i ja ka sa'a ndeva'a i ñayii nda'vi ma,
onde ini anua ya ma saxiko ya i.
6Sa'a ya ja siki ñayii sa'a ja u'vi ma,
in jichi‑ni jin ndajinu kua'a ja u'vi ja jâ ni sa'a maa i ma,
te sa'a ya ja jaki'i tachi ma,
sukan‑va'a ndakonduu ña'a ñu'u káyu kóko ji'in azufre ma,
te sukan ndando'o ndaneni maa i.
7Vaa Iya Tátnuni ma chi iya sa'a ja va'a ja ndaa kúu ya,
te játna ini ya ja sa'a ya ja va'a ja ndaa ma.
Chukan kúu ja ñayii sa'a ja va'a ma
chi kenda kivi ja nuu nuu i jin konde'ya tna'a i ji'in ya.
Currently Selected:
Salmos 11: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
