Salmos 32
32
Salmo 32
Naka va'a kúu o ja ni sakanu ini ña'a Iya Tátnuni ma
1¡Naka vii naka va'a kúu ñayii
ja jâ ni sakanu ini Iya Tátnuni ma kuechi i ma
te ni ka naa ndaka ja u'vi ni yo sa'a i ma!
2¡Naka vii naka va'a kúu ñayii
ja ñatuu ndánduku‑ka Iya Tátnuni ma
ndaka ja u'vi ni yo sa'a i ma
te ndakan‑ka ya kuenda nuu i ma,
te ini anua i ma ñatuu‑ka na tnu'u xnda'vi tna'a iyo!
3Nani ni jasiyu'u sa kuechi sa ma, te yikikuñu sa ma,
ni kuita‑nka i ja ni tnana u'vi sa nii nduu ma,
4vaa nduu ma ji'in jakuaa ma ni yo kuvee nda'a ni a siki sa a,
te ni nduu sa sukan ka nduu ita ma ja ka xii i ma.
Sukan kúu tiempu i'ni xeen ma, sukan ni kuita sa.
5Te ni ndaka'an ni ndakachi sa kuechi sa ma nuu ni a,
te ñatuu ni chu'u sa ja u'vi ni yo sa'a sa ma.
Ni jani ini sa:
“Ndáka'an ndákachi o ndaka kuechi o ma nuu Iya Tátnuni ma”,
te ni sakanu ini ña'a ni kuechi sa ma,
ji'in ja u'vi ni yo sa'a sa ma, vi Su'si.
6Visi na yanduu ndute ma nuu ñu'u de ma te ndakana de,
kovaa masu kenda de nuu ka iyo ñayii ma.
Te sukan kúu ni ji'in ñayii ka iyo va'a nuu ni ma
chi ka jikan‑ta'vi i nuu ni ora ka kuxii xeen ini i ma,
te maa ni chi chíndee ni i.
7Maa ni kúu nuu kuu chu'u sa,
te ko koto va'a ña'a ni nuu kua'an nuu vee sa ma,
te ñatuu nawa ndo'o sa,
te ndimaa ko kata sa yaa ja ka ka'an ja ni sa'a ni
ja jâ ni kaku sa nuu ja u'vi ma.
8Te sa'a ká'an Su'si o a:
“Sa'a sa ja jaku'ni ini ni, te kaxtnu'u sa ichi ko kaka ni,
te kaxtnu'u sa tnu'u ndichi nuu ni a, te ko koto ña'a sa.
9Máko kuu ni sukan kúu in caballu xi sukan kúu in mula,
ja ñatuu ka jaku'ni ini ti ma, vaa inundee xeen ini ti,
te nde nini ja jin kinee kaa yu'u ti ma
te jin konu'ni i ji'in in yo'o,
vaa nú ña'a chi másu jan koo ti jan tu'va ña'a ti”,
kúu ya ká'an ya.
10Ñayii ñatuu ka kandija ja ká'an Iya Tátnuni ma
chi kua'a xeen ja jin ndo'o jin neni i,
kovaa ñayii ka kukanu ini Iya Tátnuni ma
chi ka ndakonduu ña'a ja nda'vi ini ña'a ya ma.
11Jin koo sii ini ni nuu Iya Tátnuni ma, te jin koo sii ini xeen ni,
ja ka kuu ni ñayii ka sa'a ja va'a ja ndaa ma,
te jin kata ndaka ni, ja ka kuu ni ñayii ka iyo ndaa ini anua ni a
nuu Su'si ma.
Currently Selected:
Salmos 32: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Salmos 32
32
Salmo 32
Naka va'a kúu o ja ni sakanu ini ña'a Iya Tátnuni ma
1¡Naka vii naka va'a kúu ñayii
ja jâ ni sakanu ini Iya Tátnuni ma kuechi i ma
te ni ka naa ndaka ja u'vi ni yo sa'a i ma!
2¡Naka vii naka va'a kúu ñayii
ja ñatuu ndánduku‑ka Iya Tátnuni ma
ndaka ja u'vi ni yo sa'a i ma
te ndakan‑ka ya kuenda nuu i ma,
te ini anua i ma ñatuu‑ka na tnu'u xnda'vi tna'a iyo!
3Nani ni jasiyu'u sa kuechi sa ma, te yikikuñu sa ma,
ni kuita‑nka i ja ni tnana u'vi sa nii nduu ma,
4vaa nduu ma ji'in jakuaa ma ni yo kuvee nda'a ni a siki sa a,
te ni nduu sa sukan ka nduu ita ma ja ka xii i ma.
Sukan kúu tiempu i'ni xeen ma, sukan ni kuita sa.
5Te ni ndaka'an ni ndakachi sa kuechi sa ma nuu ni a,
te ñatuu ni chu'u sa ja u'vi ni yo sa'a sa ma.
Ni jani ini sa:
“Ndáka'an ndákachi o ndaka kuechi o ma nuu Iya Tátnuni ma”,
te ni sakanu ini ña'a ni kuechi sa ma,
ji'in ja u'vi ni yo sa'a sa ma, vi Su'si.
6Visi na yanduu ndute ma nuu ñu'u de ma te ndakana de,
kovaa masu kenda de nuu ka iyo ñayii ma.
Te sukan kúu ni ji'in ñayii ka iyo va'a nuu ni ma
chi ka jikan‑ta'vi i nuu ni ora ka kuxii xeen ini i ma,
te maa ni chi chíndee ni i.
7Maa ni kúu nuu kuu chu'u sa,
te ko koto va'a ña'a ni nuu kua'an nuu vee sa ma,
te ñatuu nawa ndo'o sa,
te ndimaa ko kata sa yaa ja ka ka'an ja ni sa'a ni
ja jâ ni kaku sa nuu ja u'vi ma.
8Te sa'a ká'an Su'si o a:
“Sa'a sa ja jaku'ni ini ni, te kaxtnu'u sa ichi ko kaka ni,
te kaxtnu'u sa tnu'u ndichi nuu ni a, te ko koto ña'a sa.
9Máko kuu ni sukan kúu in caballu xi sukan kúu in mula,
ja ñatuu ka jaku'ni ini ti ma, vaa inundee xeen ini ti,
te nde nini ja jin kinee kaa yu'u ti ma
te jin konu'ni i ji'in in yo'o,
vaa nú ña'a chi másu jan koo ti jan tu'va ña'a ti”,
kúu ya ká'an ya.
10Ñayii ñatuu ka kandija ja ká'an Iya Tátnuni ma
chi kua'a xeen ja jin ndo'o jin neni i,
kovaa ñayii ka kukanu ini Iya Tátnuni ma
chi ka ndakonduu ña'a ja nda'vi ini ña'a ya ma.
11Jin koo sii ini ni nuu Iya Tátnuni ma, te jin koo sii ini xeen ni,
ja ka kuu ni ñayii ka sa'a ja va'a ja ndaa ma,
te jin kata ndaka ni, ja ka kuu ni ñayii ka iyo ndaa ini anua ni a
nuu Su'si ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.