Salmos 37
37
Salmo 37
Máko sanuu ni ja kúu maa ñayii sa'a ja u'vi ma vaa masu kani‑ni ki'in i
1Ndijin ja kúkanu ini ni Iya Tátnuni ma,
máko ndakiti ini ni ja kuechi ja ka sa'a ka kuu
maa ñayii ka sa'a ja u'vi ma,
te máko ko kukueñu ini ni ja ndaka ja u'vi ka sa'a i ma.
2Vaa masu kani‑ni jin koo i, vaa sukan ka kuu yi'i ma,
ja kuii kuii ka iyo i ma te sani te jin yichi i ma,
sukan‑ni ka kuu ñayii yukan.
3Va'a‑ka ja na kukanu ini ni Iya Tátnuni ma,
te ko sa'a ni ja va'a ma,
sukan‑va'a koo ni nuu ñu'ú taa Su'si ma.
Te tnu'u ndaa tnu'u ndija ya ma, skaka ña'a i ichi va'a ma.
4Te koo sii ini ni ja iyo ni ji'in Iya Tátnuni ma,
te maa ya taa ndaka nawa jikan‑ta'vi ni nuu ya ma,
ndaka ja ñu'u ini ni ja sa'a ni ma.
5Sonee ni nuu nda'a Iya Tátnuni ma
ndaka tnundo'o tnuneni ni ma,
ji'in ndenu kua'an ndenu vee ni ma,
ji'in ndaka nawa sa'a nawa kúu ni ma.
Te kukanu ini ni ya, te sa'a ya sukan kúni ni ja sa'a ya ma.
6Te maa ya sa'a ja ndaka ja vii ja va'a sa'a ni ma,
te ndito ndito kona'a sukan kaji kaji ndíi ora sava nduu ma.
7Kasiyu'u ni, te kondetu ni, te kuni ni ja sa'a maa Iya Tátnuni ma.
Te máko kuyachi ini ni te ko ndakiti ini ni
nuu ñayii ni'i tna'a iyo ñuu ñayivi a te sa'a i ja u'vi ma.
8Máko kua'a ni tnu'u ja ko ndakiti ini ni,
su'va xnaa ni ndaka chukan ini anua ni a.
Vaa nuna ndakiti ini ni ma chi ka'vi‑ka ko kuu.
9Vaa ñayii sa'a ja u'vi ma chi xnaa Su'si ma i,
kovaa ñayii ka kukanu ini Iya Tátnuni ma
chi jin kuta'vi i in ñu'ú va'a‑ka ma.
10Vaa masu kua'a‑nka‑ni,
te ñatuu‑ka na ñayii ka sa'a ja u'vi ma jin koo.
Te jin kuni ni ja nuu ni ka iyo i ma
másu na ñayii yukan‑ka ka iyo.
11Kovaa ñayii inukuee ini ma chi jin kuta'vi i in ñu'ú va'a,
te sii ini‑ni jin ndatatu i, te jin koo mani ndaka i.
12Ñayii sa'a ja u'vi ma
chi ndúku i naxe sa'a u'vi i ñayii sa'a ja va'a ma,
te ûni ndákaa ndi'i i nu'u i ma
ja ndákiti ini i nuu ñayii nda'vi ma.
13Kovaa Su'si ma chi jákundee‑ni ya i,
vaa jâ ve kuyatni kivi ja skenaa i maa i.
14Te ndaka ñayii ka sa'a ja u'vi ma,
ka kene'e i yuchi kúu espada i ma,
te ka ndasatu'va i kuji i ma,
sukan‑va'a jin ka'ni i ñayii nda'vi ma,
ñayii ñatuu nawa ni'i tna'a i ma, ñayii ñatuu na kuechi i ma.
Ndaka ñayii nda'vi ma jin xnaa i ka kuni i.
15Kovaa maa yuchi kúu espada i ma ndaka'ni ña'a,
te kuji i ma chi tna'nu, te kukuechi kulikin,
sukan‑va'a masu kuu jin sa'a i ja ka ñu'u ini i ma.
16Ja va'a‑ka kúu visi vala‑ni ja neva'a ñayii sa'a ja va'a ma
sana ja kua'a xeen‑ka ja ka neva'a ñayii ka kuxiku ma
te ka sa'a i ja u'vi ma.
17Vaa Iya Tátnuni ma chi xnaa ya ñayii ka sa'a ja u'vi ma,
kovaa ñayii ka sa'a ja va'a ma chi ko koto va'a ya i.
18Iya Tátnuni ma chi jini ya naxe jin ko kuu
ñayii ka sa'a ja vii ja va'a ma,
te ja jin ko kuu ta'vi i ma chi ni‑kani ni‑jika jin koneva'a i.
19Ñayii ya'a chi masu nawa jin kukan‑nuu i
kivi kenda tnundo'o tnuneni ma.
Visi na kenda tnama ma, kovaa ñayii ya'a chi koo ja jin kaa i,
te masu nawa ko ka'ni ña'a i.
20Kovaa ñayii ñatuu ka kunimani nuu Iya Tátnuni ma
chi jin skenaa i maa i,
te jin kayu i, sukan káyu xe'en ndikachi ma,
te jin naa i, sukan náa ñu'ma ma.
21Ñayii sa'a tna'a ja másu nde játna ini Su'si ma chi jikan‑nuu i,
te masu nde ndákua'a i.
Kovaa ñayii sa'a ja va'a ja ndaa ma chi kúnda'vi ini i,
te wa'a i nawa jiniñu'u in‑ka ñayii ma.
22Te ñayii ká'an ya ja sa'a i ja va'a ma
chi jin ndani'i ta'vi i in ñu'ú va'a,
kovaa ñayii ja ká'an u'vi ya ja jin kuu i ma chi xnaa ya i.
23Ñayii sa'a ja va'a ma
chi maa Iya Tátnuni ma skaka ña'a ichi va'a ma.
24Te visi kuenda tnu'u ja kotuu i kúni i,
kovaa maa ya chindee ña'a, te masu kotuu i.
25Ñayii jaa ni yo kuu sa, te vitna chi jâ ni kuu nija'nu sa,
te ñatuu nde jini sa ni‑in ñayii sa'a ja va'a ja ndaa ma,
te kendoo nda'vi kendoo kee i,
ni a sa'ya tata i ma, ñatuu nde ka ka'an kuechi i
ja ñatuu nawa ka ni'i i ja jin kaa i ma.
26Su'va ndimaa kúnda'vi ini i ñayii nda'vi ma,
te wanuu i nawa ka jiniñu'u ñayii nda'vi ma,
te ja sukan sa'a i ma,
vivii jin ko ni'i jin ko tna'a sa'ya tata i ma.
27Skendoo ni ja u'vi ma, te sa'a ni ja va'a ma,
te koteku ni ni‑kani ni‑jika.
28Vaa Iya Tátnuni ma chi játna ini ya
ja jin ko sa'a o ja va'a ja ndaa ma,
te nú sukan na jin ko sa'a o ma
chi másu xndoo nda'vi ña'a ya
chi su'va ni‑kani ni‑jika ko koto va'a ña'a ya.
Kovaa ñayii ka sa'a ja u'vi ma chi xnaa ya sa'ya tata i ma.
29Te ñayii ka sa'a ja vii ja va'a ma,
jin nduta'vi i in ñu'ú jaa,
te yukan jin koo i ni‑kani ni‑jika.
30Te ñayii sa'a ja vii ja va'a ma
chi ndimaa tnu'u ndichi ma ji'in tnu'u ndaa tnu'u ndija ma
ká'an i.
31Vaa tnu'u tátnuni Su'si o ma, chukan ñu'u ini anua i ma,
te chukan kúu ja masu kotuu i.
32Kovaa ñayii sa'a ja u'vi ma chi jito yu'u i
na ora kuu ka'ni i ñayii sa'a ja va'a ja ndaa ma.
33Kovaa Iya Tátnuni ma chi masu kua'a ya tnu'u
ja sa'a i sukan jani ini i ma,
te ni masu kua'a ya tnu'u ja xndo'o xneni i ñayii yukan.
34Kukanu ini ni Iya Tátnuni ma, te sa'a ni sukan tátnuni ya ma,
te maa ya sa'a ja koo jayiñu'u ni, te koo ni in ñu'ú jaa,
te kuni ni sukan sa'a ya ma,
ja xnaa ya ndaka ñayii ka sa'a ja u'vi ma.
35Te ni jini sa ja ñayii sa'a ja u'vi ma
ja kúnuu maa i tátnuni i ma,
te jani ini i ja kuenda tnu'u
ja sukan kúu in yutnu ka'nu ka'nu
te ni jiko nda'a tnu ma, sukan kúu i.
36Kovaa sani te ni ji'i i, te ñatuu nde iyo‑ka i,
te ni ndanduku sa i, te ñatuu nde ni ndani'i‑ka sa i.
37Kovaa jín konde'ya o ja ñayii ni‑yu'u ni‑ini i ndikin i Su'si ma,
chi ni'i i ja vii ja va'a kivi ki'in o ma,
vaa ni yo iyo mani i ji'in ndaka ñayii ma.
38Te ndaka ñayii ni ka yo sakanuu, ni ka yo sakani'ni ma
te ndimaa ja u'vi ni ka yo sa'a i ma
chi xnaa ya ndaka sa'ya tata i ma, te masu jin koteku‑ka i.
39Kovaa ñayii ka sa'a ja vii ja va'a ma
chi maa Iya Tátnuni ma sa'a ja jin kaku i nuu ja u'vi ma,
te nuu maa ya ma, kúu nuu kuu jin chu'u i
kivi kenda tnundo'o tnuneni ma.
40Maa Iya Tátnuni ma sa'a ja jin kaku i
nuu ñayii ka sa'a ja u'vi ma,
vaa nuu maa in‑ni ya ni ka kukanu ini i.
Currently Selected:
Salmos 37: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Salmos 37
37
Salmo 37
Máko sanuu ni ja kúu maa ñayii sa'a ja u'vi ma vaa masu kani‑ni ki'in i
1Ndijin ja kúkanu ini ni Iya Tátnuni ma,
máko ndakiti ini ni ja kuechi ja ka sa'a ka kuu
maa ñayii ka sa'a ja u'vi ma,
te máko ko kukueñu ini ni ja ndaka ja u'vi ka sa'a i ma.
2Vaa masu kani‑ni jin koo i, vaa sukan ka kuu yi'i ma,
ja kuii kuii ka iyo i ma te sani te jin yichi i ma,
sukan‑ni ka kuu ñayii yukan.
3Va'a‑ka ja na kukanu ini ni Iya Tátnuni ma,
te ko sa'a ni ja va'a ma,
sukan‑va'a koo ni nuu ñu'ú taa Su'si ma.
Te tnu'u ndaa tnu'u ndija ya ma, skaka ña'a i ichi va'a ma.
4Te koo sii ini ni ja iyo ni ji'in Iya Tátnuni ma,
te maa ya taa ndaka nawa jikan‑ta'vi ni nuu ya ma,
ndaka ja ñu'u ini ni ja sa'a ni ma.
5Sonee ni nuu nda'a Iya Tátnuni ma
ndaka tnundo'o tnuneni ni ma,
ji'in ndenu kua'an ndenu vee ni ma,
ji'in ndaka nawa sa'a nawa kúu ni ma.
Te kukanu ini ni ya, te sa'a ya sukan kúni ni ja sa'a ya ma.
6Te maa ya sa'a ja ndaka ja vii ja va'a sa'a ni ma,
te ndito ndito kona'a sukan kaji kaji ndíi ora sava nduu ma.
7Kasiyu'u ni, te kondetu ni, te kuni ni ja sa'a maa Iya Tátnuni ma.
Te máko kuyachi ini ni te ko ndakiti ini ni
nuu ñayii ni'i tna'a iyo ñuu ñayivi a te sa'a i ja u'vi ma.
8Máko kua'a ni tnu'u ja ko ndakiti ini ni,
su'va xnaa ni ndaka chukan ini anua ni a.
Vaa nuna ndakiti ini ni ma chi ka'vi‑ka ko kuu.
9Vaa ñayii sa'a ja u'vi ma chi xnaa Su'si ma i,
kovaa ñayii ka kukanu ini Iya Tátnuni ma
chi jin kuta'vi i in ñu'ú va'a‑ka ma.
10Vaa masu kua'a‑nka‑ni,
te ñatuu‑ka na ñayii ka sa'a ja u'vi ma jin koo.
Te jin kuni ni ja nuu ni ka iyo i ma
másu na ñayii yukan‑ka ka iyo.
11Kovaa ñayii inukuee ini ma chi jin kuta'vi i in ñu'ú va'a,
te sii ini‑ni jin ndatatu i, te jin koo mani ndaka i.
12Ñayii sa'a ja u'vi ma
chi ndúku i naxe sa'a u'vi i ñayii sa'a ja va'a ma,
te ûni ndákaa ndi'i i nu'u i ma
ja ndákiti ini i nuu ñayii nda'vi ma.
13Kovaa Su'si ma chi jákundee‑ni ya i,
vaa jâ ve kuyatni kivi ja skenaa i maa i.
14Te ndaka ñayii ka sa'a ja u'vi ma,
ka kene'e i yuchi kúu espada i ma,
te ka ndasatu'va i kuji i ma,
sukan‑va'a jin ka'ni i ñayii nda'vi ma,
ñayii ñatuu nawa ni'i tna'a i ma, ñayii ñatuu na kuechi i ma.
Ndaka ñayii nda'vi ma jin xnaa i ka kuni i.
15Kovaa maa yuchi kúu espada i ma ndaka'ni ña'a,
te kuji i ma chi tna'nu, te kukuechi kulikin,
sukan‑va'a masu kuu jin sa'a i ja ka ñu'u ini i ma.
16Ja va'a‑ka kúu visi vala‑ni ja neva'a ñayii sa'a ja va'a ma
sana ja kua'a xeen‑ka ja ka neva'a ñayii ka kuxiku ma
te ka sa'a i ja u'vi ma.
17Vaa Iya Tátnuni ma chi xnaa ya ñayii ka sa'a ja u'vi ma,
kovaa ñayii ka sa'a ja va'a ma chi ko koto va'a ya i.
18Iya Tátnuni ma chi jini ya naxe jin ko kuu
ñayii ka sa'a ja vii ja va'a ma,
te ja jin ko kuu ta'vi i ma chi ni‑kani ni‑jika jin koneva'a i.
19Ñayii ya'a chi masu nawa jin kukan‑nuu i
kivi kenda tnundo'o tnuneni ma.
Visi na kenda tnama ma, kovaa ñayii ya'a chi koo ja jin kaa i,
te masu nawa ko ka'ni ña'a i.
20Kovaa ñayii ñatuu ka kunimani nuu Iya Tátnuni ma
chi jin skenaa i maa i,
te jin kayu i, sukan káyu xe'en ndikachi ma,
te jin naa i, sukan náa ñu'ma ma.
21Ñayii sa'a tna'a ja másu nde játna ini Su'si ma chi jikan‑nuu i,
te masu nde ndákua'a i.
Kovaa ñayii sa'a ja va'a ja ndaa ma chi kúnda'vi ini i,
te wa'a i nawa jiniñu'u in‑ka ñayii ma.
22Te ñayii ká'an ya ja sa'a i ja va'a ma
chi jin ndani'i ta'vi i in ñu'ú va'a,
kovaa ñayii ja ká'an u'vi ya ja jin kuu i ma chi xnaa ya i.
23Ñayii sa'a ja va'a ma
chi maa Iya Tátnuni ma skaka ña'a ichi va'a ma.
24Te visi kuenda tnu'u ja kotuu i kúni i,
kovaa maa ya chindee ña'a, te masu kotuu i.
25Ñayii jaa ni yo kuu sa, te vitna chi jâ ni kuu nija'nu sa,
te ñatuu nde jini sa ni‑in ñayii sa'a ja va'a ja ndaa ma,
te kendoo nda'vi kendoo kee i,
ni a sa'ya tata i ma, ñatuu nde ka ka'an kuechi i
ja ñatuu nawa ka ni'i i ja jin kaa i ma.
26Su'va ndimaa kúnda'vi ini i ñayii nda'vi ma,
te wanuu i nawa ka jiniñu'u ñayii nda'vi ma,
te ja sukan sa'a i ma,
vivii jin ko ni'i jin ko tna'a sa'ya tata i ma.
27Skendoo ni ja u'vi ma, te sa'a ni ja va'a ma,
te koteku ni ni‑kani ni‑jika.
28Vaa Iya Tátnuni ma chi játna ini ya
ja jin ko sa'a o ja va'a ja ndaa ma,
te nú sukan na jin ko sa'a o ma
chi másu xndoo nda'vi ña'a ya
chi su'va ni‑kani ni‑jika ko koto va'a ña'a ya.
Kovaa ñayii ka sa'a ja u'vi ma chi xnaa ya sa'ya tata i ma.
29Te ñayii ka sa'a ja vii ja va'a ma,
jin nduta'vi i in ñu'ú jaa,
te yukan jin koo i ni‑kani ni‑jika.
30Te ñayii sa'a ja vii ja va'a ma
chi ndimaa tnu'u ndichi ma ji'in tnu'u ndaa tnu'u ndija ma
ká'an i.
31Vaa tnu'u tátnuni Su'si o ma, chukan ñu'u ini anua i ma,
te chukan kúu ja masu kotuu i.
32Kovaa ñayii sa'a ja u'vi ma chi jito yu'u i
na ora kuu ka'ni i ñayii sa'a ja va'a ja ndaa ma.
33Kovaa Iya Tátnuni ma chi masu kua'a ya tnu'u
ja sa'a i sukan jani ini i ma,
te ni masu kua'a ya tnu'u ja xndo'o xneni i ñayii yukan.
34Kukanu ini ni Iya Tátnuni ma, te sa'a ni sukan tátnuni ya ma,
te maa ya sa'a ja koo jayiñu'u ni, te koo ni in ñu'ú jaa,
te kuni ni sukan sa'a ya ma,
ja xnaa ya ndaka ñayii ka sa'a ja u'vi ma.
35Te ni jini sa ja ñayii sa'a ja u'vi ma
ja kúnuu maa i tátnuni i ma,
te jani ini i ja kuenda tnu'u
ja sukan kúu in yutnu ka'nu ka'nu
te ni jiko nda'a tnu ma, sukan kúu i.
36Kovaa sani te ni ji'i i, te ñatuu nde iyo‑ka i,
te ni ndanduku sa i, te ñatuu nde ni ndani'i‑ka sa i.
37Kovaa jín konde'ya o ja ñayii ni‑yu'u ni‑ini i ndikin i Su'si ma,
chi ni'i i ja vii ja va'a kivi ki'in o ma,
vaa ni yo iyo mani i ji'in ndaka ñayii ma.
38Te ndaka ñayii ni ka yo sakanuu, ni ka yo sakani'ni ma
te ndimaa ja u'vi ni ka yo sa'a i ma
chi xnaa ya ndaka sa'ya tata i ma, te masu jin koteku‑ka i.
39Kovaa ñayii ka sa'a ja vii ja va'a ma
chi maa Iya Tátnuni ma sa'a ja jin kaku i nuu ja u'vi ma,
te nuu maa ya ma, kúu nuu kuu jin chu'u i
kivi kenda tnundo'o tnuneni ma.
40Maa Iya Tátnuni ma sa'a ja jin kaku i
nuu ñayii ka sa'a ja u'vi ma,
vaa nuu maa in‑ni ya ni ka kukanu ini i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.