Sunda hi suma a sunuzinid’a 16
16
Timote mi i ad’u Paul azi ki Silas
1Paul mi mba Derbe ki Listre. Sama mi he gagazid’ina mi nga kua, simiyêm ala Timote. Asumî gor ra Juif-fa, ni d’a he gagazid’id’a, wani abumî ma Gre’â. 2B’oziyoi suma Listre-na ki suma Ikoniyum-ma a nga yorom heî mi. 3Paul mi min á i ki sed’emu, mi vumu, mi ngad’am bayâd’a, kayam Juif suma a nga ata yi mámina, kayam azi we pet ala abumî ma Gre’â. 4Kid’a azi nga kal kur azì ma nglona tetenga, a nga gat suma a he gagazid’ina kayam a ngom zla d’a suma a sunuzina ki suma nglo suma Jerusalem-ma a ndjak vunazi kata. 5Kayam ndata, suma toka a nga sira kur he gagazid’a, a nga zul avogovok burâ ki burâ mi.
Vana nde tam mbei ir Paul avo Trowas
6Muzuk ma bei tchod’a ba na mi d’elezi á tchi wal zlad’a hAlonid’a yam andaga d’a Asi-d’a. Kayam ndata, azi kal kur andaga d’a Frizi-d’a ki d’a Galat-ta. 7Kid’a azi mba go ki Misi-d’a, azi min á i Bitini, wani Muzu’â hi Jesus-na mi arazi nga lovota d’i. 8Kayam ndata, azi kal kur Misi, a i Trowas. 9Kur andjege ndata, vana nde tam mbei ir Paul. Mi we sama Maseduwan-na mi nga tchola, nga mi tchenem ala: Ang mbeï Maseduwan, ang ndjunumiya. 10Kid’a vana nde tam mbei iram dad’a, ata yi máma na wat, ami halami lovota á imi Maseduwan, ami djib’eremi ala Alona mi yami ni mam á tchazi wal Zla d’a Djivid’a.
Lidi ti he gagazid’a mi Salad’a avo Filip
11Ami djagami kur batod’a avo Trowas, ami ngami voromi yam til la Samotras-sa, ndjivinda ami kalami Neyapolis. 12Ami tcholomi kua, imi kur azì ma Filip-ma. Ni azì ma ngol ma avo’â kur ambas sa Maseduwan-nda, nandagad’a hi Romê-nid’a mi. Ami lami burâ ablaud’a kur azì ma ngol máma. 13Kur bur ma sabatna, ami buzugumi woi avun azina á imi avun aluma. Ami djib’eremi ala ami fami ni yima tchen Alona yam Juif-fâ. Ami kagami kä, nga dami zlad’a marop suma a nga toka kuana. 14Atcha d’a dinga, simiyêt ala Lidi, ti hum zla mamid’a. Natcha d’a kur azì ma ngol ma Tiyatir-rîd’a ni d’a nga d’i gus baru d’a hleud’a woid’a, ni d’a nga d’i kud’or Alonid’a. Salad’a mi malat hurut á hum zla d’a Paul nga mi data. 15Kid’a ami lat batemba ki suma avo hatatna peta, ti tchenemi ala: Le agi wan ala an natcha d’a d’engzenga avok Salad’a ni, agi mbeï kagagi avo hatanu. Ti labami gak ami imi ki sed’ed’u.
Paul azi ki Silas a nga kur dangeina avo Filip
16Kid’a ami nga imi ata yima tchendid’a, gor ra sunda djop fileina ti ngavamiya, ni d’a suliyotna a nga fe beged’a yam filei mat ma djopa heîd’a. 17Ti nga d’i tit ad’umi ki Paul, ti er ad’ut akulo ala: Suma wana nazungeîna hAlo ma sä akulo ma kal teglesîna. Azi nga ni tchagi ni wal lovot ta igi kur sutid’a. 18Ti le hina burâ ngola. Ata yi máma, Paul hurum zala, mi mbut iram mi de mi muzuk ma tcho máma ala: An hang vuna ki simiyê Jesus Christ, ang nde woi kurud’u. Ata yi máma na wat, mi nde woi mi.
19Ata yima suliyotna a we va mazi ma fe beged’a pat tei dad’a, a ve Paul azi ki Silas, a tanazi ad’u su’â avok suma te yamba. 20Kid’a a mbazi avok suma nglo suma Romê-nid’a, a dazi ala: Suma wana ni Juif-fâ, a nga b’lagei azì mei ma ngolâ. 21Azi nga hat ahle suma gat meid’a d’elei kazina, nahle suma ei Romê-na ndak á vazi ngomozi d’uo na. 22Ablau suma pet a tchol akulo, a ndjak vunazi kaziya. Suma nglona a fogozi baru mazina woyo, a he vuna ala a tozi ki tutuguyona. 23Kid’a azi tozi ngola heîd’a, a tchuguzi dangeina, a he vuna mi ma ngol ma ngom vun gong nga dangeinina ala mi ngomozi djiviya. 24Kid’a mi hum gat mazid’a humba, mi tchuguzi kur gong nga dangei d’a azuta, mi tchuguzi aleina asezi mi.
25Wani tcha andjege dangâla, Paul azi ki Silas a nga tchen Alona, a nga gilem ki sawala. Suma dangeina a nga humuziya. 26Atogo hina zak, andagad’a yir ngola, gak ad’u gong nga dangeina yir mi. Ata yi máma na wat, vun gongîyo suma dangeina a mal leyo, kindjing ma a djin ki suma dangeinina pet mi galal lei mi. 27Kid’a ma ngol ma ngom vun gong nga dangeina mi zlit akulod’a, mi we vun gongîyo suma dangeina a mal leyo, mi pat mbigeu mam mba fiyaka á tchi tamu, kayam mi djib’er ala suma dangeina pet a ring wa.
28Wani Paul mi de ki delem akulo ala: Ang tchi tang ngi, ami pet nga ka hî.
29Ma ngol ma ngom vun gong nga dangeinina mi yala a humï akud’a, mi ring klaviya, mi ge tam kä avok Paul azi ki Silas, nga mi zlaga. 30Mi buzuguzi woi abua, mi djobozi ala: Agi suma nglona, an le ni nana ba, ni fe suta ge?
31Azi dum ala: Ang he gagazid’a mi Salad’a Jesus, ang mba fe suta ki suma avo hatangâ pet. 32Azi dum zlad’a hi Salad’id’a ki suma avo hatama pet. 33Kur andjege ndata, mi yoziya, mi mbuzuzi mbilizi woyo. Ata yi máma na wat, a lum batemba ki suma avo hatama pet. 34Mi i ki Paul azi ki Silas avo hatamu, mi hazi tena, mi le furîd’a zlapa ki suma avo hatama pet, kayam azi he gagazid’a yam Alona.
35Kid’a yina mi fo dad’a, suma nglo suma Romê-na a sunï suma sunda gen ma ngol ma ngom vun gong nga dangeinina ala: Ang tchuk sum ndazina akulo, a iya.
36Ma ngol ma ngom vun gong nga dangeinina mi de mi Paul ala: Suma ka sariyad’a a sunï ala an tchugugi akulo. Kayam ndata, agi buzugugiya, agi igi lafiya.
37Wani Paul mi dazi ala: A tomi woi ir suma pet bei ka sariyad’a kamiya, ami suma ala ni Romê-na na. Wani ki tchetchemba, azi min tchugumi akulo ki ngeid’a? Nga na d’i! Ar azi tazid’a a mba a tchugumi akulo.
38Suma a sunuzina a hulong a de zla ndata mi suma nglona. Kid’a azi hum ala Paul azi ki Silas ni suma Romê-na d’a, azi mbut mandarâ. 39Azi mba á labaziya. Kid’a a buzuguzi woi abud’a, a tchenezi ala a arazi azì mazi ma ngolâ. 40Kid’a azi buzuk kei kur dangeinid’a, azi kal avo hi Lidi. Bugol la azi gol b’oziyozina gola a gigid’ezi mi d’a, a iya.
Currently Selected:
Sunda hi suma a sunuzinid’a 16: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Sunda hi suma a sunuzinid’a 16
16
Timote mi i ad’u Paul azi ki Silas
1Paul mi mba Derbe ki Listre. Sama mi he gagazid’ina mi nga kua, simiyêm ala Timote. Asumî gor ra Juif-fa, ni d’a he gagazid’id’a, wani abumî ma Gre’â. 2B’oziyoi suma Listre-na ki suma Ikoniyum-ma a nga yorom heî mi. 3Paul mi min á i ki sed’emu, mi vumu, mi ngad’am bayâd’a, kayam Juif suma a nga ata yi mámina, kayam azi we pet ala abumî ma Gre’â. 4Kid’a azi nga kal kur azì ma nglona tetenga, a nga gat suma a he gagazid’ina kayam a ngom zla d’a suma a sunuzina ki suma nglo suma Jerusalem-ma a ndjak vunazi kata. 5Kayam ndata, suma toka a nga sira kur he gagazid’a, a nga zul avogovok burâ ki burâ mi.
Vana nde tam mbei ir Paul avo Trowas
6Muzuk ma bei tchod’a ba na mi d’elezi á tchi wal zlad’a hAlonid’a yam andaga d’a Asi-d’a. Kayam ndata, azi kal kur andaga d’a Frizi-d’a ki d’a Galat-ta. 7Kid’a azi mba go ki Misi-d’a, azi min á i Bitini, wani Muzu’â hi Jesus-na mi arazi nga lovota d’i. 8Kayam ndata, azi kal kur Misi, a i Trowas. 9Kur andjege ndata, vana nde tam mbei ir Paul. Mi we sama Maseduwan-na mi nga tchola, nga mi tchenem ala: Ang mbeï Maseduwan, ang ndjunumiya. 10Kid’a vana nde tam mbei iram dad’a, ata yi máma na wat, ami halami lovota á imi Maseduwan, ami djib’eremi ala Alona mi yami ni mam á tchazi wal Zla d’a Djivid’a.
Lidi ti he gagazid’a mi Salad’a avo Filip
11Ami djagami kur batod’a avo Trowas, ami ngami voromi yam til la Samotras-sa, ndjivinda ami kalami Neyapolis. 12Ami tcholomi kua, imi kur azì ma Filip-ma. Ni azì ma ngol ma avo’â kur ambas sa Maseduwan-nda, nandagad’a hi Romê-nid’a mi. Ami lami burâ ablaud’a kur azì ma ngol máma. 13Kur bur ma sabatna, ami buzugumi woi avun azina á imi avun aluma. Ami djib’eremi ala ami fami ni yima tchen Alona yam Juif-fâ. Ami kagami kä, nga dami zlad’a marop suma a nga toka kuana. 14Atcha d’a dinga, simiyêt ala Lidi, ti hum zla mamid’a. Natcha d’a kur azì ma ngol ma Tiyatir-rîd’a ni d’a nga d’i gus baru d’a hleud’a woid’a, ni d’a nga d’i kud’or Alonid’a. Salad’a mi malat hurut á hum zla d’a Paul nga mi data. 15Kid’a ami lat batemba ki suma avo hatatna peta, ti tchenemi ala: Le agi wan ala an natcha d’a d’engzenga avok Salad’a ni, agi mbeï kagagi avo hatanu. Ti labami gak ami imi ki sed’ed’u.
Paul azi ki Silas a nga kur dangeina avo Filip
16Kid’a ami nga imi ata yima tchendid’a, gor ra sunda djop fileina ti ngavamiya, ni d’a suliyotna a nga fe beged’a yam filei mat ma djopa heîd’a. 17Ti nga d’i tit ad’umi ki Paul, ti er ad’ut akulo ala: Suma wana nazungeîna hAlo ma sä akulo ma kal teglesîna. Azi nga ni tchagi ni wal lovot ta igi kur sutid’a. 18Ti le hina burâ ngola. Ata yi máma, Paul hurum zala, mi mbut iram mi de mi muzuk ma tcho máma ala: An hang vuna ki simiyê Jesus Christ, ang nde woi kurud’u. Ata yi máma na wat, mi nde woi mi.
19Ata yima suliyotna a we va mazi ma fe beged’a pat tei dad’a, a ve Paul azi ki Silas, a tanazi ad’u su’â avok suma te yamba. 20Kid’a a mbazi avok suma nglo suma Romê-nid’a, a dazi ala: Suma wana ni Juif-fâ, a nga b’lagei azì mei ma ngolâ. 21Azi nga hat ahle suma gat meid’a d’elei kazina, nahle suma ei Romê-na ndak á vazi ngomozi d’uo na. 22Ablau suma pet a tchol akulo, a ndjak vunazi kaziya. Suma nglona a fogozi baru mazina woyo, a he vuna ala a tozi ki tutuguyona. 23Kid’a azi tozi ngola heîd’a, a tchuguzi dangeina, a he vuna mi ma ngol ma ngom vun gong nga dangeinina ala mi ngomozi djiviya. 24Kid’a mi hum gat mazid’a humba, mi tchuguzi kur gong nga dangei d’a azuta, mi tchuguzi aleina asezi mi.
25Wani tcha andjege dangâla, Paul azi ki Silas a nga tchen Alona, a nga gilem ki sawala. Suma dangeina a nga humuziya. 26Atogo hina zak, andagad’a yir ngola, gak ad’u gong nga dangeina yir mi. Ata yi máma na wat, vun gongîyo suma dangeina a mal leyo, kindjing ma a djin ki suma dangeinina pet mi galal lei mi. 27Kid’a ma ngol ma ngom vun gong nga dangeina mi zlit akulod’a, mi we vun gongîyo suma dangeina a mal leyo, mi pat mbigeu mam mba fiyaka á tchi tamu, kayam mi djib’er ala suma dangeina pet a ring wa.
28Wani Paul mi de ki delem akulo ala: Ang tchi tang ngi, ami pet nga ka hî.
29Ma ngol ma ngom vun gong nga dangeinina mi yala a humï akud’a, mi ring klaviya, mi ge tam kä avok Paul azi ki Silas, nga mi zlaga. 30Mi buzuguzi woi abua, mi djobozi ala: Agi suma nglona, an le ni nana ba, ni fe suta ge?
31Azi dum ala: Ang he gagazid’a mi Salad’a Jesus, ang mba fe suta ki suma avo hatangâ pet. 32Azi dum zlad’a hi Salad’id’a ki suma avo hatama pet. 33Kur andjege ndata, mi yoziya, mi mbuzuzi mbilizi woyo. Ata yi máma na wat, a lum batemba ki suma avo hatama pet. 34Mi i ki Paul azi ki Silas avo hatamu, mi hazi tena, mi le furîd’a zlapa ki suma avo hatama pet, kayam azi he gagazid’a yam Alona.
35Kid’a yina mi fo dad’a, suma nglo suma Romê-na a sunï suma sunda gen ma ngol ma ngom vun gong nga dangeinina ala: Ang tchuk sum ndazina akulo, a iya.
36Ma ngol ma ngom vun gong nga dangeinina mi de mi Paul ala: Suma ka sariyad’a a sunï ala an tchugugi akulo. Kayam ndata, agi buzugugiya, agi igi lafiya.
37Wani Paul mi dazi ala: A tomi woi ir suma pet bei ka sariyad’a kamiya, ami suma ala ni Romê-na na. Wani ki tchetchemba, azi min tchugumi akulo ki ngeid’a? Nga na d’i! Ar azi tazid’a a mba a tchugumi akulo.
38Suma a sunuzina a hulong a de zla ndata mi suma nglona. Kid’a azi hum ala Paul azi ki Silas ni suma Romê-na d’a, azi mbut mandarâ. 39Azi mba á labaziya. Kid’a a buzuguzi woi abud’a, a tchenezi ala a arazi azì mazi ma ngolâ. 40Kid’a azi buzuk kei kur dangeinid’a, azi kal avo hi Lidi. Bugol la azi gol b’oziyozina gola a gigid’ezi mi d’a, a iya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.