Ad’u Tinda 14
14
Abram mi kus yam amuleina
1Wani kur atchogoi ndata, Amrafel amul ma Sinar-râ, Ariyok amul ma Elasar-râ, Kedorlaomer amul ma Elam-ma ki Tidal amul ma Goyim-ma, 2a dur ayîna ki Bera amul ma Sodom-ma, Birsa amul ma Gomor-râ, Sinap amul ma Atma-na, Semeber amul ma Seboyim-ma kamul ma Bela-na, nala Sowar. 3Amulei suma vahl ndazina a ndjak vunazi tu, a i avun hor ra Sidim-mba, nala, Apo d’a Matna. 4Kayam azi le sunda adjeu mi Kedorlaomer bizad’a dogo yam mbà, wani kur biza d’a dogo yam hindid’a a tchol huneîd’a ki sed’emu.
5Kur biza d’a dogo yam fid’id’a, Kedorlaomer kamulei suma nga zlapa ki sed’ema, a kal yam suma Refa suma avo Asterot-Karnayim-ma, suma Zus suma avo Ham-ma, suma Em suma avo Kiriyatayim-ma 6ki suma Hor suma akulo yam ahuniyô mazi suma Seir-râ, a digizi gak a mba yam ambas sa El-Paran-nda go ki vun fulîd’a. 7Azi hulongî a mba kur En-Mispat, nala, Kades, a kus yam suma Amale’â yam andaga mazid’a pet, a kal yam suma Amor suma a nga kaka yam ambas sa Hazazon-Tamar-ra mi.
8Ata yi máma amul ma Sodom-ma, amul ma Gomor-râ, amul ma Atma-na, amul ma Seboyim-ma kamul ma Bela-na, nala, Sowar, azi iya, a min tazi á dur ayîna ki sed’ezi avun hor ra Sidim-mba. 9Azi dur ayîna ki Kedorlaomer amul ma Elam-ma, Tidal amul ma Goyim-ma, Amrafel amul ma Sinar-râ ki Ariyok amul ma Elasar-râ, nala amulei suma fid’i ndazina a nga dur ayîna kamulei suma vahlâ.
10Hor ra Sidim-mba golongeî suma bitim-ma#14.10 bitim: Nala, Ni vama wurana d’igi kanaud’a na. a nga kua heî; amulei suma Sodom-ma ki suma Gomor-râ a wet ringâ, a tchuk kua. Amulei suma a arâ, a ring a ngei yam ahuniyôna. 11Suma a kus ayînina a hurum ahlena hi suma Sodom-ma ki suma Gomor-râ kawu mazina pet mi, a i ki sed’eziya. 12Azi ve Lot Abram wiyema gorom ma nga kaka Sodom-ma kahle mama pet, a i ki sed’ezi mi.
13Sama ringî avun ayînina, mi mba, mi de zla ndata mi Abram ma Hebre ma nga kaka ad’u agu ma nglona hi Mamre ma Amor-rîna. Mamre azi ki b’oziyoma Eskol ki Aner a ve banad’a ki Abram. 14Ata yima Abram mi hum ala a ve wa wiyema goroma, a hurumum wa mi na, mi b’rau ahle suma dur ayîna mi suma a vut avo hatama, azi pet ni kikis hindi yam dogo yam klavandi; azi halazi ad’uzi gak a fazi sä avo Dan. 15Abram mi wal ir sum mama teteng á dur ayîna ki sed’ezi andjege. Azi kal kaziya, a digizi gak a tchuguzi kur azì ma Hoba ma nga abo na norâ hi Damas-sîna. 16Abram mi hulongî ahlena pet, ki wiyema goroma Lot kahligiyem mi, aropma kandjofâ mi.
Melkisedek b’e vunam yam Abram
17Kid’a Abram mi kus yam Kedorlaomer kamulei suma a nga zlapa ki sed’ema kusa, mi hulongîya; amul ma Sodom-ma mi nde woi á ngavam kur hor ra Save-d’a, nala, hora hamulîd’a.
18Melkisedek amul ma Salem-ma ni ma ngat buzuna mAlo ma sä akulo ma kal teglesîna. Mi mba, mi havungôna ki süm guguzlud’a mi Abram. 19Mi b’e vunam yam Abram, mi dala: Alo ma sä akulo ma kal tegles ma lakulod’a kandagad’ina, mi b’e vunam kangû. 20Ei suburi Alo ma sä akulo ma kal tegles ma hang mang suma djangûna abongâ.
Abram mi hum vun ahlena pet suma mam hurumuzï ata yima ayînina, nala, dogo mam pad’am tu, dogo mam pad’am tu.
21Amul ma Sodom-ma mi de mi Abram ala: Ang han suma, ang yo ahlena.
22Abram mi hulong de mamul ma Sodom-ma ala: An hlabon akulo avok Ma didina Alo ma sä akulo ma kal tegles ma lakulod’a kandagad’ina. 23An nga ni yo baru d’a par roze ziyo atuguru d’oze va mang tu pî, an nga ni hle d’ala ang mba dala ni ang ba mbud’un an Abram ndjondjoîd’a d’a d’i. 24An min ni hle va tu d’i; ni te ma azungeî mana a tuma hol, wani kayam b’raud’a hi suma a i ki sed’ena, Aner, Eskol ki Mamre, a yo ahle mazina yam taziya.
Currently Selected:
Ad’u Tinda 14: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ad’u Tinda 14
14
Abram mi kus yam amuleina
1Wani kur atchogoi ndata, Amrafel amul ma Sinar-râ, Ariyok amul ma Elasar-râ, Kedorlaomer amul ma Elam-ma ki Tidal amul ma Goyim-ma, 2a dur ayîna ki Bera amul ma Sodom-ma, Birsa amul ma Gomor-râ, Sinap amul ma Atma-na, Semeber amul ma Seboyim-ma kamul ma Bela-na, nala Sowar. 3Amulei suma vahl ndazina a ndjak vunazi tu, a i avun hor ra Sidim-mba, nala, Apo d’a Matna. 4Kayam azi le sunda adjeu mi Kedorlaomer bizad’a dogo yam mbà, wani kur biza d’a dogo yam hindid’a a tchol huneîd’a ki sed’emu.
5Kur biza d’a dogo yam fid’id’a, Kedorlaomer kamulei suma nga zlapa ki sed’ema, a kal yam suma Refa suma avo Asterot-Karnayim-ma, suma Zus suma avo Ham-ma, suma Em suma avo Kiriyatayim-ma 6ki suma Hor suma akulo yam ahuniyô mazi suma Seir-râ, a digizi gak a mba yam ambas sa El-Paran-nda go ki vun fulîd’a. 7Azi hulongî a mba kur En-Mispat, nala, Kades, a kus yam suma Amale’â yam andaga mazid’a pet, a kal yam suma Amor suma a nga kaka yam ambas sa Hazazon-Tamar-ra mi.
8Ata yi máma amul ma Sodom-ma, amul ma Gomor-râ, amul ma Atma-na, amul ma Seboyim-ma kamul ma Bela-na, nala, Sowar, azi iya, a min tazi á dur ayîna ki sed’ezi avun hor ra Sidim-mba. 9Azi dur ayîna ki Kedorlaomer amul ma Elam-ma, Tidal amul ma Goyim-ma, Amrafel amul ma Sinar-râ ki Ariyok amul ma Elasar-râ, nala amulei suma fid’i ndazina a nga dur ayîna kamulei suma vahlâ.
10Hor ra Sidim-mba golongeî suma bitim-ma#14.10 bitim: Nala, Ni vama wurana d’igi kanaud’a na. a nga kua heî; amulei suma Sodom-ma ki suma Gomor-râ a wet ringâ, a tchuk kua. Amulei suma a arâ, a ring a ngei yam ahuniyôna. 11Suma a kus ayînina a hurum ahlena hi suma Sodom-ma ki suma Gomor-râ kawu mazina pet mi, a i ki sed’eziya. 12Azi ve Lot Abram wiyema gorom ma nga kaka Sodom-ma kahle mama pet, a i ki sed’ezi mi.
13Sama ringî avun ayînina, mi mba, mi de zla ndata mi Abram ma Hebre ma nga kaka ad’u agu ma nglona hi Mamre ma Amor-rîna. Mamre azi ki b’oziyoma Eskol ki Aner a ve banad’a ki Abram. 14Ata yima Abram mi hum ala a ve wa wiyema goroma, a hurumum wa mi na, mi b’rau ahle suma dur ayîna mi suma a vut avo hatama, azi pet ni kikis hindi yam dogo yam klavandi; azi halazi ad’uzi gak a fazi sä avo Dan. 15Abram mi wal ir sum mama teteng á dur ayîna ki sed’ezi andjege. Azi kal kaziya, a digizi gak a tchuguzi kur azì ma Hoba ma nga abo na norâ hi Damas-sîna. 16Abram mi hulongî ahlena pet, ki wiyema goroma Lot kahligiyem mi, aropma kandjofâ mi.
Melkisedek b’e vunam yam Abram
17Kid’a Abram mi kus yam Kedorlaomer kamulei suma a nga zlapa ki sed’ema kusa, mi hulongîya; amul ma Sodom-ma mi nde woi á ngavam kur hor ra Save-d’a, nala, hora hamulîd’a.
18Melkisedek amul ma Salem-ma ni ma ngat buzuna mAlo ma sä akulo ma kal teglesîna. Mi mba, mi havungôna ki süm guguzlud’a mi Abram. 19Mi b’e vunam yam Abram, mi dala: Alo ma sä akulo ma kal tegles ma lakulod’a kandagad’ina, mi b’e vunam kangû. 20Ei suburi Alo ma sä akulo ma kal tegles ma hang mang suma djangûna abongâ.
Abram mi hum vun ahlena pet suma mam hurumuzï ata yima ayînina, nala, dogo mam pad’am tu, dogo mam pad’am tu.
21Amul ma Sodom-ma mi de mi Abram ala: Ang han suma, ang yo ahlena.
22Abram mi hulong de mamul ma Sodom-ma ala: An hlabon akulo avok Ma didina Alo ma sä akulo ma kal tegles ma lakulod’a kandagad’ina. 23An nga ni yo baru d’a par roze ziyo atuguru d’oze va mang tu pî, an nga ni hle d’ala ang mba dala ni ang ba mbud’un an Abram ndjondjoîd’a d’a d’i. 24An min ni hle va tu d’i; ni te ma azungeî mana a tuma hol, wani kayam b’raud’a hi suma a i ki sed’ena, Aner, Eskol ki Mamre, a yo ahle mazina yam taziya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.