Romê-na 10
10
1B’oziyona, kur djib’er manda pet, an nga ni tchen Alona kayam Juif-fâ a fe suta. 2Kayam an nga ni le glangâsâ kazi ala tazi nga d’i lazi zlezleû yam Alona, wani azi nga le kamî bei wad’ud’a. 3Azi we nga d’ala Alona ni sama mi mbut suma d’ingêra d’a d’i. Azi nga hal á tin d’ingêr mazid’a yam taziya. Ni hina ba, azi ge nga yazi kä ad’u minda hAlo ma mbut suma d’ingêra d’i. 4Kayam Christ mi ndak vun gata hi Moise-sa memet á mbut suma pet suma a he gagazid’ina d’ingêr avok Alona.
Suta ni yam suma a he gagazid’ina pet
5Yam zla d’a sana mi mbut d’ingêr avok Alona yam ge yamba kä ad’u gatid’a, Moise mi b’ir ala: Sama mi le sunda katna, mba mi kak karid’a ni kad’u. 6Wani yam lovot ta mbut sana d’ingêr avok Alona yam he gagazid’id’a, ti dala: Ar ang de kurung ala: Sama mba mi djak akulo ni nge ge d’i? (Nala, á surobï Christ kä.) 7D’oze ala: Ni nge mba mi surop kä kur zul la yiyika ge? (Nala, á tchol Christ akulo aduk suma matna.) 8Wani mbaktumba ti de nana ge? Ti ala: Gola! Zla ndata nga go ki angû, ti nga avunangû, ti nga kurung mi. Ni zla d’a he gagazi d’a ami nga tchat walata. 9Le ang de woi ki vunang ala Jesus ni Salad’a, le ang he gagazid’a kurung ala Alona mi tcholom akulo aduk suma matna ni, ang mba fe suta. 10Le sana mi he gagazid’a kurumu ni, Alona mi mbud’um ma d’ingêrâ avoromu; le mi de woi ki vunam mi ni, Alona mi sud’um mi. 11Kayam mbaktumba hAlonid’a ti dala: Sama lara pî ma hum gagazid’ina, zulona mba mi lum mbi. 12Ni hina ba, wala nga aduk Juif-fâ kandjaf suma dingâ d’i, kayam azi pet, Salazina ni tu. Nga mi hahle mam suma djivina mi suma a nga yuma pet. 13D’igi mbaktumba hAlonid’a ti de na ala: Sama lara pî ma mba mi yi Ma didina á ndjumuna, mba mi fe suta.
14Le azi hum gagazid’a d’uo ni, azi mba yumî nana ge? Le azi hum zla mamba d’uo ni, azi mba hum gagazid’a ni nana ge? Le sama tchi wala nga d’uo ni, azi mba hum zla mamba ni nana ge? 15Le a sun suma d’uo ni, a mba tchi wala ni nana ge? D’igi mbaktumba hAlonid’a ti de na ala: Suma a mba ki Zla d’a Djivid’ina djivid’a kaziya. 16Wani suma pet a ge nga yazi kä ad’u Zla d’a Djivid’a d’i. Kayam Isai mi dala: Salad’a, ni nge ba, mi he gagazid’a yam zla d’a ami tchat walata ge? 17Ni hina ba, he gagazid’a mba nata yima sana mi hum zla d’a tchi walina, nala tchi wal zlad’a hi Christ-sid’a.
18Wani an nga ni djop ala: Azi hum nga zla ndata d’uo zu? Azi hum wa gagazi, kayam mbaktumba hAlonid’a ti dala:
Suma a humuzi delezi yam andagad’a pet,
zla mazid’a ti b’rau woi avun dabid’a handagad’id’a pet mi.
19An nga ni djop kua ala: Na ni Israel-lâ a we nga ad’u zla ndata d’uo zu? Avok Moise mi dala: Alona mi dala:
An mba ni tinigi á le yungôra
yam suma ala nandjaf ma gagazina d’uo na,
an mba ni zud’ugi á layîna
yam andjaf ma bei wed’a mi.
20Isai mi de zlad’a bei mandarâ ba ala: Alona mi dala:
Suma a halan nduo na a fanu.
An nde tan ndei ir suma a djobon nga zlan nduo na mi.
21Wani mi de zlad’a yam Israel-lâ hina ala: An nga ni mat abon burâ ki burâ mi suma bei ge yazi kä suma bei hum vunina.
Currently Selected:
Romê-na 10: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Romê-na 10
10
1B’oziyona, kur djib’er manda pet, an nga ni tchen Alona kayam Juif-fâ a fe suta. 2Kayam an nga ni le glangâsâ kazi ala tazi nga d’i lazi zlezleû yam Alona, wani azi nga le kamî bei wad’ud’a. 3Azi we nga d’ala Alona ni sama mi mbut suma d’ingêra d’a d’i. Azi nga hal á tin d’ingêr mazid’a yam taziya. Ni hina ba, azi ge nga yazi kä ad’u minda hAlo ma mbut suma d’ingêra d’i. 4Kayam Christ mi ndak vun gata hi Moise-sa memet á mbut suma pet suma a he gagazid’ina d’ingêr avok Alona.
Suta ni yam suma a he gagazid’ina pet
5Yam zla d’a sana mi mbut d’ingêr avok Alona yam ge yamba kä ad’u gatid’a, Moise mi b’ir ala: Sama mi le sunda katna, mba mi kak karid’a ni kad’u. 6Wani yam lovot ta mbut sana d’ingêr avok Alona yam he gagazid’id’a, ti dala: Ar ang de kurung ala: Sama mba mi djak akulo ni nge ge d’i? (Nala, á surobï Christ kä.) 7D’oze ala: Ni nge mba mi surop kä kur zul la yiyika ge? (Nala, á tchol Christ akulo aduk suma matna.) 8Wani mbaktumba ti de nana ge? Ti ala: Gola! Zla ndata nga go ki angû, ti nga avunangû, ti nga kurung mi. Ni zla d’a he gagazi d’a ami nga tchat walata. 9Le ang de woi ki vunang ala Jesus ni Salad’a, le ang he gagazid’a kurung ala Alona mi tcholom akulo aduk suma matna ni, ang mba fe suta. 10Le sana mi he gagazid’a kurumu ni, Alona mi mbud’um ma d’ingêrâ avoromu; le mi de woi ki vunam mi ni, Alona mi sud’um mi. 11Kayam mbaktumba hAlonid’a ti dala: Sama lara pî ma hum gagazid’ina, zulona mba mi lum mbi. 12Ni hina ba, wala nga aduk Juif-fâ kandjaf suma dingâ d’i, kayam azi pet, Salazina ni tu. Nga mi hahle mam suma djivina mi suma a nga yuma pet. 13D’igi mbaktumba hAlonid’a ti de na ala: Sama lara pî ma mba mi yi Ma didina á ndjumuna, mba mi fe suta.
14Le azi hum gagazid’a d’uo ni, azi mba yumî nana ge? Le azi hum zla mamba d’uo ni, azi mba hum gagazid’a ni nana ge? Le sama tchi wala nga d’uo ni, azi mba hum zla mamba ni nana ge? 15Le a sun suma d’uo ni, a mba tchi wala ni nana ge? D’igi mbaktumba hAlonid’a ti de na ala: Suma a mba ki Zla d’a Djivid’ina djivid’a kaziya. 16Wani suma pet a ge nga yazi kä ad’u Zla d’a Djivid’a d’i. Kayam Isai mi dala: Salad’a, ni nge ba, mi he gagazid’a yam zla d’a ami tchat walata ge? 17Ni hina ba, he gagazid’a mba nata yima sana mi hum zla d’a tchi walina, nala tchi wal zlad’a hi Christ-sid’a.
18Wani an nga ni djop ala: Azi hum nga zla ndata d’uo zu? Azi hum wa gagazi, kayam mbaktumba hAlonid’a ti dala:
Suma a humuzi delezi yam andagad’a pet,
zla mazid’a ti b’rau woi avun dabid’a handagad’id’a pet mi.
19An nga ni djop kua ala: Na ni Israel-lâ a we nga ad’u zla ndata d’uo zu? Avok Moise mi dala: Alona mi dala:
An mba ni tinigi á le yungôra
yam suma ala nandjaf ma gagazina d’uo na,
an mba ni zud’ugi á layîna
yam andjaf ma bei wed’a mi.
20Isai mi de zlad’a bei mandarâ ba ala: Alona mi dala:
Suma a halan nduo na a fanu.
An nde tan ndei ir suma a djobon nga zlan nduo na mi.
21Wani mi de zlad’a yam Israel-lâ hina ala: An nga ni mat abon burâ ki burâ mi suma bei ge yazi kä suma bei hum vunina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.