San Mateo 15
15
¿Kwan nile', ña'n gat nambe men lo Dios?
(Mr. 7:1-23)
1Yezh Jerusalén nzë pla men fariseo, kun pla men, xa' nilu' ley che'n Muisés; nguzubi bixa' lo Jesús, nzhab bixa':
2―¿Chon gat nizet rë men che'nal ya' bixa' or nzhao bixa'; gat nile't bixa' rë kostumbr kwa'n mila' rë men che'n be, xa' tiemp?
3Orze' nkab Jesús:
―Nu ska go, ¿chon gat nile' go kwa'n nzobni' lo Yech che'n Dios, lë'la rë kostumbr che'n men tiemp nile' go?, 4porke se' nzobni' lo Yech che'n Dios: “Gop kwent xuzal mbaino xna'l”, mbaino: “Men ke xuz o xna', gat xa' re' tuli.” 5Per go nzhab: “Lë' men gak ka gab lo xuz o lo xna': Nagakt gaknun go; lë' rë kwa'n kinun, lë'i mizala par Dios”, 6namás par nile' go, gat naki'ntra' gaknu men xuz men o xna' men. Wen go par nile' go, natsaktra' kwa'n mile' Dios mandad. Más nile' go por rë kwa'n michao'yek rë men tiemp. 7¡Tatu nazheb nak go, chigab walika men wen go! Kuze' ka, por go mizobni' Isaías widi'zh re' lo yech:
8Rë men re'; ka lo ya nidi'zh bixa', nazhi' xa' da,
per le'n laxto' bixa', yent kwan nize'n bixa' por Da.
9Yent kwan zu' nidi'zh bixa' nazhon Da,
mbaino rë kwa'n nilu' bixa' lo men,
pura kwa'n nichao'yek mene.
10Orze' ngurezh Me rë men lo Me, nzhab Me:
―Bin go kure' no bizobyek goi: 11Gat lë't por kwa'n nzhao men nile' ña'n gat nambe men lo Dios; por widi'zh kwa'n niro' ro' men, nile' ña'n gat nambe men lo Dios.
12Orze' nguzubi rë men che'n Jesús lo Jesús, nzhab bixa':
―¿Chi une go, lë' rë men fariseo miyi' or mbin bixa' rë kwa'n midi'zh go?
13Orze' nzhab Jesús:
―Rë ya kwa'n nangaxë'nt Xuza, Me nzho lo yibë', lë'i yi'b dub luche. 14Nachë'lt go kun rë men ba'. Ter nak bixa' nela men nikal lo ga', per zak bixa' lë' bixa' lu' nez lo rë xa' nakao nak yek lo rë che'n Dios, per gakt lu' tu men nikal lo nez lo xtu xa' nikal lo, porke lë' rop bixa' yachin le'n tu ye'r.
15Orze' nzhab Per:
―Bineo lo no kwan gab widi'zh ba'.
16Orze' nzhab Jesús:
―¿Taxa nu go, gat nizobyekt kure'? 17¿Chi nanet go, kwa'n nzhao met nibi laxto' met, orze' niro'i or ña met bi'x? 18Per rë widi'zh gat lë' kwa'n niro' ro' men, le'n laxto' men nzëi; kure'se nile' ña'n gat nambe men lo Dios, 19porke dizde le'n laxto' men nzë rë xigab gat lë' re': Rë kwa'n nzhut men men; no rë kwa'n ban men kun tsa' xtu men o kun xa' gat lë' tsa' men; mbaino rë kwa'n niliwa'n men; no rë kwa'n nile' nikë' men kixu' men; mbaino rë kwa'n niye men Dios. 20Rë kure' nile', ña'n gat nambe men lo Dios, no gat lë't por gao men dub be'd ya' mene.
Tu una' cananea dox ñila Dios
(Mr. 7:24-30)
21Or nguro' Jesús ze', nzha Me al nez plo nzhin yezh Tiro no yezh Sidón. 22Ze' nzho tu una' ben rë xa' cananea; or une una' Jesús, tuli nguzubi una' no nguruzhië una', nzhab una':
―¡Lë'o Xga'n Dabi, bilats laxto'u da! ¡Lë' tu mbi mal nzen xcha'pa, dox kizakziy una'!
23Per nangakabt Jesús lo una', orze' nguzubi rë men che'n Jesús lo Jesús par mina'b bixa' lo Me, nzhab bixa':
―Bichubla go una' ba', lë' una' nzadkë tich be, nibizhyë una'.
24Orze' nzhab Jesús lo una' ze':
―Per Dios mixë'l da nab tsa par gaknun rë men Israel, xa' nak nela rë mbëkxi'l ma nguziwan dan ga'.
25Per nguzuxib una' re' lo Jesús, no nzhab una':
―¡Lë'o, kina'ba lo go, gaknu go da!
26Orze' nzhab Jesús:
―Gat ñalt kwe men yët lo xmë'd men, par za' xa'i gao mbëk.
27Per nkab una':
―Walika goi; per nu ka mbëk nikan rë biyo ye'n kwa'n nzhab xan mes, che'n xa' nak che'n ma.
28Orze' nzhab Jesús:
―¡Ay una'yo, luse dox ñilal da! Kwa'n una'bal ba', lë'i gak.
No mis orze', miak xcha'p una'.
Miliyak Jesús nayax men nzhakne
29Or nguro' Jesús ze', mizhin Me nez ro' lagún che'n men Galilea, orze' nkë Me yek tu lom, ze' nguzob Me. 30No ze' migan dox nayax men lo Jesús. Xid rë men ze' nzho rë xa' nzhanu men nzhakne, xa' nagakt zë, xa' nikal lo, mbaino xa' nagakt di'zh, xa' ma'nk, no más rë men nzhakne; rë xa' re' mizhinu men lo Jesús, no rë bixa' miliyak Jesús. 31Xe mia'n rë men tuli or une bixa' men nagakt di'zh, nzhudi'zh; no men ma'nk uniwen; men nagakt zë, nizë; no men nikal lo, miwi'. Orze' nzhab rë men, dox nazhon Dios che'n rë men Israel.
Miza' Jesús kwa'n ndao tap mil miyi'
(Mr. 8:1-10)
32Orze' ngurezh Jesús rë men che'n Me, nzhab Me:
―Nilats laxto'n rë men re', re' yon ngubizh nzhin bixa' lon, no gat kinut bixa' kwa'n gao bixa'. Gat nzhaklata bi bixa' xlats bixa', nzha ska yazha bixa' nez.
33Orze' nzhab rë men che'n Jesús:
―¿Per plo yaka' be kwa'n gao rë nak men re'? No plo nzhin be re', yent lizh mene.
34Orze' mina'bdi'zh Jesús lo bixa':
―¿Pla pan kinu go?
―Gazhtsai, no pla mbël win ―nkab bixa'.
35Or mile' Me mandad, nguzob rë men ze' lo yuo, 36nguzen Me za gazh pan ze' kun pla mbël ze'. Or milox miza' Me xkix lo Dios por lë'i, michix Mei no miza' Mei, ka' rë men che'n Me, par ndi'z bixa'i gao rë men ze'. 37Rë men ndao haxta plo ngwazhë bixa', no or milox ndao bixa', mikan ra' bixa' zigazh kardor rë bilao kwa'n mila' bixa'. 38Rë xa' ndao ze', nab tsa xa' miyi', paste tap mil bixa', no ngalabt bixa' rë una' no ni rë më'd. 39Orze' ngulunez Jesús rë men, no lë' Me nkë le'n tu bark par nzha Me rë yezh kwa'n nzhin lazh men Magdala.
Currently Selected:
San Mateo 15: zca
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
San Mateo 15
15
¿Kwan nile', ña'n gat nambe men lo Dios?
(Mr. 7:1-23)
1Yezh Jerusalén nzë pla men fariseo, kun pla men, xa' nilu' ley che'n Muisés; nguzubi bixa' lo Jesús, nzhab bixa':
2―¿Chon gat nizet rë men che'nal ya' bixa' or nzhao bixa'; gat nile't bixa' rë kostumbr kwa'n mila' rë men che'n be, xa' tiemp?
3Orze' nkab Jesús:
―Nu ska go, ¿chon gat nile' go kwa'n nzobni' lo Yech che'n Dios, lë'la rë kostumbr che'n men tiemp nile' go?, 4porke se' nzobni' lo Yech che'n Dios: “Gop kwent xuzal mbaino xna'l”, mbaino: “Men ke xuz o xna', gat xa' re' tuli.” 5Per go nzhab: “Lë' men gak ka gab lo xuz o lo xna': Nagakt gaknun go; lë' rë kwa'n kinun, lë'i mizala par Dios”, 6namás par nile' go, gat naki'ntra' gaknu men xuz men o xna' men. Wen go par nile' go, natsaktra' kwa'n mile' Dios mandad. Más nile' go por rë kwa'n michao'yek rë men tiemp. 7¡Tatu nazheb nak go, chigab walika men wen go! Kuze' ka, por go mizobni' Isaías widi'zh re' lo yech:
8Rë men re'; ka lo ya nidi'zh bixa', nazhi' xa' da,
per le'n laxto' bixa', yent kwan nize'n bixa' por Da.
9Yent kwan zu' nidi'zh bixa' nazhon Da,
mbaino rë kwa'n nilu' bixa' lo men,
pura kwa'n nichao'yek mene.
10Orze' ngurezh Me rë men lo Me, nzhab Me:
―Bin go kure' no bizobyek goi: 11Gat lë't por kwa'n nzhao men nile' ña'n gat nambe men lo Dios; por widi'zh kwa'n niro' ro' men, nile' ña'n gat nambe men lo Dios.
12Orze' nguzubi rë men che'n Jesús lo Jesús, nzhab bixa':
―¿Chi une go, lë' rë men fariseo miyi' or mbin bixa' rë kwa'n midi'zh go?
13Orze' nzhab Jesús:
―Rë ya kwa'n nangaxë'nt Xuza, Me nzho lo yibë', lë'i yi'b dub luche. 14Nachë'lt go kun rë men ba'. Ter nak bixa' nela men nikal lo ga', per zak bixa' lë' bixa' lu' nez lo rë xa' nakao nak yek lo rë che'n Dios, per gakt lu' tu men nikal lo nez lo xtu xa' nikal lo, porke lë' rop bixa' yachin le'n tu ye'r.
15Orze' nzhab Per:
―Bineo lo no kwan gab widi'zh ba'.
16Orze' nzhab Jesús:
―¿Taxa nu go, gat nizobyekt kure'? 17¿Chi nanet go, kwa'n nzhao met nibi laxto' met, orze' niro'i or ña met bi'x? 18Per rë widi'zh gat lë' kwa'n niro' ro' men, le'n laxto' men nzëi; kure'se nile' ña'n gat nambe men lo Dios, 19porke dizde le'n laxto' men nzë rë xigab gat lë' re': Rë kwa'n nzhut men men; no rë kwa'n ban men kun tsa' xtu men o kun xa' gat lë' tsa' men; mbaino rë kwa'n niliwa'n men; no rë kwa'n nile' nikë' men kixu' men; mbaino rë kwa'n niye men Dios. 20Rë kure' nile', ña'n gat nambe men lo Dios, no gat lë't por gao men dub be'd ya' mene.
Tu una' cananea dox ñila Dios
(Mr. 7:24-30)
21Or nguro' Jesús ze', nzha Me al nez plo nzhin yezh Tiro no yezh Sidón. 22Ze' nzho tu una' ben rë xa' cananea; or une una' Jesús, tuli nguzubi una' no nguruzhië una', nzhab una':
―¡Lë'o Xga'n Dabi, bilats laxto'u da! ¡Lë' tu mbi mal nzen xcha'pa, dox kizakziy una'!
23Per nangakabt Jesús lo una', orze' nguzubi rë men che'n Jesús lo Jesús par mina'b bixa' lo Me, nzhab bixa':
―Bichubla go una' ba', lë' una' nzadkë tich be, nibizhyë una'.
24Orze' nzhab Jesús lo una' ze':
―Per Dios mixë'l da nab tsa par gaknun rë men Israel, xa' nak nela rë mbëkxi'l ma nguziwan dan ga'.
25Per nguzuxib una' re' lo Jesús, no nzhab una':
―¡Lë'o, kina'ba lo go, gaknu go da!
26Orze' nzhab Jesús:
―Gat ñalt kwe men yët lo xmë'd men, par za' xa'i gao mbëk.
27Per nkab una':
―Walika goi; per nu ka mbëk nikan rë biyo ye'n kwa'n nzhab xan mes, che'n xa' nak che'n ma.
28Orze' nzhab Jesús:
―¡Ay una'yo, luse dox ñilal da! Kwa'n una'bal ba', lë'i gak.
No mis orze', miak xcha'p una'.
Miliyak Jesús nayax men nzhakne
29Or nguro' Jesús ze', mizhin Me nez ro' lagún che'n men Galilea, orze' nkë Me yek tu lom, ze' nguzob Me. 30No ze' migan dox nayax men lo Jesús. Xid rë men ze' nzho rë xa' nzhanu men nzhakne, xa' nagakt zë, xa' nikal lo, mbaino xa' nagakt di'zh, xa' ma'nk, no más rë men nzhakne; rë xa' re' mizhinu men lo Jesús, no rë bixa' miliyak Jesús. 31Xe mia'n rë men tuli or une bixa' men nagakt di'zh, nzhudi'zh; no men ma'nk uniwen; men nagakt zë, nizë; no men nikal lo, miwi'. Orze' nzhab rë men, dox nazhon Dios che'n rë men Israel.
Miza' Jesús kwa'n ndao tap mil miyi'
(Mr. 8:1-10)
32Orze' ngurezh Jesús rë men che'n Me, nzhab Me:
―Nilats laxto'n rë men re', re' yon ngubizh nzhin bixa' lon, no gat kinut bixa' kwa'n gao bixa'. Gat nzhaklata bi bixa' xlats bixa', nzha ska yazha bixa' nez.
33Orze' nzhab rë men che'n Jesús:
―¿Per plo yaka' be kwa'n gao rë nak men re'? No plo nzhin be re', yent lizh mene.
34Orze' mina'bdi'zh Jesús lo bixa':
―¿Pla pan kinu go?
―Gazhtsai, no pla mbël win ―nkab bixa'.
35Or mile' Me mandad, nguzob rë men ze' lo yuo, 36nguzen Me za gazh pan ze' kun pla mbël ze'. Or milox miza' Me xkix lo Dios por lë'i, michix Mei no miza' Mei, ka' rë men che'n Me, par ndi'z bixa'i gao rë men ze'. 37Rë men ndao haxta plo ngwazhë bixa', no or milox ndao bixa', mikan ra' bixa' zigazh kardor rë bilao kwa'n mila' bixa'. 38Rë xa' ndao ze', nab tsa xa' miyi', paste tap mil bixa', no ngalabt bixa' rë una' no ni rë më'd. 39Orze' ngulunez Jesús rë men, no lë' Me nkë le'n tu bark par nzha Me rë yezh kwa'n nzhin lazh men Magdala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.