Kutangisa 23
23
Kufa kwa Sara ne kubiganyiwa kukwe
1Sara wakatjila makole ali zana lina makole ali makumi mabili ana makole ali kutendeka (127). 2Sara wakafila ku Kiriyatiaribha (Heburoni) mu shango ye Kanana ngono Abhurahama kalilila Sara kabuya kan'galila tjililo.
3Abhurahama kamilika kasiya itumbu tje nkadzi uwe kayenda kunolebeleka ne Bahiti. Kabadwa kati, 4#Bahebheru 11:9, 13; Mishingo 7:16“Imi ndi nzhi ne ntaya ugele pakati kwenyu. Mundipeni pandingabiganya nfi wangu.”
5Bahiti bakashandula Abhurahama bakati, 6“Mutihwilileni tetshi wedu, mu ntungamili wakasima pakati kwedu. Biganyani nfi wenyu pamashalula, akuna wedu ungamudzibisa kubiganya.”
7Ndizo Abhurahama kamilika ngono kazwiyisa pasi mbeli kwe beni be shango Bahiti. 8Kalebeleka nabo kati, “Ha muda kuti ndingabiganya nfi wangu, mundihwilileni, mu ndikumbilile Efuroni nkololo wa Zohari 9kuti anditengesele guwu lile le Makipela liku misholo ye nnda uwe. Lebelekani naye anditengesele ilo nge themba izhele mu mesho enyu, libe ipo pandinobiganyilapo.”
10Ngono Efuroni we Nhiti wakabe aliyapo ipapo ngono kashandula Abhurahama mu zebe dze Bahiti bose bakabe bazha ku nkoba we nzi eti, 11“Aa, tetshi wangu, mundihwilile. Ndomupa ntuthu iwoyo ne guwu limuuli. Ndomupa iwo mbeli kwe bakanyi kwedu. Biganyani nfi wenyu.”
12Ipapo Abhurahama kazwiyisa pasi mbeli kwe beni be shango. 13Ngono kadwa Efuroni mbeli kwe lubazhe gwe beni be shango kati, “Koga undihwilile, ndowokulipa themba ye ntuthu iwoyo, uiamutjile kuti ndibiganye nfi wangu ko.”
14Efuroni kashandula Abhurahama eti, 15“Munditeedzeni tetshi wangu, themba ye ntuthu iwoyu i shekele dze siliva dzili mazana manna (400), ngono koga ikoku ini pakati kwangu namwi? Biganyani nfi wenyu.” 16Abhurahama kadumana na Efuroni, ndizo Abhurahama kayelela Efuroni themba ye shekele dze siliva yaaleba mu zebe dze Bahiti, mazana manna (400) e shekele dze siliva kuyendidzana ne zwiyelo zwe batengesi be misi iyeyo.
17Ndizo ntuthu wa Efuroni mu Makipela ku bhezhuba kwe Mamure, ntuthu ne guwu lakabe lili muuli ne miti yose yakabe ili muuli, midzibo yawo yose, 18yakapiwa Abhurahama kube iye mu mesho e Bahiti ne bamwe bose bakabe bazha ku lubazhe gwe nzi uwe.
19Shule kwa ikoku Abhurahama kabiganya Sara nkadzi uwe mu guwu le ntuthu we Makipela kulingisana ne Mamure ku Heburoni mu shango ye Kanana. 20Bahiti bakapa Abhurahama ntuthu ne guwu lakabe lili muuli kube paanobiganyila bafi babe.
Currently Selected:
Kutangisa 23: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Kutangisa 23
23
Kufa kwa Sara ne kubiganyiwa kukwe
1Sara wakatjila makole ali zana lina makole ali makumi mabili ana makole ali kutendeka (127). 2Sara wakafila ku Kiriyatiaribha (Heburoni) mu shango ye Kanana ngono Abhurahama kalilila Sara kabuya kan'galila tjililo.
3Abhurahama kamilika kasiya itumbu tje nkadzi uwe kayenda kunolebeleka ne Bahiti. Kabadwa kati, 4#Bahebheru 11:9, 13; Mishingo 7:16“Imi ndi nzhi ne ntaya ugele pakati kwenyu. Mundipeni pandingabiganya nfi wangu.”
5Bahiti bakashandula Abhurahama bakati, 6“Mutihwilileni tetshi wedu, mu ntungamili wakasima pakati kwedu. Biganyani nfi wenyu pamashalula, akuna wedu ungamudzibisa kubiganya.”
7Ndizo Abhurahama kamilika ngono kazwiyisa pasi mbeli kwe beni be shango Bahiti. 8Kalebeleka nabo kati, “Ha muda kuti ndingabiganya nfi wangu, mundihwilileni, mu ndikumbilile Efuroni nkololo wa Zohari 9kuti anditengesele guwu lile le Makipela liku misholo ye nnda uwe. Lebelekani naye anditengesele ilo nge themba izhele mu mesho enyu, libe ipo pandinobiganyilapo.”
10Ngono Efuroni we Nhiti wakabe aliyapo ipapo ngono kashandula Abhurahama mu zebe dze Bahiti bose bakabe bazha ku nkoba we nzi eti, 11“Aa, tetshi wangu, mundihwilile. Ndomupa ntuthu iwoyo ne guwu limuuli. Ndomupa iwo mbeli kwe bakanyi kwedu. Biganyani nfi wenyu.”
12Ipapo Abhurahama kazwiyisa pasi mbeli kwe beni be shango. 13Ngono kadwa Efuroni mbeli kwe lubazhe gwe beni be shango kati, “Koga undihwilile, ndowokulipa themba ye ntuthu iwoyo, uiamutjile kuti ndibiganye nfi wangu ko.”
14Efuroni kashandula Abhurahama eti, 15“Munditeedzeni tetshi wangu, themba ye ntuthu iwoyu i shekele dze siliva dzili mazana manna (400), ngono koga ikoku ini pakati kwangu namwi? Biganyani nfi wenyu.” 16Abhurahama kadumana na Efuroni, ndizo Abhurahama kayelela Efuroni themba ye shekele dze siliva yaaleba mu zebe dze Bahiti, mazana manna (400) e shekele dze siliva kuyendidzana ne zwiyelo zwe batengesi be misi iyeyo.
17Ndizo ntuthu wa Efuroni mu Makipela ku bhezhuba kwe Mamure, ntuthu ne guwu lakabe lili muuli ne miti yose yakabe ili muuli, midzibo yawo yose, 18yakapiwa Abhurahama kube iye mu mesho e Bahiti ne bamwe bose bakabe bazha ku lubazhe gwe nzi uwe.
19Shule kwa ikoku Abhurahama kabiganya Sara nkadzi uwe mu guwu le ntuthu we Makipela kulingisana ne Mamure ku Heburoni mu shango ye Kanana. 20Bahiti bakapa Abhurahama ntuthu ne guwu lakabe lili muuli kube paanobiganyila bafi babe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.