Kutangisa 32
32
Jakubo unolulwamisila kushangana na Esau
1Jakubo katola gwendo gugwe ngono batumwa be kudzimu bakashangana naye. 2Jakubo kati ebabona kati, “Eli i bunga le Ndzimu.” Ndizo kadana bugalo igogo kati Mahanayimi.#32:2 Mahanayimi: Kodwiwa mibunga mibili.
3Jakubo katuma batumwa kuyenda mbeli ku nkulu uwe Esau ku Seiri shango ye Edomu. 4Kabadwa kati, “Tjamunowobudza Esau tetshi wangu ndi etji, ‘Nlanda wenyu Jakubo kati, “Ndakagala na Labani kuswikila ngwenu. 5Ndina ng'ombe ne madonki ne pkhwizi ne mbudzi ne balandalume ne balandakadzi. Ndizo ndozhisa ndayidzo iyeyi kumuli tetshi wangu kuti ndiamutjilike.” ’ ”
6Balanda bakati babuya kuna Jakubo bakabika beti, “Takanoswika ku nkulu uwo Esau. Umu zila ne balume bali mazana ali manna (400) kuwokushanganidza.” 7Ipapo Jakubo kazhigwa ngotja kadziyidzika mu moyo kwazo. Kathubukanya bathu baakabe anabo bakabe makoko mabili. Pkhwizi ne mbudzi ne ng'ombe ne kamela kazwithubukanyabo kube makoko mabili. 8Wakabe akumbula eti, “Ha Esau angazha kanginilila goko limwe, limwe lingatubula kutizha.”
9Ipapo Jakubo katembezela eti, “Ndzimu wa tate bangu Abhurahama, Ndzimu wa tate bangu Isaki, imwi Yahwe makati kundili, ‘Bgwilila ku shango ya kanyi kwenyu ku makamu awo, ndowothama kuti zwithu zwikuyendile zwakanaka.’ 10Imi andizolizana ludo gwenyu gusingazunguzike ne kugalikabgwe kwenyu kwamakalakidza nlanda wenyu. Ndakatjuluka Jorodani ndakabhata ludozo gwangu koga, ngono ngwenu ndabe makoko mabili. 11Mundibhule mu luboko gwe nkulu wangu Esau ngoti ndotja kuti unowozha katibulaya tose na bomayi ne bana. 12#Kutangisa 22:17Kundili makati, ‘Ndowothama zwithu kuti zwikuyendile zubuyanana athama kuti ludzi gugo guwande se nsetje we gungwa usingake ukabalika.’ ”
13Jakubo kalala ipapo busiku igogo ngono muna tjaakabe anatjo kadusila nkulu uwe Esau tjipo, 14kadusa mbudzi hadzi dzili mazana mabili (200) ne mbudzi ndume dzili makumi mabili, pkhwizi hadzi dzili mazana mabili (200) ne ndume dzili makumi mabili, 15kadusa kamela dzili makumi matatu (30) ne bana badzo ne ng'ombe hadzi dzili makumi manna (40) ne ndume dzili gumi, kadusa donki hadzi dzili makumi mabili (20) ne donki ndume dzili gumi. 16Jakubo kazwipa balanda babe kuzwitjengeta, goko limwe ne limwe nge kwalo, ebe eti ku balanda, “Yendilani mbeli kwangu muzhule thambo pakati kwe goko limwe ne limwe le zwithuwo.” 17Kalaya nlanda umbeli kati, “Kuti nkulu wangu Esau eshangana nawe ekubhuzwa eti, ‘Tetshi uwo ndiani? Unoyenda ngayi? Zwithuwo zwawakatakula nge zwaani?’ 18Iwe udabile uti, ‘Ngezwa Jakubo nlanda wenyu. Tjipo tjapiwa tetshi wangu Esau, iye Jakubo waswika shule kwedu.’ ” 19Jakubo kalaya goko le bubili ne le butatu ne mamwe wose akabe akatakula zwithuwo kati, “Namwibo mulebe saikoku kuna Esau pamunoshangana naye. 20Mun'dwe muti, ‘Nlanda wenyu Jakubo waswika shule kwedu.’ ” Jakubo wakabe ekumbula eti, “Ndowonshathisa nge zwipo izwezwi zwandinotumila mbeli, kowoti shule tishangana pamwe kandiamutjila.” 21Ndiko zwipo zwa Jakubo zwikatungamila koga iye kalala mu maswikilo.
Dzulana kwa Jakubo ku Penieli
22Mu busiku igogo Jakubo katola bakadzi babe babili ne balandakadzi babe babili ne bakololo babe bagumi lina nng'ompela ngono katjuluka lukoba gwe Jabhoki. 23Wakati asinobatjuludza lukoba, katjuludza ne thundu iye yose. 24#Hoseya 12:3, 4Jakubo kasala ega.
Mmwe nlume kadzulana naye kuswikila ku bhezhuba kutema. 25Nlume iwoyo kati ebona kuti aangakulile Jakubo kakutha sonyo ya Jakubo ndizo Jakubo kasonyoka ipapo bedzulana. 26Nlume iwoyo kati, “Undiletje ndiyende, ku bhezhuba kwatema.”
Jakubo kashandula eti, “Andingakuletje kuzhe kwe wandikombolela.”
27Nlume iwoyo kambhuzwa kati, “Zina lilo ndiani?”
Kadabila eti, “Zina langu ndi Jakubo.”
28 #
Kutangisa 35:10
Nlume iwoyo kabe eti, “Zina lilo alitowobe litjayi Jakubo, koga lowoyi Iziraela ngoti wagwisana ne Ndzimu nenge bathu ngono ukakunda.”
29 #
Basumikilisi 13:17, 18 Jakubo kambhuzwa kati, “Ndokumbila mundibudze zina lenyu.”
Koga ouje kadabila eti, “Unobhuzwilani zina langu?” Ipapo kabe enkombolela.
30Ndizo Jakubo kadana bugalo igogo kati Penieli eti, “Ndabona Ndzimu ndakalingana nawo koga nditji mpenyu.” 31Zhuba lakabhuda edwa mu Penieli#32:31 Penieli: Mu Tjihebheru zina ileli ndi Penuweli.. Wakabe eshudza ngekwe sonyo iye. 32Nanasi kuno, Baiziraela abatoja lutshinga gumu malunganilo e bi ngoti sonyo ya Jakubo yakakuthiwa paali.
Currently Selected:
Kutangisa 32: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Kutangisa 32
32
Jakubo unolulwamisila kushangana na Esau
1Jakubo katola gwendo gugwe ngono batumwa be kudzimu bakashangana naye. 2Jakubo kati ebabona kati, “Eli i bunga le Ndzimu.” Ndizo kadana bugalo igogo kati Mahanayimi.#32:2 Mahanayimi: Kodwiwa mibunga mibili.
3Jakubo katuma batumwa kuyenda mbeli ku nkulu uwe Esau ku Seiri shango ye Edomu. 4Kabadwa kati, “Tjamunowobudza Esau tetshi wangu ndi etji, ‘Nlanda wenyu Jakubo kati, “Ndakagala na Labani kuswikila ngwenu. 5Ndina ng'ombe ne madonki ne pkhwizi ne mbudzi ne balandalume ne balandakadzi. Ndizo ndozhisa ndayidzo iyeyi kumuli tetshi wangu kuti ndiamutjilike.” ’ ”
6Balanda bakati babuya kuna Jakubo bakabika beti, “Takanoswika ku nkulu uwo Esau. Umu zila ne balume bali mazana ali manna (400) kuwokushanganidza.” 7Ipapo Jakubo kazhigwa ngotja kadziyidzika mu moyo kwazo. Kathubukanya bathu baakabe anabo bakabe makoko mabili. Pkhwizi ne mbudzi ne ng'ombe ne kamela kazwithubukanyabo kube makoko mabili. 8Wakabe akumbula eti, “Ha Esau angazha kanginilila goko limwe, limwe lingatubula kutizha.”
9Ipapo Jakubo katembezela eti, “Ndzimu wa tate bangu Abhurahama, Ndzimu wa tate bangu Isaki, imwi Yahwe makati kundili, ‘Bgwilila ku shango ya kanyi kwenyu ku makamu awo, ndowothama kuti zwithu zwikuyendile zwakanaka.’ 10Imi andizolizana ludo gwenyu gusingazunguzike ne kugalikabgwe kwenyu kwamakalakidza nlanda wenyu. Ndakatjuluka Jorodani ndakabhata ludozo gwangu koga, ngono ngwenu ndabe makoko mabili. 11Mundibhule mu luboko gwe nkulu wangu Esau ngoti ndotja kuti unowozha katibulaya tose na bomayi ne bana. 12#Kutangisa 22:17Kundili makati, ‘Ndowothama zwithu kuti zwikuyendile zubuyanana athama kuti ludzi gugo guwande se nsetje we gungwa usingake ukabalika.’ ”
13Jakubo kalala ipapo busiku igogo ngono muna tjaakabe anatjo kadusila nkulu uwe Esau tjipo, 14kadusa mbudzi hadzi dzili mazana mabili (200) ne mbudzi ndume dzili makumi mabili, pkhwizi hadzi dzili mazana mabili (200) ne ndume dzili makumi mabili, 15kadusa kamela dzili makumi matatu (30) ne bana badzo ne ng'ombe hadzi dzili makumi manna (40) ne ndume dzili gumi, kadusa donki hadzi dzili makumi mabili (20) ne donki ndume dzili gumi. 16Jakubo kazwipa balanda babe kuzwitjengeta, goko limwe ne limwe nge kwalo, ebe eti ku balanda, “Yendilani mbeli kwangu muzhule thambo pakati kwe goko limwe ne limwe le zwithuwo.” 17Kalaya nlanda umbeli kati, “Kuti nkulu wangu Esau eshangana nawe ekubhuzwa eti, ‘Tetshi uwo ndiani? Unoyenda ngayi? Zwithuwo zwawakatakula nge zwaani?’ 18Iwe udabile uti, ‘Ngezwa Jakubo nlanda wenyu. Tjipo tjapiwa tetshi wangu Esau, iye Jakubo waswika shule kwedu.’ ” 19Jakubo kalaya goko le bubili ne le butatu ne mamwe wose akabe akatakula zwithuwo kati, “Namwibo mulebe saikoku kuna Esau pamunoshangana naye. 20Mun'dwe muti, ‘Nlanda wenyu Jakubo waswika shule kwedu.’ ” Jakubo wakabe ekumbula eti, “Ndowonshathisa nge zwipo izwezwi zwandinotumila mbeli, kowoti shule tishangana pamwe kandiamutjila.” 21Ndiko zwipo zwa Jakubo zwikatungamila koga iye kalala mu maswikilo.
Dzulana kwa Jakubo ku Penieli
22Mu busiku igogo Jakubo katola bakadzi babe babili ne balandakadzi babe babili ne bakololo babe bagumi lina nng'ompela ngono katjuluka lukoba gwe Jabhoki. 23Wakati asinobatjuludza lukoba, katjuludza ne thundu iye yose. 24#Hoseya 12:3, 4Jakubo kasala ega.
Mmwe nlume kadzulana naye kuswikila ku bhezhuba kutema. 25Nlume iwoyo kati ebona kuti aangakulile Jakubo kakutha sonyo ya Jakubo ndizo Jakubo kasonyoka ipapo bedzulana. 26Nlume iwoyo kati, “Undiletje ndiyende, ku bhezhuba kwatema.”
Jakubo kashandula eti, “Andingakuletje kuzhe kwe wandikombolela.”
27Nlume iwoyo kambhuzwa kati, “Zina lilo ndiani?”
Kadabila eti, “Zina langu ndi Jakubo.”
28 #
Kutangisa 35:10
Nlume iwoyo kabe eti, “Zina lilo alitowobe litjayi Jakubo, koga lowoyi Iziraela ngoti wagwisana ne Ndzimu nenge bathu ngono ukakunda.”
29 #
Basumikilisi 13:17, 18 Jakubo kambhuzwa kati, “Ndokumbila mundibudze zina lenyu.”
Koga ouje kadabila eti, “Unobhuzwilani zina langu?” Ipapo kabe enkombolela.
30Ndizo Jakubo kadana bugalo igogo kati Penieli eti, “Ndabona Ndzimu ndakalingana nawo koga nditji mpenyu.” 31Zhuba lakabhuda edwa mu Penieli#32:31 Penieli: Mu Tjihebheru zina ileli ndi Penuweli.. Wakabe eshudza ngekwe sonyo iye. 32Nanasi kuno, Baiziraela abatoja lutshinga gumu malunganilo e bi ngoti sonyo ya Jakubo yakakuthiwa paali.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.