Kutangisa 34
34
Dzugwa kwa Dina
1Dina nkololokadzi wa Liya na Jakubo kabhuda limwe zhuba kunokumba bakadzi be shango iyeyo. 2Kukati Shekemu nkololo wa Hamori we Nhivi ntungamili we ntuthu iwoyo embona kantola kandzula. 3Kada Dina nkololokadzi wa Jakubo nge moyo uwe wose ngono kalebeleka naye nge ludo. 4Ngono Shekemu kadwa tate babe Hamori kati, “Mundilobolele mwanadi iwoyu abe nkadzi wangu.”
5Jakubo kahwa kuti nkololokadzi uwe Dina walengudziwa ngo kudzugwa ngono kanyalalazwe kuswikila bakololo babe bebuya bedwa ku shango kulisa zwithuwo. 6Ipapo Hamori tate ba Shekemu bakayenda kunolebeleka na Jakubo. 7Bakololo ba Jakubo bakaswika bedwa ku shango basinohwa tjashingikala bakagwadzika ngono bakagwadza moyo kwazo ngoti Shekemu athama mbipo inoshemisa mu Iziraela ngodzula nkololokadzi wa Jakubo, tjithu tjisakafanila kuikhwa. 8Koga Hamori kalebeleka nabo kati, “Mwanangu Shekemu unoda mwana wenyu, ndizo ndokumbila kuti mundumile anlobole. 9Ngati lobolaneni, mutipe bana benyu tibalobole namwibo mulobole bedu. 10Mungagala zwenyu naswi. Shango yakamuzhukila galani muili mushabe muwane fumwa.”
11Shekemu kalebeleka na tate ba Dina ne hazwadzi dzidze kati, “Ha mungandiamutjila ndowodusa kose kwamunoshaka. 12Danani mangaba andakafanila dusa sekwa munoda ngono ndowodusa tjamandidanila. Tjikulu mundipe mwanadi abe nkadzi wangu.”
13Bakololo ba Jakubo bakashandula Shekemu na tate babe Hamori nge bupitipiti ngoti hazwadzi yabo Dina wakabe alengudziwa. 14Bakati kunli, “Atingakushinge ikoku kwakajali, atingape hazwadzi yedu nthu usakathumbigwa. Ikoku kowobe kutilengudza. 15Tingadumana nako koga ha mathama saswi mukathumbila balume bose mu muli. 16Ndiko kwatingalobolelana naswibo tikagala pakati kwenyu tikabe bathu bang'ompela namwi. 17Koga amusingadumane nako mukathumbigwa towotola hazwadzi yedu tibe tiyenda.”
18Nkumbulo iwoyu ukashathisa Hamori ne nkololo uwe Shekemu. 19Nzhuzha iwoyo aazononoka kuthama tjalebgwa ngoti wakabe eda nkololokadzi wa Jakubo. Shekemu wakabe ekudziwa kupinda bose mu nsha wa tate babe.
20Ndizo Hamori ne nkololo uwe Shekemu bakayenda ku lubazhe pa nkoba we nzi wabo kunolebeleka ne balume be nzi iwoyo. 21Ngono bakati ku balume ibabo, “Bathu ibaba bana buthu naswi. Ngatibaletjeni bagale mu shango yedu bashabe muili, shango yakabazhukila. Tingalobolelana nabo. 22Koga bangaduma kugala naswi tikabe bathu bang'ompela ha bose bedu be tjilume bangathumbigwa se babo. 23Apa zwithuwo zwabo ne thundu yabo yose aitowobe yedu kene? Ndizo ngatidumaneni nabo ngono banowogala pakati kwedu.” 24Balume bose bakabhudila kuzhe kwe nzi ku lubazhe bakadumana na Hamori ne nkololo uwe Shekemu ndizo mmwe ne mmwe we tjilume mu nzi iwoyo kathumbigwa.
25Kwakati shule kwe mazhuba matatu balume ibabo bose batji mu zogwadza bakololo babili ba Jakubo, Simiyoni na Levi hazwadzi dza Dina bakatola mathumo abo ngono bakanginilila nzi pakafagwa bakabulaya balume bose. 26Bakabulaya Hamori na Shekemu nkololo uwe nge thumo ndizo bakatola Dina mu ng'umba ya Shekemu bakayenda. 27Bakololo ba Jakubo bakatapa thundu mu nzi iwoyo kwakabe kwalengudziwa hazwadzi yabo. 28Bakatapa pkhwizi dzabo ne ng'ombe ne madonki ne tjimwe ne tjimwe tjabo mu nzi na kuzhe mu shango. 29Bakatuta fumwa yabo yose ne bakadzi babo bose ne bana ne tjimwe ne tjimwe mu ng'umba. 30Ipapo Jakubo kadwa Simiyoni na Levi kati, “Mandilonga mu mbatsha ngekwe Bakanana ne Baperizi ne bathu bose banogala mu shango iyeyi. Iswi ti bashomanana ngono ha bangathama nshanganyila we ngwa bebe betinginilila, imi ne nsha wangu towolobesiwa.” 31Simiyoni na Levi bakashandula beti, “Apa tabe tingaletja hazwadzi yedu ibhakhwa se fukula kene?”
Currently Selected:
Kutangisa 34: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Kutangisa 34
34
Dzugwa kwa Dina
1Dina nkololokadzi wa Liya na Jakubo kabhuda limwe zhuba kunokumba bakadzi be shango iyeyo. 2Kukati Shekemu nkololo wa Hamori we Nhivi ntungamili we ntuthu iwoyo embona kantola kandzula. 3Kada Dina nkololokadzi wa Jakubo nge moyo uwe wose ngono kalebeleka naye nge ludo. 4Ngono Shekemu kadwa tate babe Hamori kati, “Mundilobolele mwanadi iwoyu abe nkadzi wangu.”
5Jakubo kahwa kuti nkololokadzi uwe Dina walengudziwa ngo kudzugwa ngono kanyalalazwe kuswikila bakololo babe bebuya bedwa ku shango kulisa zwithuwo. 6Ipapo Hamori tate ba Shekemu bakayenda kunolebeleka na Jakubo. 7Bakololo ba Jakubo bakaswika bedwa ku shango basinohwa tjashingikala bakagwadzika ngono bakagwadza moyo kwazo ngoti Shekemu athama mbipo inoshemisa mu Iziraela ngodzula nkololokadzi wa Jakubo, tjithu tjisakafanila kuikhwa. 8Koga Hamori kalebeleka nabo kati, “Mwanangu Shekemu unoda mwana wenyu, ndizo ndokumbila kuti mundumile anlobole. 9Ngati lobolaneni, mutipe bana benyu tibalobole namwibo mulobole bedu. 10Mungagala zwenyu naswi. Shango yakamuzhukila galani muili mushabe muwane fumwa.”
11Shekemu kalebeleka na tate ba Dina ne hazwadzi dzidze kati, “Ha mungandiamutjila ndowodusa kose kwamunoshaka. 12Danani mangaba andakafanila dusa sekwa munoda ngono ndowodusa tjamandidanila. Tjikulu mundipe mwanadi abe nkadzi wangu.”
13Bakololo ba Jakubo bakashandula Shekemu na tate babe Hamori nge bupitipiti ngoti hazwadzi yabo Dina wakabe alengudziwa. 14Bakati kunli, “Atingakushinge ikoku kwakajali, atingape hazwadzi yedu nthu usakathumbigwa. Ikoku kowobe kutilengudza. 15Tingadumana nako koga ha mathama saswi mukathumbila balume bose mu muli. 16Ndiko kwatingalobolelana naswibo tikagala pakati kwenyu tikabe bathu bang'ompela namwi. 17Koga amusingadumane nako mukathumbigwa towotola hazwadzi yedu tibe tiyenda.”
18Nkumbulo iwoyu ukashathisa Hamori ne nkololo uwe Shekemu. 19Nzhuzha iwoyo aazononoka kuthama tjalebgwa ngoti wakabe eda nkololokadzi wa Jakubo. Shekemu wakabe ekudziwa kupinda bose mu nsha wa tate babe.
20Ndizo Hamori ne nkololo uwe Shekemu bakayenda ku lubazhe pa nkoba we nzi wabo kunolebeleka ne balume be nzi iwoyo. 21Ngono bakati ku balume ibabo, “Bathu ibaba bana buthu naswi. Ngatibaletjeni bagale mu shango yedu bashabe muili, shango yakabazhukila. Tingalobolelana nabo. 22Koga bangaduma kugala naswi tikabe bathu bang'ompela ha bose bedu be tjilume bangathumbigwa se babo. 23Apa zwithuwo zwabo ne thundu yabo yose aitowobe yedu kene? Ndizo ngatidumaneni nabo ngono banowogala pakati kwedu.” 24Balume bose bakabhudila kuzhe kwe nzi ku lubazhe bakadumana na Hamori ne nkololo uwe Shekemu ndizo mmwe ne mmwe we tjilume mu nzi iwoyo kathumbigwa.
25Kwakati shule kwe mazhuba matatu balume ibabo bose batji mu zogwadza bakololo babili ba Jakubo, Simiyoni na Levi hazwadzi dza Dina bakatola mathumo abo ngono bakanginilila nzi pakafagwa bakabulaya balume bose. 26Bakabulaya Hamori na Shekemu nkololo uwe nge thumo ndizo bakatola Dina mu ng'umba ya Shekemu bakayenda. 27Bakololo ba Jakubo bakatapa thundu mu nzi iwoyo kwakabe kwalengudziwa hazwadzi yabo. 28Bakatapa pkhwizi dzabo ne ng'ombe ne madonki ne tjimwe ne tjimwe tjabo mu nzi na kuzhe mu shango. 29Bakatuta fumwa yabo yose ne bakadzi babo bose ne bana ne tjimwe ne tjimwe mu ng'umba. 30Ipapo Jakubo kadwa Simiyoni na Levi kati, “Mandilonga mu mbatsha ngekwe Bakanana ne Baperizi ne bathu bose banogala mu shango iyeyi. Iswi ti bashomanana ngono ha bangathama nshanganyila we ngwa bebe betinginilila, imi ne nsha wangu towolobesiwa.” 31Simiyoni na Levi bakashandula beti, “Apa tabe tingaletja hazwadzi yedu ibhakhwa se fukula kene?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.