Kutangisa 42
42
Bakulu ba Josefa banoyenda ku Egipiti
1Jakubo kati ahwa kuti kuna mathunde ku Egipiti kati ku bakololo babe, “Mugelileni makalingana saikoku? 2#Mishingo 7:12Ndakahwa kuti kuna mathunde ku Egipiti. Yendani munotitengela mathunde kuti titjile tisife nge zhala.” 3Ndizo bakulu ba Josefa bali gumi bakayenda kunotenga mathunde ku Egipiti. 4Koga Jakubo kasitume Bhenjamini nnung'una wa Josefa ne bamwe ngoti wakabe etja kuti pamwe tjakabipa tjingan'wila.
5Ndizo bakololo ba Iziraela bakabe bali bamwe bakabe bayenda kunotenga mathunde ngoti zhala yakabe yaswika ne ku Kanana. 6Tjibaka itjetjo Josefa wakabe ali mbusi we shango iyeyo, ndiye wakabe etengesa mathunde ku bathu bose, ndizo bakulu ba Josefa bakazha bakanthigamila. 7Josefa kati ebona bakulu babe kabaziba, koga kazwitola se ntaya kabalebesa nge kubakaikanya ebhuzwa eti, “Madwa ngayi?” Ibo bakashandula beti, “Tadwa ku Kanana tawotenga zojiwa.”
8Nenguba Josefa akaziba bakulu babe ibo abazonziba. 9#Kutangisa 37:5-10Ipapo kakumbula mawoloto awe nge kwabo ngono kati ku bali, “Imwi mu shodzi! Mazha kuwoshola shango yedu kuwobona paisakasima.”
10Bakadabila beti, “Tetshi wedu, akuzojalo, tazha kuwotenga zojiwa. 11Tose ti bana be nthu. Ti balume banogalikabgwe, iswi balanda benyu ate tili shodzi.”
12Josefa kabe eti ku bali, “Akuna! Mazha kuwoshola shango kubona paisakasima.”
13Bakashandula beti, “Iswi takabe tili gumi lina babili, tili bana be nthu, bakololo be mmwe nlume unogala ku Kanana. Kologwe tjedu tjasala na tate bedu, mmwe aatjipo wakatisiya.”
14Josefa kati ku bali, “Konga sekwa ndaleba koga. Imwi mu shodzi! 15Koga zila ya munowoshogwa ndiyo eyi: Ndotuna na Faro, amungadwe mu magalo iyawa kuzhe kwe kuti nnung'una wenyu abe azha ipapa. 16Tumani mmwe wenyu anotola nnung'una wenyu, bamwe bose banowosala mu busungwa kuti matama enyu ashogwe kuti kene malebeswa. Ha musingalebese, ndotuna na Faro, mu shodzi!” 17Josefa kabalonga mu ng'umba ye busungwa mazhuba ali matatu.
18Mu zhuba le butatu Josefa kabadwa kati, “Imi ndotja Ndzimu, ndizo thamani tjandinoleba mutjile. 19Kulakidza kuti mu bathu banogalikabgwe, mmwe wenyu ngaasale mu busungwa ha bamwe beyisa mathunde ku misha yenyu inofa nge zhala. 20Muzhise kologwe tjenyu kundili kuti matama enyu azhadzisike kuti ndizo musife nge zhala.”
Ngono bakadumana nako. 21Bakalebesana tjekwabo beti, “Malebeswa tina nlandu ngekwe nnung'una wedu. Takabona dumbu kudziyidzika kukwe etikumbila koga iswi tikasihwilile, ndizo wali kudziyidzika ikoku kwatiwila.”
22 #
Kutangisa 37:21, 22 Rubheni kabe eti, “Apa andizomudwa ati musithame mbisana tjimwe tjakabipa kene? Koga amuzohwilila! Ndizo ngwenu lopa lile loshakwa mutili.” 23Bakabe basingazibe kuti Josefa wakabe ebahwa se akabe eshingisa ntoloki. 24Josefa kadwa pabali kanolila, koga kabuya kulebeleka nabo kakale. Katola Simiyoni mu bali kasungwa mbeli kwabo.
Bakulu ba Josefa banobgwilila ku Kanana
25Josefa kalaya kuti hwomo dzabo dzipakiwe dzizhale mathunde. Ne kuti mmwe ne mmwe wabo abgwilizigwe mari mu hwomo iye, bapiwe mbuba dze gwendo gwabo. Bakathamigwa saikoko. 26Bakabelesa hwomo dzabo mu madonki abo bakayenda. 27Pa bakalala mmwe wabo kazhula hwomo kupa donki iye zojiwa ngono kawana mari awe pa nlomo we hwomo iye. 28Kabe eti ku bamwe, “Mari angu abgwiliziwa, awawa mu hwomo yangu.” Bakalobgwa nge hana, bakalingana betetema ngono bakati, “Ini ikoku Ndzimu kwawatithamila kene?”
29Bakati beswika kuna Jakubo tate babo mu shango ye Kanana, bakababudza kose kwakabashingikalila. Bakati, 30“Mbusi we shango iyeyije wakatilebesa nge bushongola, katitola se shodzi dzinoshola shango. 31Koga iswi takandwa tikati, ‘Iswi ti bathu banogalikabgwe, ate tili shodzi. 32Takabe tili bana be nthu tili gumi lina babili, mmwe wakatisiya, kologwe tjakasala na tate bedu ku Kanana.’ 33Nlume iwoyo kabe eti, ‘Ndowoziba kuti mu balume banogalikabgwe nge zila eyi, mmwe wenyu unowosala nami, bamwe banowotola mathunde bakaayisa ku misha yabo inofa nge zhala. 34Muzhise kologwe tjenyu kundili. Ipapo ndowoziba kuti ate muli shodzi, koga mu balume banogalikabgwe. Ndizo ndowosunungula mmwe wenyu kuti ndizo mukowoshaba zwenyu mu shango iyeyi.’ ”
35Bakati bopipha hwomo dzabo bakawana hwomwana dze mari mu hwomo ye mmwe ne mmwe wabo ina mari ayo. Bakati bebona mari bose na tate babo bakapaluka moyo. 36Tate babo Jakubo bakati ku bali, “Manditolela bana bangu. Josefa aatjipo na Simiyoni aatjipo, ngono ngwenu moshakatola Bhenjamini. Tjimwe ne tjimwe tjogwisana nami.”
37Ipapo Rubheni kabe eti, “Mundipe iye ndowontjengeta. Andingasambuza mubulaye bakololo bangu bose babili.”
38Koga Jakubo kabe eti, “Nkololo wangu aatowoyenda ikweno namwi, nkulu uwe wakafa iye ndiye yega wakasala. Ha tjimwe tjakabipa tjingan'wila mu gwendo gwamunotola, mowobe mathama kuti ndidzine ndife nge moyo una shungu.”
Currently Selected:
Kutangisa 42: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
Kutangisa 42
42
Bakulu ba Josefa banoyenda ku Egipiti
1Jakubo kati ahwa kuti kuna mathunde ku Egipiti kati ku bakololo babe, “Mugelileni makalingana saikoku? 2#Mishingo 7:12Ndakahwa kuti kuna mathunde ku Egipiti. Yendani munotitengela mathunde kuti titjile tisife nge zhala.” 3Ndizo bakulu ba Josefa bali gumi bakayenda kunotenga mathunde ku Egipiti. 4Koga Jakubo kasitume Bhenjamini nnung'una wa Josefa ne bamwe ngoti wakabe etja kuti pamwe tjakabipa tjingan'wila.
5Ndizo bakololo ba Iziraela bakabe bali bamwe bakabe bayenda kunotenga mathunde ngoti zhala yakabe yaswika ne ku Kanana. 6Tjibaka itjetjo Josefa wakabe ali mbusi we shango iyeyo, ndiye wakabe etengesa mathunde ku bathu bose, ndizo bakulu ba Josefa bakazha bakanthigamila. 7Josefa kati ebona bakulu babe kabaziba, koga kazwitola se ntaya kabalebesa nge kubakaikanya ebhuzwa eti, “Madwa ngayi?” Ibo bakashandula beti, “Tadwa ku Kanana tawotenga zojiwa.”
8Nenguba Josefa akaziba bakulu babe ibo abazonziba. 9#Kutangisa 37:5-10Ipapo kakumbula mawoloto awe nge kwabo ngono kati ku bali, “Imwi mu shodzi! Mazha kuwoshola shango yedu kuwobona paisakasima.”
10Bakadabila beti, “Tetshi wedu, akuzojalo, tazha kuwotenga zojiwa. 11Tose ti bana be nthu. Ti balume banogalikabgwe, iswi balanda benyu ate tili shodzi.”
12Josefa kabe eti ku bali, “Akuna! Mazha kuwoshola shango kubona paisakasima.”
13Bakashandula beti, “Iswi takabe tili gumi lina babili, tili bana be nthu, bakololo be mmwe nlume unogala ku Kanana. Kologwe tjedu tjasala na tate bedu, mmwe aatjipo wakatisiya.”
14Josefa kati ku bali, “Konga sekwa ndaleba koga. Imwi mu shodzi! 15Koga zila ya munowoshogwa ndiyo eyi: Ndotuna na Faro, amungadwe mu magalo iyawa kuzhe kwe kuti nnung'una wenyu abe azha ipapa. 16Tumani mmwe wenyu anotola nnung'una wenyu, bamwe bose banowosala mu busungwa kuti matama enyu ashogwe kuti kene malebeswa. Ha musingalebese, ndotuna na Faro, mu shodzi!” 17Josefa kabalonga mu ng'umba ye busungwa mazhuba ali matatu.
18Mu zhuba le butatu Josefa kabadwa kati, “Imi ndotja Ndzimu, ndizo thamani tjandinoleba mutjile. 19Kulakidza kuti mu bathu banogalikabgwe, mmwe wenyu ngaasale mu busungwa ha bamwe beyisa mathunde ku misha yenyu inofa nge zhala. 20Muzhise kologwe tjenyu kundili kuti matama enyu azhadzisike kuti ndizo musife nge zhala.”
Ngono bakadumana nako. 21Bakalebesana tjekwabo beti, “Malebeswa tina nlandu ngekwe nnung'una wedu. Takabona dumbu kudziyidzika kukwe etikumbila koga iswi tikasihwilile, ndizo wali kudziyidzika ikoku kwatiwila.”
22 #
Kutangisa 37:21, 22 Rubheni kabe eti, “Apa andizomudwa ati musithame mbisana tjimwe tjakabipa kene? Koga amuzohwilila! Ndizo ngwenu lopa lile loshakwa mutili.” 23Bakabe basingazibe kuti Josefa wakabe ebahwa se akabe eshingisa ntoloki. 24Josefa kadwa pabali kanolila, koga kabuya kulebeleka nabo kakale. Katola Simiyoni mu bali kasungwa mbeli kwabo.
Bakulu ba Josefa banobgwilila ku Kanana
25Josefa kalaya kuti hwomo dzabo dzipakiwe dzizhale mathunde. Ne kuti mmwe ne mmwe wabo abgwilizigwe mari mu hwomo iye, bapiwe mbuba dze gwendo gwabo. Bakathamigwa saikoko. 26Bakabelesa hwomo dzabo mu madonki abo bakayenda. 27Pa bakalala mmwe wabo kazhula hwomo kupa donki iye zojiwa ngono kawana mari awe pa nlomo we hwomo iye. 28Kabe eti ku bamwe, “Mari angu abgwiliziwa, awawa mu hwomo yangu.” Bakalobgwa nge hana, bakalingana betetema ngono bakati, “Ini ikoku Ndzimu kwawatithamila kene?”
29Bakati beswika kuna Jakubo tate babo mu shango ye Kanana, bakababudza kose kwakabashingikalila. Bakati, 30“Mbusi we shango iyeyije wakatilebesa nge bushongola, katitola se shodzi dzinoshola shango. 31Koga iswi takandwa tikati, ‘Iswi ti bathu banogalikabgwe, ate tili shodzi. 32Takabe tili bana be nthu tili gumi lina babili, mmwe wakatisiya, kologwe tjakasala na tate bedu ku Kanana.’ 33Nlume iwoyo kabe eti, ‘Ndowoziba kuti mu balume banogalikabgwe nge zila eyi, mmwe wenyu unowosala nami, bamwe banowotola mathunde bakaayisa ku misha yabo inofa nge zhala. 34Muzhise kologwe tjenyu kundili. Ipapo ndowoziba kuti ate muli shodzi, koga mu balume banogalikabgwe. Ndizo ndowosunungula mmwe wenyu kuti ndizo mukowoshaba zwenyu mu shango iyeyi.’ ”
35Bakati bopipha hwomo dzabo bakawana hwomwana dze mari mu hwomo ye mmwe ne mmwe wabo ina mari ayo. Bakati bebona mari bose na tate babo bakapaluka moyo. 36Tate babo Jakubo bakati ku bali, “Manditolela bana bangu. Josefa aatjipo na Simiyoni aatjipo, ngono ngwenu moshakatola Bhenjamini. Tjimwe ne tjimwe tjogwisana nami.”
37Ipapo Rubheni kabe eti, “Mundipe iye ndowontjengeta. Andingasambuza mubulaye bakololo bangu bose babili.”
38Koga Jakubo kabe eti, “Nkololo wangu aatowoyenda ikweno namwi, nkulu uwe wakafa iye ndiye yega wakasala. Ha tjimwe tjakabipa tjingan'wila mu gwendo gwamunotola, mowobe mathama kuti ndidzine ndife nge moyo una shungu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.