LUKAS 3
3
Ɓǝ cuu Yohana ma joŋ baptisma
(Mt 3:1-12; Mk 1:1-8; Yoh 1:19-28)
1Ne cok ah ka Tiberias kaa Kaiser ɓo syii jemma tǝtǝl dappe, ka Pontius Pilatus kaa govener ɓo sǝr Yudea, Herodes kaa goŋ ɓo sǝr Galile, naa mah ah Filip kaa goŋ ɓo sǝr Iturea tǝkine Trakonitus, Lisanias kaa goŋ ɓo sǝr Abilene, 2so Annas ne Kayafas ye za joŋzahsyiŋ maluuri. Masǝŋ ge faa ɓǝ nyi Yohana we Zakarias kǝsyicokki. 3So Yohana tǝŋ kyãh tǝ sǝr ma kah el Yordan daŋ, a faa: We toobii, we nyiŋ baptisma, Masǝŋ ga rwah faɓe' ɓii ga lalle. 4Ɓǝ ah joŋ tǝgbana mai profeto Esaia mo ŋwǝǝ ɓo pǝ ɗerewol ahe, faa:
Kyaŋ dǝɓ ki no tǝ ɓyaŋ ɓǝ kǝsyicokki,
A faa: We zyeɓ fahlii nyi Dǝɓlii,
We dǝǝ fahlii ah ra uu pǝsãhe.#Esa 40:3-5
5El daŋ mo roŋ zahki,
Waa tǝkine gee daŋ mo rǝǝ ge sǝŋ zahki,
Fahlii marãa ah daŋ a ga dǝǝ uu sǝraŋ,
Fahlii maɓea daŋ a ga yea zahki.
6Za daŋ a ga kwora ǝ̃ǝ Masǝŋ.
7Za gin wo Yohana ka mo joŋ baptisma nyi ra. A faa nyi ra: Awe wee soo, azu ye cuu nyi we ka we ɗuu ǝ̃ǝ pel kpãh Masǝŋ mai mo tǝ gin ne?#Mt 12:34; 23:33 8We joŋ yeɓ mai moo gak cuu we fer zahzyil ɓii ɓe. We lǝŋ sõone a ga rõmra we mor pa ɓii lii ye Abraham ka, amma me tǝ faa nyi we, Masǝŋ gak joŋ tǝsal marai ka mo ciŋra morsǝ̃ǝ Abraham.#Yoh 8:33 9Kǝlaɓ zyeɓ kan ɓo mor kpuu ka cen gin morsǝ̃ǝ ahe, kpuu mai mo ka lee syẽm pǝsãh ya daŋ a ga ce ɓoo ga tǝ wii.#Mt 7:19
10Za so fiira ko: Ɗah ru ga joŋ ɗǝne? 11Yohana zyii faa nyi ra: Dǝɓ mai mo ne yerri gwa mo nǝǝko nyi dǝɓ mai mo ka ne ya, dǝɓ mo ne farel ɓe, mo joŋko nai ta. 12Za sǝǝ gǝraama gera ka nyiŋ baptisma ta, fiira Yohana: Pa cuu fanne, ru ga joŋ ɗǝne?#Lu 7:29 13Zyii faa: We nyiŋ fan jol za kal tǝ mai ɓǝ lai mo cuu ɓo ka. 14So sooje ge fiira ko nai ta: Ma ɓuu ru ga joŋ ɗǝne? Zyii faa nyi ra: We nyiŋ lak jol za ne swah wala koo ne vǝrvǝr ka, we re lak soo ɓii sǝ.
15Za tǝ byakke, a foora pǝ zahzyil ɓǝǝ faa: Maki fan morãi Yohana sye, Kristu ye ne? 16So Yohana faa nyi ra daŋ: Ma ɓe me ge ka joŋ baptisma nyi we ne bii to, amma Dǝɓ ki no tǝ gin fahfal ɓe, a pǝyǝk kal me ɓe, koo pǝ sal sǝɓal ah laŋ, me kii nǝn pǝ koŋ wǝǝ ah ya. Ako ye ga joŋ baptisma nyi we ne Tǝ'yak Matǝdaŋdaŋ tǝkine wii. 17Ŋhǝǝ gee sor no jol ahe, a ga gee kun sor ga lal ne ko. A ga tai sor ah ga kahcelle, amma a ga rǝk kun ah ga tǝ wii, ka syen wii mai mo ka rum ya ŋhaa ga lii.
18Yohana a lai za ne ɓǝ manyeeki ah camcam pǝlli, a so cuu Ɓǝ'nyah Masǝŋ nyi ra ta. 19Amma so Yohana lai goŋ Herodes tǝ ɓǝ ɓaŋ Herodias mawin naa mah ah Filip kanne, lai ko tǝ ɓǝ yeɓ ɓe' ah manyeeki ah camcam ta.#Mt 14:3-4; Mk 6:17-18 20Herodes so joŋ faɓe' ge pelle, gbǝ Yohana ɓoo ge daŋgai.
Baptisma Yesu
(Mt 3:3-17; Mk 1:9-11)
21Fahfal za mo nyiŋra baptisma daŋ o, Yesu so nyiŋ ta. Ne cok mo tǝ juuko pelle, coksǝŋ gbǝrri. 22So Tǝ'yak Matǝdaŋdaŋ ɗǝr ge tǝl ah tǝgbana matǝvaare, kyaŋ cii coksǝŋ ge faa: Amo ye We 'yah ɓe, me laa pǝ'nyah ne mo.#Tǝŋ 22:2; Lǝŋ 2:7; Esa 42:1; Mt 3:17; Mk 1:11; Lu 9:35
Za morsǝ̃ǝ Yesu
(Mt 1:1-17)
23Ne cok Yesu mo tǝŋ joŋ yeɓ ah ka syii ah joŋ ɓo tǝgbana jemma sai, za daŋ tǝra ko ɓo na we Yuseɓ we Eli, 24we Matta, we Lewi, we Melki, we Jamai, we Yuseɓ, 25we Matatias, we Amos, we Naahum, we Esli, we Nagai, 26we Mat, we Matatias, we Semain, we Yusek, we Yoda, 27we Yohanan, we Resa, we Serubabel, we Salatiel, we Neri, 28we Melki, we Adi, we Kosam, we Elmadan, we Er, 29we Joswa, we Eliezar, we Jorim, we Matta, we Lewi, 30we Simon, we Yuda, we Yuseɓ, we Yonam, we Eliakim, 31we Malea, we Manna, we Mattata, we Natan, we David, 32we Isai, we Obed, we Boas, we Sala, we Naason, 33we Amminadaɓ, we Admin, we Arni, we Esron, we Peres, we Yuda, 34we Yakuɓ, we Isak, we Abraham, we Tarak, we Nakor, 35we Seruk, we Ragao, we Falek, we Eber, we Sala, 36we Kenan, we Arfasak, we Sem, we Noa, we Lamek, 37we Metusala, we Enok, we Yared, we Malalael, we Kenan, 38we Enos, we Set, we Adam, we Masǝŋ.
Currently Selected:
LUKAS 3: MUAR
Highlight
Share
Copy
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.
LUKAS 3
3
Ɓǝ cuu Yohana ma joŋ baptisma
(Mt 3:1-12; Mk 1:1-8; Yoh 1:19-28)
1Ne cok ah ka Tiberias kaa Kaiser ɓo syii jemma tǝtǝl dappe, ka Pontius Pilatus kaa govener ɓo sǝr Yudea, Herodes kaa goŋ ɓo sǝr Galile, naa mah ah Filip kaa goŋ ɓo sǝr Iturea tǝkine Trakonitus, Lisanias kaa goŋ ɓo sǝr Abilene, 2so Annas ne Kayafas ye za joŋzahsyiŋ maluuri. Masǝŋ ge faa ɓǝ nyi Yohana we Zakarias kǝsyicokki. 3So Yohana tǝŋ kyãh tǝ sǝr ma kah el Yordan daŋ, a faa: We toobii, we nyiŋ baptisma, Masǝŋ ga rwah faɓe' ɓii ga lalle. 4Ɓǝ ah joŋ tǝgbana mai profeto Esaia mo ŋwǝǝ ɓo pǝ ɗerewol ahe, faa:
Kyaŋ dǝɓ ki no tǝ ɓyaŋ ɓǝ kǝsyicokki,
A faa: We zyeɓ fahlii nyi Dǝɓlii,
We dǝǝ fahlii ah ra uu pǝsãhe.#Esa 40:3-5
5El daŋ mo roŋ zahki,
Waa tǝkine gee daŋ mo rǝǝ ge sǝŋ zahki,
Fahlii marãa ah daŋ a ga dǝǝ uu sǝraŋ,
Fahlii maɓea daŋ a ga yea zahki.
6Za daŋ a ga kwora ǝ̃ǝ Masǝŋ.
7Za gin wo Yohana ka mo joŋ baptisma nyi ra. A faa nyi ra: Awe wee soo, azu ye cuu nyi we ka we ɗuu ǝ̃ǝ pel kpãh Masǝŋ mai mo tǝ gin ne?#Mt 12:34; 23:33 8We joŋ yeɓ mai moo gak cuu we fer zahzyil ɓii ɓe. We lǝŋ sõone a ga rõmra we mor pa ɓii lii ye Abraham ka, amma me tǝ faa nyi we, Masǝŋ gak joŋ tǝsal marai ka mo ciŋra morsǝ̃ǝ Abraham.#Yoh 8:33 9Kǝlaɓ zyeɓ kan ɓo mor kpuu ka cen gin morsǝ̃ǝ ahe, kpuu mai mo ka lee syẽm pǝsãh ya daŋ a ga ce ɓoo ga tǝ wii.#Mt 7:19
10Za so fiira ko: Ɗah ru ga joŋ ɗǝne? 11Yohana zyii faa nyi ra: Dǝɓ mai mo ne yerri gwa mo nǝǝko nyi dǝɓ mai mo ka ne ya, dǝɓ mo ne farel ɓe, mo joŋko nai ta. 12Za sǝǝ gǝraama gera ka nyiŋ baptisma ta, fiira Yohana: Pa cuu fanne, ru ga joŋ ɗǝne?#Lu 7:29 13Zyii faa: We nyiŋ fan jol za kal tǝ mai ɓǝ lai mo cuu ɓo ka. 14So sooje ge fiira ko nai ta: Ma ɓuu ru ga joŋ ɗǝne? Zyii faa nyi ra: We nyiŋ lak jol za ne swah wala koo ne vǝrvǝr ka, we re lak soo ɓii sǝ.
15Za tǝ byakke, a foora pǝ zahzyil ɓǝǝ faa: Maki fan morãi Yohana sye, Kristu ye ne? 16So Yohana faa nyi ra daŋ: Ma ɓe me ge ka joŋ baptisma nyi we ne bii to, amma Dǝɓ ki no tǝ gin fahfal ɓe, a pǝyǝk kal me ɓe, koo pǝ sal sǝɓal ah laŋ, me kii nǝn pǝ koŋ wǝǝ ah ya. Ako ye ga joŋ baptisma nyi we ne Tǝ'yak Matǝdaŋdaŋ tǝkine wii. 17Ŋhǝǝ gee sor no jol ahe, a ga gee kun sor ga lal ne ko. A ga tai sor ah ga kahcelle, amma a ga rǝk kun ah ga tǝ wii, ka syen wii mai mo ka rum ya ŋhaa ga lii.
18Yohana a lai za ne ɓǝ manyeeki ah camcam pǝlli, a so cuu Ɓǝ'nyah Masǝŋ nyi ra ta. 19Amma so Yohana lai goŋ Herodes tǝ ɓǝ ɓaŋ Herodias mawin naa mah ah Filip kanne, lai ko tǝ ɓǝ yeɓ ɓe' ah manyeeki ah camcam ta.#Mt 14:3-4; Mk 6:17-18 20Herodes so joŋ faɓe' ge pelle, gbǝ Yohana ɓoo ge daŋgai.
Baptisma Yesu
(Mt 3:3-17; Mk 1:9-11)
21Fahfal za mo nyiŋra baptisma daŋ o, Yesu so nyiŋ ta. Ne cok mo tǝ juuko pelle, coksǝŋ gbǝrri. 22So Tǝ'yak Matǝdaŋdaŋ ɗǝr ge tǝl ah tǝgbana matǝvaare, kyaŋ cii coksǝŋ ge faa: Amo ye We 'yah ɓe, me laa pǝ'nyah ne mo.#Tǝŋ 22:2; Lǝŋ 2:7; Esa 42:1; Mt 3:17; Mk 1:11; Lu 9:35
Za morsǝ̃ǝ Yesu
(Mt 1:1-17)
23Ne cok Yesu mo tǝŋ joŋ yeɓ ah ka syii ah joŋ ɓo tǝgbana jemma sai, za daŋ tǝra ko ɓo na we Yuseɓ we Eli, 24we Matta, we Lewi, we Melki, we Jamai, we Yuseɓ, 25we Matatias, we Amos, we Naahum, we Esli, we Nagai, 26we Mat, we Matatias, we Semain, we Yusek, we Yoda, 27we Yohanan, we Resa, we Serubabel, we Salatiel, we Neri, 28we Melki, we Adi, we Kosam, we Elmadan, we Er, 29we Joswa, we Eliezar, we Jorim, we Matta, we Lewi, 30we Simon, we Yuda, we Yuseɓ, we Yonam, we Eliakim, 31we Malea, we Manna, we Mattata, we Natan, we David, 32we Isai, we Obed, we Boas, we Sala, we Naason, 33we Amminadaɓ, we Admin, we Arni, we Esron, we Peres, we Yuda, 34we Yakuɓ, we Isak, we Abraham, we Tarak, we Nakor, 35we Seruk, we Ragao, we Falek, we Eber, we Sala, 36we Kenan, we Arfasak, we Sem, we Noa, we Lamek, 37we Metusala, we Enok, we Yared, we Malalael, we Kenan, 38we Enos, we Set, we Adam, we Masǝŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.