MARK 10
10
Báá-kóò in gbíá-kóò
(Zɔk Mt 19.1-12; Lk 16.18)
1Jesu kura hi̧i̧ yak si Judee, ɓɛɛ ku yì si kur Jurdɛn mɛ. Giiwi mɔi̧a katɛ a̧ woyo, ɓɛɛ a̧ ku̧ naŋ usa mɔ ha̧ wa, hee mɔ'ɔ n'aa de ɓɔnsɛnɛ ga.
2Nɛ́ mɔ'ɔ nɛ̀ o Fariziɛn tɛ̀ɛ̀ tɛ a̧ mɛ ba wen zaŋ-aa. Wa aka a̧: «Heembea ee war ha'i mɛ ndak kóò kɔ‘i yinɛ nde?» 3A̧ kifa nú ha̧ wa: «Moisɛ yɔra so bɔɔ h’ɛ́nɛ́ hee ge?» 4Ɓɛɛ wa tɔ̧: «Moisɛ ee war ha'i mɛ yɔr kalata gbia-a ha̧ kóò sɛka'i ndaka a̧.»#Wee-ɗoŋ-he 24.1-4; Mt 5.31 5Ɓɛɛ Jesu tɔ̧: «Mɛ̀ nɛ́ wen nɛ̀ ɛ́nɛ́ nɛ́ o wi-ŋga-see, sa a̧ yɔr heembea'i h’ɛ́nɛ́; 6wen nɛ̀ ku̧u̧naŋ-a mɛ, Sɔ̧ dee wiwii in okoo.#Ku̧u̧ 1.27; 5.2 7Hegɔ, wiwii tɛ e dáà in nàà kɔ‘i duk mɛ ndaɗi in kóò kɔ‘i,#Ku̧u̧ 2.24 8ɓɛɛ wa yiitoo lɛŋ tɛ duk nɛ́ kiitɛ kpɔk. 9Wen hegɔ, mɔ nɛ̀ Sɔ̧ ndaɗa nɛ̀ ŋmaa kaɗi, ká bíí kɛ̧ mgbara-a na.»
10Sɛn kɔ̧́ tua mɛ, o ŋgaiwi kɔ̧-a̧ aka a̧ zu kpɔk wen gbíá-kóò‘i woyo. 11Jesu tɔ̧ɔ̧ ha̧ wa: «Wi nɛ ndak kóò kɔ‘i, ɓɛɛ nɛ̀ɛ̀ ba mbe-a, de nɛ́ dàlà ti kuti-a n'aa ndaka'i.#Mt 5.32; 1 Kɔr 7.10-11 12Kà ŋma okoo gbii wíì, ɓɛɛ nɛ̀ɛ̀ ba mbe-a, a̧ de nɛ́ dàlà.»
Jesu toka de yoŋgo zu o geɗek bem
(Zɔk Mt 19.13-15; Lk 18.15-17)
13Nɛ́ mɔ'ɔ nɛ̀ o bíí mgbɔɔ o geɗek bem tɛnɛ, wen ha̧ a̧ mɛ e er zu wa, ɓɛɛ o ŋgaiwi kɔ̧-a̧ dor wa. 14Jesu zɔka mɔ‘i, ɓɛɛ kpa ɗaŋsee; a̧ tɔ̧ɔ̧ ha̧ ŋgaiwi kɔ̧-a̧: «Ɛ̀nɛ̀ é ha̧ o geɗek bem mɛ tɛ pii tɛ‘m; k’ɛ́nɛ́ dor wa na, wen Wan ko Sɔ̧ nɛ́ ko o wi nɛ̀ duk hee wa ga. 15Nɛ́ kpasawen a̧‘m tɔ̧ h’ɛ́nɛ́; wi nɛ̀ kpɛk Wan ko Sɔ̧ hee o geɗek bem ga na beka ye tɛ Wan'i na.»#Mt 18.3 16Nɛ́ mɔ'ɔ n'aa mɔi̧a wa, ɓɛɛ e er zu wa tok nɛ̀ de yoŋgo zu wa.
Jesu in wanmbɔi
(Zɔk Mt 19.16-30; Lk 18.18-30)
17Hee mɔ'ɔ nɛ̀ Jesu yee yuwar mɛ yak ga, ŋma bíí maa yì tɛnɛ, gbɛ zugur nù ti a̧, ɓɛɛ ak a̧: «De wan-usi-mɔ, mɔ n'am tɛ de sɛka'm kpaa duka-kpasa kpoo nɛ kpoo nɛ̀ mɔɔ-oi nɛ́ ge?» 18Jesu tɔ̧ɔ̧ ha̧ a̧: «Mɛ́ sa'm'e, de-wi wen ge? Ŋma de-wi bo na, ɓaa de-wi nɛ́ Sɔ̧ kpɔk ɓɛɛ. 19Mɛ́ iŋa o heembea ko Sɔ̧: ‹Ká mɛ gbɛ zu na, ká mɛ de dàlà na, ká mɛ zu̧ mɔ na, ká mɛ ɓir wen e nú bíí na, ká mɛ de ɗaŋmɔ in bíí na, mɛ̀ tú̧ tɛ dáà in nàà kɔ-mɛ.› »#Gboa-a 20.12-16; Wee-ɗoŋ-he 5.16-21 20Wi’ɛi kifa nú ha̧ Jesu: «Wan-usi-mɔ, mi kasa o heembea nɔ‘i lɛŋ, nɛ̀ bem mɛ hɔ kinii.» 21Nɛ́ mɔ'ɔ nɛ̀ Jesu mbaɗa a̧, kɔ̧ a̧, ɓɛɛ tɔ̧ ha̧ a̧: «Oi mɔ kpɔk nɛ̀ ɓɔna ha̧ mɛ nɛ́ mɔ'ɔ: mɛ̀ nɛ́, mɛ̀ ɗɔ́r mɔ nɛ̀ mɛ a̧a̧ nɛnɛ, a̧ mɛ̀ kɛ̧́ sede-a nɛ̀ o wisan. Hegɔ, mɛ́ tɛ kpa mbɔi sɛn yiwese mɛ; ɓɛɛ mɛ̀ tɛ́ ɗoŋ am.» 22Wi’ɛi zia wen'i ɓɛɛ see ɗaŋ. A̧ yaka nɛ̀ tu̧u̧-see, wen a̧ a̧a̧ so nɛ̀ dɔka mbɔi nyɛmna.
23Jesu zɔka mɔ zik katɛ, ɓɛɛ tɔ̧ ha̧ o ŋgaiwi kɔ‘i: «Ɔ ŋgaya ha̧ wanmbɔi mɛ ye tɛ Wan ko Sɔ̧!» 24O ŋgaiwi ko Jesu zia wen'i, ɓɛɛ ɗɛɗɛ-wa gɔn. Ɓɛɛ Jesu tɔ̧ ha̧ wa woyo: «O bem kɔ‘m, ɔ ŋgaya nyɛmna ha'i mɛ ye tɛ Wan ko Sɔ̧! 25Gboa-a ko ŋgeloba nɛ̀ kɔ̧́ woi-si̧ɔ̧ ɔ yɛ́kɛ́ɗɛ́ gan yea-a ko wanmbɔi tɛ Wan ko Sɔ̧!» 26Ɗɛɗɛ-wa gɔna gan kuti-a, ɓɛɛ wa tɔ̧ sitɛ ŋmaa: «Kà nɛ́ bòò hegɔ, nɛ́ o'o tɛ kpasi o nde?» 27Jesu mbaɗa wa, ɓɛɛ tɔ̧: «Mɔ‘i gana bíí, ɓɛɛ gan Sɔ̧ na, wen ŋma mɔɔ-gan Sɔ̧ bo na.» 28Pierre tɔ̧ɔ̧ ha̧ a̧: «Ɓɛɛ ho! K’ɛ́ɛ́ n’ɛɛ ee mɔ k’ɛ́ɛ́ lɛŋ duk h’ɛ́ɛ́ mɛ nɛ̀ ɗoŋ‘nɛ́'ɛ, ɛ́ɛ́ tɛ de héé ge?» 29Ɓɛɛ Jesu tɔ̧ ha̧ a̧: «Nɛ́ kpasawen a̧‘m tɔ̧ h’ɛ́nɛ́; wi nɛ̀ tɛ e bíí nutua kɔ‘i, o nya-wi, o boko-nya-wi, nàà in dáà kɔ‘i, ká bá nɛ̀ o bem kɔ‘i, gú nɛ̀ o fɔ kɔ‘i lɛŋ duk, wen zu'm in wen zu De Mbe Wen ko Sɔ̧, 30wi’ɛi tɛ kpa tua, o nya-a̧, o boko-nya-a̧, o nàá, o dáà, o bem, gú nɛ̀ fɔ war gɔmŋmaa oi ɛ̧ɛ̧ nɔ'ɔ kinii’ɛ; o bíí tɛ usi bɔnɛ ha̧ a̧ mbɛt, ɓɛɛ nɛ̀ ɗoŋ, a̧ tɛ kpa duka-kpasa kpoo nɛ kpoo. 31O dɔka bíí mɛ ti tɛ ya nɛ̀ ɗoŋ, ɓɛɛ o bíí mɛ ɗoŋ yaa nɛ̀ ti.»#Mt 20.16; Lk 13.30
War taar tɔ̧ɔ̧ wen-fio in kura-ŋgɔn ko Jesu
(Zɔk Mt 20.17-19; Lk 18.31-34)
32Wa a̧a̧ yuwar daŋa-a si Jerusalɛm, ɓɛɛ Jesu duk ti ha̧ wa. Ɗɛɗɛ o ŋgaiwi kɔ̧-a̧ gɔn gɔn, ɓɛɛ kíì de o wi nɛ̀ tɛ́ nɛ̀ ɗoŋ wa mbɛt. A̧ mɔi̧a o ŋgaiwi kɔ̧-a̧ ɓu-zua-yiitoo si katɛ a̧ woyo, ɓɛɛ a̧ ku̧ naŋ mbaŋa tɛ-wa wen mɔ nɛ̀ tɛ hɔ zu a̧ hee mɔ'ɔ ga: 33«Kinii ɛ́ɛ́ nɛ́ mɔ'ɔ n’ɛɛ daŋ si Jerusalɛm’ɛ. Nɛ́ hi̧i̧ a̧ wa tɛ de ha̧ Bem ko bíí mɛ ye nɛ er o gasa wan-ɗafi-sɔ̧ in o wi-usi-heembea. Wa tɛ gɔn kita-fio zu a̧, wa tɛ e a̧ er o bíí nɛ̀ iŋ kpasa Sɔ̧ na. 34Wa tɛ zɛkɛɗ‘a, a nɛ̀ sap tɛ a̧, gusi nɛ̀ a̧; wa tɛ gbɛ a̧, ɓɛɛ ɗoŋ zɛ yiitoo, taar-a a̧ kura ŋgɔn tɛ fio.»
Akamɔ ko Jak in Jean
(Zɔk Mt 20.20-28)
35O bem ko Zebedee, Jak in Jean nɛ̀ɛ̀ si katɛ Jesu, ɓɛɛ tɔ̧ ha̧ a̧: «Wan-usi-mɔ, ɛ́ɛ́ kɔ̧ɔ̧ so h’ɛ́nɛ́ mɛ de mɔ n’ɛɛ tɛ ak er'nɛ́‘i h’ɛ́ɛ́.» 36Ɓɛɛ Jesu ak wa: «Nɛ́ ge ɛ́nɛ́ kɔ̧ɔ̧ ha̧‘m mɛ de h’ɛ́nɛ́ ge?» 37Ɓɛɛ wa tɔ̧ ha̧ a̧: «Ɛ̀nɛ̀ é h’ɛ́ɛ́ mɛ ya nù katɛ‘nɛ́ tɛ gasamɔ k’ɛ́nɛ́, ɛ̧ɛ̧ kpɔk’ɛ nɛ̀ war wii-er'nɛ́, ɓii-aa nɛ̀ war gale.» 38Ɓɛɛ Jesu tɔ̧ ha̧ wa: «Ɛ́nɛ́ iŋ mgbara mɔ n’ɛnɛ ak'i na; ɛ́nɛ́ nyɛma mɛ nɔ be-ɗele-bɔnɛ n'am tɛ nɔ‘i nde? Ɛ́nɛ́ nyɛma ha'i mɛ zui'nɛ́ hee mɔ'ɔ nɛ̀‘i tɛ zui nɛ‘m'i ga nde?»#Lk 12.50 39Wa kifa nú‘e: «Ɛ́ɛ́ nyɛma.» Ɓɛɛ Jesu tɔ̧ ha̧ wa: «Be-ɗele n'am tɛ nɔ, ɛ́nɛ́ tɛ nɔ; wa tɛ zui'nɛ́ hee mɔ'ɔ nɛ̀ wa tɛ zui nɛ‘m ga. 40Ɓɛɛ nɛ̀ ko duka-a k’ɛ́nɛ́ nɛ̀ war wii-er-am in nɛ̀ war gale'i, bó nɛ́ mi'i tɛ e bíí sɛnɛ na; fara nɔ‘i tɛ duk nɛ́ wen o bíí nɛ̀‘i ɗafa so e wen wa nɛti kaɗi.» 41O oi ŋgaiwi ɓu nɛ̀ zia wen'i kpaa ɗaŋsee zu Jak in Jean. 42Jesu saa wa si katɛ, ɓɛɛ tɔ̧ ha̧ wa: «Ɛ́nɛ́ iŋa'e ndé, o wannu ɔ wan zu o bíí kɔ‘i, ɓɛɛ o gasawi duk nɛ́ zu wa mbɛt.#Lk 22.25-26 43Ɓɛɛ k’ɛ́nɛ́, mɔ beka de mgbara'nɛ́ hegɔ na. Wi nɛ̀ kɔ̧ɔ̧ mɛ duk gasawi mgbara'nɛ́, a̧ a̧ dúk nɛ́ wi-de-tom k’ɛ́nɛ́.#Mt 23.11; Mk 9.35; Lk 22.26 44Ɓɛɛ wi nɛ̀ kɔ̧ɔ̧ mɛ duk nɛ́ kuti-wi mgbara'nɛ́, a̧ a̧ dúk nɛ́ bara ko bíí lɛŋ. 45Wen bo nɛ́ Bem ko bíí tɛ̀ɛ̀ ha̧ o bíí mɛ de tom ha̧ a̧ na, ɓɛɛ a̧ tɛ̀ɛ̀ ha̧ a̧ mɛ de tom ha̧ bíí, in ha̧ a̧ mɛ ha̧ tɛ-a gɔn nɛ̀ zu o dɔka bíí.»
Ŋma wi-boma-yí saaye Jeriko
(Zɔk Mt 20.29-34; Lk 18.35-43)
46Wa hɔɔ saaye Jeriko. Ɓɛɛ hee mɔ'ɔ nɛ̀ Jesu in o ŋgaiwi kɔ‘i, ká bá nɛ̀ giiwi, de mɛ gbo saaye'i ga, Bartimee ŋma wi-boma-yí, bem ko Timee, duka nù ká̧ war kɔfi nɛ̀ mɔ. 47N'aa bé zii'e nɛ́ Jesu be Nazarɛt a̧ ɓir yak wó, ɓɛɛ a̧ ŋma nú tɛ hiɗimɔ tɔ̧ nɛnɛ‘e: «Jesu, Bem ko David, ɛ̀nɛ̀ dé ko ha̧‘m!» 48Bíí nɛ̀ dɔka-a gaia a̧ ha̧ a̧ mɛ kpe nú-a, ɓɛɛ a̧ hiɗi mɔ nɛ̀ ŋgaya-a gan kuti-a'e: «Bem ko David, ɛ̀nɛ̀ dé ko ha̧‘m wa!» 49Jesu yora, ɓɛɛ tɔ̧: «Ɛ̀nɛ̀ sá a̧ tɛnɛ.» Wa saa wi-boma-yí‘i, ɓɛɛ wa tɔ̧ɔ̧ ha̧ a̧: «Mɛ̀ nɔ́ ŋgiɗi, mɛ̀ kúr, a̧ sa nɛ mɛ.» 50Nɛ́ mɔ'ɔ n'aa kpɔ̧i̧a̧ gasa laa kɔ̧-a̧ pi̧ nù, kur zɛm, ɓɛɛ nɛ́ sitɛ Jesu. 51Nɛ́ mɔ'ɔ nɛ̀ Jesu aka a̧: «Mɛ kɔ̧ɔ̧ a̧‘m dé nɛ́ ge ha̧ mɛ ge?» Wi-boma-yí‘i kifa nú: «Wan-usi-mɔ, mi kɔ̧ɔ̧ mɛ zɔk mɔ.» 52Ɓɛɛ Jesu tɔ̧ ha̧ a̧: «Mɛ̀ yàk, kɔ̧ɔ̧ɗɔɔwen kɔ-mɛ kpasa mɛ.» Soɓee, yí-a hu̧i̧a̧, ɓɛɛ a̧ nɛ́ ɗoŋ Jesu.
Currently Selected:
MARK 10: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
MARK 10
10
Báá-kóò in gbíá-kóò
(Zɔk Mt 19.1-12; Lk 16.18)
1Jesu kura hi̧i̧ yak si Judee, ɓɛɛ ku yì si kur Jurdɛn mɛ. Giiwi mɔi̧a katɛ a̧ woyo, ɓɛɛ a̧ ku̧ naŋ usa mɔ ha̧ wa, hee mɔ'ɔ n'aa de ɓɔnsɛnɛ ga.
2Nɛ́ mɔ'ɔ nɛ̀ o Fariziɛn tɛ̀ɛ̀ tɛ a̧ mɛ ba wen zaŋ-aa. Wa aka a̧: «Heembea ee war ha'i mɛ ndak kóò kɔ‘i yinɛ nde?» 3A̧ kifa nú ha̧ wa: «Moisɛ yɔra so bɔɔ h’ɛ́nɛ́ hee ge?» 4Ɓɛɛ wa tɔ̧: «Moisɛ ee war ha'i mɛ yɔr kalata gbia-a ha̧ kóò sɛka'i ndaka a̧.»#Wee-ɗoŋ-he 24.1-4; Mt 5.31 5Ɓɛɛ Jesu tɔ̧: «Mɛ̀ nɛ́ wen nɛ̀ ɛ́nɛ́ nɛ́ o wi-ŋga-see, sa a̧ yɔr heembea'i h’ɛ́nɛ́; 6wen nɛ̀ ku̧u̧naŋ-a mɛ, Sɔ̧ dee wiwii in okoo.#Ku̧u̧ 1.27; 5.2 7Hegɔ, wiwii tɛ e dáà in nàà kɔ‘i duk mɛ ndaɗi in kóò kɔ‘i,#Ku̧u̧ 2.24 8ɓɛɛ wa yiitoo lɛŋ tɛ duk nɛ́ kiitɛ kpɔk. 9Wen hegɔ, mɔ nɛ̀ Sɔ̧ ndaɗa nɛ̀ ŋmaa kaɗi, ká bíí kɛ̧ mgbara-a na.»
10Sɛn kɔ̧́ tua mɛ, o ŋgaiwi kɔ̧-a̧ aka a̧ zu kpɔk wen gbíá-kóò‘i woyo. 11Jesu tɔ̧ɔ̧ ha̧ wa: «Wi nɛ ndak kóò kɔ‘i, ɓɛɛ nɛ̀ɛ̀ ba mbe-a, de nɛ́ dàlà ti kuti-a n'aa ndaka'i.#Mt 5.32; 1 Kɔr 7.10-11 12Kà ŋma okoo gbii wíì, ɓɛɛ nɛ̀ɛ̀ ba mbe-a, a̧ de nɛ́ dàlà.»
Jesu toka de yoŋgo zu o geɗek bem
(Zɔk Mt 19.13-15; Lk 18.15-17)
13Nɛ́ mɔ'ɔ nɛ̀ o bíí mgbɔɔ o geɗek bem tɛnɛ, wen ha̧ a̧ mɛ e er zu wa, ɓɛɛ o ŋgaiwi kɔ̧-a̧ dor wa. 14Jesu zɔka mɔ‘i, ɓɛɛ kpa ɗaŋsee; a̧ tɔ̧ɔ̧ ha̧ ŋgaiwi kɔ̧-a̧: «Ɛ̀nɛ̀ é ha̧ o geɗek bem mɛ tɛ pii tɛ‘m; k’ɛ́nɛ́ dor wa na, wen Wan ko Sɔ̧ nɛ́ ko o wi nɛ̀ duk hee wa ga. 15Nɛ́ kpasawen a̧‘m tɔ̧ h’ɛ́nɛ́; wi nɛ̀ kpɛk Wan ko Sɔ̧ hee o geɗek bem ga na beka ye tɛ Wan'i na.»#Mt 18.3 16Nɛ́ mɔ'ɔ n'aa mɔi̧a wa, ɓɛɛ e er zu wa tok nɛ̀ de yoŋgo zu wa.
Jesu in wanmbɔi
(Zɔk Mt 19.16-30; Lk 18.18-30)
17Hee mɔ'ɔ nɛ̀ Jesu yee yuwar mɛ yak ga, ŋma bíí maa yì tɛnɛ, gbɛ zugur nù ti a̧, ɓɛɛ ak a̧: «De wan-usi-mɔ, mɔ n'am tɛ de sɛka'm kpaa duka-kpasa kpoo nɛ kpoo nɛ̀ mɔɔ-oi nɛ́ ge?» 18Jesu tɔ̧ɔ̧ ha̧ a̧: «Mɛ́ sa'm'e, de-wi wen ge? Ŋma de-wi bo na, ɓaa de-wi nɛ́ Sɔ̧ kpɔk ɓɛɛ. 19Mɛ́ iŋa o heembea ko Sɔ̧: ‹Ká mɛ gbɛ zu na, ká mɛ de dàlà na, ká mɛ zu̧ mɔ na, ká mɛ ɓir wen e nú bíí na, ká mɛ de ɗaŋmɔ in bíí na, mɛ̀ tú̧ tɛ dáà in nàà kɔ-mɛ.› »#Gboa-a 20.12-16; Wee-ɗoŋ-he 5.16-21 20Wi’ɛi kifa nú ha̧ Jesu: «Wan-usi-mɔ, mi kasa o heembea nɔ‘i lɛŋ, nɛ̀ bem mɛ hɔ kinii.» 21Nɛ́ mɔ'ɔ nɛ̀ Jesu mbaɗa a̧, kɔ̧ a̧, ɓɛɛ tɔ̧ ha̧ a̧: «Oi mɔ kpɔk nɛ̀ ɓɔna ha̧ mɛ nɛ́ mɔ'ɔ: mɛ̀ nɛ́, mɛ̀ ɗɔ́r mɔ nɛ̀ mɛ a̧a̧ nɛnɛ, a̧ mɛ̀ kɛ̧́ sede-a nɛ̀ o wisan. Hegɔ, mɛ́ tɛ kpa mbɔi sɛn yiwese mɛ; ɓɛɛ mɛ̀ tɛ́ ɗoŋ am.» 22Wi’ɛi zia wen'i ɓɛɛ see ɗaŋ. A̧ yaka nɛ̀ tu̧u̧-see, wen a̧ a̧a̧ so nɛ̀ dɔka mbɔi nyɛmna.
23Jesu zɔka mɔ zik katɛ, ɓɛɛ tɔ̧ ha̧ o ŋgaiwi kɔ‘i: «Ɔ ŋgaya ha̧ wanmbɔi mɛ ye tɛ Wan ko Sɔ̧!» 24O ŋgaiwi ko Jesu zia wen'i, ɓɛɛ ɗɛɗɛ-wa gɔn. Ɓɛɛ Jesu tɔ̧ ha̧ wa woyo: «O bem kɔ‘m, ɔ ŋgaya nyɛmna ha'i mɛ ye tɛ Wan ko Sɔ̧! 25Gboa-a ko ŋgeloba nɛ̀ kɔ̧́ woi-si̧ɔ̧ ɔ yɛ́kɛ́ɗɛ́ gan yea-a ko wanmbɔi tɛ Wan ko Sɔ̧!» 26Ɗɛɗɛ-wa gɔna gan kuti-a, ɓɛɛ wa tɔ̧ sitɛ ŋmaa: «Kà nɛ́ bòò hegɔ, nɛ́ o'o tɛ kpasi o nde?» 27Jesu mbaɗa wa, ɓɛɛ tɔ̧: «Mɔ‘i gana bíí, ɓɛɛ gan Sɔ̧ na, wen ŋma mɔɔ-gan Sɔ̧ bo na.» 28Pierre tɔ̧ɔ̧ ha̧ a̧: «Ɓɛɛ ho! K’ɛ́ɛ́ n’ɛɛ ee mɔ k’ɛ́ɛ́ lɛŋ duk h’ɛ́ɛ́ mɛ nɛ̀ ɗoŋ‘nɛ́'ɛ, ɛ́ɛ́ tɛ de héé ge?» 29Ɓɛɛ Jesu tɔ̧ ha̧ a̧: «Nɛ́ kpasawen a̧‘m tɔ̧ h’ɛ́nɛ́; wi nɛ̀ tɛ e bíí nutua kɔ‘i, o nya-wi, o boko-nya-wi, nàà in dáà kɔ‘i, ká bá nɛ̀ o bem kɔ‘i, gú nɛ̀ o fɔ kɔ‘i lɛŋ duk, wen zu'm in wen zu De Mbe Wen ko Sɔ̧, 30wi’ɛi tɛ kpa tua, o nya-a̧, o boko-nya-a̧, o nàá, o dáà, o bem, gú nɛ̀ fɔ war gɔmŋmaa oi ɛ̧ɛ̧ nɔ'ɔ kinii’ɛ; o bíí tɛ usi bɔnɛ ha̧ a̧ mbɛt, ɓɛɛ nɛ̀ ɗoŋ, a̧ tɛ kpa duka-kpasa kpoo nɛ kpoo. 31O dɔka bíí mɛ ti tɛ ya nɛ̀ ɗoŋ, ɓɛɛ o bíí mɛ ɗoŋ yaa nɛ̀ ti.»#Mt 20.16; Lk 13.30
War taar tɔ̧ɔ̧ wen-fio in kura-ŋgɔn ko Jesu
(Zɔk Mt 20.17-19; Lk 18.31-34)
32Wa a̧a̧ yuwar daŋa-a si Jerusalɛm, ɓɛɛ Jesu duk ti ha̧ wa. Ɗɛɗɛ o ŋgaiwi kɔ̧-a̧ gɔn gɔn, ɓɛɛ kíì de o wi nɛ̀ tɛ́ nɛ̀ ɗoŋ wa mbɛt. A̧ mɔi̧a o ŋgaiwi kɔ̧-a̧ ɓu-zua-yiitoo si katɛ a̧ woyo, ɓɛɛ a̧ ku̧ naŋ mbaŋa tɛ-wa wen mɔ nɛ̀ tɛ hɔ zu a̧ hee mɔ'ɔ ga: 33«Kinii ɛ́ɛ́ nɛ́ mɔ'ɔ n’ɛɛ daŋ si Jerusalɛm’ɛ. Nɛ́ hi̧i̧ a̧ wa tɛ de ha̧ Bem ko bíí mɛ ye nɛ er o gasa wan-ɗafi-sɔ̧ in o wi-usi-heembea. Wa tɛ gɔn kita-fio zu a̧, wa tɛ e a̧ er o bíí nɛ̀ iŋ kpasa Sɔ̧ na. 34Wa tɛ zɛkɛɗ‘a, a nɛ̀ sap tɛ a̧, gusi nɛ̀ a̧; wa tɛ gbɛ a̧, ɓɛɛ ɗoŋ zɛ yiitoo, taar-a a̧ kura ŋgɔn tɛ fio.»
Akamɔ ko Jak in Jean
(Zɔk Mt 20.20-28)
35O bem ko Zebedee, Jak in Jean nɛ̀ɛ̀ si katɛ Jesu, ɓɛɛ tɔ̧ ha̧ a̧: «Wan-usi-mɔ, ɛ́ɛ́ kɔ̧ɔ̧ so h’ɛ́nɛ́ mɛ de mɔ n’ɛɛ tɛ ak er'nɛ́‘i h’ɛ́ɛ́.» 36Ɓɛɛ Jesu ak wa: «Nɛ́ ge ɛ́nɛ́ kɔ̧ɔ̧ ha̧‘m mɛ de h’ɛ́nɛ́ ge?» 37Ɓɛɛ wa tɔ̧ ha̧ a̧: «Ɛ̀nɛ̀ é h’ɛ́ɛ́ mɛ ya nù katɛ‘nɛ́ tɛ gasamɔ k’ɛ́nɛ́, ɛ̧ɛ̧ kpɔk’ɛ nɛ̀ war wii-er'nɛ́, ɓii-aa nɛ̀ war gale.» 38Ɓɛɛ Jesu tɔ̧ ha̧ wa: «Ɛ́nɛ́ iŋ mgbara mɔ n’ɛnɛ ak'i na; ɛ́nɛ́ nyɛma mɛ nɔ be-ɗele-bɔnɛ n'am tɛ nɔ‘i nde? Ɛ́nɛ́ nyɛma ha'i mɛ zui'nɛ́ hee mɔ'ɔ nɛ̀‘i tɛ zui nɛ‘m'i ga nde?»#Lk 12.50 39Wa kifa nú‘e: «Ɛ́ɛ́ nyɛma.» Ɓɛɛ Jesu tɔ̧ ha̧ wa: «Be-ɗele n'am tɛ nɔ, ɛ́nɛ́ tɛ nɔ; wa tɛ zui'nɛ́ hee mɔ'ɔ nɛ̀ wa tɛ zui nɛ‘m ga. 40Ɓɛɛ nɛ̀ ko duka-a k’ɛ́nɛ́ nɛ̀ war wii-er-am in nɛ̀ war gale'i, bó nɛ́ mi'i tɛ e bíí sɛnɛ na; fara nɔ‘i tɛ duk nɛ́ wen o bíí nɛ̀‘i ɗafa so e wen wa nɛti kaɗi.» 41O oi ŋgaiwi ɓu nɛ̀ zia wen'i kpaa ɗaŋsee zu Jak in Jean. 42Jesu saa wa si katɛ, ɓɛɛ tɔ̧ ha̧ wa: «Ɛ́nɛ́ iŋa'e ndé, o wannu ɔ wan zu o bíí kɔ‘i, ɓɛɛ o gasawi duk nɛ́ zu wa mbɛt.#Lk 22.25-26 43Ɓɛɛ k’ɛ́nɛ́, mɔ beka de mgbara'nɛ́ hegɔ na. Wi nɛ̀ kɔ̧ɔ̧ mɛ duk gasawi mgbara'nɛ́, a̧ a̧ dúk nɛ́ wi-de-tom k’ɛ́nɛ́.#Mt 23.11; Mk 9.35; Lk 22.26 44Ɓɛɛ wi nɛ̀ kɔ̧ɔ̧ mɛ duk nɛ́ kuti-wi mgbara'nɛ́, a̧ a̧ dúk nɛ́ bara ko bíí lɛŋ. 45Wen bo nɛ́ Bem ko bíí tɛ̀ɛ̀ ha̧ o bíí mɛ de tom ha̧ a̧ na, ɓɛɛ a̧ tɛ̀ɛ̀ ha̧ a̧ mɛ de tom ha̧ bíí, in ha̧ a̧ mɛ ha̧ tɛ-a gɔn nɛ̀ zu o dɔka bíí.»
Ŋma wi-boma-yí saaye Jeriko
(Zɔk Mt 20.29-34; Lk 18.35-43)
46Wa hɔɔ saaye Jeriko. Ɓɛɛ hee mɔ'ɔ nɛ̀ Jesu in o ŋgaiwi kɔ‘i, ká bá nɛ̀ giiwi, de mɛ gbo saaye'i ga, Bartimee ŋma wi-boma-yí, bem ko Timee, duka nù ká̧ war kɔfi nɛ̀ mɔ. 47N'aa bé zii'e nɛ́ Jesu be Nazarɛt a̧ ɓir yak wó, ɓɛɛ a̧ ŋma nú tɛ hiɗimɔ tɔ̧ nɛnɛ‘e: «Jesu, Bem ko David, ɛ̀nɛ̀ dé ko ha̧‘m!» 48Bíí nɛ̀ dɔka-a gaia a̧ ha̧ a̧ mɛ kpe nú-a, ɓɛɛ a̧ hiɗi mɔ nɛ̀ ŋgaya-a gan kuti-a'e: «Bem ko David, ɛ̀nɛ̀ dé ko ha̧‘m wa!» 49Jesu yora, ɓɛɛ tɔ̧: «Ɛ̀nɛ̀ sá a̧ tɛnɛ.» Wa saa wi-boma-yí‘i, ɓɛɛ wa tɔ̧ɔ̧ ha̧ a̧: «Mɛ̀ nɔ́ ŋgiɗi, mɛ̀ kúr, a̧ sa nɛ mɛ.» 50Nɛ́ mɔ'ɔ n'aa kpɔ̧i̧a̧ gasa laa kɔ̧-a̧ pi̧ nù, kur zɛm, ɓɛɛ nɛ́ sitɛ Jesu. 51Nɛ́ mɔ'ɔ nɛ̀ Jesu aka a̧: «Mɛ kɔ̧ɔ̧ a̧‘m dé nɛ́ ge ha̧ mɛ ge?» Wi-boma-yí‘i kifa nú: «Wan-usi-mɔ, mi kɔ̧ɔ̧ mɛ zɔk mɔ.» 52Ɓɛɛ Jesu tɔ̧ ha̧ a̧: «Mɛ̀ yàk, kɔ̧ɔ̧ɗɔɔwen kɔ-mɛ kpasa mɛ.» Soɓee, yí-a hu̧i̧a̧, ɓɛɛ a̧ nɛ́ ɗoŋ Jesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.