MATYOO 9
9
Yeesus à wòòzii kìsɛkɛ̀rɛ̀
(Mk. 2:1-12; Lk. 5:17-26)
1Yeesus à ɓɔkà kìkɔm, à syàà rìɓày à kɛ̀n ɓi bàn yìì#9:1 Bàn ì Kapɛrinawum yɛɛ̀nɛ a kalàg lɛ fɛ lɔŋ yɛ̀ɛ Marikus à kalii ɓi Syeesyee à Ɓɔlɛ ànɛ à kàngà lɛ wɔɔ yɛɛ ɓaghà mɛɛ mii; Matyoo à kalii girig tì fɔlɔɔ (Mk 2:1; Mat. 4:13).. 2Fɔɔnnɛ ɓɛ yughày nyi rì kìsɛkɛ̀rɛ̀ kì nɔ̀nɔŋiyɛn ɓi kon. Yɛ̀ɛ Yeesus à ghɛngà rìgherɛ̀n ɗi ɓɛ ɓaghà rì ɗyɔ, nni à kpaaghà kìsɛkɛ̀rɛ̀ kiǹ lɛ: Man wɛm̀ kɔ̀ɔ risi, com ki yin, ɓìɓe ɓyɔɔ ɓi ti ɓì cenɛn. 3Ɓisuu rìkpaa ɗìn nnɛ ɓɛ̀rèsàg-ɓìdɔ̀gsɛna ɓɛ fekà ɓi mɛ̀rem maa lɛ: Ŋwaànɛ a feefengì Bɛ̀ll. 4Yeesus à yighà ɓɛ̀fèg ɓaa, nni à tɔkà ɓɔ lɛ: Ɓisuucɛ nnɛ ɓi rì rì ɓìɓeɓtàg ɓi ɓɛfèg ɓi mɛ̀rem min? 5Kìɓan aɗi kɛɛ yeesɛɛ fòò? Rìkpaa ɗi lɛ ɓìɓe ɓyɔɔ ɓi ti ɓìcenɛn gìn, ɗi lɛ pɛ̀sɛn aɗyoo u kɛɛ̀ghi? 6Nni ɓi ɗi lɛ ɓi yi lɛ, Man à mum à rì rì ìtèɗ wulɛ à cenɛ̀n ɓum ɓìɓe fɛ ɓi ziinɛ, Yeesus à kpaaghà kìsɛkɛ̀rɛ̀ kiǹ lɛ: Pɛ̀sɛn aɗyoo, u teɗ kon wɔɔ̀ u sug a mɛɛ mɔɔ. 7Fɔɔnnɛ ŋwaànɛ̀n à pɛ̀sɛ̀ngà aɗyoo, à sug a mɛɛ mii. 8Yɛ̀ɛ gwìy ì ɓum ì ghɛngà fɔlɔɔ, ìris wu ɓan yɔ̀, ì ki kemzi Bɛ̀ll lɛ, à mɛ fa ɓum rìkuu ɗi itèɗ yɛ̀ɛ ɗiǹ.
Yeesus à reŋii Matyoo
(Mk. 2:13-17; Lk. 5:27-32)
9Yɛ̀ɛ Yeesus à pɛ̀sɛ̀ngà foo à tumɛ̀n ɗìghaàgh, fɔɔnnɛ à ghɛngà ŋwaàdɛŋ ɗii lɛ Matyoo di à kɔ̀kɔrii jàŋ inɛ ɓɛ m̀peeghì làmpoŋ̀, à kpaa nyi lɛ: Nɔ̀ɔ̀ti mɛ̀. Matyoo à pɛ̀sɛ̀n aɗyoo, a nɔ̀ɔ̀tì nyi. 10Yeesus à ɗiɗìghà ɓìɗilàg a mɛɛ mɛ Matyoo; ɓɛ̀terì-làmpoŋ̀ lɛɛ̀gwey rì ɓɛ̀kìì-kìɓe ɓɛ yughà kì kɔ̀rii ɓi ɓyom ɓi ɗiyɛn ǹɗaŋ ri Yeesus, rì ɓɛ̀yilàg ɓii. 11Yɛɛ̀ Ɓɛ̀fàrìzyɛŋ ɓɛ ghɛngà fɔlɔɔ, ɓɛ tɔg ɓɛ̀yilàg ɓii lɛ: Ɓisuucɛ nnɛ ǹɗèsàg wìn a ɗiɗi ǹɗaŋ ri ɓɛ̀terì-làmpoŋ̀ rì ɓɛ̀kìì-kìɓe? 12Yɛ̀ɛ Yeesus à wokà rìkpaa ɗyaa ɗiǹ, nni à kpaaghà lɛ: Ɓumɓɛ ɓɛ yin ɓiì roroɓi, ɓɛ ti ɓɛ̀ kɛɛ̀ ɓa zày rì dɔgtà, lɔŋ ɓɛ̀roroɓ ɓɛɛ ti ɓɛ ɓalàg rì zày yìì. 13Kɛ̀ɛna kì yilaagh azi anɛ ɓi jɛ̀ɛ̀ ìnɛ: Ǹkeesii ǹɗem wu nyìighnyìg à cee ɓìfùna ɓi ɓìtuwe. Lɛ, ǹ-yùghà ɓi ki reŋii ɓumɓɛ ɓɛ ri lɛ saaɗ, ǹ-yùghà lɔŋ ki reŋii ɓɛ̀kìì-kìɓe.
Ɓɛ tɔɔgh Yeesus kìɓan ki ricèlì ɗi ɓiɗilàg
(Mk. 2:18-22; Lk. 5:33-39)
14Nni ɓɛ̀yilàg ɓɛ Zyaŋ ɓɛ yughày Yeesus a nyoo, ɓɛ tɔg nyi lɛ: Ɓisuucɛ nnɛ ɓìsi rì Ɓɛ̀fàrìzyɛŋ tì ti tì cèlàg ɓìɗilàg ɓyààmɛ̀n ɓidɛŋ, ɓɛ̀yilàg ɓɔɔ ɓɛ̀ kɛɛ̀ cèli? 15Nni Yeesus à ɓàkà ɓɔ lɛ: Ɓumɓɛ ɓɛ ri ɓɛ̀reŋiyɛn a tìcàɓ ti riwɛy ɓɛ yin lɛ ɓɛ ɓa rì rìnɗemikɛŋɛn, cààmɛ̀n ki ŋwaà-rìwɛy à kaka ǹɗaŋ rì ɓɔ. Cààmɛ̀n ki lɛ ɓɛɛ pisi ŋwaà-rìwɛy ɓi nyìinyìm wàà ki tiì. Cààmɛ̀n kiǹ kɛɛ̀ki ɓɛ ri ɓiì cèlii ɓiɗilàg miì. 16Ŋwaà yin lɛ à teɗ Zyònà ì kìlàà ki nyɔn lɛ a raɗki kìtùg ki kilàà miì, ɓisuulɛ, Zyònà ì nyɔn ì rì ɓiì tùnii kilàà ki kitùg, ɗyas ɗi teghɛ̀n tì. 17Ɓaa ki foŋ ɓi mɛrɔ̀g mɛ nyɔn ɓi ɓìtùg ɓi ɓiren, i ù kìi fɔlɔɔ, ɓìren ɓi wulàg, mɛ̀rɔ̀g mɛ ɗyɛɛrɛn, ɓìren ɓyɔmiɗ ɓi ki ɗyaŋ. Wɔ̀lɛ ɓɛɛ̀ fogi mɛrɔ̀g mɛ nyɔn ɓi ɓìren ɓi nyɔn; fɔɔnnɛ ɓyom ɓìn ɓìcèm ɓi finɛ̀n.
Yeesus à wɔ̀ɔ̀zii giɓ adɛŋ, à ki ghèmzi man à Zyayirus
18Yɛ̀ɛ Yeesus à ɓaghà di a ka tòtog fɔlɔɔ ri ɓɔ, nni rìfòm ɗi Ɓɛ̀yudɛ̀n ɗiɗɛŋ ɗi yughày ɗi ɓag nyi mɛ̀ɗu asu, ɗi kpaa lɛ: Gɔ̀n yɛ̀m ì wii yì lɔŋ ɓigomìnɛ, nni yu, u saagh yɔ̀ ɓyàg ɓi nyoo di yɛ̀ɛ ghemɓɛn. 19Yeesus à pɛ̀sɛ̀ngà aɗyoo, à nɔ̀ɔ̀tì nyi ǹɗaŋ ri ɓɛ̀yilàg ɓii.
20Nni giɓ adɛŋ ànɛ à roròɓkà fìroɓ fi lɛ bwaɓ yɛɛ kpaŋkpaŋ nyi ɓyààmɛ̀n ɓìcèm, di fìroɓ fìn fi ti bèg ǹtɛ̀ɗ rì yiɓɛɛ̀, à yùghày Yeesus ajɛ̀m, à kòm rìkeɓ ɗii ɗi kilàà. 21À fèfèkà ɓi nɗem wii lɛ: I m̀mànɛɛ kì kòmi nsoò kìlàà kii, di ǹwɔ̀ni. 22Yɛ̀ɛ Yeesus à lɔ̀ɔ̀ghrɛ̀ngày, à ghɛn giɓ anɛ̀n, à kpaa lɛ: Iyà kɔ̀ɔ risi, com ki yin, rìgherɛ̀n ɗyɔɔ ɗi wɔɔ̀zii wɔ̀. Fɔɔnnɛ giɓ anɛ̀n à ghàskà kì wɔ̀ni.
23Yɛ̀ɛ Yeesus à kpagà a mɛɛ mɛ rifòm ɗiǹ à tanɛ̀n di ɓɛ̀rɔŋì-zàro ɓɛ ti wɔɔ, di gwìy ì ti lɛ nyìnì-nyìnì, ɓi riwù, nni à kpaaghà lɛ: 24Ghaaghraaghnà, mutyàà giɓ anɛ, à wii ɓì, à rì yɛɛri ɓi fìlo, nni ɓumɓɛ̀n ɓɛ tumɛ̀ngà nyi rìwɔ̀wɛ̀y. 25Yɛ̀ɛ gwìy ì ɓum ìnɛ̀n ì panìghà, nni à ɗiŋighà ɓi naa, à ɓan mutyàà giɓ anɛ à wughà ànɛn ɓi càg; mutyàà giɓ a pɛ̀sɛ̀n aɗyoo. 26Fɔɔnnɛ gom ì kìɓan kiǹ ì sààghà ɓi kilànà ki zi kiǹ kìcèm.
Yeesus à wɔ̀ɔ̀zii lɛ, rì ɓɛ̀ɗyaŋɗyàŋ ɓɛɓɛɛ̀, rì ŋwaànɛ à ɓaghà rì kìɓeɓtàg ki ǹghay
27Yɛ̀ɛ Yeesus à pɛ̀sɛ̀ngà rì rìghaàgh, nni ɓɛ̀ɗyaŋɗyàŋ ɓɛɓɛɛ̀ ɓɛ nɔɔ̀tìghà nyi, ɓɛ laàlàmɓɛ̀n jɛ̀ɛ̀ aɗyoo lɛ: Man à Davit, wogha ɓìsi nyìighnyìg. 28Yɛ̀ɛ à kpagà a mɛɛ, nni ɓɛ̀ɗyaŋɗyàŋ ɓɛ̀n ɓɛ tyoŋdɛ̀ngày nyi a nyoo, à kpaa ɓɔ lɛ: Ɓì gherɛɛ nya lɛ ǹɗì lɛ m̀ɓoo mìni? Ɓɛ̀roɓɛ̀n ɓɛ ɓaàg nyi lɛ: Ɛ̀ɛ̀ Kan, tì ghèrɛɛ. 29Fɔɔnnɛ à kòmgà min ɓɔ ɓi mis à kpaa lɛ: Kɛɛ kilɛn lɔŋ yɛ̀ɛ ɓyàa gherɛɛ lɛ ki ri lɛ ki kilɛ̀n. 30Nni mis maa mɛ ŋwarɛ̀ngà, Yeesus à rɔ̀gsɛ̀n min ɓɔ syeesyee à rìrɔ̀gsɛ̀n à kpaa ɓɔ lɛ: Kɛ̀ ɓi fèg ki kìi lɛ, ŋwaàdɛŋ a yi kìɓan ki. 31Lɔŋ yɛ̀ɛ ɓɛ kpagày foo, ɓɛ tum rìsààtì ɗi ɗii ɗi Yeesus kòdò ànɛn bimiɗ. 32Lɔŋ yɛ̀ɛ ɓɛ̀ɗyaŋɗyàŋ ɓɛ̀n ɓɛ kɛngà, ɓɛ yu tì Yeesus ɗì ŋwaàdɛŋ ànɛ à ɓaghà rì kìɓeɓtàg ki nghay, nyi mùm-mùm. 33Yɛ̀ɛ à nàɓkà kìɓeɓtàg ki nghay kìn, mùm-mùm anɛ̀n à tòòghrɛ̀n; gwìy ì ɓum ìnɛ ì ɓaghà wɔɔ i kuuràkà, ì kpaa lɛ: Rìkuu ɗi kiɓan ɗi fɛlɛ ɗi ka ghɛnɛ̀ngà ɓi a Isirayɛl cààmɛ̀n kidɛŋ. 34Kìɓan kifòg Ɓɛ̀fàrìzyɛŋ ɓɔɔ kpaakpààghà lɛ: Yeesus a nànaɓ ɓiɓeɓtàg ɓi mɛghay rì ìtèɗ wu rifòm ɗi ɓiɓeɓtàg ɓi mɛghay.
Yeesus à ghɛɛ lɛ, mɛ̀saŋ mɛ teghɛɛ, ɓɛ̀kìì-ɓìsay ɓɛ ɓa lɛsàg
35Yeesus à kɛ̀ɛ̀kɛ̀ɛ̀ghà lɛ rì ɓi bàn yìcèm rì ɓi ɓɔɔ ɓilɔ̀ŋ ɓɛ̀cèm di a rèresi ɓum ɓìɓan ɓi Bɛ̀ll ɓi naa yaa yi bɔ̀ŋzɛ̀n, à kakàlì Syeesyee à Ɓɔlɛ à kìlɔ̀ŋ ki Bɛ̀ll, à ki wɔ̀ɔwɔɔ̀zì tìròɓ, rì ɓìlɛm mɛ̀kuu mɛ̀cèm. 36Yɛ̀ɛ à ghɛngà ɓìtuu ɓi ɓum, nni nyìighnyìg ì kìghà nyì rì ɓyɔ, lɛ ɓumɓɛ̀n ɓɛ ɓaghà ɓɛ̀ fɔlɛn, kɛ̀ɛ̀ ìtèɗ ɓi nyoo fɛlɛ yɛ̀ɛ jɔ̀ɔ̀ yi yi ri kɛ̀ɛ̀ ɓɛ̀ɓèŋì. 37Fɔɔnnɛ à kalìghà ɓɛ̀yilàg ɓii lɛ: Mɛ̀saŋ mɛ ri mɛ̀ tèghɛn, kìɓan kifog ɓɛ̀kìì-ɓìsay lɛsàg. 38Ɓɔ̀ŋzaaghna min ŋwaànɛ à rì rì mɛ̀saŋ lɛ a rom yì ɓɛ̀kìì-ɓìsay ɓi dɛm yiì ì mɛ̀saŋ.
Currently Selected:
MATYOO 9: BAFNT
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.
MATYOO 9
9
Yeesus à wòòzii kìsɛkɛ̀rɛ̀
(Mk. 2:1-12; Lk. 5:17-26)
1Yeesus à ɓɔkà kìkɔm, à syàà rìɓày à kɛ̀n ɓi bàn yìì#9:1 Bàn ì Kapɛrinawum yɛɛ̀nɛ a kalàg lɛ fɛ lɔŋ yɛ̀ɛ Marikus à kalii ɓi Syeesyee à Ɓɔlɛ ànɛ à kàngà lɛ wɔɔ yɛɛ ɓaghà mɛɛ mii; Matyoo à kalii girig tì fɔlɔɔ (Mk 2:1; Mat. 4:13).. 2Fɔɔnnɛ ɓɛ yughày nyi rì kìsɛkɛ̀rɛ̀ kì nɔ̀nɔŋiyɛn ɓi kon. Yɛ̀ɛ Yeesus à ghɛngà rìgherɛ̀n ɗi ɓɛ ɓaghà rì ɗyɔ, nni à kpaaghà kìsɛkɛ̀rɛ̀ kiǹ lɛ: Man wɛm̀ kɔ̀ɔ risi, com ki yin, ɓìɓe ɓyɔɔ ɓi ti ɓì cenɛn. 3Ɓisuu rìkpaa ɗìn nnɛ ɓɛ̀rèsàg-ɓìdɔ̀gsɛna ɓɛ fekà ɓi mɛ̀rem maa lɛ: Ŋwaànɛ a feefengì Bɛ̀ll. 4Yeesus à yighà ɓɛ̀fèg ɓaa, nni à tɔkà ɓɔ lɛ: Ɓisuucɛ nnɛ ɓi rì rì ɓìɓeɓtàg ɓi ɓɛfèg ɓi mɛ̀rem min? 5Kìɓan aɗi kɛɛ yeesɛɛ fòò? Rìkpaa ɗi lɛ ɓìɓe ɓyɔɔ ɓi ti ɓìcenɛn gìn, ɗi lɛ pɛ̀sɛn aɗyoo u kɛɛ̀ghi? 6Nni ɓi ɗi lɛ ɓi yi lɛ, Man à mum à rì rì ìtèɗ wulɛ à cenɛ̀n ɓum ɓìɓe fɛ ɓi ziinɛ, Yeesus à kpaaghà kìsɛkɛ̀rɛ̀ kiǹ lɛ: Pɛ̀sɛn aɗyoo, u teɗ kon wɔɔ̀ u sug a mɛɛ mɔɔ. 7Fɔɔnnɛ ŋwaànɛ̀n à pɛ̀sɛ̀ngà aɗyoo, à sug a mɛɛ mii. 8Yɛ̀ɛ gwìy ì ɓum ì ghɛngà fɔlɔɔ, ìris wu ɓan yɔ̀, ì ki kemzi Bɛ̀ll lɛ, à mɛ fa ɓum rìkuu ɗi itèɗ yɛ̀ɛ ɗiǹ.
Yeesus à reŋii Matyoo
(Mk. 2:13-17; Lk. 5:27-32)
9Yɛ̀ɛ Yeesus à pɛ̀sɛ̀ngà foo à tumɛ̀n ɗìghaàgh, fɔɔnnɛ à ghɛngà ŋwaàdɛŋ ɗii lɛ Matyoo di à kɔ̀kɔrii jàŋ inɛ ɓɛ m̀peeghì làmpoŋ̀, à kpaa nyi lɛ: Nɔ̀ɔ̀ti mɛ̀. Matyoo à pɛ̀sɛ̀n aɗyoo, a nɔ̀ɔ̀tì nyi. 10Yeesus à ɗiɗìghà ɓìɗilàg a mɛɛ mɛ Matyoo; ɓɛ̀terì-làmpoŋ̀ lɛɛ̀gwey rì ɓɛ̀kìì-kìɓe ɓɛ yughà kì kɔ̀rii ɓi ɓyom ɓi ɗiyɛn ǹɗaŋ ri Yeesus, rì ɓɛ̀yilàg ɓii. 11Yɛɛ̀ Ɓɛ̀fàrìzyɛŋ ɓɛ ghɛngà fɔlɔɔ, ɓɛ tɔg ɓɛ̀yilàg ɓii lɛ: Ɓisuucɛ nnɛ ǹɗèsàg wìn a ɗiɗi ǹɗaŋ ri ɓɛ̀terì-làmpoŋ̀ rì ɓɛ̀kìì-kìɓe? 12Yɛ̀ɛ Yeesus à wokà rìkpaa ɗyaa ɗiǹ, nni à kpaaghà lɛ: Ɓumɓɛ ɓɛ yin ɓiì roroɓi, ɓɛ ti ɓɛ̀ kɛɛ̀ ɓa zày rì dɔgtà, lɔŋ ɓɛ̀roroɓ ɓɛɛ ti ɓɛ ɓalàg rì zày yìì. 13Kɛ̀ɛna kì yilaagh azi anɛ ɓi jɛ̀ɛ̀ ìnɛ: Ǹkeesii ǹɗem wu nyìighnyìg à cee ɓìfùna ɓi ɓìtuwe. Lɛ, ǹ-yùghà ɓi ki reŋii ɓumɓɛ ɓɛ ri lɛ saaɗ, ǹ-yùghà lɔŋ ki reŋii ɓɛ̀kìì-kìɓe.
Ɓɛ tɔɔgh Yeesus kìɓan ki ricèlì ɗi ɓiɗilàg
(Mk. 2:18-22; Lk. 5:33-39)
14Nni ɓɛ̀yilàg ɓɛ Zyaŋ ɓɛ yughày Yeesus a nyoo, ɓɛ tɔg nyi lɛ: Ɓisuucɛ nnɛ ɓìsi rì Ɓɛ̀fàrìzyɛŋ tì ti tì cèlàg ɓìɗilàg ɓyààmɛ̀n ɓidɛŋ, ɓɛ̀yilàg ɓɔɔ ɓɛ̀ kɛɛ̀ cèli? 15Nni Yeesus à ɓàkà ɓɔ lɛ: Ɓumɓɛ ɓɛ ri ɓɛ̀reŋiyɛn a tìcàɓ ti riwɛy ɓɛ yin lɛ ɓɛ ɓa rì rìnɗemikɛŋɛn, cààmɛ̀n ki ŋwaà-rìwɛy à kaka ǹɗaŋ rì ɓɔ. Cààmɛ̀n ki lɛ ɓɛɛ pisi ŋwaà-rìwɛy ɓi nyìinyìm wàà ki tiì. Cààmɛ̀n kiǹ kɛɛ̀ki ɓɛ ri ɓiì cèlii ɓiɗilàg miì. 16Ŋwaà yin lɛ à teɗ Zyònà ì kìlàà ki nyɔn lɛ a raɗki kìtùg ki kilàà miì, ɓisuulɛ, Zyònà ì nyɔn ì rì ɓiì tùnii kilàà ki kitùg, ɗyas ɗi teghɛ̀n tì. 17Ɓaa ki foŋ ɓi mɛrɔ̀g mɛ nyɔn ɓi ɓìtùg ɓi ɓiren, i ù kìi fɔlɔɔ, ɓìren ɓi wulàg, mɛ̀rɔ̀g mɛ ɗyɛɛrɛn, ɓìren ɓyɔmiɗ ɓi ki ɗyaŋ. Wɔ̀lɛ ɓɛɛ̀ fogi mɛrɔ̀g mɛ nyɔn ɓi ɓìren ɓi nyɔn; fɔɔnnɛ ɓyom ɓìn ɓìcèm ɓi finɛ̀n.
Yeesus à wɔ̀ɔ̀zii giɓ adɛŋ, à ki ghèmzi man à Zyayirus
18Yɛ̀ɛ Yeesus à ɓaghà di a ka tòtog fɔlɔɔ ri ɓɔ, nni rìfòm ɗi Ɓɛ̀yudɛ̀n ɗiɗɛŋ ɗi yughày ɗi ɓag nyi mɛ̀ɗu asu, ɗi kpaa lɛ: Gɔ̀n yɛ̀m ì wii yì lɔŋ ɓigomìnɛ, nni yu, u saagh yɔ̀ ɓyàg ɓi nyoo di yɛ̀ɛ ghemɓɛn. 19Yeesus à pɛ̀sɛ̀ngà aɗyoo, à nɔ̀ɔ̀tì nyi ǹɗaŋ ri ɓɛ̀yilàg ɓii.
20Nni giɓ adɛŋ ànɛ à roròɓkà fìroɓ fi lɛ bwaɓ yɛɛ kpaŋkpaŋ nyi ɓyààmɛ̀n ɓìcèm, di fìroɓ fìn fi ti bèg ǹtɛ̀ɗ rì yiɓɛɛ̀, à yùghày Yeesus ajɛ̀m, à kòm rìkeɓ ɗii ɗi kilàà. 21À fèfèkà ɓi nɗem wii lɛ: I m̀mànɛɛ kì kòmi nsoò kìlàà kii, di ǹwɔ̀ni. 22Yɛ̀ɛ Yeesus à lɔ̀ɔ̀ghrɛ̀ngày, à ghɛn giɓ anɛ̀n, à kpaa lɛ: Iyà kɔ̀ɔ risi, com ki yin, rìgherɛ̀n ɗyɔɔ ɗi wɔɔ̀zii wɔ̀. Fɔɔnnɛ giɓ anɛ̀n à ghàskà kì wɔ̀ni.
23Yɛ̀ɛ Yeesus à kpagà a mɛɛ mɛ rifòm ɗiǹ à tanɛ̀n di ɓɛ̀rɔŋì-zàro ɓɛ ti wɔɔ, di gwìy ì ti lɛ nyìnì-nyìnì, ɓi riwù, nni à kpaaghà lɛ: 24Ghaaghraaghnà, mutyàà giɓ anɛ, à wii ɓì, à rì yɛɛri ɓi fìlo, nni ɓumɓɛ̀n ɓɛ tumɛ̀ngà nyi rìwɔ̀wɛ̀y. 25Yɛ̀ɛ gwìy ì ɓum ìnɛ̀n ì panìghà, nni à ɗiŋighà ɓi naa, à ɓan mutyàà giɓ anɛ à wughà ànɛn ɓi càg; mutyàà giɓ a pɛ̀sɛ̀n aɗyoo. 26Fɔɔnnɛ gom ì kìɓan kiǹ ì sààghà ɓi kilànà ki zi kiǹ kìcèm.
Yeesus à wɔ̀ɔ̀zii lɛ, rì ɓɛ̀ɗyaŋɗyàŋ ɓɛɓɛɛ̀, rì ŋwaànɛ à ɓaghà rì kìɓeɓtàg ki ǹghay
27Yɛ̀ɛ Yeesus à pɛ̀sɛ̀ngà rì rìghaàgh, nni ɓɛ̀ɗyaŋɗyàŋ ɓɛɓɛɛ̀ ɓɛ nɔɔ̀tìghà nyi, ɓɛ laàlàmɓɛ̀n jɛ̀ɛ̀ aɗyoo lɛ: Man à Davit, wogha ɓìsi nyìighnyìg. 28Yɛ̀ɛ à kpagà a mɛɛ, nni ɓɛ̀ɗyaŋɗyàŋ ɓɛ̀n ɓɛ tyoŋdɛ̀ngày nyi a nyoo, à kpaa ɓɔ lɛ: Ɓì gherɛɛ nya lɛ ǹɗì lɛ m̀ɓoo mìni? Ɓɛ̀roɓɛ̀n ɓɛ ɓaàg nyi lɛ: Ɛ̀ɛ̀ Kan, tì ghèrɛɛ. 29Fɔɔnnɛ à kòmgà min ɓɔ ɓi mis à kpaa lɛ: Kɛɛ kilɛn lɔŋ yɛ̀ɛ ɓyàa gherɛɛ lɛ ki ri lɛ ki kilɛ̀n. 30Nni mis maa mɛ ŋwarɛ̀ngà, Yeesus à rɔ̀gsɛ̀n min ɓɔ syeesyee à rìrɔ̀gsɛ̀n à kpaa ɓɔ lɛ: Kɛ̀ ɓi fèg ki kìi lɛ, ŋwaàdɛŋ a yi kìɓan ki. 31Lɔŋ yɛ̀ɛ ɓɛ kpagày foo, ɓɛ tum rìsààtì ɗi ɗii ɗi Yeesus kòdò ànɛn bimiɗ. 32Lɔŋ yɛ̀ɛ ɓɛ̀ɗyaŋɗyàŋ ɓɛ̀n ɓɛ kɛngà, ɓɛ yu tì Yeesus ɗì ŋwaàdɛŋ ànɛ à ɓaghà rì kìɓeɓtàg ki nghay, nyi mùm-mùm. 33Yɛ̀ɛ à nàɓkà kìɓeɓtàg ki nghay kìn, mùm-mùm anɛ̀n à tòòghrɛ̀n; gwìy ì ɓum ìnɛ ì ɓaghà wɔɔ i kuuràkà, ì kpaa lɛ: Rìkuu ɗi kiɓan ɗi fɛlɛ ɗi ka ghɛnɛ̀ngà ɓi a Isirayɛl cààmɛ̀n kidɛŋ. 34Kìɓan kifòg Ɓɛ̀fàrìzyɛŋ ɓɔɔ kpaakpààghà lɛ: Yeesus a nànaɓ ɓiɓeɓtàg ɓi mɛghay rì ìtèɗ wu rifòm ɗi ɓiɓeɓtàg ɓi mɛghay.
Yeesus à ghɛɛ lɛ, mɛ̀saŋ mɛ teghɛɛ, ɓɛ̀kìì-ɓìsay ɓɛ ɓa lɛsàg
35Yeesus à kɛ̀ɛ̀kɛ̀ɛ̀ghà lɛ rì ɓi bàn yìcèm rì ɓi ɓɔɔ ɓilɔ̀ŋ ɓɛ̀cèm di a rèresi ɓum ɓìɓan ɓi Bɛ̀ll ɓi naa yaa yi bɔ̀ŋzɛ̀n, à kakàlì Syeesyee à Ɓɔlɛ à kìlɔ̀ŋ ki Bɛ̀ll, à ki wɔ̀ɔwɔɔ̀zì tìròɓ, rì ɓìlɛm mɛ̀kuu mɛ̀cèm. 36Yɛ̀ɛ à ghɛngà ɓìtuu ɓi ɓum, nni nyìighnyìg ì kìghà nyì rì ɓyɔ, lɛ ɓumɓɛ̀n ɓɛ ɓaghà ɓɛ̀ fɔlɛn, kɛ̀ɛ̀ ìtèɗ ɓi nyoo fɛlɛ yɛ̀ɛ jɔ̀ɔ̀ yi yi ri kɛ̀ɛ̀ ɓɛ̀ɓèŋì. 37Fɔɔnnɛ à kalìghà ɓɛ̀yilàg ɓii lɛ: Mɛ̀saŋ mɛ ri mɛ̀ tèghɛn, kìɓan kifog ɓɛ̀kìì-ɓìsay lɛsàg. 38Ɓɔ̀ŋzaaghna min ŋwaànɛ à rì rì mɛ̀saŋ lɛ a rom yì ɓɛ̀kìì-ɓìsay ɓi dɛm yiì ì mɛ̀saŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bafia Nouveau Testament © Bible Society of Cameroon, 2019.