LUKA 1
1
LUKA Dɔgl Rɔb yɔ Luka bi̧i̧ LUKA 1
1Teyofil doo-gbɔɔlɛ, Dood kittɔnɔ hi kɛɛ hinwɔ hi daa nɛ wɛ teesdu dɔglya̧ bi̧i̧ki. 2Hi bi̧i̧ dɔgl wɔ wi lag a dood wɔ hi gbɛn hinya̧ hi lɔlya̧ a yɛɛlikɔ gedu a hi ya̧a̧ du. Bɛt gaahi dɔglɔ naan du an hi dɔks doodɛ. 3Ya̧a̧nɛ, anyɔ mi tɛb hin wɔrɔ dɔglya̧ bɛttɔnɔ sɛw a lɛl yɔ yɛɛl dige, mi see hinɔ bɛr an mii hɛw mi bi̧i̧ dɔglɔ anyɔ fɔbɔ mi gbaasumɔ 4an mɔ mɛks hingok wɔ mɔ dag rɔbɔ lɛlɛ.
5A wɛl yɔ Hirudus gi waar gedu a Yahuduya, doo za Bɛtmaakwookya giro nuŋgɔ a Zakariya, yɔ gi a Abiya Bɛtmaakwookya wɔ hi ka̧a̧r du. Nistɔ nuŋgɔ a Elizabɛd, dɔ̧ɔ̧tɔ fu̧u̧ a Bɛtmaakwookya gbɔɔl mɔɔt bɔ nuŋgɔ a Haruna gi dɔ̧ɔ̧t du. 6Hi gi dood rɔbɛ hi eer sɛw a Bɛt muutdu. Hi fɔk Bɛtmaakɔ wɔ bɛttɔnɔ hi dɔgl yɔ Waar Bɛt gaa sɛw, hin-a̧a̧b taadu. 7Hɔnɛ Elizabɛd da kirkɔ, hi da hi taan nɛ waa. Hi sɛw wɛlya̧ kit be.
8Ɔ̧tza ma Zakariya gi wook Bɛtmaakɔ a Bɛt muutdu, yɔ ka̧a̧rɔ bɔ woosɔ ɔ̧t rii, 9anyɔ Bɛtmaakwookya hi rɔ̧ɔ̧s woos gɛ̧ɛ̧k a hi teesdu, hi herige anyɔ subud lege an gi gul a Waar Bɛtluk du gi woo Bɛtmaako gi dɔ̧ɔ̧s tɛ̧ɛ̧mɛk okt ki̧i̧lhɛmntya. 10Yɔ gi tɛ̧ɛ̧mɛk okt ki̧i̧lhɛmntya bɔ dɔ̧ɔ̧sig laa du, dood saal wɔ sɛw hi gi lakdi hi zɔ̧k Bɛto. 11Waar Bɛtwalsɛr za mits Zakariya zaa er a Bɛt-maaksɛŋk yɔ hi dɔ̧ɔ̧sig tɛ̧ɛ̧mɛk okt ki̧i̧lhɛmntya hage a naanrɔbo. 12Yɔ Zakariya gbɛnige, zulɔ dɔɔsig saasa, hoobha̧a̧g be. 13Bɛtwalsɛr bɔ raage:
a bɔ hoob gi ha̧a̧mɔ, Zakariya, Waar Bɛt kɛm zɔ̧k mɔ kɛmɔ, ya̧a̧nɛ. Nis mɔ Elizabɛd gi mɔɔsum waa, mɔ dɔ̧ɔ̧sig nuŋgɔ a Yohana. 14Mɔ dag hat gbɔɔltɔnɔ, dood kittɔnɔ hi dag hat a mɔɔkɔ bɔ dɔŋgɔ. 15Yɔ anbɔ gi wɛɛ gbɔɔl a Waar Bɛt muutdu, taa an gi yɔ̧ bumhobo, zaabe bum za dɔɔmi. Kpoosɔ gi hi̧i̧s hi Bɛt Mɔkilɔ gi yɛɛl a nɔɔtɔ buu du.
16Gi wɛnz Israhilaya kit wɔ kpoosya̧ a Waar Bɛt ge. 17Yohana gi ɛmb a Waar Bɛt muutdu an tɔmsɔya hi ya̧a̧kɛŋkɔya bɔ Eliya mɔkilɔ hi tɛŋkɔ an gi wɛnz baa wɔ kpoosya̧ a waatya̧ hi hi boolɔ, gi wɛɛ gi kamz tɔnzuksya wɔ be a dood hinrɔbwookya wɔ hi hinmɛɛk du, an gi gɛms dood sɛw hi oo Waar bɔ zaakɔ.
18Zakariya war Bɛtwalsɛr bɔ:
a nɛ yɛrɛ bee be wɔm da̧a̧, nis be wɔm da̧a̧, be mɛɛ hin bɔrɔ ri a gi rɔb nɔ?
19Bɛtwalsɛr bɔ goo:
a bee Gabriyɛl, bee gi erk a Bɛt muut du an be woosigwoosɛ, gii yaazibe an be dɔgsum hinɔ, be kamsum dɔgl hɛmnti. 20Yɛrɛ anyɔ mɔ tā̧ā̧ dɔgl be yɔ gɔ gi tuur a ɔ̧tɔ gɔ gi rii gedu gɛ, mɔ wɛɛ su̧u̧ki, gi tuur a ɔ̧tyɔ hin wɔrɔ gɔ hi tuur gedu kɛnɛ, ɓɔr mɔ ɔɔ ya̧a̧booko.
21Yɔ anbɔ dood hi ook Zakariya a Bɛtluk bɔ ge, yɔ Zakariya gi amzig ha̧a̧ltɔnɔ be hinɔ kɔmsihi gɛrsɛ. 22Yɔ tuuza ɗɛɛ ya̧a̧book hi hii ma gɛ, yɔ anbɔ, dood hi mɛɛmɛ a Bɛt zunsig hin a gɛrs du a Bɛtluk bɔ gedu. Goksihi hin hi naanɛ wɛɛ kɔm su̧u̧ki. 23Yɔ Zakariya da̧a̧s woosɔ ɔ̧t wɔ a Bɛtluk du wɛɛ gi raa du; 24kuudu ɔ̧t kaasi nistɔ Elizabɛd budɔ, yaata sɛɛ nɔɔnɛ, wɛɛ dɔgɔ:
a 25yɛrɛ hinyɔ Waar Bɛt gɔsibe a ɔ̧tyɔ seesib ya̧a̧r be gedu, ha̧tsib hinyɔ gib nɛ seem gaak a dood muutdu giya.
26Yɔ Elizabɛd bud gi tuur sɛɛ nɔɔngbunu, Bɛt yaaz walsɛrɔ Gabriyɛl a waal gbɔɔl za du nuŋgɔ a Nazarɛd, a Galile hɛbt du 27a nis za gbaag yɔ mɛɛ walya̧a̧ gɛ, yɔ wal za a Dawda dɔ̧ɔ̧t du gig gbɛ̧ɛ̧tugo nuŋgɔ a Yusufu. Nis bɔ be nuŋgɔ a Mariyama. 28Bɛtwalsɛr bɔ tal gi lɛl du raage:
a be boomɔ, mɔɔ yɔ Bɛt rɔbsumɔ, Waar Bɛt gi hi mɔya.
29Yɔ dɔgl bɔrɔ yɔɔ Mariyama ha̧a̧ltɔnɔ ɛr zulɔ,
a book bɔrɔ gi raak hinɔ a nɔ?
30Bɛtwalsɛr bɔ raage:
a bɔ hoob gi ha̧a̧mɔ Mariyama, anyɔ mɔ dag Bɛt gɛmsilɔ. 31Yɛrɛ mɔ́ budaa mɔ mɔɔ waawalɔ, mɔ dɔ̧ɔ̧sig nuŋgɔ a Yeesu. 32Gi wɛɛ doo gbɔɔlɛ, hi elige a Bɛt Yɔ Gi Gbɔɔl Gi Daarlɛl waawalɔ. Wɛɛ Waar Bɛt gi wɛɛnig waar i anyɔ gɔs nɛ baatɔ Dawda be. 33Gi wɛɛ waar a Yakuba dɔ̧ɔ̧tɔ hi zul faa. Waar umsɔ taa zaa da̧a̧ko.
34Mariyama war Bɛtwalsɛr bɔ:
a hin bɔ lab gi wooy hinɔ ri? Be mɛɛ walya̧a̧ gɛ be?
35Bɛtwalsɛr bɔ ta̧a̧ raage:
a Bɛt Mɔkilɔ gi zaasumɔ, wɛɛ Bɛt Yɔ Gi Gbɔɔl Gi Daarlɛl tɛŋkɔ gi yaatumɔ hi zeksɔ. Ya̧a̧nɛ, waa bɔ gɔ mɔ mɔɔge, hi elige a Doo Gaati, Bɛt Waawalɔ. 36Yɛrɛ nɛs mɔ Elizabɛd be, yɔ gɔ hi gig nɛ elik a kirkilyɔ, bud waawaltɔ, gin sɛɛ nɔɔngbunu. 37Ya̧a̧nɛ hinza ɗɛɛ Bɛt gɛ.
38Mariyama raa:
a be gi Waar Bɛt nisgbaaryɔ, hinɔ gi wooysib ma anyɔ mɔ dɔgɔ !
Bɛtwalsɛr bɔ ɔɔge ɗund rekɔ.
39Mariyama ɗuk ɔ̧tɔ ge rek hi dikto a waal gbɔɔl za yɔ gol hi gi ge a Yahuduya. 40Yɔ tuurɔ gul a Zakariya raa du boo Elizabɛd. 41Yɔ Elizabɛd kɛm Mariyama boog anbɔ, waa bɔ buu du namlɔ. Elizabɛd kpoosɔ hi̧i̧s hi Bɛt Mɔkilɔ, 42ɓooya̧a̧ ha̧a̧ltɔnɔ, raa:
a Bɛt rɔbsumɔ daar nɛɛd zaadɛ sɛw, wɛɛ rɔbs waa yɔ gɔ mɔ mɔɔge! 43Nɔ nɛko Waar be nɔɔtɔ gi zaa nɛ bee ro! 44Yɛrɛ seemɔ, yɔ mɔ bɛɛb booko be bɛɛ kɔlk mɔ kɛŋko, waa bɔ be buu du naml hi hato. 45Mɔ gin hato anyɔ mɔ ɗɔbs hinyɔ Waar Bɛt raasumɔ, hinɔ gi wooyyɔ .
46Wɛɛ Mariyama raa:
a be baan Waar Bɛt gbɔlumsɛ, 47kpoos be hi̧i̧s hi hato a Za̧a̧sigya be Bɛt zulha. 48Ya̧a̧nɛ gi ha̧a̧ge an gi tiis lɔlɔ gi see bee nisgbaarɔ ya̧a̧rya bɔ. Hi rɔbo, yɛrɛ ɓɔryɔ dood sɛw anyɔ zaŋya̧ gɔ hi fɔbɔ hi raa a Bɛt rɔbsibrɔbsɔ. 49Ya̧a̧nɛ, Bɛt tɛŋkya, gɔsib hin gbɔlɛ, wɛɛ nuŋgɔ gi hin gaatyɔ. 50Wɛɛ ya̧a̧rmɛɛkɔ gi a dood wɔ hoob gihige ha̧a̧k hi zulha wɛlɛ hi wɛlɛ.
51Woo woos gbɔlɛ hi naanɔ tɛŋkya bɔ, hɛks dood wɔ hi gi zul pɛɛko. 52Sisil waar ɛ gbɔlɛ wɔ a hi waar ums ɗɔɔtillɛlɛ, wɛɛ gaa dood tɔs wɔ ɗɔɔtillɛl hɔɔtɛ wɔ. 53Gaa dood wɔ a̧a̧kil gihi ha̧a̧k hinrɔbɛ, wɛɛ yaa rɔɔsya wɔ hi rek naan ɗɛndilɛ. 54Zaa ɗaas dood Israhilaya wɔ hi gi woosɔyaadɛ, zɛ̄n hinrɔbɔ wook 55a Abraham gbaŋgi hi waatɔ faa anyɔ da raas nɛ baa wɛ hii a gi woo hinɔ gɛ.
56Mariyama waa hi Elizabɛd sɛ̧ɛ̧b sɛɛ taarɛ kuudu wɛɛ gɔ gi lɛlɛ.
57Ɔ̧t yɔ Elizabɛd gɔ gi gul waaɔ du tuurɔ, mɔɔ waawalɔ.
58Naaza wɔ hi nɛsɛ ɔ̧ɔ̧ wɔ hi lag a waar Bɛt woosig hinrɔbo hi zaa hi dagtin hat lɛlgbunu.
59Yɔ hi gul waa bɔ gi gɔ dimaas gbunu gid hi zaa an hi nàge, ha̧a̧hi nɛ an hi dɔ̧ɔ̧sig nuŋgɔ a Zakariya an baatɔ nuŋgɔ bɔ be. 60Nɔɔtɔ raa:
a ɛ̧-ɛ̧, nuŋgɔ taa anbɔ, nuŋgɔ a Yohana.
61Hi raage:
a hɔɔ, nɛ doo za nuŋgɔ taa anbɔ a nɛ dɔ̧ɔ̧t du be!
62Hi wɛɛ hi yaks baatɔ naanɛ an hi warig nuŋg yɔ gɔ gi dɔ̧ɔ̧s waa bɔ. 63Zakariya ɛr tɛ̧ɛ̧hɛɛk bɔ, hi gaage, bi̧i̧ muulɔge: a nuŋgɔ a Yohana. Dood wɔ hi gidi sɛw hinɔ kɔmsihi gɛrsɛ. 64Ɓɔrbɔ Zakariya kɔlkɔ kpɛ̧ɛ̧rɔ, mɛlɔ wɛɛ wadɔ, booya̧a̧ ma raa
a rɔbs gi a Bɛt ge.
65Yɔ anbɔ naaza raatɛ wɔ sɛw hoobha̧a̧hiha̧, hi dood zaadɛ wɔ hi waak nɛ a Yahuduya ga̧a̧t wɔ ha sɛw hi book hin wɔrɔ sɛw dɔglɔ giya. 66Wɔ hi lagɔ hi wa̧a̧ dɔglɔ hi kpoos du, hi warɔ:
a waa bɔrɔ gɔ gi wɛɛ nɔ?
Ya̧a̧nɛ, Waar Bɛt tɛŋkɔ gi hi gii hi rɔbo. 67Yɔ waa bɔ baatɔ Zakariya kpoosɔ hi̧i̧s hi Bɛt Mɔkilɔ, wɛɛ dɔg hi Bɛt dɔglɔ an yɛrɛ lɛ:
68a bant gi a Israhilaya wɔ Waar ya̧ Bɛt ge! Ya̧a̧nɛ, zaa a doodɔ hi an gi tuus zulya̧ aakil du. 69Wɛɛ mɔɔsɛ Za̧a̧sigya Tɛŋkya yɔ fu̧u̧ a gbaar walɔ Dawda dɔ̧ɔ̧t du, 70anyɔ dɔg nɛ a Bɛtya̧a̧kɛŋkya gaatɛ wɔ hi ya̧a̧ du a lɔɔza bɔ ge:
71a gi za̧a̧sɛ a wɔ ha̧a̧hi gabs hi wɛya hi naan du, hi dood wɔ hi giwɛ lɔlhɛ̧ɛ̧nuko. 72Gis baa wɛ hii ya̧a̧rmɛɛkɔ zuunuko, wɛɛ gi mɛksig ya̧a̧wɔkɔ gaat bɔ da gɔ hi hiya. 73Ya̧a̧nɛ gi dɛŋgls nɛ baa wɛ Abraham hinɛ: 74a gi za̧a̧sɛ a wɔ ha̧a̧hi gabs hi wɛɛ hi naan du, an wɛ woosig hinɛ, hoob gi hā̧ā̧wɛ hinza gɛ. 75An wɛ wɛɛ doodɔ gaatɛ, hinrɔbwookyaadɛ a gi muutdu ɔ̧t nuŋg sɛw a wɛ waabil du.
76Wɛɛ mɔya, waa be, hi elumɔ a Bɛt Yɔ Gi Gbɔɔl Gi Daarlɛl ya̧a̧ɔkɛŋkyayɔ. Yɔ anbɔ mɔ ɛmb a Waar bɔ muutdu an mɔ gɛmntsig gbɔnɔɔ wɔ. 77An mɔ raas doodɔ dɔglɔ hi mɛɛ a gi za̧a̧sihi a hinha̧a̧lya̧ bɔ geɗu. 78Yɔ Bɛt wɛ ya̧a̧rmɛɛkɔ gi gbɔɔltɔnɔ hi hinrɔb-wooki gii gi woosɛ anbɔ. Gisɛ yaazig lɛlgaal a wɛɛha an ɔ̧tyɔ gi kazugo, 79an gi gáa a wɔ hi ɗɔɔtig lɛlwil du hi zulha, hi wɔ hi ɗɔɔtig a wɔrk zeks du hi zulha, an gi kam ɛmbil wɛ a bolt gbɔnɔ du.
80Waa bɔ tɔɔ gi tɛŋk dako, mɔkilɔ gi dak tɛŋk hɛw. Rek waa a hɛtdɔŋ du tuur a ɔ̧tyɔ mid a dood Israhilaya wɔ hi muutdu gedu.
Currently Selected:
LUKA 1: NTD
Highlight
Share
Copy
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
LUKA 1
1
LUKA Dɔgl Rɔb yɔ Luka bi̧i̧ LUKA 1
1Teyofil doo-gbɔɔlɛ, Dood kittɔnɔ hi kɛɛ hinwɔ hi daa nɛ wɛ teesdu dɔglya̧ bi̧i̧ki. 2Hi bi̧i̧ dɔgl wɔ wi lag a dood wɔ hi gbɛn hinya̧ hi lɔlya̧ a yɛɛlikɔ gedu a hi ya̧a̧ du. Bɛt gaahi dɔglɔ naan du an hi dɔks doodɛ. 3Ya̧a̧nɛ, anyɔ mi tɛb hin wɔrɔ dɔglya̧ bɛttɔnɔ sɛw a lɛl yɔ yɛɛl dige, mi see hinɔ bɛr an mii hɛw mi bi̧i̧ dɔglɔ anyɔ fɔbɔ mi gbaasumɔ 4an mɔ mɛks hingok wɔ mɔ dag rɔbɔ lɛlɛ.
5A wɛl yɔ Hirudus gi waar gedu a Yahuduya, doo za Bɛtmaakwookya giro nuŋgɔ a Zakariya, yɔ gi a Abiya Bɛtmaakwookya wɔ hi ka̧a̧r du. Nistɔ nuŋgɔ a Elizabɛd, dɔ̧ɔ̧tɔ fu̧u̧ a Bɛtmaakwookya gbɔɔl mɔɔt bɔ nuŋgɔ a Haruna gi dɔ̧ɔ̧t du. 6Hi gi dood rɔbɛ hi eer sɛw a Bɛt muutdu. Hi fɔk Bɛtmaakɔ wɔ bɛttɔnɔ hi dɔgl yɔ Waar Bɛt gaa sɛw, hin-a̧a̧b taadu. 7Hɔnɛ Elizabɛd da kirkɔ, hi da hi taan nɛ waa. Hi sɛw wɛlya̧ kit be.
8Ɔ̧tza ma Zakariya gi wook Bɛtmaakɔ a Bɛt muutdu, yɔ ka̧a̧rɔ bɔ woosɔ ɔ̧t rii, 9anyɔ Bɛtmaakwookya hi rɔ̧ɔ̧s woos gɛ̧ɛ̧k a hi teesdu, hi herige anyɔ subud lege an gi gul a Waar Bɛtluk du gi woo Bɛtmaako gi dɔ̧ɔ̧s tɛ̧ɛ̧mɛk okt ki̧i̧lhɛmntya. 10Yɔ gi tɛ̧ɛ̧mɛk okt ki̧i̧lhɛmntya bɔ dɔ̧ɔ̧sig laa du, dood saal wɔ sɛw hi gi lakdi hi zɔ̧k Bɛto. 11Waar Bɛtwalsɛr za mits Zakariya zaa er a Bɛt-maaksɛŋk yɔ hi dɔ̧ɔ̧sig tɛ̧ɛ̧mɛk okt ki̧i̧lhɛmntya hage a naanrɔbo. 12Yɔ Zakariya gbɛnige, zulɔ dɔɔsig saasa, hoobha̧a̧g be. 13Bɛtwalsɛr bɔ raage:
a bɔ hoob gi ha̧a̧mɔ, Zakariya, Waar Bɛt kɛm zɔ̧k mɔ kɛmɔ, ya̧a̧nɛ. Nis mɔ Elizabɛd gi mɔɔsum waa, mɔ dɔ̧ɔ̧sig nuŋgɔ a Yohana. 14Mɔ dag hat gbɔɔltɔnɔ, dood kittɔnɔ hi dag hat a mɔɔkɔ bɔ dɔŋgɔ. 15Yɔ anbɔ gi wɛɛ gbɔɔl a Waar Bɛt muutdu, taa an gi yɔ̧ bumhobo, zaabe bum za dɔɔmi. Kpoosɔ gi hi̧i̧s hi Bɛt Mɔkilɔ gi yɛɛl a nɔɔtɔ buu du.
16Gi wɛnz Israhilaya kit wɔ kpoosya̧ a Waar Bɛt ge. 17Yohana gi ɛmb a Waar Bɛt muutdu an tɔmsɔya hi ya̧a̧kɛŋkɔya bɔ Eliya mɔkilɔ hi tɛŋkɔ an gi wɛnz baa wɔ kpoosya̧ a waatya̧ hi hi boolɔ, gi wɛɛ gi kamz tɔnzuksya wɔ be a dood hinrɔbwookya wɔ hi hinmɛɛk du, an gi gɛms dood sɛw hi oo Waar bɔ zaakɔ.
18Zakariya war Bɛtwalsɛr bɔ:
a nɛ yɛrɛ bee be wɔm da̧a̧, nis be wɔm da̧a̧, be mɛɛ hin bɔrɔ ri a gi rɔb nɔ?
19Bɛtwalsɛr bɔ goo:
a bee Gabriyɛl, bee gi erk a Bɛt muut du an be woosigwoosɛ, gii yaazibe an be dɔgsum hinɔ, be kamsum dɔgl hɛmnti. 20Yɛrɛ anyɔ mɔ tā̧ā̧ dɔgl be yɔ gɔ gi tuur a ɔ̧tɔ gɔ gi rii gedu gɛ, mɔ wɛɛ su̧u̧ki, gi tuur a ɔ̧tyɔ hin wɔrɔ gɔ hi tuur gedu kɛnɛ, ɓɔr mɔ ɔɔ ya̧a̧booko.
21Yɔ anbɔ dood hi ook Zakariya a Bɛtluk bɔ ge, yɔ Zakariya gi amzig ha̧a̧ltɔnɔ be hinɔ kɔmsihi gɛrsɛ. 22Yɔ tuuza ɗɛɛ ya̧a̧book hi hii ma gɛ, yɔ anbɔ, dood hi mɛɛmɛ a Bɛt zunsig hin a gɛrs du a Bɛtluk bɔ gedu. Goksihi hin hi naanɛ wɛɛ kɔm su̧u̧ki. 23Yɔ Zakariya da̧a̧s woosɔ ɔ̧t wɔ a Bɛtluk du wɛɛ gi raa du; 24kuudu ɔ̧t kaasi nistɔ Elizabɛd budɔ, yaata sɛɛ nɔɔnɛ, wɛɛ dɔgɔ:
a 25yɛrɛ hinyɔ Waar Bɛt gɔsibe a ɔ̧tyɔ seesib ya̧a̧r be gedu, ha̧tsib hinyɔ gib nɛ seem gaak a dood muutdu giya.
26Yɔ Elizabɛd bud gi tuur sɛɛ nɔɔngbunu, Bɛt yaaz walsɛrɔ Gabriyɛl a waal gbɔɔl za du nuŋgɔ a Nazarɛd, a Galile hɛbt du 27a nis za gbaag yɔ mɛɛ walya̧a̧ gɛ, yɔ wal za a Dawda dɔ̧ɔ̧t du gig gbɛ̧ɛ̧tugo nuŋgɔ a Yusufu. Nis bɔ be nuŋgɔ a Mariyama. 28Bɛtwalsɛr bɔ tal gi lɛl du raage:
a be boomɔ, mɔɔ yɔ Bɛt rɔbsumɔ, Waar Bɛt gi hi mɔya.
29Yɔ dɔgl bɔrɔ yɔɔ Mariyama ha̧a̧ltɔnɔ ɛr zulɔ,
a book bɔrɔ gi raak hinɔ a nɔ?
30Bɛtwalsɛr bɔ raage:
a bɔ hoob gi ha̧a̧mɔ Mariyama, anyɔ mɔ dag Bɛt gɛmsilɔ. 31Yɛrɛ mɔ́ budaa mɔ mɔɔ waawalɔ, mɔ dɔ̧ɔ̧sig nuŋgɔ a Yeesu. 32Gi wɛɛ doo gbɔɔlɛ, hi elige a Bɛt Yɔ Gi Gbɔɔl Gi Daarlɛl waawalɔ. Wɛɛ Waar Bɛt gi wɛɛnig waar i anyɔ gɔs nɛ baatɔ Dawda be. 33Gi wɛɛ waar a Yakuba dɔ̧ɔ̧tɔ hi zul faa. Waar umsɔ taa zaa da̧a̧ko.
34Mariyama war Bɛtwalsɛr bɔ:
a hin bɔ lab gi wooy hinɔ ri? Be mɛɛ walya̧a̧ gɛ be?
35Bɛtwalsɛr bɔ ta̧a̧ raage:
a Bɛt Mɔkilɔ gi zaasumɔ, wɛɛ Bɛt Yɔ Gi Gbɔɔl Gi Daarlɛl tɛŋkɔ gi yaatumɔ hi zeksɔ. Ya̧a̧nɛ, waa bɔ gɔ mɔ mɔɔge, hi elige a Doo Gaati, Bɛt Waawalɔ. 36Yɛrɛ nɛs mɔ Elizabɛd be, yɔ gɔ hi gig nɛ elik a kirkilyɔ, bud waawaltɔ, gin sɛɛ nɔɔngbunu. 37Ya̧a̧nɛ hinza ɗɛɛ Bɛt gɛ.
38Mariyama raa:
a be gi Waar Bɛt nisgbaaryɔ, hinɔ gi wooysib ma anyɔ mɔ dɔgɔ !
Bɛtwalsɛr bɔ ɔɔge ɗund rekɔ.
39Mariyama ɗuk ɔ̧tɔ ge rek hi dikto a waal gbɔɔl za yɔ gol hi gi ge a Yahuduya. 40Yɔ tuurɔ gul a Zakariya raa du boo Elizabɛd. 41Yɔ Elizabɛd kɛm Mariyama boog anbɔ, waa bɔ buu du namlɔ. Elizabɛd kpoosɔ hi̧i̧s hi Bɛt Mɔkilɔ, 42ɓooya̧a̧ ha̧a̧ltɔnɔ, raa:
a Bɛt rɔbsumɔ daar nɛɛd zaadɛ sɛw, wɛɛ rɔbs waa yɔ gɔ mɔ mɔɔge! 43Nɔ nɛko Waar be nɔɔtɔ gi zaa nɛ bee ro! 44Yɛrɛ seemɔ, yɔ mɔ bɛɛb booko be bɛɛ kɔlk mɔ kɛŋko, waa bɔ be buu du naml hi hato. 45Mɔ gin hato anyɔ mɔ ɗɔbs hinyɔ Waar Bɛt raasumɔ, hinɔ gi wooyyɔ .
46Wɛɛ Mariyama raa:
a be baan Waar Bɛt gbɔlumsɛ, 47kpoos be hi̧i̧s hi hato a Za̧a̧sigya be Bɛt zulha. 48Ya̧a̧nɛ gi ha̧a̧ge an gi tiis lɔlɔ gi see bee nisgbaarɔ ya̧a̧rya bɔ. Hi rɔbo, yɛrɛ ɓɔryɔ dood sɛw anyɔ zaŋya̧ gɔ hi fɔbɔ hi raa a Bɛt rɔbsibrɔbsɔ. 49Ya̧a̧nɛ, Bɛt tɛŋkya, gɔsib hin gbɔlɛ, wɛɛ nuŋgɔ gi hin gaatyɔ. 50Wɛɛ ya̧a̧rmɛɛkɔ gi a dood wɔ hoob gihige ha̧a̧k hi zulha wɛlɛ hi wɛlɛ.
51Woo woos gbɔlɛ hi naanɔ tɛŋkya bɔ, hɛks dood wɔ hi gi zul pɛɛko. 52Sisil waar ɛ gbɔlɛ wɔ a hi waar ums ɗɔɔtillɛlɛ, wɛɛ gaa dood tɔs wɔ ɗɔɔtillɛl hɔɔtɛ wɔ. 53Gaa dood wɔ a̧a̧kil gihi ha̧a̧k hinrɔbɛ, wɛɛ yaa rɔɔsya wɔ hi rek naan ɗɛndilɛ. 54Zaa ɗaas dood Israhilaya wɔ hi gi woosɔyaadɛ, zɛ̄n hinrɔbɔ wook 55a Abraham gbaŋgi hi waatɔ faa anyɔ da raas nɛ baa wɛ hii a gi woo hinɔ gɛ.
56Mariyama waa hi Elizabɛd sɛ̧ɛ̧b sɛɛ taarɛ kuudu wɛɛ gɔ gi lɛlɛ.
57Ɔ̧t yɔ Elizabɛd gɔ gi gul waaɔ du tuurɔ, mɔɔ waawalɔ.
58Naaza wɔ hi nɛsɛ ɔ̧ɔ̧ wɔ hi lag a waar Bɛt woosig hinrɔbo hi zaa hi dagtin hat lɛlgbunu.
59Yɔ hi gul waa bɔ gi gɔ dimaas gbunu gid hi zaa an hi nàge, ha̧a̧hi nɛ an hi dɔ̧ɔ̧sig nuŋgɔ a Zakariya an baatɔ nuŋgɔ bɔ be. 60Nɔɔtɔ raa:
a ɛ̧-ɛ̧, nuŋgɔ taa anbɔ, nuŋgɔ a Yohana.
61Hi raage:
a hɔɔ, nɛ doo za nuŋgɔ taa anbɔ a nɛ dɔ̧ɔ̧t du be!
62Hi wɛɛ hi yaks baatɔ naanɛ an hi warig nuŋg yɔ gɔ gi dɔ̧ɔ̧s waa bɔ. 63Zakariya ɛr tɛ̧ɛ̧hɛɛk bɔ, hi gaage, bi̧i̧ muulɔge: a nuŋgɔ a Yohana. Dood wɔ hi gidi sɛw hinɔ kɔmsihi gɛrsɛ. 64Ɓɔrbɔ Zakariya kɔlkɔ kpɛ̧ɛ̧rɔ, mɛlɔ wɛɛ wadɔ, booya̧a̧ ma raa
a rɔbs gi a Bɛt ge.
65Yɔ anbɔ naaza raatɛ wɔ sɛw hoobha̧a̧hiha̧, hi dood zaadɛ wɔ hi waak nɛ a Yahuduya ga̧a̧t wɔ ha sɛw hi book hin wɔrɔ sɛw dɔglɔ giya. 66Wɔ hi lagɔ hi wa̧a̧ dɔglɔ hi kpoos du, hi warɔ:
a waa bɔrɔ gɔ gi wɛɛ nɔ?
Ya̧a̧nɛ, Waar Bɛt tɛŋkɔ gi hi gii hi rɔbo. 67Yɔ waa bɔ baatɔ Zakariya kpoosɔ hi̧i̧s hi Bɛt Mɔkilɔ, wɛɛ dɔg hi Bɛt dɔglɔ an yɛrɛ lɛ:
68a bant gi a Israhilaya wɔ Waar ya̧ Bɛt ge! Ya̧a̧nɛ, zaa a doodɔ hi an gi tuus zulya̧ aakil du. 69Wɛɛ mɔɔsɛ Za̧a̧sigya Tɛŋkya yɔ fu̧u̧ a gbaar walɔ Dawda dɔ̧ɔ̧t du, 70anyɔ dɔg nɛ a Bɛtya̧a̧kɛŋkya gaatɛ wɔ hi ya̧a̧ du a lɔɔza bɔ ge:
71a gi za̧a̧sɛ a wɔ ha̧a̧hi gabs hi wɛya hi naan du, hi dood wɔ hi giwɛ lɔlhɛ̧ɛ̧nuko. 72Gis baa wɛ hii ya̧a̧rmɛɛkɔ zuunuko, wɛɛ gi mɛksig ya̧a̧wɔkɔ gaat bɔ da gɔ hi hiya. 73Ya̧a̧nɛ gi dɛŋgls nɛ baa wɛ Abraham hinɛ: 74a gi za̧a̧sɛ a wɔ ha̧a̧hi gabs hi wɛɛ hi naan du, an wɛ woosig hinɛ, hoob gi hā̧ā̧wɛ hinza gɛ. 75An wɛ wɛɛ doodɔ gaatɛ, hinrɔbwookyaadɛ a gi muutdu ɔ̧t nuŋg sɛw a wɛ waabil du.
76Wɛɛ mɔya, waa be, hi elumɔ a Bɛt Yɔ Gi Gbɔɔl Gi Daarlɛl ya̧a̧ɔkɛŋkyayɔ. Yɔ anbɔ mɔ ɛmb a Waar bɔ muutdu an mɔ gɛmntsig gbɔnɔɔ wɔ. 77An mɔ raas doodɔ dɔglɔ hi mɛɛ a gi za̧a̧sihi a hinha̧a̧lya̧ bɔ geɗu. 78Yɔ Bɛt wɛ ya̧a̧rmɛɛkɔ gi gbɔɔltɔnɔ hi hinrɔb-wooki gii gi woosɛ anbɔ. Gisɛ yaazig lɛlgaal a wɛɛha an ɔ̧tyɔ gi kazugo, 79an gi gáa a wɔ hi ɗɔɔtig lɛlwil du hi zulha, hi wɔ hi ɗɔɔtig a wɔrk zeks du hi zulha, an gi kam ɛmbil wɛ a bolt gbɔnɔ du.
80Waa bɔ tɔɔ gi tɛŋk dako, mɔkilɔ gi dak tɛŋk hɛw. Rek waa a hɛtdɔŋ du tuur a ɔ̧tyɔ mid a dood Israhilaya wɔ hi muutdu gedu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.