Matayo 12

Jeso ngu Mwami wa Sabata

(Maako 2:23-28; Luka 6:1-5)

1 # Ciz 23:25 Mu buzuba bwa Sabata, Jeso wakaita mu myuunda ya maila, ba shiciiya bakwe bakafwa inzala. Ubobo bakakanka kupululula makunka a maila ukwaalya. 2Ba Falisi nibakacibona ceco, bakamwambila Jeso ati, “Bona ba shiciiya bako bacita citahuminyiwa mu Sabata.” 3#1 Sam 21:1-6Jeso wakabaingula ati, “Sa mwiina nimwakabala mbwaakacita Devidi u babo mbucakaakuli abo? 4#Bale 24:9Inta wakanjila muŋanda ya Leza ukulya cinkwa cakapewa kwa Leza, calo citahuminyiwa kulya bantu bulyo ubatali bapaizhi? 5#Mye 28:9, 10Sa mwiina nimwakabala bapaizhi ba muŋanda ya Leza mbubakaakusotoka mulawo mu buzuba bwa Sabata nikuba bobo bayina nibakapewa mulandu? 6Pele ngaali ano uubala aŋanda ya Leza. 7#Mat 9:13; Hos 6:6Kuti nimwaakwizhi kaambo kaka ncikaamba kakuti, ‘Ndazanda inkumbu kutali cipaizho,’ nimwataakutamikizha bayina milandu. 8Nkaambo Mwanaa Muntu ngu Mwami wa Sabata.”

Muntu Waakuzuminine Itashi

(Maako 3:1-6; Luka 6:6-11)

9Jeso naakakuhwa koko wakaya wanjila mu cikombelo caba Juda. 10Koko kakuli mulombwana umwi wakaakuzuminine itashi. Bantu bakamubuzha Jeso ati, “Sa nceelelo kuponya muntu mu buzuba bwa Sabata?” Bakamubuzha bobo kwaamba bamuyanine kaambo. 11#Lk 14:5Wakabaingula ati, “Nguni akati kenu uufwuwile imbelele yomwi uutakonzha kwikusha yawila umukalo mu Sabata? 12Inta muntu ulazandika kubaala imbelele. Cilahuminyiwa kucita ciluleme mu Sabata.” 13Ngoonaawo Jeso wakamwaambila wezo mulombwana ati, “Hungulula itashi.” Ngoonaawo wakalihungulula, lyapona, lyaba ukoya iyenzhiina. 14Pele ba Falisi bakaya kulihwiya mbubakozha kumuyaya Jeso.

Musale waka Leza

15Ubobo Jeso naakeezhiba mizeezo yabo wakakuhwa koko. Bantu banji banji bakamucilila, wakabaponya boonse balwazhi, 16u kubapa malailile aakuti batamuzubululi. 17Ceci cakacitwa kwaamba makani akaamba Aizaya mushinshimi azuzucizhiwe aakuti;

18 # Aiz 42:1-4 Amubone mutwanga wangu ngundakasala,

wezo ngu mfwini ulimwi shaacita shilanjinina.

Ndakabika Moza wangu ali nguwe,

ulimwi ulakakanana lufwuno lwangu ku bantu bakunze.

19Takazumanani nikuba kupozomoka pe.

Izwi lyakwe talikateelelwa mu mazhila.

20Takakononi ibu ipapushi,

nikuba kuzhimya kalilo kamwininjizha.

Ulakabafwila luse bantu kushikila bululami bwakwe bukazunde,

21ulimwi mwizhina lyakwe mumukaaba bulanjizhi bwabo bantu bakunze.

Jeso u Belizebule

(Maako 3:20-30; Luka 11:14-23)

22Ngoonaawo bamwi bantu bakamuletela muntu wakaakuli moofwu ulimwi kataamba nkaambo kanjililwe moza mubiyabi. Wakamuponya wakakanka kwaamba u kubona. 23Bantu boonse bakazhingwa u kubuzha ati, “Sa wezu ngu mwanakwe Devidi?” 24#Mat 9:34; 10:25Ba Falisi nibakateelela bobo bakaamba ati, “Ngu Belizebule Mwami wa myoza mibiyabi nguumupa insana shakutanda myoza mibiyabi.” 25Jeso wakacizhiba ncibakaakwaamba wakaingula ati, “Kuti bantu ba cishi comwi babucilana, cishi ceco cilaandaana. Ulimwi kuti bantu ba munzhi womwi naa mukwashi womwi babucilana, munzhi naa mukwashi wezo ulaandaana. 26Kuti Shaatani wakusha Shaatani, nkukuti walyaandula wini. No ati bwami bwakwe bulaba buti? 27Kuti naa ndakusha myoza mibiyabi iinsana shaka Belizebule, no banenu balasebezha insana shakani? Balakamuzula ukumutondezha ati mulilubizhizhe. 28Pele na kuti ndakusha myoza mibiyabi iinsana sha Moza wa Leza, ubobo ceci citondezha ati bwami bwaka Leza bwashika kale nkumubele.

29“No mbuti muntu mbwaakonzha kunjila muŋanda ya muntu ukwete insana u kwiba, atataanguna kumukwata u kumwaanga? Amana ulakonzha kwiba kabotu.

30 # Mk 9:40 “Kufwumbwa uteendelana ame, ngushinkondoma, u wezo ngututa bunganya aze, ulamwaya. 31Ubobo ndamwaambila ati, coonse cibi u kusampaula kulalekelelwa. Pele kuti muntu woosampaula Moza Usalala, takalekelelwa pe. 32#Lk 12:10Mbubona bulyo kufwumbwa muntu uwaamba cakusampaula Mwanaa Muntu ulakonzha kulekelelwa, pele wezo ukanana cakubisha bisha Moza Usalala takalekelelwa pe nikuba ku ciindi ceno niciba cizhiza.”

Isamu lilazhibwa u Micelo Yalyo

(Luka 6:43-45)

33 # Mat 7:20; Lk 6:44 Isamu ibotu lilazhala micelo mibotu. Isamu ibiyabi lilazhala micelo mibiyabi. Nkaambo isamu lilazhibwa kumicelo yalyo. 34#Mat 3:7; 23:33; Lk 3:7; Mat 15:18; Lk 6:45Umwe nubana ba cipile! Mulankonzha buti kwaamba shintu shibotu aakuli lwenu nubeni muli babiyabi? Muntu ulaamba shizwile u monzo wakwe. 35Muntu mubotu ulaamba shintu shibotu nshaazobwele mu monzo wakwe, aze muntu mubiyabi ulaamba shibiyabi shili mu monzo wakwe.

36“Ncobeni ndamwaambila ati mu buzuba bwa lubeta bantu balakapewa mulandu, ukaambo kamazwi oonse ataluleme ngubaamba. 37Muntu ulakalulamikwa u mazwi aakwe mwini, ulimwi ulakapewa mulandu ukaambo kamazwi akwe.”

Citondezho ca Jona

(Maako 8:11-12; Luka 11:29-32)

38 # Mat 16:1; Mk 8:11; Lk 11:16 Inzho bamwi bamaayi u balembi uba Falisi bakamwaambila Jeso ati, “Mwiiyi tulazanda kubona citondezho.”

39 # Mat 16:4; Mk 8:12 Jeso wakaingula ati, “Ba shishibi batashomi Leza balazanda kubona citondezho, pele kwiina citondezho cikabakapewa, cita bulyo citondezho caka Jona mushinshimi. 40#Jon 1:17Nkaambo umbona Jona mbwaakakala mwifwu lya nswi inkando kwa mazuba otatwe umbona bobo u Mwanaa Muntu ulakakala mubulongo kwa mazuba otatwe. 41#Jon 3:5Ubobo baku Ninive mu buzuba bwa lubeta balakamuzula, nkaambo balo Jona naakabakambaucila bakasanduka. Inzho ano ngaali ubaala ali Jona. 42#1 Bami 10:1-10; 2 Maka 9:1-12Ulimwi mu buzuba bwa lubeta, mwami mukaintu waku cibizhi ulakamuzula, nkaambo wakeenda kuhwa kumeelaizha anshi kwiza kuteelela busongo bwa mwami Solomoni. Inzho ano ngaali ubaala ali Solomoni.

Kupiluka kwa Myoza Mibiyabi

(Luka 11:24-26)

43“Kuti moza usofweele wahwa umuntu, uleendeenda mucimpayuma kuya bulanga a kulyoocezhezha, pele tooyani. 44Wabula ulaamba ati, ‘Imbweele bulyo kuŋanda yangu nkundakahwa!’ Ubobo ulabweela wamana ulayana mwiina cilimo, ili bulyo kabotu. 45Ngoonaawo ulabweela waya ukuleta iinji myoza iili ciloba mibiyabi ibaala, yamana ilanjila u kukala mu muntu wezo. Ubobo ku mamanino bumi bwa muntu wezo bulabiya kubaala mbwaakaakubele kutaanguna. Mbubobo mbukukaaba ku bantu babiyabi ba mazuba ano.”

Baina Jeso u Banina

(Maako 3:31-35; Luka 8:19-21)

46Jeso naakaakucaamba, kwakashika baina u banina, bakazhima ansengwe, balomba kwaamba baambe aze. 47Ngoonaawo umwi muntu wakamwaambila ati, “Banoko u banyoko bali ansengwe awa balazanda ati mubandike abo.” 48Jeso wakamwiingula wezo muntu ati, “Anu nguni baama ulimwi mbubani bakwesu?” 49Amane wakatondeka koko kwakaakushite ba shiciiya bakwe waamba ati, “Ume baama u bakwesu mbubaba awa! 50Nkaambo kufwumbwa wezo ucita shizanda Taata uuli kwizeulu ngu mukwesu u baama.”

Currently Selected:

Matayo 12: ILL

Highlight

Copy