Mak, echî 15
15
Jisos ka ochî Piratus
(Mat 27.1-2,11-14; Luk 23.1-5; Jon 18.28-38a)
1Na ofú-ofú, ane-echî akará-agore Obhasi na ane-akúí eték na atóŋá-ebhín na echəme Atáŋá-eték ndə́m á kúbhi á bhôp Jisos na mkpokobhé á kô á jî káre mbâ Piratus ntûfâm eték.
2Piratus a bhə̂p yê se, “We nâ o ri ntûfâm ane Jus a?”
Jisos a táme se, “Nn̂, é rî ka ekpak o chorê.”
3Ane-echî akará-agore á nyére Jisos achot etî-etî. 4Piratus a kpô bhə́p yê se, “Nâ-ngá o yúghá achot mma á sə́ra sê ó yim a? Ejûm nji o kí tame cháŋ a?” 5Kən Jisos kpe ejûm á ka támé. Biji í kpô Piratus kpe-eji.
Piratus a nyére indəré se á yúí Jisos
(Mat 27.15-26; Luk 23.13-25; Jon 18.38b—19.16a)
6Eyâ kpe njə́n ka ebhú Erom í Ntə̂m Osʉ́ŋ, ntûfâm eték a kí yighí nne-nne nnyo ane Jus á wóme ka ókúmí. 7Ka eyâ njí, nne yót a ri ka ókúmí nnyo á kamá se Barabas. Barabas na ane etat á gyée ókúmí ka obhô onyʉk etat mbi ó fábhe ka eték ta á yúi ane oyúí. 8Ekam ane é bhak mbâ Piratus sê a yighí nne ka ókúmí ekpak nji yê á yimá ka ebhú erom njí.
9A bhə̂p ábho se, “Ó woma ên sê ń yíghi ntûfâm ane Jus ka ókúmí a?” 10Piratus a mə́ŋe se ane-echî akará-agore á fíi Jisos á bhak, ka é kí yam ábho nji ane etî-etî á tóbha Jisos. 11Ane-echî akará-agore á kâk ane akát ka nsi sê á sə́ré Piratus a yighí Barabas ka ókúmí ka eji Jisos.
12Piratus a bhə̂p mân ekam ane njí se, “Ó kí wom ên n yîm mân nan na nnyo ó bhiŋá ên sê ntûfâm ane Jus?”
13Á kûk káŋ káŋ káŋ sê, “Kúm yê ka ego.”
14Kən a bhə̂p ábho se, “Nne nnyó a yimî bhaghé obhí?”
Kən ekam ane njí á róghe ekughúm na ikom-ikom sê, “Kúm yê ka ego.”
15Piratus ngá á ka wóm nchot a fáp yê na ane mbá, a bhâ yíghi Barabas ka ókúmí. A káre ikom se á tə̂m Jisos á kó á jí kúm ka ego.
Ane-enok á kak Jisos ntuŋ
(Mat 27.27-31; Jon 19.1-3)
16Ane-enok á kô Jisos á gyê ka etím ókʉ́rí ntûfâm eték. Á bhíŋa ókʉ́rí mbí sê Pratoriyum. Á bhîŋ chénchén atem mba ngá á chə̂m ábho. Nsam ábho a chíŋi kpe érôn. 17Á kâk yê ébhí nkʉ̂ etat, á tʉ́ri itam ajoŋe-ájóŋe á kə́bhe yê. 18Á róghe yê mân ekúbhúm ka okagha-ntuŋ sê, “E kí kup wâ, Ntûfâm ane Jus!” 19Á kô ítí á bhura yê ka echî, á chok yê ason, á təma arúŋ ka nsi ka ochî obhê nâ á kí jighi ntûfâm. 20Á kpó to á mân okagha-ntuŋ mbí, á yíghi yê ébhí nkʉ̂ nnyí. Á kô eye ḿfô á kâk yê. Á jak mân sê á jí kúm yê ka ego.
Á kum Jisos ka ego
(Mat 27.32-44; Luk 23.26-43; Jon 19.16b-27)
21Nji á jâk ka mbá, á kpúghi nne eték í Sirin yót nnyo á kamá se Simun, a jak nnyi Jerusarem. Á kô ego njí mbâ Jisos á káre yê sê a kə́n, a kô fə́ne a kə̂n. Simun a ri ńsé Areksanda na Rufus.#Rom 16.13. 22Á kô Jisos á sî ka eji nji á bhíŋa sê Gogota, nâ se Ékə́p-Echî. 23Nji á síi, á dâŋ sê á káre Jisos aməm etat mma á kághe njân etat sê máya, a gwó, kən á ka gwó. 24Á kûm mân yê ka ego. Á kô ḿfô eye, á tûp ebháŋé á mə́ŋe ekpak á kí kiri á káre kpe énê ejê.#Nkôn 22.18.
25Ńkánínká a síi kpe érôn-énî nnyi ofú kən á kûm yê ka ego. 26Á sêŋ ejûm nji a yimî kən á kûm yê, á yághe ka ego ejê. Á séŋe sê, “Ḿfa a ri ntûfâm ane Jus.” 27Á kûm fə́ne anyághá-ajʉ̂ ábháe ka ofú ábhi na yê, kpe nnyón ka ejê ego. Yót á tə̂p mkpe obhô-orûm í Jisos, nnyo tat mkpe obhô-okáé. [ 28É fap fə́ne noŋ ekpak nji á séŋe ka nwet Obhasi sê, “Tîk á sə́re sê yê a ri nyima-obhí eróŋ.”]#Asa 53.12; Luk 22.37.
29Achíŋá-mbá mba á síi áfo, á mêk na echî á kí tu sê, “Iyâ, we se o kí bhibhi ókʉ́rí achot Obhasi o gbê mbi tat ka mfín ésá.#Nkôn 22.7; 109.25; Mak 14.58; Jon 2.19. 30Bhət ka ego, sém máná!”
31Ane-echî akará-agore Obhasi na atóŋá-ebhín á gyê yê fə́ne ntuŋ ekaghám, á chorá á kamá ábho-ábhô sê, “A yîm ane etat á sema, kən biji ibhê á ka bhik oyim. 32Deê é yén kpá noŋ Krayis nnyó, se ntûfâm ane Isrel, a kí bhət ka ego njí. Á bhət, e kí kam mân sê Obhasi nâ a túmi yê.”
Kpe anyághá-ajʉ̂ ábháe mba á kúmi nná na Jisos, á gyê yê etúúm eróŋ.
Jisos a kpô
(Mat 27.45-56; Luk 23.44-49; Jon 19.28-30)
33Nji ńkánínká a síi ófó na ébháe nnyi nchên, njúí a tân. Ejírim é bhúi eték ndə́m tata a sî ésá nnyi egu. 34Nji ńkánínká ésá a síi, á kpó to á yúk Jisos a kûk káŋ káŋ káŋ se, “Eroi, Eroi, lámá sabatani.” Nâ se, “Obhasi omé, Obhasi omé, o jiŋî ə̂m jen?”#Nkôn 22.1.
35Nji etʉ̂ ane mba á gyím áfo á yúghi noŋ a kúghi, á chôt sê, “Yûk ên, a kí bhiŋ Erayija.” 36Nne yót nnyo a ri áfo, a bhéne a jî kô égúsá a bhôp ka echî ítí, a bhî ka ekâ aməm a yûŋ a tə́me Jisos ka nnyo se a sót. A chôt se, “Deê é chîk é yén kpá ájoé Erayija tîk a bhák a bhâ yíghi yê ka ego njí.”#Nkôn 69.21.
37Jisos a kpô kúk káŋ káŋ káŋ, a bhî ḿbə́ŋé, a kpô fə́ne. 38Ebhú a kpóe, íkpéghé mfi á bhúi ka nnyo-mbá ókʉ́rí achot Obhasi í yâ mbat ébháe, é róghe ka ósô ta é si esə́n.#Ane 26.31-33. 39Ebhú ntûfâm ane-enok nnyo a gyím ka eji ego a yéne ekpak Jisos a kpóe, a chôt se, “Ka etʉri, nne nnyó a ri Mmon Obhasi.”
40Ane-akáé mba tat á gyím nyáŋé-nyáŋé á yena achot mma á fábhe. Ka ane-akáé mbá, Meri nnyo Madarin a ri, Meri nnyo nnyen i Josis na Jems nnyo mmonche a ri, Sarome fə́ne a ri. 41Ane-akáé mbá á tóbha Jisos ebhú a ri ka Gariri, á kaghá yê obhô ka etûm ejê. Etî-etî ane-akáé á kûn fə́ne áfo mba á bháe na Jisos nnyi Jerusarem.#Luk 8.2-3.
Jusep a kə̂n Jisos
(Mat 27.57-61; Luk 23.50-56; Jon 19.38-42)
42Egu é kpó si ka ofú ane á kí tʉrí biji ofú oyoá-biji ntem-ofú, 43nne Arimatiya etat a kamá se Jusep a jak noŋ nne-ndûm mbâ Piratus se a karé yê ikom yê a yighí ékpoê biji Jisos ka ego. Jusep a ri nne nnyo a fonê ejík ka echəme Atáŋá-eték. Á chighá fə́ne mbôp nnyí se otúi Obhasi ó bhá. 44Kən Piratus a kpo yúk se Jisos ta a kpô, biji í kpô yê kpe-eji. A bhîŋ ntûfâm ane-enok a bhə̂p ájoé a kpô. 45Nne nnyó a kâm. Piratus a sə́re mân Jusep se a jí yighí Jisos a kə́n. 46Jusep a jak mân a jî nâm ébháré-éfô, a jî yíghi Jisos ka ego, a bhôp ka éfô njí a jî kə̂n ka oyəm. A chóe mân ekpatə́m í ntáé a bhúi ka oyəm mbí. Á sə́me oyəm mbí noŋ otáé ka eránám. 47Meri nnyo Madarin na Meri nnyo nnyen i Josis á gyím áfo, á yên eji nji á núŋi Jisos.
Currently Selected:
Mak, echî 15: ETUNT
Highlight
Share
Copy
Want to have your highlights saved across all your devices? Sign up or sign in
Ejagham New Testament © Bible Society of Nigeria and Bible Society of Cameroon, 1996.
Mak, echî 15
15
Jisos ka ochî Piratus
(Mat 27.1-2,11-14; Luk 23.1-5; Jon 18.28-38a)
1Na ofú-ofú, ane-echî akará-agore Obhasi na ane-akúí eték na atóŋá-ebhín na echəme Atáŋá-eték ndə́m á kúbhi á bhôp Jisos na mkpokobhé á kô á jî káre mbâ Piratus ntûfâm eték.
2Piratus a bhə̂p yê se, “We nâ o ri ntûfâm ane Jus a?”
Jisos a táme se, “Nn̂, é rî ka ekpak o chorê.”
3Ane-echî akará-agore á nyére Jisos achot etî-etî. 4Piratus a kpô bhə́p yê se, “Nâ-ngá o yúghá achot mma á sə́ra sê ó yim a? Ejûm nji o kí tame cháŋ a?” 5Kən Jisos kpe ejûm á ka támé. Biji í kpô Piratus kpe-eji.
Piratus a nyére indəré se á yúí Jisos
(Mat 27.15-26; Luk 23.13-25; Jon 18.38b—19.16a)
6Eyâ kpe njə́n ka ebhú Erom í Ntə̂m Osʉ́ŋ, ntûfâm eték a kí yighí nne-nne nnyo ane Jus á wóme ka ókúmí. 7Ka eyâ njí, nne yót a ri ka ókúmí nnyo á kamá se Barabas. Barabas na ane etat á gyée ókúmí ka obhô onyʉk etat mbi ó fábhe ka eték ta á yúi ane oyúí. 8Ekam ane é bhak mbâ Piratus sê a yighí nne ka ókúmí ekpak nji yê á yimá ka ebhú erom njí.
9A bhə̂p ábho se, “Ó woma ên sê ń yíghi ntûfâm ane Jus ka ókúmí a?” 10Piratus a mə́ŋe se ane-echî akará-agore á fíi Jisos á bhak, ka é kí yam ábho nji ane etî-etî á tóbha Jisos. 11Ane-echî akará-agore á kâk ane akát ka nsi sê á sə́ré Piratus a yighí Barabas ka ókúmí ka eji Jisos.
12Piratus a bhə̂p mân ekam ane njí se, “Ó kí wom ên n yîm mân nan na nnyo ó bhiŋá ên sê ntûfâm ane Jus?”
13Á kûk káŋ káŋ káŋ sê, “Kúm yê ka ego.”
14Kən a bhə̂p ábho se, “Nne nnyó a yimî bhaghé obhí?”
Kən ekam ane njí á róghe ekughúm na ikom-ikom sê, “Kúm yê ka ego.”
15Piratus ngá á ka wóm nchot a fáp yê na ane mbá, a bhâ yíghi Barabas ka ókúmí. A káre ikom se á tə̂m Jisos á kó á jí kúm ka ego.
Ane-enok á kak Jisos ntuŋ
(Mat 27.27-31; Jon 19.1-3)
16Ane-enok á kô Jisos á gyê ka etím ókʉ́rí ntûfâm eték. Á bhíŋa ókʉ́rí mbí sê Pratoriyum. Á bhîŋ chénchén atem mba ngá á chə̂m ábho. Nsam ábho a chíŋi kpe érôn. 17Á kâk yê ébhí nkʉ̂ etat, á tʉ́ri itam ajoŋe-ájóŋe á kə́bhe yê. 18Á róghe yê mân ekúbhúm ka okagha-ntuŋ sê, “E kí kup wâ, Ntûfâm ane Jus!” 19Á kô ítí á bhura yê ka echî, á chok yê ason, á təma arúŋ ka nsi ka ochî obhê nâ á kí jighi ntûfâm. 20Á kpó to á mân okagha-ntuŋ mbí, á yíghi yê ébhí nkʉ̂ nnyí. Á kô eye ḿfô á kâk yê. Á jak mân sê á jí kúm yê ka ego.
Á kum Jisos ka ego
(Mat 27.32-44; Luk 23.26-43; Jon 19.16b-27)
21Nji á jâk ka mbá, á kpúghi nne eték í Sirin yót nnyo á kamá se Simun, a jak nnyi Jerusarem. Á kô ego njí mbâ Jisos á káre yê sê a kə́n, a kô fə́ne a kə̂n. Simun a ri ńsé Areksanda na Rufus.#Rom 16.13. 22Á kô Jisos á sî ka eji nji á bhíŋa sê Gogota, nâ se Ékə́p-Echî. 23Nji á síi, á dâŋ sê á káre Jisos aməm etat mma á kághe njân etat sê máya, a gwó, kən á ka gwó. 24Á kûm mân yê ka ego. Á kô ḿfô eye, á tûp ebháŋé á mə́ŋe ekpak á kí kiri á káre kpe énê ejê.#Nkôn 22.18.
25Ńkánínká a síi kpe érôn-énî nnyi ofú kən á kûm yê ka ego. 26Á sêŋ ejûm nji a yimî kən á kûm yê, á yághe ka ego ejê. Á séŋe sê, “Ḿfa a ri ntûfâm ane Jus.” 27Á kûm fə́ne anyághá-ajʉ̂ ábháe ka ofú ábhi na yê, kpe nnyón ka ejê ego. Yót á tə̂p mkpe obhô-orûm í Jisos, nnyo tat mkpe obhô-okáé. [ 28É fap fə́ne noŋ ekpak nji á séŋe ka nwet Obhasi sê, “Tîk á sə́re sê yê a ri nyima-obhí eróŋ.”]#Asa 53.12; Luk 22.37.
29Achíŋá-mbá mba á síi áfo, á mêk na echî á kí tu sê, “Iyâ, we se o kí bhibhi ókʉ́rí achot Obhasi o gbê mbi tat ka mfín ésá.#Nkôn 22.7; 109.25; Mak 14.58; Jon 2.19. 30Bhət ka ego, sém máná!”
31Ane-echî akará-agore Obhasi na atóŋá-ebhín á gyê yê fə́ne ntuŋ ekaghám, á chorá á kamá ábho-ábhô sê, “A yîm ane etat á sema, kən biji ibhê á ka bhik oyim. 32Deê é yén kpá noŋ Krayis nnyó, se ntûfâm ane Isrel, a kí bhət ka ego njí. Á bhət, e kí kam mân sê Obhasi nâ a túmi yê.”
Kpe anyághá-ajʉ̂ ábháe mba á kúmi nná na Jisos, á gyê yê etúúm eróŋ.
Jisos a kpô
(Mat 27.45-56; Luk 23.44-49; Jon 19.28-30)
33Nji ńkánínká a síi ófó na ébháe nnyi nchên, njúí a tân. Ejírim é bhúi eték ndə́m tata a sî ésá nnyi egu. 34Nji ńkánínká ésá a síi, á kpó to á yúk Jisos a kûk káŋ káŋ káŋ se, “Eroi, Eroi, lámá sabatani.” Nâ se, “Obhasi omé, Obhasi omé, o jiŋî ə̂m jen?”#Nkôn 22.1.
35Nji etʉ̂ ane mba á gyím áfo á yúghi noŋ a kúghi, á chôt sê, “Yûk ên, a kí bhiŋ Erayija.” 36Nne yót nnyo a ri áfo, a bhéne a jî kô égúsá a bhôp ka echî ítí, a bhî ka ekâ aməm a yûŋ a tə́me Jisos ka nnyo se a sót. A chôt se, “Deê é chîk é yén kpá ájoé Erayija tîk a bhák a bhâ yíghi yê ka ego njí.”#Nkôn 69.21.
37Jisos a kpô kúk káŋ káŋ káŋ, a bhî ḿbə́ŋé, a kpô fə́ne. 38Ebhú a kpóe, íkpéghé mfi á bhúi ka nnyo-mbá ókʉ́rí achot Obhasi í yâ mbat ébháe, é róghe ka ósô ta é si esə́n.#Ane 26.31-33. 39Ebhú ntûfâm ane-enok nnyo a gyím ka eji ego a yéne ekpak Jisos a kpóe, a chôt se, “Ka etʉri, nne nnyó a ri Mmon Obhasi.”
40Ane-akáé mba tat á gyím nyáŋé-nyáŋé á yena achot mma á fábhe. Ka ane-akáé mbá, Meri nnyo Madarin a ri, Meri nnyo nnyen i Josis na Jems nnyo mmonche a ri, Sarome fə́ne a ri. 41Ane-akáé mbá á tóbha Jisos ebhú a ri ka Gariri, á kaghá yê obhô ka etûm ejê. Etî-etî ane-akáé á kûn fə́ne áfo mba á bháe na Jisos nnyi Jerusarem.#Luk 8.2-3.
Jusep a kə̂n Jisos
(Mat 27.57-61; Luk 23.50-56; Jon 19.38-42)
42Egu é kpó si ka ofú ane á kí tʉrí biji ofú oyoá-biji ntem-ofú, 43nne Arimatiya etat a kamá se Jusep a jak noŋ nne-ndûm mbâ Piratus se a karé yê ikom yê a yighí ékpoê biji Jisos ka ego. Jusep a ri nne nnyo a fonê ejík ka echəme Atáŋá-eték. Á chighá fə́ne mbôp nnyí se otúi Obhasi ó bhá. 44Kən Piratus a kpo yúk se Jisos ta a kpô, biji í kpô yê kpe-eji. A bhîŋ ntûfâm ane-enok a bhə̂p ájoé a kpô. 45Nne nnyó a kâm. Piratus a sə́re mân Jusep se a jí yighí Jisos a kə́n. 46Jusep a jak mân a jî nâm ébháré-éfô, a jî yíghi Jisos ka ego, a bhôp ka éfô njí a jî kə̂n ka oyəm. A chóe mân ekpatə́m í ntáé a bhúi ka oyəm mbí. Á sə́me oyəm mbí noŋ otáé ka eránám. 47Meri nnyo Madarin na Meri nnyo nnyen i Josis á gyím áfo, á yên eji nji á núŋi Jisos.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ejagham New Testament © Bible Society of Nigeria and Bible Society of Cameroon, 1996.