GENESIS 22
22
Pinagbotan nin Dios si Abraham na Idolot si Isaac
1Pakatapos kaini, binalo nin Dios si Abraham. Inapod niya ini, “Abraham!” “Uya ako,” an simbag kaini.
2Nagtaram an Dios, “Ipag-iba mo an saimong aki, an bugtong mong aking si Isaac na namomotan mo nin marahay, asin magduman ka sa daga nin Moria. Idolot mo siya sako bilang tinutong na atang duman sa bulod na itutukdo ko saimo.”
3Amay pa kan sunod na aldaw, nagputol na si Abraham nin kahoy para sa tinutong na atang, siniyahan an saiyang asno dangan nagduman sa lugar na sinabi saiya nin Dios, kaiba si Isaac asin duwang sorogoon. 4Sa ikatolong aldaw, harayo pa, nahiling na ni Abraham an lugar. 5Sinabihan ni Abraham an saiyang mga sorogoon, “Digdi sana kamo kaiba kan asno. Maduman kami ni Isaac sa lugar na idto tanganing magsamba; babalikan mi na sana kamo.”
6Ipinadara ni Abraham ki Isaac an kahoy para sa tinutong na atang dangan siya an nagdara kan kutsilyo asin kan baga. Mantang naglalakaw sinda, 7nagsabi si Isaac, “Ama ko!”
Nagsimbag si Abraham, “Ano saimo, aki ko?”
Naghapot si Isaac, “Igwa ka na nin baga asin kahoy, alagad haen an kordero na iaatang?”
8Nagsimbag si Abraham, “An Dios an magtatao.” Dangan nagpadagos sinda sa paglakaw.
9Pag-abot ninda sa lugar na itinaram nin Dios, naggibo si Abraham nin sarong altar dangan pinakarahay an mga kahoy sa ibabaw kaini. Pakatapos, ginapos niya si Isaac asin ibinugtak sa altar, sa ibabaw kan mga kahoy. 10Dangan kinua niya an kutsilyo tanganing gadanon si Isaac. 11Alagad, hale sa langit, inapod siya kan anghel nin Kagurangnan, “Abraham, Abraham!”
“Uya ako,” an simbag niya.
12“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”
13Dangan nangalagkalag si Abraham asin nahiling niya an sarong lalaking karnero na an mga sungay napasabit sa sarong marambong na tinanom. Kinua niya idto asin iyo an inatang embes na an saiyang aki. 14Kaya an lugar na idto nginaranan ni Abraham “An Kagurangnan Nagtatao.” Sagkod ngunyan an mga tawo nagsasabi, “Sa bulod nin Kagurangnan, siya nagtatao.”
15Hale sa langit, nag-apod ki Abraham sa ikaduwang beses an anghel nin Kagurangnan, 16asin nagsabi, “Minasumpa ako, sa ngaran ko,” olay nin Kagurangnan, “na bebendisyonan taka huli ta dai mo isinayuma an saimong aking lalaki, an bugtong mong aki, kan hagadon ko siya saimo. 17Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal, 18asin sa paagi kan saimong mga kapagarakian, bebendisyonan ko man an gabos na nasyon, huli ta sinunod mo an pagboot ko.” 19Binalikan ni Abraham an saiyang mga sorogoon asin iriba sindang nagpuli sa Beer-sheba saen nag-erok si Abraham.
An mga Kapagarakian ni Nahor
20Dai nahaloy, naisihan ni Abraham na an saiyang tugang na si Nahor nagkaigwa nin walong aki ki Milca: 21si Uz iyo an matua, si Buz an tugang na lalaki kaini, si Kemuel na ama ni Aram, 22si Kesed, Hazo, Pildas, Jidlaf, asin Betuel. 23Si Betuel iyo an ama ni Rebecca. An walong lalaking ini iyo an nagin mga aki ni Milca ki Nahor na tugang ni Abraham. 24Si Reuma na kasaroan ni Nahor, nag-aki nin apat: si Teba, Gaham, Tahas, asin Maaca.
Currently Selected:
GENESIS 22: BPV
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992
GENESIS 22
22
Pinagbotan nin Dios si Abraham na Idolot si Isaac
1Pakatapos kaini, binalo nin Dios si Abraham. Inapod niya ini, “Abraham!” “Uya ako,” an simbag kaini.
2Nagtaram an Dios, “Ipag-iba mo an saimong aki, an bugtong mong aking si Isaac na namomotan mo nin marahay, asin magduman ka sa daga nin Moria. Idolot mo siya sako bilang tinutong na atang duman sa bulod na itutukdo ko saimo.”
3Amay pa kan sunod na aldaw, nagputol na si Abraham nin kahoy para sa tinutong na atang, siniyahan an saiyang asno dangan nagduman sa lugar na sinabi saiya nin Dios, kaiba si Isaac asin duwang sorogoon. 4Sa ikatolong aldaw, harayo pa, nahiling na ni Abraham an lugar. 5Sinabihan ni Abraham an saiyang mga sorogoon, “Digdi sana kamo kaiba kan asno. Maduman kami ni Isaac sa lugar na idto tanganing magsamba; babalikan mi na sana kamo.”
6Ipinadara ni Abraham ki Isaac an kahoy para sa tinutong na atang dangan siya an nagdara kan kutsilyo asin kan baga. Mantang naglalakaw sinda, 7nagsabi si Isaac, “Ama ko!”
Nagsimbag si Abraham, “Ano saimo, aki ko?”
Naghapot si Isaac, “Igwa ka na nin baga asin kahoy, alagad haen an kordero na iaatang?”
8Nagsimbag si Abraham, “An Dios an magtatao.” Dangan nagpadagos sinda sa paglakaw.
9Pag-abot ninda sa lugar na itinaram nin Dios, naggibo si Abraham nin sarong altar dangan pinakarahay an mga kahoy sa ibabaw kaini. Pakatapos, ginapos niya si Isaac asin ibinugtak sa altar, sa ibabaw kan mga kahoy. 10Dangan kinua niya an kutsilyo tanganing gadanon si Isaac. 11Alagad, hale sa langit, inapod siya kan anghel nin Kagurangnan, “Abraham, Abraham!”
“Uya ako,” an simbag niya.
12“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”
13Dangan nangalagkalag si Abraham asin nahiling niya an sarong lalaking karnero na an mga sungay napasabit sa sarong marambong na tinanom. Kinua niya idto asin iyo an inatang embes na an saiyang aki. 14Kaya an lugar na idto nginaranan ni Abraham “An Kagurangnan Nagtatao.” Sagkod ngunyan an mga tawo nagsasabi, “Sa bulod nin Kagurangnan, siya nagtatao.”
15Hale sa langit, nag-apod ki Abraham sa ikaduwang beses an anghel nin Kagurangnan, 16asin nagsabi, “Minasumpa ako, sa ngaran ko,” olay nin Kagurangnan, “na bebendisyonan taka huli ta dai mo isinayuma an saimong aking lalaki, an bugtong mong aki, kan hagadon ko siya saimo. 17Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal, 18asin sa paagi kan saimong mga kapagarakian, bebendisyonan ko man an gabos na nasyon, huli ta sinunod mo an pagboot ko.” 19Binalikan ni Abraham an saiyang mga sorogoon asin iriba sindang nagpuli sa Beer-sheba saen nag-erok si Abraham.
An mga Kapagarakian ni Nahor
20Dai nahaloy, naisihan ni Abraham na an saiyang tugang na si Nahor nagkaigwa nin walong aki ki Milca: 21si Uz iyo an matua, si Buz an tugang na lalaki kaini, si Kemuel na ama ni Aram, 22si Kesed, Hazo, Pildas, Jidlaf, asin Betuel. 23Si Betuel iyo an ama ni Rebecca. An walong lalaking ini iyo an nagin mga aki ni Milca ki Nahor na tugang ni Abraham. 24Si Reuma na kasaroan ni Nahor, nag-aki nin apat: si Teba, Gaham, Tahas, asin Maaca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992