GENESIS 26
26
Nag-erok si Isaac sa Gerar
1Nagkaigwa nin gutom sa daga, na laen man kan naenot na gutom kan panahon ni Abraham. Nagduman si Isaac sa Gerar, ki Abimelek na hade kan mga Filistio. 2Nagpahiling an Kagurangnan ki Isaac asin nagtaram, “Dai ka magduman sa Egipto; mag-erok ka sa daga na itataram ko saimo. 3Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham. 4Papadakulon ko siring sa mga bitoon sa kalangitan an saimong mga kapagarakian asin itatao ko sa sainda an bilog na teritoryong ini. Sa paagi ninda, bebendisyonan ko man an gabos na nasyon sa daga. 5Bebendisyonan taka, huli ta nagsunod sako si Abraham asin inotob niya an gabos kong mga togon asin mga pagboot.”
6Kaya nag-erok si Isaac sa Gerar. 7Kan hapoton siya kan kalalakihan duman manongod sa saiyang agom, nagsimbag siya na tugang niya ini. Dai niya inako na agom ini, huli ta takot siyang gadanon kan mga lalaki duman tanganing makua sana si Rebecca na magayon nin marahay. 8Kan haloy-haloy nang nag-erok si Isaac duman, nagdungaw sa bintana si Hadeng Abimelek asin nahiling niyang nagdodorog si Isaac asin si Rebecca. 9Kaya ipinaapod ni Abimelek si Isaac dangan sinabihan, “Agom mo palan si Rebecca! Tano ta nagsabi kang tugang mo siya?”
Nagsimbag si Isaac, “Hona ko kaya, gagadanon ako kun sabihon kong agom ko siya.”
10Naghapot si Abimelek, “Ano ining ginibo mo samo? Pasil kutanang madorogan an saimong agom kan saro sa mga tawohan ko, asin kun nangyari ini, ika an babasolon.” 11Kaya pinatanidan ni Abimelek an gabos na tawo: “Gagadanon an siisay man na mag-api sa lalaking ini o sa saiyang agom.”
12Nag-oma duman si Isaac, asin sa taon na idto, nag-ani siya nin sanggatos na beses kan itinanom niya, huli ta benendisyonan siya nin Kagurangnan. 13Padagos siyang nag-uswag asin nagyaman nin marahay. 14Naara saiya an mga Filistio huli kan kadakul niyang rogaring na hayop asin mga sorogoon. 15Kaya tinahoban kan mga Filistio an gabos na bubon na kinalot kan mga sorogoon kan ama ni Isaac na si Abraham kan buhay pa ini.
16Dangan sinabihan ni Abimelek si Isaac, “Humale ka sa samong daga huli ta mas mapangyari ka na ki sa samo.”
17Kaya naghale si Isaac sa dagang idto asin nagkampo sa Kapantayan nin Gerar asin nag-erok duman. 18Kinalot niya giraray an mga bubon na tinahoban kan mga Filistio, na kinalot sa panahon kan ama niyang si Abraham. Nginaranan niya an mga bubon kan parehong ngaran na itinao kan saiyang ama.
19Nagkalot pa nin bubon duman sa kapantayan an mga sorogoon ni Isaac asin nakakua sinda nin tubig. 20Alagad iniwal an mga pastor ni Isaac kan mga pastor sa Gerar na nagsasabi, “Samo an tubig na ini.” Kaya Esek an inginaran ni Isaac sa bubon, huli ta iniwal siya ninda.
21Nagkalot giraray nin bubon an mga sorogoon ni Isaac, asin arog kan enot na nangyari, pinag-iriwalan man idto. Kaya Sitna an inginaran ni Isaac sa bubon. 22Naghale duman si Isaac asin nagkalot giraray nin bubon. Ini dai na pinag-iriwalan kaya inapod niyang Rehobot, huli ta olay niya, “Tinawan kita nin Kagurangnan nin lugar sa dagang ini asin magigin mauswag kita digdi.”
23Hale duman nagpasiring si Isaac sa Beer-sheba. 24Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.” 25Kaya nagtugdok duman nin altar si Isaac asin nagsamba sa Kagurangnan. Duman na siya nag-erok, asin nagkalot duman nin saro pang bubon an saiyang mga sorogoon.
An Kontrata ni Isaac asin ni Abimelek
26Hale sa Gerar, nagduman si Abimelek ki Isaac, kaiba si Ahuzzat na saiyang parahatol asin si Ficol na pamayo kan saiyang hukbo. 27Hinapot sinda ni Isaac, “Tano ta nagdirigdi kamo? Bakong naoongis kamo sako asin pinahale nindo ako sa saindong daga?”
28Nagsimbag sinda, “Nahiling mi ngunyan na kaiba mo an Kagurangnan, kaya samong naisip na dapat magkaigwa kita nin kontrata 29na dai mo kami gigibohan nin maraot. Nagin marahay kami saimo asin matoninong mi ikang pinahale. Mayong duda na benendisyonan ka nin Kagurangnan.” 30Kaya nag-andam nin bangkete si Isaac para sa sainda asin nagkakan saka nag-inoman sinda. 31Pagkaaga, amay sindang nagmata asin sinda gabos nanumpa sa lambang saro; dinespedir sinda ni Isaac asin nagburulag sinda bilang mga magkatood.
32Kan aldaw na iyan, nag-abot an mga sorogoon ni Isaac asin nag-osip saiya manongod kan bubon na kinalot ninda. Olay ninda, “Nakakua kami nin tubig.” 33An bubon nginaranan Sheba ni Isaac; kaya sagkod ngunyan an syudad inaapod Beer-sheba.#33 BEER-SHEBA: Sa Hebreyo, an tataramon na ini nangangahulogan Bubon kan Kontrata o Bubon nin Pito. Hilingon man sa 21:31.
An Mga Dayuhan na Agom ni Esau
34Kan kwarenta na an edad ni Esau, inagom niya si Judith na aki ni Beeri na Heteo asin si Basemat na aki ni Elon na saro pang Heteo. 35Huli sainda, nagin mapait an buhay ni Isaac asin ni Rebecca.
Currently Selected:
GENESIS 26: BPV
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992
GENESIS 26
26
Nag-erok si Isaac sa Gerar
1Nagkaigwa nin gutom sa daga, na laen man kan naenot na gutom kan panahon ni Abraham. Nagduman si Isaac sa Gerar, ki Abimelek na hade kan mga Filistio. 2Nagpahiling an Kagurangnan ki Isaac asin nagtaram, “Dai ka magduman sa Egipto; mag-erok ka sa daga na itataram ko saimo. 3Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham. 4Papadakulon ko siring sa mga bitoon sa kalangitan an saimong mga kapagarakian asin itatao ko sa sainda an bilog na teritoryong ini. Sa paagi ninda, bebendisyonan ko man an gabos na nasyon sa daga. 5Bebendisyonan taka, huli ta nagsunod sako si Abraham asin inotob niya an gabos kong mga togon asin mga pagboot.”
6Kaya nag-erok si Isaac sa Gerar. 7Kan hapoton siya kan kalalakihan duman manongod sa saiyang agom, nagsimbag siya na tugang niya ini. Dai niya inako na agom ini, huli ta takot siyang gadanon kan mga lalaki duman tanganing makua sana si Rebecca na magayon nin marahay. 8Kan haloy-haloy nang nag-erok si Isaac duman, nagdungaw sa bintana si Hadeng Abimelek asin nahiling niyang nagdodorog si Isaac asin si Rebecca. 9Kaya ipinaapod ni Abimelek si Isaac dangan sinabihan, “Agom mo palan si Rebecca! Tano ta nagsabi kang tugang mo siya?”
Nagsimbag si Isaac, “Hona ko kaya, gagadanon ako kun sabihon kong agom ko siya.”
10Naghapot si Abimelek, “Ano ining ginibo mo samo? Pasil kutanang madorogan an saimong agom kan saro sa mga tawohan ko, asin kun nangyari ini, ika an babasolon.” 11Kaya pinatanidan ni Abimelek an gabos na tawo: “Gagadanon an siisay man na mag-api sa lalaking ini o sa saiyang agom.”
12Nag-oma duman si Isaac, asin sa taon na idto, nag-ani siya nin sanggatos na beses kan itinanom niya, huli ta benendisyonan siya nin Kagurangnan. 13Padagos siyang nag-uswag asin nagyaman nin marahay. 14Naara saiya an mga Filistio huli kan kadakul niyang rogaring na hayop asin mga sorogoon. 15Kaya tinahoban kan mga Filistio an gabos na bubon na kinalot kan mga sorogoon kan ama ni Isaac na si Abraham kan buhay pa ini.
16Dangan sinabihan ni Abimelek si Isaac, “Humale ka sa samong daga huli ta mas mapangyari ka na ki sa samo.”
17Kaya naghale si Isaac sa dagang idto asin nagkampo sa Kapantayan nin Gerar asin nag-erok duman. 18Kinalot niya giraray an mga bubon na tinahoban kan mga Filistio, na kinalot sa panahon kan ama niyang si Abraham. Nginaranan niya an mga bubon kan parehong ngaran na itinao kan saiyang ama.
19Nagkalot pa nin bubon duman sa kapantayan an mga sorogoon ni Isaac asin nakakua sinda nin tubig. 20Alagad iniwal an mga pastor ni Isaac kan mga pastor sa Gerar na nagsasabi, “Samo an tubig na ini.” Kaya Esek an inginaran ni Isaac sa bubon, huli ta iniwal siya ninda.
21Nagkalot giraray nin bubon an mga sorogoon ni Isaac, asin arog kan enot na nangyari, pinag-iriwalan man idto. Kaya Sitna an inginaran ni Isaac sa bubon. 22Naghale duman si Isaac asin nagkalot giraray nin bubon. Ini dai na pinag-iriwalan kaya inapod niyang Rehobot, huli ta olay niya, “Tinawan kita nin Kagurangnan nin lugar sa dagang ini asin magigin mauswag kita digdi.”
23Hale duman nagpasiring si Isaac sa Beer-sheba. 24Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.” 25Kaya nagtugdok duman nin altar si Isaac asin nagsamba sa Kagurangnan. Duman na siya nag-erok, asin nagkalot duman nin saro pang bubon an saiyang mga sorogoon.
An Kontrata ni Isaac asin ni Abimelek
26Hale sa Gerar, nagduman si Abimelek ki Isaac, kaiba si Ahuzzat na saiyang parahatol asin si Ficol na pamayo kan saiyang hukbo. 27Hinapot sinda ni Isaac, “Tano ta nagdirigdi kamo? Bakong naoongis kamo sako asin pinahale nindo ako sa saindong daga?”
28Nagsimbag sinda, “Nahiling mi ngunyan na kaiba mo an Kagurangnan, kaya samong naisip na dapat magkaigwa kita nin kontrata 29na dai mo kami gigibohan nin maraot. Nagin marahay kami saimo asin matoninong mi ikang pinahale. Mayong duda na benendisyonan ka nin Kagurangnan.” 30Kaya nag-andam nin bangkete si Isaac para sa sainda asin nagkakan saka nag-inoman sinda. 31Pagkaaga, amay sindang nagmata asin sinda gabos nanumpa sa lambang saro; dinespedir sinda ni Isaac asin nagburulag sinda bilang mga magkatood.
32Kan aldaw na iyan, nag-abot an mga sorogoon ni Isaac asin nag-osip saiya manongod kan bubon na kinalot ninda. Olay ninda, “Nakakua kami nin tubig.” 33An bubon nginaranan Sheba ni Isaac; kaya sagkod ngunyan an syudad inaapod Beer-sheba.#33 BEER-SHEBA: Sa Hebreyo, an tataramon na ini nangangahulogan Bubon kan Kontrata o Bubon nin Pito. Hilingon man sa 21:31.
An Mga Dayuhan na Agom ni Esau
34Kan kwarenta na an edad ni Esau, inagom niya si Judith na aki ni Beeri na Heteo asin si Basemat na aki ni Elon na saro pang Heteo. 35Huli sainda, nagin mapait an buhay ni Isaac asin ni Rebecca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992