Genesis 27
27
Benendisyonan ni Isaac si Jacob
1Kan gurang na si Isaac asin dai na nakakamaan, inapod niya an matua niyang aking si Esau, “Esau aki ko!”
“Uya po ako,” an simbag ni Esau.
2Nagsabi si Isaac, “Gurang na ako asin madali nang magadan. 3Kuaha an saimong pana asin mangayam ka sa kaomahan para sako. 4Iluto mo ako kan paborito kong putahe asin darahon mo sako tanganing magkakan ko; dangan bebendisyonan taka bago ako magadan.”
5Mantang kaolay ni Isaac si Esau, nagdadangog si Rebecca. Kaya pakahale ni Esau tanganing mangayam, 6sinabihan ni Rebecca si Jacob, “Nadangog ko an sinabi kan saimong ama sa tugang mong si Esau, 7‘Darahe ako nin hayop asin iluto mo ako kan paborito kong putahe asin makakan ako; dangan bebendisyonan taka sa atubang nin Kagurangnan bago ako magadan.’ 8Kaya, aki ko, sunoda an sasabihon ko saimo. 9Magduman ka sa satong mga hayop asin kumua ka nin duwang matabang ogbon nin kanding tanganing iluto ko kan paborito niyang putahe an saimong ama. 10Ika an madara kaiyan saiya tanganing kakanon niya asin tanganing bendisyonan ka niya bago siya magadan.”
11Nagsimbag si Jacob ki Rebecca na saiyang ina, “Alagad mabarahibo si Esau mantang ako bako. 12Tibaad hapiyapon ako kan sakong ama asin maaraman niyang dinadaya ko siya; kaya embes na bendisyon, sumpa an mapasako.”
13Nagsimbag an saiyang ina, “Mapasakuya an ano man na sumpa na para saimo, aki ko; sunoda sana an ipinapagibo ko. Lakaw na asin kumua ka na kan mga kanding.” 14Kaya nagsunod si Jacob asin dinara an mga kanding sa saiyang ina. Ilinuto ini kan saiyang ina sa putaheng paborito kan saiyang ama. 15Dangan kinua ni Rebecca sa saiyang harong an itinago niyang pinakamarahay na gubing ni Esau, asin isinulot ki Jacob. 16Ibinugtak man niya sa mga kamot asin sa liog kaini an mga anit kan kanding. 17Pakatapos, itinao niya ki Jacob an linuto niyang tinapay asin an inandam niyang kakanon.
18Dangan nagduman si Jacob sa saiyang ama asin nagsabi, “Ama ko.”
Nagsimbag si Isaac, “Uya ako. Siisay ka sa mga aki ko?”
19“Ako si Esau, an saimong matuang aking lalaki,” an simbag ni Jacob. “Nagibo ko na an ipinagboot mo. Kaya bangon na asin kakan na kan dara kong karne, tanganing mabendisyonan mo ako.”
20Alagad naghapot si Isaac, “Tano ta madalion ka sana, aki ko?”
“Huli ta tinabangan ako nin Kagurangnan na saimong Dios,” an simbag ni Jacob.
21“Rumani ka sako, aki ko,” an sabi ni Isaac, “tanganing mahapiyap taka, asin maaraman ko kun ika mananggad an aki kong si Esau o bako.” 22Kaya nagrani si Jacob sa saiyang ama. Hinapiyap siya kaini dangan nagsabi, “Ki Jacob an boses mo, alagad an saimong mga kamot ki Esau.” 23Dai ni Isaac namidbid si Jacob huli ta mabarahibo man an saiyang kamot arog kan ki Esau. Bebendisyonan na kuta siya ni Isaac, 24alagad naghapot giraray ini, “Ika mananggad an aki kong si Esau?”
“Ako mananggad,” an simbag ni Jacob.
25Dangan nagsabi si Isaac, “Daraha na digdi an linuto mo. Pakakakan ko, bebendisyonan taka.” Kaya dinara ni Jacob saiya an linuto asin nagkakan siya; dinarahan man siya ni Jacob nin arak asin nag-inom siya. 26Dangan nagsabi si Isaac, “Aki ko, rumani ka asin hadokan mo ako.” 27Nagrani si Jacob asin hinadokan an ama; naparong ni Isaac an gubing ni Esau, kaya benendisyonan siya ni Isaac na an sabi, “An parong kan aki ko siring sa parong nin sarong oma na benendisyonan nin Kagurangnan! 28Itao logod saimo nin Dios an ambon hale sa langit, magin matubang logod an saimong daga, dangan magdakul logod an saimong ani asin arak. 29Maglingkod logod saimo an mga banwaan asin magduko saimo an mga nasyon. Magin kagurangnan ka logod kan saimong mga tugang, saka magduko logod saimo an mga kapagarakian nin saimong ina. Sumpaon logod an magsumpa saimo, asin bendisyonan logod an magbendisyon saimo.”
Nakimaherak si Esau na Bendisyonan ni Isaac
30Nakahale pa sana si Jacob sa atubang ni Isaac, matapos na bendisyonan siya kaini, kan umabot si Esau hale sa pangayam. 31Nagluto man siya nin masiram na pagkakan asin dinara sa saiyang ama. Nagsabi siya, “Bangon na, ama ko, asin kakan na kan linuto ko tanganing mabendisyonan mo ako.”
32“Siisay ka?” an hapot ni Isaac.
“Ako si Esau, an matua mong aki,” an simbag niya.
33Huli kaini nagtakig an bilog na hawak ni Isaac asin naghapot, “Siisay palan idtong nagbuno nin hayop asin nagdara kan linuto sako? Nakakakan pa sana ako bago ka mag-abot. Itinao ko na saiya an bendisyon asin mapapasaiya na idto sagkod pa man.”
34Kan madangog ini ni Esau, nagkurahaw siya asin sa mapait na tingog nagsabi sa saiyang ama, “Ama ko, bendisyonan mo man ako!”
35Alagad nagsimbag si Isaac, “Nagdigdi an tugang mo asin dinaya ako. Nakua niya an bendisyon na para saimo.”
36Nagsabi si Esau, “Tama mananggad na nginaranan siyang Jacob,#27:36 JACOB: Sa pandangog, an ngaran na ini nakakaarog sa Hebreyong tataramon na paraagaw. huli ta duwang beses na niya akong inagawan. Inagaw na niya an sakong deretso bilang matuang aking lalaki, asin ngunyan inagaw pa niya an bendisyon na para sako. Mayo ka nang natadang bendisyon para sako?”
37Nagsimbag si Isaac, “Ginibo ko na siyang kagurangnan mo, asin an gabos niyang kadugo itinao ko na sa saiya bilang mga oripon. Tinawan ko siya nin dakul na ani asin arak. Mayo na akong magiginibo para saimo, aki ko!”
38Alagad padagos na nakimaherak si Esau sa saiyang ama: “Saro sana nanggad an bendisyon mo? Ama ko, bendisyonan mo man ako!” Dangan nagpoon siyang maghibi.
39Kaya sinabihan siya ni Isaac,
“Mayong ambon hale sa langit para saimo;
mayong matubang na daga para saimo.
40Mabubuhay ka huli sa saimong espada asin
magigin sorogoon ka kan tugang mo.
Alagad kun magrebelde ka, makakatalingkas ka sa saiyang kapangyarihan.”
41Anggot na marahay si Esau ki Jacob huli ta benendisyonan ini kan saiyang ama. Nagsaboot si Esau, “Madali na an panahon na ipagmomondo an kagadanan kan sakong ama; dangan ko gagadanon an tugang kong si Jacob.”
42Alagad kan madangog ni Rebecca an planong ini ni Esau, ipinaapod niya si Jacob asin sinabihan, “An tugang mong si Esau nagpaplanong gadanon ka. 43Kaya aki ko, magdulag ka tolos pasiring sa tugang kong si Laban duman sa Haran 44asin duman ka ngona sa kaibahan niya sagkod na mawara an anggot kan saimong tugang, 45dangan malingawan niya an ginibo mo saiya. Ipapakua taka na sana. Tano ta kaipuhan mawaraan ako nin duwang aki sa saro sanang aldaw?”
Sinugo ni Isaac si Jacob ki Laban
46Sinabihan ni Rebecca si Isaac, “Nauuyam na ako sa dayuhan na mga agom ni Esau. Kun mag-agom man si Jacob nin sarong babaeng Heteo, mas marahay pang magadan na ako.”
Currently Selected:
Genesis 27: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Genesis 27
27
Benendisyonan ni Isaac si Jacob
1Kan gurang na si Isaac asin dai na nakakamaan, inapod niya an matua niyang aking si Esau, “Esau aki ko!”
“Uya po ako,” an simbag ni Esau.
2Nagsabi si Isaac, “Gurang na ako asin madali nang magadan. 3Kuaha an saimong pana asin mangayam ka sa kaomahan para sako. 4Iluto mo ako kan paborito kong putahe asin darahon mo sako tanganing magkakan ko; dangan bebendisyonan taka bago ako magadan.”
5Mantang kaolay ni Isaac si Esau, nagdadangog si Rebecca. Kaya pakahale ni Esau tanganing mangayam, 6sinabihan ni Rebecca si Jacob, “Nadangog ko an sinabi kan saimong ama sa tugang mong si Esau, 7‘Darahe ako nin hayop asin iluto mo ako kan paborito kong putahe asin makakan ako; dangan bebendisyonan taka sa atubang nin Kagurangnan bago ako magadan.’ 8Kaya, aki ko, sunoda an sasabihon ko saimo. 9Magduman ka sa satong mga hayop asin kumua ka nin duwang matabang ogbon nin kanding tanganing iluto ko kan paborito niyang putahe an saimong ama. 10Ika an madara kaiyan saiya tanganing kakanon niya asin tanganing bendisyonan ka niya bago siya magadan.”
11Nagsimbag si Jacob ki Rebecca na saiyang ina, “Alagad mabarahibo si Esau mantang ako bako. 12Tibaad hapiyapon ako kan sakong ama asin maaraman niyang dinadaya ko siya; kaya embes na bendisyon, sumpa an mapasako.”
13Nagsimbag an saiyang ina, “Mapasakuya an ano man na sumpa na para saimo, aki ko; sunoda sana an ipinapagibo ko. Lakaw na asin kumua ka na kan mga kanding.” 14Kaya nagsunod si Jacob asin dinara an mga kanding sa saiyang ina. Ilinuto ini kan saiyang ina sa putaheng paborito kan saiyang ama. 15Dangan kinua ni Rebecca sa saiyang harong an itinago niyang pinakamarahay na gubing ni Esau, asin isinulot ki Jacob. 16Ibinugtak man niya sa mga kamot asin sa liog kaini an mga anit kan kanding. 17Pakatapos, itinao niya ki Jacob an linuto niyang tinapay asin an inandam niyang kakanon.
18Dangan nagduman si Jacob sa saiyang ama asin nagsabi, “Ama ko.”
Nagsimbag si Isaac, “Uya ako. Siisay ka sa mga aki ko?”
19“Ako si Esau, an saimong matuang aking lalaki,” an simbag ni Jacob. “Nagibo ko na an ipinagboot mo. Kaya bangon na asin kakan na kan dara kong karne, tanganing mabendisyonan mo ako.”
20Alagad naghapot si Isaac, “Tano ta madalion ka sana, aki ko?”
“Huli ta tinabangan ako nin Kagurangnan na saimong Dios,” an simbag ni Jacob.
21“Rumani ka sako, aki ko,” an sabi ni Isaac, “tanganing mahapiyap taka, asin maaraman ko kun ika mananggad an aki kong si Esau o bako.” 22Kaya nagrani si Jacob sa saiyang ama. Hinapiyap siya kaini dangan nagsabi, “Ki Jacob an boses mo, alagad an saimong mga kamot ki Esau.” 23Dai ni Isaac namidbid si Jacob huli ta mabarahibo man an saiyang kamot arog kan ki Esau. Bebendisyonan na kuta siya ni Isaac, 24alagad naghapot giraray ini, “Ika mananggad an aki kong si Esau?”
“Ako mananggad,” an simbag ni Jacob.
25Dangan nagsabi si Isaac, “Daraha na digdi an linuto mo. Pakakakan ko, bebendisyonan taka.” Kaya dinara ni Jacob saiya an linuto asin nagkakan siya; dinarahan man siya ni Jacob nin arak asin nag-inom siya. 26Dangan nagsabi si Isaac, “Aki ko, rumani ka asin hadokan mo ako.” 27Nagrani si Jacob asin hinadokan an ama; naparong ni Isaac an gubing ni Esau, kaya benendisyonan siya ni Isaac na an sabi, “An parong kan aki ko siring sa parong nin sarong oma na benendisyonan nin Kagurangnan! 28Itao logod saimo nin Dios an ambon hale sa langit, magin matubang logod an saimong daga, dangan magdakul logod an saimong ani asin arak. 29Maglingkod logod saimo an mga banwaan asin magduko saimo an mga nasyon. Magin kagurangnan ka logod kan saimong mga tugang, saka magduko logod saimo an mga kapagarakian nin saimong ina. Sumpaon logod an magsumpa saimo, asin bendisyonan logod an magbendisyon saimo.”
Nakimaherak si Esau na Bendisyonan ni Isaac
30Nakahale pa sana si Jacob sa atubang ni Isaac, matapos na bendisyonan siya kaini, kan umabot si Esau hale sa pangayam. 31Nagluto man siya nin masiram na pagkakan asin dinara sa saiyang ama. Nagsabi siya, “Bangon na, ama ko, asin kakan na kan linuto ko tanganing mabendisyonan mo ako.”
32“Siisay ka?” an hapot ni Isaac.
“Ako si Esau, an matua mong aki,” an simbag niya.
33Huli kaini nagtakig an bilog na hawak ni Isaac asin naghapot, “Siisay palan idtong nagbuno nin hayop asin nagdara kan linuto sako? Nakakakan pa sana ako bago ka mag-abot. Itinao ko na saiya an bendisyon asin mapapasaiya na idto sagkod pa man.”
34Kan madangog ini ni Esau, nagkurahaw siya asin sa mapait na tingog nagsabi sa saiyang ama, “Ama ko, bendisyonan mo man ako!”
35Alagad nagsimbag si Isaac, “Nagdigdi an tugang mo asin dinaya ako. Nakua niya an bendisyon na para saimo.”
36Nagsabi si Esau, “Tama mananggad na nginaranan siyang Jacob,#27:36 JACOB: Sa pandangog, an ngaran na ini nakakaarog sa Hebreyong tataramon na paraagaw. huli ta duwang beses na niya akong inagawan. Inagaw na niya an sakong deretso bilang matuang aking lalaki, asin ngunyan inagaw pa niya an bendisyon na para sako. Mayo ka nang natadang bendisyon para sako?”
37Nagsimbag si Isaac, “Ginibo ko na siyang kagurangnan mo, asin an gabos niyang kadugo itinao ko na sa saiya bilang mga oripon. Tinawan ko siya nin dakul na ani asin arak. Mayo na akong magiginibo para saimo, aki ko!”
38Alagad padagos na nakimaherak si Esau sa saiyang ama: “Saro sana nanggad an bendisyon mo? Ama ko, bendisyonan mo man ako!” Dangan nagpoon siyang maghibi.
39Kaya sinabihan siya ni Isaac,
“Mayong ambon hale sa langit para saimo;
mayong matubang na daga para saimo.
40Mabubuhay ka huli sa saimong espada asin
magigin sorogoon ka kan tugang mo.
Alagad kun magrebelde ka, makakatalingkas ka sa saiyang kapangyarihan.”
41Anggot na marahay si Esau ki Jacob huli ta benendisyonan ini kan saiyang ama. Nagsaboot si Esau, “Madali na an panahon na ipagmomondo an kagadanan kan sakong ama; dangan ko gagadanon an tugang kong si Jacob.”
42Alagad kan madangog ni Rebecca an planong ini ni Esau, ipinaapod niya si Jacob asin sinabihan, “An tugang mong si Esau nagpaplanong gadanon ka. 43Kaya aki ko, magdulag ka tolos pasiring sa tugang kong si Laban duman sa Haran 44asin duman ka ngona sa kaibahan niya sagkod na mawara an anggot kan saimong tugang, 45dangan malingawan niya an ginibo mo saiya. Ipapakua taka na sana. Tano ta kaipuhan mawaraan ako nin duwang aki sa saro sanang aldaw?”
Sinugo ni Isaac si Jacob ki Laban
46Sinabihan ni Rebecca si Isaac, “Nauuyam na ako sa dayuhan na mga agom ni Esau. Kun mag-agom man si Jacob nin sarong babaeng Heteo, mas marahay pang magadan na ako.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.