GENESIS 32
32
Nag-andam si Jacob sa Pagsabat ki Esau
1Mantang naglalakaw si Jacob, sinabat siya kan mga anghel nin Dios. 2Kan mahiling niya sinda, nagsaboot siya, “Kampo ini nin Dios!” Kaya an lugar inapod niyang Mahanaim.#2 MAHANAIM: Sa Hebreyo, ini nangangahulogan duwang kampo.
3Nagsugo nin mga tawo si Jacob pasiring sa saiyang tugang na si Esau sa daga nin Edom. 4Pinasunod niya sinda na magsabi ki Esau: “Kagurangnan, ako si Jacob, na saimong sorogoon, nagpapahayag saimo na nakierok ako ki Laban asin ngunyan pa sana mapuli. 5Dakul na an sadiri kong baka, asno, karnero, kanding asin oripon. Nagpasugo ako saimo sa paglaom na magigin marahay an pag-ako mo sako.”
6Kan magbalik ki Jacob an mga sinugo, nagsabi sinda, “Nakaolay mi an tugang mong si Esau. Pasiring na siya digdi sa pagsabat saimo kaiba an kwatro syentos kan saiyang mga tawohan.” 7Natakot asin nahandal si Jacob, kaya binanga niya sa duwang grupo an mga tawo asin mga hayop na kaiba niya. 8Nagsaboot siya, “Kun salakayon asin gadanon ni Esau an enot na grupo, pwedeng makadulag an ikaduwa.”
9Dangan namibi si Jacob, “O Dios ni Abraham saka ni Isaac na sakuyang ama, dangoga ako! Ika, Kagurangnan, an nagtaram sako na magpuli sa sakong daga saka sa sakong mga kadugo, asin papakarahayon mo an gabos para sa sako. 10Bako akong maninigo kan danay mong pagkamoot asin kan pagkamaimbod na ipinahiling mo sako, na saimong oripon. Binalyo ko an Jordan na sugkod sana an dara alagad ngunyan nagbalik ako na may kaiba nang duwang grupo. 11Nakikimaherak ako na iligtas mo ako sa tugang kong si Esau, huli ta natatakot ako saiya; tibaad salakayon asin gadanon niya kami gabos sagkod an kababaehan saka kaakian. 12Giromdoma an saimong panuga na papakarahayon mo an gabos para sako asin na tatawan mo ako nin dakul na mga kapagarakian na dai mabilang arog kan baybay sa dagat.”
13-15Duman sa lugar na idto naagahan si Jacob. Dangan, sa mga hayop niya, nagpili siya nin panregalo sa tugang niyang si Esau: dos syentos na babaeng kanding saka beynteng lalaking kanding, dos syentos na babaeng karnero dangan beynteng lalaking karnero, treyntang mag-inang kamelyo, kwarentang babaeng baka asin sampolong lalaking baka, beynteng babaeng asno saka sampolong lalaking asno. 16Sinuhay niya ini gabos, pinaggrupo-grupo dangan ipinadara sa saiyang mga oripon; sarong oripon sa lambang grupo. Sinabihan niya sinda, “Mag-enot na kamo sako asin bugtakan nindo nin distansya an lambang grupo nin hayop.” 17Tinogon niya an enot na oripon, “Sa oras na masabatan ka kan tugang kong si Esau asin hapoton ka, ‘Siisay an saimong kagurangnan? Masaen ka? Siisay an kagsadiri kan mga hayop sa enotan mo?’ 18simbagon mo siya nin, ‘Sadiri ini kan saimong oripon na si Jacob. Ipinapadara niya an mga ini bilang regalo sa kagurangnan niyang si Esau. Kasunod mi na si Jacob.’” 19Siring man an itinogon niya sa ikaduwa, sa ikatolo asin sa iba pang namamahala kan mga hayop: “Ini an sabihon nindo ki Esau sa oras na masabat nindo siya. 20Sabihon nindong, ‘Kasunod mi na si Jacob na saimong oripon.’” Nagsaboot si Jacob, “Sa kadaklan kan regalo ko, mawawara na an saiyang kaanggotan sako. Kaya sa oras na masabat ko siya, papatawadon na niya ako.” 21Pinaenot niya an mga regalo alagad duman na siya nagpaaga sa kampo.
Nakigumolan si Jacob sa Anghel
22Kan bangging idto, nagbangon si Jacob asin dinara sa ibong kan Salog nin Jabbok an saiyang duwang agom, an duwa niyang kasaroan asin an onse niyang aki. 23Pakabalyohan niya sainda, sunod niyang pinaibong an gabos niyang pagsadiri, 24alagad nagpawalat siya.
Dangan nagtunga an sarong lalaki asin nakigumolan ki Jacob sagkod na madali nang magliwanag an aldaw. 25Kan mahiling kan lalaki na dai siya nanggagana, sinuntok niya sa piad si Jacob na ikinataplis kan tolang sa piad kaini. 26Dangan nagsabi an lalaki, “Butasi ako, huli ta nagliliwanag na.”
Nagsimbag si Jacob, “Dai taka bubutasan sagkod na dai mo ako bendisyonan.”
27Naghapot an lalaki, “Ano an ngaran mo?”
“Jacob,” an simbag kaini.
28Nagsabi an lalaki, “Poon ngunyan bako nang Jacob an ngaran mo kundi Israel,#28 ISRAEL: Sa pandangog, an ngaran na ini nakakaarog sa Hebreyong tataramon na nakikilaban siya sa Dios o nakikilaban an Dios. huli ta nakigumolan ka sa Dios saka sa mga tawo, asin nanggana ka.”
29Nagsabi si Jacob, “Sabihan man sako an ngaran mo.”
Nagsimbag an lalaki, “Tano ta gusto mong maaraman an sakong ngaran?” Dangan benendisyonan niya si Jacob.
30Nagsabi si Jacob, “Nahiling ko an lalawogon nin Dios alagad buhay pa ako”; kaya an lugar nginaranan niyang Peniel.#30 PENIEL: Sa pandangog, an ngaran na ini nakakaarog sa Hebreyong tataramon na an lalawogon nin Dios. 31Nagsirang na an aldaw kan maghale si Jacob sa Peniel; pilay siyang naglakaw huli sa saiyang piad. 32Kaya sagkod ngunyan, dai kinakakan kan mga Israelita an laman na yaon sa piad kan hayop huli ta iyo iyan an parte na tinamaan kan suntokon si Jacob.
Currently Selected:
GENESIS 32: BPV
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992
GENESIS 32
32
Nag-andam si Jacob sa Pagsabat ki Esau
1Mantang naglalakaw si Jacob, sinabat siya kan mga anghel nin Dios. 2Kan mahiling niya sinda, nagsaboot siya, “Kampo ini nin Dios!” Kaya an lugar inapod niyang Mahanaim.#2 MAHANAIM: Sa Hebreyo, ini nangangahulogan duwang kampo.
3Nagsugo nin mga tawo si Jacob pasiring sa saiyang tugang na si Esau sa daga nin Edom. 4Pinasunod niya sinda na magsabi ki Esau: “Kagurangnan, ako si Jacob, na saimong sorogoon, nagpapahayag saimo na nakierok ako ki Laban asin ngunyan pa sana mapuli. 5Dakul na an sadiri kong baka, asno, karnero, kanding asin oripon. Nagpasugo ako saimo sa paglaom na magigin marahay an pag-ako mo sako.”
6Kan magbalik ki Jacob an mga sinugo, nagsabi sinda, “Nakaolay mi an tugang mong si Esau. Pasiring na siya digdi sa pagsabat saimo kaiba an kwatro syentos kan saiyang mga tawohan.” 7Natakot asin nahandal si Jacob, kaya binanga niya sa duwang grupo an mga tawo asin mga hayop na kaiba niya. 8Nagsaboot siya, “Kun salakayon asin gadanon ni Esau an enot na grupo, pwedeng makadulag an ikaduwa.”
9Dangan namibi si Jacob, “O Dios ni Abraham saka ni Isaac na sakuyang ama, dangoga ako! Ika, Kagurangnan, an nagtaram sako na magpuli sa sakong daga saka sa sakong mga kadugo, asin papakarahayon mo an gabos para sa sako. 10Bako akong maninigo kan danay mong pagkamoot asin kan pagkamaimbod na ipinahiling mo sako, na saimong oripon. Binalyo ko an Jordan na sugkod sana an dara alagad ngunyan nagbalik ako na may kaiba nang duwang grupo. 11Nakikimaherak ako na iligtas mo ako sa tugang kong si Esau, huli ta natatakot ako saiya; tibaad salakayon asin gadanon niya kami gabos sagkod an kababaehan saka kaakian. 12Giromdoma an saimong panuga na papakarahayon mo an gabos para sako asin na tatawan mo ako nin dakul na mga kapagarakian na dai mabilang arog kan baybay sa dagat.”
13-15Duman sa lugar na idto naagahan si Jacob. Dangan, sa mga hayop niya, nagpili siya nin panregalo sa tugang niyang si Esau: dos syentos na babaeng kanding saka beynteng lalaking kanding, dos syentos na babaeng karnero dangan beynteng lalaking karnero, treyntang mag-inang kamelyo, kwarentang babaeng baka asin sampolong lalaking baka, beynteng babaeng asno saka sampolong lalaking asno. 16Sinuhay niya ini gabos, pinaggrupo-grupo dangan ipinadara sa saiyang mga oripon; sarong oripon sa lambang grupo. Sinabihan niya sinda, “Mag-enot na kamo sako asin bugtakan nindo nin distansya an lambang grupo nin hayop.” 17Tinogon niya an enot na oripon, “Sa oras na masabatan ka kan tugang kong si Esau asin hapoton ka, ‘Siisay an saimong kagurangnan? Masaen ka? Siisay an kagsadiri kan mga hayop sa enotan mo?’ 18simbagon mo siya nin, ‘Sadiri ini kan saimong oripon na si Jacob. Ipinapadara niya an mga ini bilang regalo sa kagurangnan niyang si Esau. Kasunod mi na si Jacob.’” 19Siring man an itinogon niya sa ikaduwa, sa ikatolo asin sa iba pang namamahala kan mga hayop: “Ini an sabihon nindo ki Esau sa oras na masabat nindo siya. 20Sabihon nindong, ‘Kasunod mi na si Jacob na saimong oripon.’” Nagsaboot si Jacob, “Sa kadaklan kan regalo ko, mawawara na an saiyang kaanggotan sako. Kaya sa oras na masabat ko siya, papatawadon na niya ako.” 21Pinaenot niya an mga regalo alagad duman na siya nagpaaga sa kampo.
Nakigumolan si Jacob sa Anghel
22Kan bangging idto, nagbangon si Jacob asin dinara sa ibong kan Salog nin Jabbok an saiyang duwang agom, an duwa niyang kasaroan asin an onse niyang aki. 23Pakabalyohan niya sainda, sunod niyang pinaibong an gabos niyang pagsadiri, 24alagad nagpawalat siya.
Dangan nagtunga an sarong lalaki asin nakigumolan ki Jacob sagkod na madali nang magliwanag an aldaw. 25Kan mahiling kan lalaki na dai siya nanggagana, sinuntok niya sa piad si Jacob na ikinataplis kan tolang sa piad kaini. 26Dangan nagsabi an lalaki, “Butasi ako, huli ta nagliliwanag na.”
Nagsimbag si Jacob, “Dai taka bubutasan sagkod na dai mo ako bendisyonan.”
27Naghapot an lalaki, “Ano an ngaran mo?”
“Jacob,” an simbag kaini.
28Nagsabi an lalaki, “Poon ngunyan bako nang Jacob an ngaran mo kundi Israel,#28 ISRAEL: Sa pandangog, an ngaran na ini nakakaarog sa Hebreyong tataramon na nakikilaban siya sa Dios o nakikilaban an Dios. huli ta nakigumolan ka sa Dios saka sa mga tawo, asin nanggana ka.”
29Nagsabi si Jacob, “Sabihan man sako an ngaran mo.”
Nagsimbag an lalaki, “Tano ta gusto mong maaraman an sakong ngaran?” Dangan benendisyonan niya si Jacob.
30Nagsabi si Jacob, “Nahiling ko an lalawogon nin Dios alagad buhay pa ako”; kaya an lugar nginaranan niyang Peniel.#30 PENIEL: Sa pandangog, an ngaran na ini nakakaarog sa Hebreyong tataramon na an lalawogon nin Dios. 31Nagsirang na an aldaw kan maghale si Jacob sa Peniel; pilay siyang naglakaw huli sa saiyang piad. 32Kaya sagkod ngunyan, dai kinakakan kan mga Israelita an laman na yaon sa piad kan hayop huli ta iyo iyan an parte na tinamaan kan suntokon si Jacob.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992