GENESIS 43
43
Nagbalik sa Egipto an mga Tugang ni Jose kaiba si Benjamin
1Orog na nagin makuri an gutom sa Canaan 2asin kan naubos na kan pamilya ni Jacob an mais na binakal ninda sa Egipto, nagsabi siya sa mga aki niya, “Magduman giraray kamo asin magbakal nin dikit na pagkakan para sato.”
3Nagsimbag si Juda, “Pinatanidan nanggad kami kan lalaki na dai niya kami aatubangon sagkod na dai mi kaiba an samong tugang. 4Kun paibahon mo samo an samong tugang, maduman kami dangan mabakal nin pagkakan; 5alagad kun dai mo siya paibahon samo, dai kami maduman, huli ta sinabihan kami kan lalaki na dai niya kami aatubangon sagkod na dai mi kaiba an samong tugang!”
6Nagsabi si Jacob, “Tano ta tinawan nindo ako nin problema huli sa pagsabi sa lalaki na igwa pa kamo nin sarong tugang?”
7Nagsimbag sinda, “Pinagparahapot kami kan lalaki manongod samo asin sa samong pamilya, ‘Buhay pa an saindong ama? Igwa pa kamong tugang?’ Kaipuhan simbagon mi an saiyang mga hapot. Paano mi maaaraman na ipapaiba niya samo an samong tugang?”
8Nagsimbag si Juda sa saiyang ama, “Paibaha na sako an aki dangan maduman na kami tanganing mabuhay kita asin dai magadan sa gutom. 9Iginagarantiya ko an sakong buhay; ako an masimbag para saiya. Kun dai ko siya ikabalik saimo na buhay, ako an basolon mo sagkod pa man. 10Duwang balik na kuta an naginibo mi kun dai kita nagparaatraso.”
11Nagsabi si Jacob sainda, “Kun siring an dapat na mangyari, giboha nindo ini: magdara kamo kan pinakamarahay na mga bunga kan daga bilang regalo sa gobernador: dikit na balsamo, dikit na dugos, mga pahamot asin mira, rekado saka almendras. 12Magdara man kamo nin dobleng kantidad, huli ta kaipuhan na iuli nindo an kwartang ibinugtak sa saindong sako. Tibaad nasala sana an pagkalaog duman. 13Ipag-iba nindo si Benjamin na saindong tugang asin magpuli tolos kamo. 14Gibohon logod kan Makakamhan na Dios na maherak saindo an lalaki tanganing ibalik niya saindo si Benjamin asin an saro pa nindong tugang. Kun mawawara an sakong mga aki, dai akong magiginibo.”
15Kaya dinara kan magturugang an mga regalo asin an dobleng kantidad nin kwarta; nagduman sinda sa Egipto kaiba si Benjamin. Duman nag-atubang sinda ki Jose. 16Kan mahiling ni Jose si Benjamin na kaibahan ninda, sinabihan niya an oripon na namamahala kan saiyang harong, “Ipag-iba mo an mga lalaking ini sa sakong harong. Kaiba ko sindang makakan ngunyan na odto, kaya magbuno ka nin hayop asin andamon mo.” 17Sinunod kan oripon an pagboot saiya asin ipinag-iba an magturugang sa harong ni Jose.
18Mantang ipinag-iiba sinda sa harong, nagkatarakot sinda asin nagsaboot, “Ipinag-iba kami digdi huli kan kwartang ibinalik sa samong sako. Tibaad bigla ninda kaming salakayon, kuahon an samong mga asno asin gibohon na mga oripon.” 19Kaya pag-abot ninda sa may pintoan kan harong, sinabihan ninda an sorogoon na namamahala. 20“Nagdigdi na kami kaidto sa pagbakal nin pagkakan. 21Kan magkampo kami sa dalan sa samong pagpuli, binukasan mi an samong mga sako dangan nakua kan lambang saro samo an saiyang kwarta sa ibabaw kan mais. Dinara mi giraray an kwarta tanganing ikaoli, 22saka nagdara pa kami nin ibang kwarta tanganing ibakal nin pagkakan. Dai mi aram kun siisay an nagbugtak kan kwarta sa samong sako.”
23Nagsimbag an sorogoon, “Dai kamo mahandal; dai kamo matakot. An saindong Dios, an Dios kan saindong ama, iyo an nagbugtak kan kwarta sa saindong mga sako para saindo. Naresibi ko an saindong kabayadan.” Dangan pinaluwas kan sorogoon si Simeon asin dinara sa sainda.
24Pinadagos kan sorogoon an magturugang sa harong ni Jose; tinawan niya sinda nin tubig tanganing maghanaw kan saindang bitis, dangan pinakakan an saindang mga asno. 25Inandam kan magturugang an mga regalo na itatao ninda ki Jose pag-abot niya sa odto, huli ta nasabihan sindang kaiba niya sinda sa pagkakan. 26Pag-abot ni Jose sa harong, itinao ninda saiya an mga regalo asin nagdarapa sinda sa atubang niya sa paggalang. 27Kinomusta ni Jose an magturugang dangan hinapot, “Sinabi nindong gurang na an saindong ama, komusta siya? Buhay pa siya?”
28Nagsimbag sinda, “Buhay pa siya asin marahay an kamugtakan.” Dangan nagruluhod sinda sa saiyang atubang.
29Kan mahiling ni Jose an saiyang tugang na si Benjamin, nagsabi siya, “Iyo ini an ngohod nindong tugang na sinabi nindo sako? Mapasaimo an bendisyon nin Dios, aki ko.” 30Dangan binayaan ni Jose an mga tugang niya, huli ta dai niya mapugolan an luha niya kan mahiling niya si Benjamin. Kaya naglaog siya sa saiyang kwarto asin duman naghibi. 31Pakatapos niyang maghugas kan saiyang lalawogon, nagbalik siya asin pinakosog an saiyang boot, dangan nagsabi, “Andamon an lamesa.” 32Pinuwestohan si Jose sa sarong lamesa asin an mga tugang niya sa saro pang lamesa. An mga Egipcio na nagkakakan duman suhay man na pinuwestohan huli ta dai ninda maaako na makahampang sa pagkakan an mga Hebreyo. 33Nagturukaw sa atubangan ni Jose an magturugang sosog sa saindang pagkamundag, magpoon sa matua sagkod sa ngohod. Kan mareparo ninda kun paano sinda pinatukaw, ngaralas sindang naghirilingan. 34Dinarahan sinda nin pagkakan hale sa lamesa ni Jose asin si Benjamin dinarahan nin pagkakan na limang beses kadakul ki sa ibang tugang niya. Nagkakan sinda asin nag-inom sa kaibahan ni Jose sagkod na naburat sinda.
Currently Selected:
GENESIS 43: BPV
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992
GENESIS 43
43
Nagbalik sa Egipto an mga Tugang ni Jose kaiba si Benjamin
1Orog na nagin makuri an gutom sa Canaan 2asin kan naubos na kan pamilya ni Jacob an mais na binakal ninda sa Egipto, nagsabi siya sa mga aki niya, “Magduman giraray kamo asin magbakal nin dikit na pagkakan para sato.”
3Nagsimbag si Juda, “Pinatanidan nanggad kami kan lalaki na dai niya kami aatubangon sagkod na dai mi kaiba an samong tugang. 4Kun paibahon mo samo an samong tugang, maduman kami dangan mabakal nin pagkakan; 5alagad kun dai mo siya paibahon samo, dai kami maduman, huli ta sinabihan kami kan lalaki na dai niya kami aatubangon sagkod na dai mi kaiba an samong tugang!”
6Nagsabi si Jacob, “Tano ta tinawan nindo ako nin problema huli sa pagsabi sa lalaki na igwa pa kamo nin sarong tugang?”
7Nagsimbag sinda, “Pinagparahapot kami kan lalaki manongod samo asin sa samong pamilya, ‘Buhay pa an saindong ama? Igwa pa kamong tugang?’ Kaipuhan simbagon mi an saiyang mga hapot. Paano mi maaaraman na ipapaiba niya samo an samong tugang?”
8Nagsimbag si Juda sa saiyang ama, “Paibaha na sako an aki dangan maduman na kami tanganing mabuhay kita asin dai magadan sa gutom. 9Iginagarantiya ko an sakong buhay; ako an masimbag para saiya. Kun dai ko siya ikabalik saimo na buhay, ako an basolon mo sagkod pa man. 10Duwang balik na kuta an naginibo mi kun dai kita nagparaatraso.”
11Nagsabi si Jacob sainda, “Kun siring an dapat na mangyari, giboha nindo ini: magdara kamo kan pinakamarahay na mga bunga kan daga bilang regalo sa gobernador: dikit na balsamo, dikit na dugos, mga pahamot asin mira, rekado saka almendras. 12Magdara man kamo nin dobleng kantidad, huli ta kaipuhan na iuli nindo an kwartang ibinugtak sa saindong sako. Tibaad nasala sana an pagkalaog duman. 13Ipag-iba nindo si Benjamin na saindong tugang asin magpuli tolos kamo. 14Gibohon logod kan Makakamhan na Dios na maherak saindo an lalaki tanganing ibalik niya saindo si Benjamin asin an saro pa nindong tugang. Kun mawawara an sakong mga aki, dai akong magiginibo.”
15Kaya dinara kan magturugang an mga regalo asin an dobleng kantidad nin kwarta; nagduman sinda sa Egipto kaiba si Benjamin. Duman nag-atubang sinda ki Jose. 16Kan mahiling ni Jose si Benjamin na kaibahan ninda, sinabihan niya an oripon na namamahala kan saiyang harong, “Ipag-iba mo an mga lalaking ini sa sakong harong. Kaiba ko sindang makakan ngunyan na odto, kaya magbuno ka nin hayop asin andamon mo.” 17Sinunod kan oripon an pagboot saiya asin ipinag-iba an magturugang sa harong ni Jose.
18Mantang ipinag-iiba sinda sa harong, nagkatarakot sinda asin nagsaboot, “Ipinag-iba kami digdi huli kan kwartang ibinalik sa samong sako. Tibaad bigla ninda kaming salakayon, kuahon an samong mga asno asin gibohon na mga oripon.” 19Kaya pag-abot ninda sa may pintoan kan harong, sinabihan ninda an sorogoon na namamahala. 20“Nagdigdi na kami kaidto sa pagbakal nin pagkakan. 21Kan magkampo kami sa dalan sa samong pagpuli, binukasan mi an samong mga sako dangan nakua kan lambang saro samo an saiyang kwarta sa ibabaw kan mais. Dinara mi giraray an kwarta tanganing ikaoli, 22saka nagdara pa kami nin ibang kwarta tanganing ibakal nin pagkakan. Dai mi aram kun siisay an nagbugtak kan kwarta sa samong sako.”
23Nagsimbag an sorogoon, “Dai kamo mahandal; dai kamo matakot. An saindong Dios, an Dios kan saindong ama, iyo an nagbugtak kan kwarta sa saindong mga sako para saindo. Naresibi ko an saindong kabayadan.” Dangan pinaluwas kan sorogoon si Simeon asin dinara sa sainda.
24Pinadagos kan sorogoon an magturugang sa harong ni Jose; tinawan niya sinda nin tubig tanganing maghanaw kan saindang bitis, dangan pinakakan an saindang mga asno. 25Inandam kan magturugang an mga regalo na itatao ninda ki Jose pag-abot niya sa odto, huli ta nasabihan sindang kaiba niya sinda sa pagkakan. 26Pag-abot ni Jose sa harong, itinao ninda saiya an mga regalo asin nagdarapa sinda sa atubang niya sa paggalang. 27Kinomusta ni Jose an magturugang dangan hinapot, “Sinabi nindong gurang na an saindong ama, komusta siya? Buhay pa siya?”
28Nagsimbag sinda, “Buhay pa siya asin marahay an kamugtakan.” Dangan nagruluhod sinda sa saiyang atubang.
29Kan mahiling ni Jose an saiyang tugang na si Benjamin, nagsabi siya, “Iyo ini an ngohod nindong tugang na sinabi nindo sako? Mapasaimo an bendisyon nin Dios, aki ko.” 30Dangan binayaan ni Jose an mga tugang niya, huli ta dai niya mapugolan an luha niya kan mahiling niya si Benjamin. Kaya naglaog siya sa saiyang kwarto asin duman naghibi. 31Pakatapos niyang maghugas kan saiyang lalawogon, nagbalik siya asin pinakosog an saiyang boot, dangan nagsabi, “Andamon an lamesa.” 32Pinuwestohan si Jose sa sarong lamesa asin an mga tugang niya sa saro pang lamesa. An mga Egipcio na nagkakakan duman suhay man na pinuwestohan huli ta dai ninda maaako na makahampang sa pagkakan an mga Hebreyo. 33Nagturukaw sa atubangan ni Jose an magturugang sosog sa saindang pagkamundag, magpoon sa matua sagkod sa ngohod. Kan mareparo ninda kun paano sinda pinatukaw, ngaralas sindang naghirilingan. 34Dinarahan sinda nin pagkakan hale sa lamesa ni Jose asin si Benjamin dinarahan nin pagkakan na limang beses kadakul ki sa ibang tugang niya. Nagkakan sinda asin nag-inom sa kaibahan ni Jose sagkod na naburat sinda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992