Laataanooji 39
39
Yusufu e debbo Potifar
1Ɓe njahri Yusufu haa Misra. Potifar Misraajo, saraakiijo Firawna, mawɗo doogari'en, soodi mo haa juuɗe filooɓe ɓe asŋgol Isma'iilu yahruɓe mo ton#Laat 37:36.. 2Jawmiraawo wondi bee Yusufu, hokki ɗum saa'a nder kuuɗe mum fuu. O jooɗi nder saare Potifar jawmiiko Misraajo#TT 2:7; KN 7:9.. 3Jawmiiko yi'i Jawmiraawo ɗon wondi bee maako, Jawmiraawo hokki mo saa'a nder kuuɗe maako fuu. 4O seyori mo, o hoosi mo ngam huuwango mo. O halfini mo ardaaŋgal saare e mardi maako fuu. 5Diga o halfini Yusufu saare e mardi maako, Jawmiraawo barkiɗini ko o mari fuu, waato ko woni nder saare e ko woni nder gese ngam daliila Yusufu. 6Potifar halfini Yusufu ko o mari fuu. O suklanaay koo ɗume, sonaa nyaamdu ndu o nyaamata.
Yusufu o booɗɗo, o ŋarniiɗo. 7Nyalɗe seɗɗa ɓaawoɗon, debbo jawmiiko fuɗɗi laarugo mo bee suuno. O wi'i mo: “Waaldu bee am!” 8O sali, o wi'i debbo jawmiiko: “Ndaa, jawmam suklantaa koo ɗume nder saare mum. O halfini yam mardi maako fuu. 9Walaa ɓurduɗo yam maŋngu nder saare nde'e. O haɗaay yam koo ɗume, sonaa an, ngam a debbo maako. Noy mi waɗata halleende mawnde nde'e, mi waɗa hakke heedi Allah?” 10Nyalaade fuu debbo oo tokki wolwango Yusufu, ngam o waala kommbi maako, haa o hawta bee maako. Ammaa o sali waaldugo bee maako.
11Nyanndere woɗnde Yusufu nasti saare haa huuwa kuugal mum. Huuwooɓe nder saare ngalaa ton. 12Debbo go naŋngi mo ngapaleewol, wi'i mo: “Waaldu bee am!” Yusufu acci ngapaleewol mum haa juŋngo maako, doggi, wurti yaasi. 13Nde debbo yi'i Yusufu accidi mo bee ngapaleewol mum, doggi yaasi, 14o ewni huuwooɓe nder saare maako, o wi'i ɓe: “Ndaare! O waddani en Ibraniŋkeejo ngam fijira en. O wari haa am haa o waalda bee am. Ammaa mi wooki bee semmbe. 15Nde o nani mi wooki, o acci ngapaleewol maako baŋnge am, o doggi, o wurti yaasi.” 16O jo'ini ngapaleewol Yusufu kommbi maako, haa nde goriiko warti saare. 17Nden o yecci mo haala ka'a bana no o wi'no, o wi'i: “Maccuɗo Ibraniŋkeejo mo a waddani min, wari haa am haa o fijirammi. 18Nde mi wooki, mi ewni go, o acci ngapaleewol maako baŋnge am, o doggi yaasi.” 19Nde jaagorɗo nani ko debbo maako wi'i mo: “Bana nii maccuɗo ma waari bee am”. – Tikkere maako saati. 20O naŋngi Yusufu, o nastini mo nder fursina#39:20 Fursina malla yaŋgada. haa nokkuure nde ɓe maɓɓata haɓɓaaɓe laamiiɗo. Yusufu jooɗi ton#KN 7:9..
Yusufu nder fursina
21Ammaa Jawmiraawo ɗon wondi bee Yusufu, o waŋginani mo mbooɗeeŋga maako, heɓni mo'ere haa mawɗo fursina#Jab 106:46; Esi 7:28; 9:9; Ast 2:9,17. . 22O halfini haɓɓaaɓe nder suudu fuu haa juŋngo Yusufu. Kuugal kuuweteeŋgal ton fuu, kaŋko ardani ɗum. 23Mawɗo fursina hakkilanaay koo ɗume ko woni haa juŋngo Yusufu, ngam Jawmiraawo ɗon wondi bee maako. Ko o waɗi fuu, Jawmiraawo humtani mo ɗum.
Currently Selected:
Laataanooji 39: FBDC
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
Laataanooji 39
39
Yusufu e debbo Potifar
1Ɓe njahri Yusufu haa Misra. Potifar Misraajo, saraakiijo Firawna, mawɗo doogari'en, soodi mo haa juuɗe filooɓe ɓe asŋgol Isma'iilu yahruɓe mo ton#Laat 37:36.. 2Jawmiraawo wondi bee Yusufu, hokki ɗum saa'a nder kuuɗe mum fuu. O jooɗi nder saare Potifar jawmiiko Misraajo#TT 2:7; KN 7:9.. 3Jawmiiko yi'i Jawmiraawo ɗon wondi bee maako, Jawmiraawo hokki mo saa'a nder kuuɗe maako fuu. 4O seyori mo, o hoosi mo ngam huuwango mo. O halfini mo ardaaŋgal saare e mardi maako fuu. 5Diga o halfini Yusufu saare e mardi maako, Jawmiraawo barkiɗini ko o mari fuu, waato ko woni nder saare e ko woni nder gese ngam daliila Yusufu. 6Potifar halfini Yusufu ko o mari fuu. O suklanaay koo ɗume, sonaa nyaamdu ndu o nyaamata.
Yusufu o booɗɗo, o ŋarniiɗo. 7Nyalɗe seɗɗa ɓaawoɗon, debbo jawmiiko fuɗɗi laarugo mo bee suuno. O wi'i mo: “Waaldu bee am!” 8O sali, o wi'i debbo jawmiiko: “Ndaa, jawmam suklantaa koo ɗume nder saare mum. O halfini yam mardi maako fuu. 9Walaa ɓurduɗo yam maŋngu nder saare nde'e. O haɗaay yam koo ɗume, sonaa an, ngam a debbo maako. Noy mi waɗata halleende mawnde nde'e, mi waɗa hakke heedi Allah?” 10Nyalaade fuu debbo oo tokki wolwango Yusufu, ngam o waala kommbi maako, haa o hawta bee maako. Ammaa o sali waaldugo bee maako.
11Nyanndere woɗnde Yusufu nasti saare haa huuwa kuugal mum. Huuwooɓe nder saare ngalaa ton. 12Debbo go naŋngi mo ngapaleewol, wi'i mo: “Waaldu bee am!” Yusufu acci ngapaleewol mum haa juŋngo maako, doggi, wurti yaasi. 13Nde debbo yi'i Yusufu accidi mo bee ngapaleewol mum, doggi yaasi, 14o ewni huuwooɓe nder saare maako, o wi'i ɓe: “Ndaare! O waddani en Ibraniŋkeejo ngam fijira en. O wari haa am haa o waalda bee am. Ammaa mi wooki bee semmbe. 15Nde o nani mi wooki, o acci ngapaleewol maako baŋnge am, o doggi, o wurti yaasi.” 16O jo'ini ngapaleewol Yusufu kommbi maako, haa nde goriiko warti saare. 17Nden o yecci mo haala ka'a bana no o wi'no, o wi'i: “Maccuɗo Ibraniŋkeejo mo a waddani min, wari haa am haa o fijirammi. 18Nde mi wooki, mi ewni go, o acci ngapaleewol maako baŋnge am, o doggi yaasi.” 19Nde jaagorɗo nani ko debbo maako wi'i mo: “Bana nii maccuɗo ma waari bee am”. – Tikkere maako saati. 20O naŋngi Yusufu, o nastini mo nder fursina#39:20 Fursina malla yaŋgada. haa nokkuure nde ɓe maɓɓata haɓɓaaɓe laamiiɗo. Yusufu jooɗi ton#KN 7:9..
Yusufu nder fursina
21Ammaa Jawmiraawo ɗon wondi bee Yusufu, o waŋginani mo mbooɗeeŋga maako, heɓni mo'ere haa mawɗo fursina#Jab 106:46; Esi 7:28; 9:9; Ast 2:9,17. . 22O halfini haɓɓaaɓe nder suudu fuu haa juŋngo Yusufu. Kuugal kuuweteeŋgal ton fuu, kaŋko ardani ɗum. 23Mawɗo fursina hakkilanaay koo ɗume ko woni haa juŋngo Yusufu, ngam Jawmiraawo ɗon wondi bee maako. Ko o waɗi fuu, Jawmiraawo humtani mo ɗum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.