Luka 15
15
Balndol dow mbaalu majjuŋgu
(Matta 18:12-14)
1Jomnooɓe e hakke'en ɗuuɗɓe ɓaditi Yeesu ngam nanugo mo. 2Farisa'en e moodiɓɓe tawreeta ngurŋgurti, mbi'i: “Goɗɗo oo ɗon jaɓɓo hakke'en, ɗon nyaamda bee maɓɓe boo#Lk 5:29-30..” 3Nden o wolwani ɓe balndol ngo'ol: 4“To goɗɗo haa mooɗon woodi baali teemerre, nden ngootu eeri, o accataa cappanɗe joweenayi e joweenayi goɗɗi nder ladde ngam o ɗaɓɓitoya eerŋgu, haa to o heɓti ngu na? 5To o heɓti, o roondoto ngu dow balbe maako bee seyo, 6to o warti saare, o ewnoto soobiraaɓe maako e heeddiɗɗiraaɓe maako, o wi'a ɓe: Ceyode bee am, ngam mi heɓti mbaalu am eernooŋgu go! 7Mi ɗon wi'a on, bana non boo seyo laatorto haa asama to hakkeejo gooto tuubi, ɓuran cappanɗe njoweenayo e njoweenayo adili'en ɓe maraay haaje tuubugo.”
Suleyje cardi majjuɗe
8“Malla debbo moy, to woodi suleyje cardi sappo, woore majji, o jamnataa pittirla, o wuuwa suudu, o ɗaɓɓita bee tiɗɗinaare haa to o heɓti nde na? 9To o heɓti nde, o ewnoto soobiraaɓe maako e heeddiɗɗiraaɓe maako, o wi'a ɓe: Ceyode bee am, ngam mi heɓti suleyre am majjunoonde go. 10Mi ɗon wi'a on, bana non boo malaa'ika'en Allah ceyorto ngam hakkeejo gooto mo tuubi.”
Balndol dow ɓiɗɗo majjuɗo
11Yeesu wi'i fahin: “Gorko feere woodino ɓiɓɓe ɗiɗo. 12Minyiraawo wi'i baaba mum: Baaba, hokkam geɗal jawdi ngal mi tammi ronugo. Baaba go senndani ɓe jawdi mum. 13Ɓaawo balɗe seɗɗa, ɓiɗɗo go sorri jawdi mum fuu, dilli lesdi ndaayiindi. O majjini jawdi maako bee yeeɗugo nder daakaareeku#Mat 6:24.. 14Nde o timmini ɗum fuu, weelo saatuŋgo waɗi haa lesdi man, o fuɗɗi maatugo ɓillaare. 15O yehi, o huuwani gooto yimɓe nder lesdi man. Goɗɗo man neli mo nder gese durugo gaduuji. 16O yiɗi nyaamugo ko gaduuji nyaamata, ammaa walaa mo hokkata mo ɗum#Mat 11:12-13.. 17Nden o fuɗɗi numtugo joonde maako, o wi'i: Huuwanooɓe baaba am ngoodi nyaamdu ɗuuɗndu, nden nii mi ɗon maaya bee dolo haa ɗo#Mat 5:18.! 18Mi loroto haa baaba am, mi wi'an mo: Baaba, mi waɗi hakke heedi Allah e heedi maaɗa#Mat 5:32; 1 Kor 7:11., 19mi he'aay ewneego ɓiya fahin. Waɗam bana gooto caka huuwanooɓe ma. 20O lori haa baaba maako.
Nde o ɗon daayi tawon, baaba maako eewi mo, yurmini mo: O doggi, o harli mo, o hebbi mo. 21Ɓiɗɗo go wi'i mo: Baaba am, mi waɗi hakke heedi Allah e heedi maaɗa, mi he'aay ewneego ɓiya fahin. 22Ammaa baaba wi'i suka'en muuɗum: Njaawɗe ngadde ngapaleewol ɓurŋgol wooɗugo, ɓorne mo ngol, mbaɗane mo halagaare haa hoondu e paɗe boo haa kosɗe! 23Ngadde gaggel payŋgel, kirse, en nyaama, en ceya! 24Ngam ɓiɗɗo am oo, o maayno, ammaa o yeeɗiti, o majjuno, ammaa o heɓtaama! Ɓe puɗɗi seyaago.
25Wakkati man ɓiɗɗo afo ɗonno haa ngesa. Nde o ɗon warta, o ɓaditi saare go, o nani pijirle e gamarle. 26O ewni gooto suka'en, o ƴami mo ko waɗi. 27Suka man wi'i mo: Deerɗiraawo ma warti, baaba ma hirsi gaggel payŋgel, ngam o heɓti mo o jamo. 28Nden ɓiɗɗo afo go ɓerni, sali nastugo saare. Baaba wurti, tori mo o nasta. 29Ammaa o jaabi baaba maako: Ndaa duuɓi ɗuuɗɗi mi ɗon huuwane, mi meeɗaay salaago ɗowtanaago umrooje ma, ammaa a meeɗaay hokkugo yam koo jawgel be'el ngam haa mi seyodo bee soobiraaɓe am. 30Ammaa nde ɓiɗɗo ma oo warti, mo majjini jawdi ma bee daakaare'en, a hirsi gaggel payŋgel ngam maako! 31Baaba wi'i mo: Ɓiŋngel am, an a ɗon wondi bee am tum, ko marmi fuu an mari ɗum. 32Haani ngaɗen juulde, en ceyo, ngam deerɗiraawo ma oo, o maayno, o yeeɗiti, o majjuno, o heɓtaama!”
Currently Selected:
Luka 15: FBDC
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
Luka 15
15
Balndol dow mbaalu majjuŋgu
(Matta 18:12-14)
1Jomnooɓe e hakke'en ɗuuɗɓe ɓaditi Yeesu ngam nanugo mo. 2Farisa'en e moodiɓɓe tawreeta ngurŋgurti, mbi'i: “Goɗɗo oo ɗon jaɓɓo hakke'en, ɗon nyaamda bee maɓɓe boo#Lk 5:29-30..” 3Nden o wolwani ɓe balndol ngo'ol: 4“To goɗɗo haa mooɗon woodi baali teemerre, nden ngootu eeri, o accataa cappanɗe joweenayi e joweenayi goɗɗi nder ladde ngam o ɗaɓɓitoya eerŋgu, haa to o heɓti ngu na? 5To o heɓti, o roondoto ngu dow balbe maako bee seyo, 6to o warti saare, o ewnoto soobiraaɓe maako e heeddiɗɗiraaɓe maako, o wi'a ɓe: Ceyode bee am, ngam mi heɓti mbaalu am eernooŋgu go! 7Mi ɗon wi'a on, bana non boo seyo laatorto haa asama to hakkeejo gooto tuubi, ɓuran cappanɗe njoweenayo e njoweenayo adili'en ɓe maraay haaje tuubugo.”
Suleyje cardi majjuɗe
8“Malla debbo moy, to woodi suleyje cardi sappo, woore majji, o jamnataa pittirla, o wuuwa suudu, o ɗaɓɓita bee tiɗɗinaare haa to o heɓti nde na? 9To o heɓti nde, o ewnoto soobiraaɓe maako e heeddiɗɗiraaɓe maako, o wi'a ɓe: Ceyode bee am, ngam mi heɓti suleyre am majjunoonde go. 10Mi ɗon wi'a on, bana non boo malaa'ika'en Allah ceyorto ngam hakkeejo gooto mo tuubi.”
Balndol dow ɓiɗɗo majjuɗo
11Yeesu wi'i fahin: “Gorko feere woodino ɓiɓɓe ɗiɗo. 12Minyiraawo wi'i baaba mum: Baaba, hokkam geɗal jawdi ngal mi tammi ronugo. Baaba go senndani ɓe jawdi mum. 13Ɓaawo balɗe seɗɗa, ɓiɗɗo go sorri jawdi mum fuu, dilli lesdi ndaayiindi. O majjini jawdi maako bee yeeɗugo nder daakaareeku#Mat 6:24.. 14Nde o timmini ɗum fuu, weelo saatuŋgo waɗi haa lesdi man, o fuɗɗi maatugo ɓillaare. 15O yehi, o huuwani gooto yimɓe nder lesdi man. Goɗɗo man neli mo nder gese durugo gaduuji. 16O yiɗi nyaamugo ko gaduuji nyaamata, ammaa walaa mo hokkata mo ɗum#Mat 11:12-13.. 17Nden o fuɗɗi numtugo joonde maako, o wi'i: Huuwanooɓe baaba am ngoodi nyaamdu ɗuuɗndu, nden nii mi ɗon maaya bee dolo haa ɗo#Mat 5:18.! 18Mi loroto haa baaba am, mi wi'an mo: Baaba, mi waɗi hakke heedi Allah e heedi maaɗa#Mat 5:32; 1 Kor 7:11., 19mi he'aay ewneego ɓiya fahin. Waɗam bana gooto caka huuwanooɓe ma. 20O lori haa baaba maako.
Nde o ɗon daayi tawon, baaba maako eewi mo, yurmini mo: O doggi, o harli mo, o hebbi mo. 21Ɓiɗɗo go wi'i mo: Baaba am, mi waɗi hakke heedi Allah e heedi maaɗa, mi he'aay ewneego ɓiya fahin. 22Ammaa baaba wi'i suka'en muuɗum: Njaawɗe ngadde ngapaleewol ɓurŋgol wooɗugo, ɓorne mo ngol, mbaɗane mo halagaare haa hoondu e paɗe boo haa kosɗe! 23Ngadde gaggel payŋgel, kirse, en nyaama, en ceya! 24Ngam ɓiɗɗo am oo, o maayno, ammaa o yeeɗiti, o majjuno, ammaa o heɓtaama! Ɓe puɗɗi seyaago.
25Wakkati man ɓiɗɗo afo ɗonno haa ngesa. Nde o ɗon warta, o ɓaditi saare go, o nani pijirle e gamarle. 26O ewni gooto suka'en, o ƴami mo ko waɗi. 27Suka man wi'i mo: Deerɗiraawo ma warti, baaba ma hirsi gaggel payŋgel, ngam o heɓti mo o jamo. 28Nden ɓiɗɗo afo go ɓerni, sali nastugo saare. Baaba wurti, tori mo o nasta. 29Ammaa o jaabi baaba maako: Ndaa duuɓi ɗuuɗɗi mi ɗon huuwane, mi meeɗaay salaago ɗowtanaago umrooje ma, ammaa a meeɗaay hokkugo yam koo jawgel be'el ngam haa mi seyodo bee soobiraaɓe am. 30Ammaa nde ɓiɗɗo ma oo warti, mo majjini jawdi ma bee daakaare'en, a hirsi gaggel payŋgel ngam maako! 31Baaba wi'i mo: Ɓiŋngel am, an a ɗon wondi bee am tum, ko marmi fuu an mari ɗum. 32Haani ngaɗen juulde, en ceyo, ngam deerɗiraawo ma oo, o maayno, o yeeɗiti, o majjuno, o heɓtaama!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.