Luke 17
17
1A Yèsu a ngaƋa ta golahi nenga'a:
Skwi man a slafaƋama ta sak a ndohi a zhè genè! Aman woba a nenga'a, man a slafaƌama ta sak a ndohai! 2Dara ta mana na vova a da'ai, a ta kalda a drav iyam, a gèƌ man a slafaƌama na sak a kra nkèshè'a staƌ haha. Vagu maya a gèƋ va kinè. 3Aman kramam ngaya a gi malai, ngatsa na maya! Aman a hèr mali na, pra na malai. 4Aman a gi mali a sam ngaya, a gi tsaraƋ, pats staƋ, a m'menkaƋa deɓa sak tsaraƋ, a gaƋa: I hèr mali ga, sèi ka pra na mali nenga'a.
5A ndohi sak ta gaƋa na Bai:
Zledaha ncè-a-ndav nga!
6A Bai a ngaƋa:
Aman kin cè a ndav kèshkata, ara tser gevda, nkütèkütè'a, ar kin da gaƋa na wof kslor haha: Ca na va ngaya auda, a ka kala a woyam mbia'a, a nenga'a a fi gèƋ a ma kinè. 7Te ndev kinè wa, man ɓèl na a zhè, a pizhè, a wèr skwai, te deɓa'a man a shkè ngwai te gi dau, a ngaƋa na: Washkè a ka ndau skwi tsam tsam? Sèi a gaƋa na:
8Tila skwi n'ndi ga, mana maslaka ngaya a ka takahayè! Aman i nda skwi ma, i sa skwi ma, te deɓa'a ka ba ka ndi skwai, a ka si skwai. 9A shida na gèƋ a ɓèl Ƌè, aman a gi skwi ara man a gaƋa na? Arsa ka ɓai. 10Lèmèlèmè kinè, aman kin gu skwi tèlèba, man ta gaƋa kinè, sèi kin gaƋa: Nga ɓèlèlihi ambalai, nga ga skwi man ta gaƋa nga genè.
11Te deɓa'a, aman a ndo a kokwar Jérusalem, a mbeza a ndev kokwar Samarie a Galilée. 12Aman a mdo a kokwar ngiƋè staƋ, ta zlü gèƋ a ndohi hutsoƋ kula, man ta zlatsa dra. 13A ta hüno a ta boho a wuƋai, a ta gaƋa:
Yèsu, Bai, nga da se ka te va!
14Aman a rka ta, a ngaƋa ta:
Vodo, a kin ngra ta va kinè a ndohi mvi skwi a Zhiklè!
A tenga'a, man to do, ta suƋ ta. 15`StaƋ te va tenga'a, aman a rka'a, a nsuƋ na ma, a m'menkaƋa deɓa, a hèzlèwè a vata, a nslubordo Zhiklè. 16A nkalahi a deɓ sak Yèsu, a nshida na gèƋ. Nenga'a ndo Samarie. 17A Yèsu a m'mbeƋa na a ma:
Ta kula, man ta suƋ ta ka ɓi Ƌe? Tengahia cüƋ, ta tema? 18Ndohi ngiƋè ta shkè a deɓa aman ta slébèrƋè Zhiklè azɓi ƌè, sèi ndo man verzi na tsaƌ haha Ƌè?
19A nenga'a a ngaƋa na:
SlambaƋa, a ko do, ncè-a-ndav ngaya a m'mbel ka ma!
20Aman ndohi pharisie ta dzhoƋo:
Kokwar Bi Zhiklè a shkè a ngèmè?
Yèsu a m'mbeƋa ta a ma, a ngaƋa:
Kokwar Bi Zhiklè a shkè azɓai, aman ndohi ta slaha ta rka'a. 21A ta gèƋè azɓai: Na haha, na ahngata! Aman na haha, kokwar Bi Zhiklè a zhè te ndev kinè.
22A ngaƋa ta golahi nenga'a:
Aman a pats ngiƋè kin woy a kin rka pats Kra-ndo; aman kin da rka azɓai. 23A ta gaƋa kinè: Na ahngata, na haha! Kin do ɓai, kin dzodzor ma tenga'a ɓai! 24Lèmèlèmè ara ntsi iyam a hél sam tèlèba t'hwaƋ giƋfèk, lèmèlèmè Kra-ndo a da gi arsa a pats nenga'a.
25Aman sèi skwa a dza na a vata nshèlèkura'a dai, a ndohi a géƋ herkeda haha ta da kwola'a. 26Lèmèlèmè ara man ta gu a pats Noé, lèmèlèmè ta da gia a pats Kra-ndo. 27Ta ndau, ta sau, ta co ngwoz, to do ngwoz, ha pats man Noé a ndo a wurom, a iyam mbia'a a mshkè, a mbazl ta tèlèba.
28Lèmèlèmè a pats Lot: Ta ndau, ta sau, ta sum skwai, ta pro skwai, ta zlekau, ta rom gai, 29aman a pats man Lot a njèkeda SoƋome, vogwa a mshkèhai te zhiklè, a skwi nvècè vogwa, ara iyam, a mbazl ta tèlèba. 30Lèmèlèmè a da gia a pats nasa, aman Kra-ndo a gudko va a dai. 31A pats nasa ndo man a zhè a géƋ gai, a skwi nenga'a a zhè te gai, da shkèhi ɓai, aman a Ƌè hilè'a. A ndo man a zhè te gi dau, da mena a deɓa a ngwi ɓai. 32Vahur ma ngwoz Lot!
33Ndo man a woya a mbél nshèffè na a ri na, a da zede nshèffè na. Ndo man a da zede nshèffè na, a da ngècè a deɓa. 34I gaƋa kinè: cèw ta mana a sam staƌ, staƌ ta cè'a, ngiƌè ta jèkeda. 35Ngwozi cèw ta shiƋè, staƋ ta cè'a, ngiƋè ta jèkeda. 36Te va ndohi cèw te gi dau, staƋ ta cè'a, ngiƋè ta jèkeda.
37A ta gaƋa na:
Bai, tema?
A nenga'a a m'mbeƋa ta a ma:
A sam skwi m'metsa'a, mohoƋokihi ta haya a pa.
Currently Selected:
Luke 17: MAFNT
Highlight
Share
Copy
Want to have your highlights saved across all your devices? Sign up or sign in
Mofa New Testament © The Bible Society of Cameroun, 1989
