Luke 21

1A Yèsu a mpu dai, a nrka ta ndo hi mèshèlè, ta pi skwi man ta va na Zhiklè a koti sulai. 2A nrka ngwoz mazai ntawassa ngiƋè, a mpeda sissi cèw a pa. 3A Yèsu a ngaƋa:

A vava, i gaƋa kinè, ngwoz mazi ntawassa'a haha a mpau, a fena ndohi ngiƋè tèlèba. 4Aman ndohi ngiƋè tèlèba ta va na Zhiklè njèkèƋia'a te skwi man a ngeza ta ma; aman nenga'a a mpau skwi tèlèba man a ngotso a gèƌ skwi n'ndai.

5Aman ndohi ngiƋè te gi Zhiklè ta gaƋa:

Gi Zhiklè ndertsatsa amba, ntila a kwa mbela'a.

A Yèsu a ngaƋa:

6Skwi man kin rka haha pats a di a shkè, aman ko kwa staƋ a nzi a géƋ ngiƋè azɓai, a da mbeƋ na tèlèba.

7A ta dzhoƋo;

Ndo njèngè ma, skwi haha a da gi a ngèmè? GaƋa nga, nga da shinè íe mè, amari a da gi ar haha?

8A nenga'a a ngaƋa:

Vagu maya, ndo da pèkètèd kinè ɓai! Aman ta kumba ta da shkè a nzlembaƋ ga, a ta gaƋa: I nenga'a, a patsa a zhè ndul ndul. Kin dzodzor ma tenga'a ɓai! 9Aman kin tsena ma var, a nrubi var, kin gu zlau ɓai! Skwi ar haha sèi a gi nshèlèkura'a dai. Aman n'ndikèma skwi a shkè tsam tsam di azɓai.

10Te deɓa'a a ngaƋa ta:

Ndohi herkeda ngiƋè ta da slèmbèƋè a ta gi var a ndohi herkeda ngiƋè; kokwar-Bi ngiƋè a da síambaƋa na va a kokwar-Bi ngiƋè; 11herkeda a da gudzi a sam tsaƋ tsaƋ, a mi a gi a herkeda, a matakwan ambaɓia'a tsaƋ tsaƋ. Zlau mbia'a, a skwihi n'ngreda skwi mbia'a ta shkè te zhiklè. 12Aman nshèlèkura'a ta da fi ri a kinè. Ta da paraha kinè, ta de kinè a gi njèngè ma Zhiklè, a gi dangai, ta de kinè a sam bihai, a sam ngomna, a géƌ nzlembaƌ ga. 13A skwi haha a gi a skwi malwuƌi kinè.

14Kin hur ɓai, ara man kin woy a kin tsoko gèƌ kinè auda. 15Aman i da va kinè ma a maya, aman ndohi mayamhi kinè ta slaha ta mbeƌa kinè a ma ɓai, a ta shèl va a sam kinè azɓai. 16Aman ko bab a mam kinè, a kramamhi kinè, a gwoli kinè, a mandalahi kinè, ta da gs kinè, a matrhia'a te ndev kinè ta da bazl ta. 17Tèlèba ta da gi shèwa a kinè, a géƋ nzlembaƋ ga. 18Aman ko gwots gèƋ kinè staƋ a zi azɓai. 19Aman kin manandav kinè a kin Ƌè a ma ma, kin da mbél nshèffè kinè.

20Aman kin rka Jérusalem, man ndohi var ta tèuda a pa, vahuro, skwi ngedassa'a a zhè ndul ndul. 21Te deɓa'a ndohi man ta zhè te Judée, da hu a za, a ndohi te ndev kokwar Jérusalem, da wuc ta, a ndohi te dak do do a kokwar ɓai. 22Aman nasa pats ndzoan Zhiklè, skwi tèlèba a di a gia'a, ara man ta wjndo te Ƌèlèwèr Zhiklè.

23A pats nasa woba ngwozi man ta a hwaƋ, a ngwozi man a wuda a rai. Matakwan mbia'a a da zhè te kokwar, a ndzoan Zhiklè mbia'a a géƋ ndohai. 24A ta bazl ta a tsakwal, a ta hel ta, ndzawa'a, a ndev ndohi herkeda tèlèba, a ndohi nte deɓa ta da gatseda Jérusalem a pa a sak, ha n'ndikèma wuƌi ndohi nte deɓa.

25Te va pats, a kia, a bantihai, skwi ngiƋè a rkè, a ndohi a géƋ herkeda ta da gi zlau, a ta sun man ta gia ɓai. Woyam mbia'a a da hubètè, a gi tskuƋuftskuƋufa'a, 26a ndohi ta gi sawa'a a zlau, a ta zhèr skwi man a di a shkè a géƋ herkeda; a wuƌihi nte zhiklè te gèƌé'a ta wurƌko va. 27Te deɓa'a ta rka Kra-ndo man a shkè te va vanai, a wuƌai a n'njèlè mbia'a. 28Aman skwihi haha ta hinè a ta gia'a, vazlatseda va, vaceda gèƌ a zhiklè, aman skwi m'mbel kinè a herdeka kinè va.

29A ngaäa ta a ngèlègèƋma:

Varka wof tèngètè, a wofhi tèlèba. 30Man kin rka vah tenga'a ta Ƌai, vi ndul ndul ma. 31Lèmèlèmè kinè ba, aman kin rka skwi haha a shkè, vasuna, kokwar Bi Zhiklè a zhè ndul ndul. 32I gaƋa kinè a vava, ndohi man a géƋ herkeda antanta, ta da metsi azɓai, sèi skwi haha a gi dai. 33GiƋfèk a herkeda ta ndiv ta. Aman ma ga a ndivè azɓai.

34Aman kinè, vagu maya a géƌ va kinè, ndav kinè da ndha ɓai a ntétékè skwi n'ndai, a zom, a zlau a géƋ nshèffè kinè t'herkeda, a pats nasa a shkè a géƋ kinè tsam tsam, 35n'nga'a a sam ndohi herkeda tèlèba ara ɓalai. 36Anai vanza a dai, vatsu ri pèc pècèk, aman kin zli va kinè auda a sam skwi haha tèlèba man a di a shkè, a kin slaha a kin zlècè a sam Kra-ndo.

37A pats, Yèsu a nsenda ta te gi Zhiklè. A vaƋ a mdo auda, a m'mana a géƌ za oliviers. 38A prèk, ndohi tèlèba ta shkè a gi Zhiklè, aman ta tsena ma nenga'a.

Currently Selected:

Luke 21: MAFNT

Highlight

Copy