LUUKA 3
3
Gwo jin C̱in ma Yohaan jin Ta’da Manmiiya Mii ki Yi’de/ mo
1Dhali ki yil ta’da ḵarpa’c mo tani jin takin ma Thibariyuus Kaysar amaliḵ mo tani Punthi Bilaaṯus ta’da mudhiir gi Pa Yahuudiyya mo dhala Hirodus ta’da ra/iis rub gi Pany Jaliil mo dhala akam piti ka P̱ilibbus jin ta’da ra/iis rub gi Pa Ithuriyya mo dhala aTaraḵuniiṯis mo dhali Lisaniyuus ta’da ra/iis rub gi Pa Abiliyya mo be. 2Dhali ki mo jin tan ma Hannaan dhala Kayaap̱a igasiis kun can mo tani Gwo ma Arumgimis p̱u’dki’d mo eya Yohaan mo a’di jin ta ya/ ma Sakariyya em bwaasho mo be. 3Dhali a’di ya’d mo e mo ’baar mo ka kukul is mo e Pa Uurdun mo mmoc̱i gwo gom mo jin minu miiya mii ki yi’de/ mo dhali mmorica du is mo gom gwo gi miinthus jin minu gwam ’kwani mo. 4Me’d gwo jin ’kwarkunu mo e bwaŋ gwo ma Ishaya jin ta’da manc̱i gwo ma Arumgimis kadhamo/ mo ki:
’Twa/ gi jan ṯal ’de/ mmocuu gwo em bwaasho ki:
Thosoni bway gi Tap̱a mo ma,
kari bway piti ka ḵar/e mo.
5Aris embul wosh mo ka ’deṯe/ ’deṯe/ mo tani minu ’tu’d mo
dhali aris wosha turga/ ka ’deṯe/ ’deṯe/ mo dhali aris wosh minu dhu ki gwa’di ’baar mo,
dhali bwaya kolga/ minu dhu ka ḵar/e mo,
dhali bway kun ḵoḵoraḵoḵor mo tani mini ’tic̱ila/ ’tic̱il mo be,
6dhali aris buŋgwar isi ’baar mo mini p̱ar bway mowoṯẖ ma Arumgimis e mo be.
7Dhali a’di o gwo wakan si’da/ eya waambuhany ’kwani mo kun p̱u’dkin mo e mo jin minu miiya mii ki yi’de/ ki a’di mo ki: Um uc̱in tasha/ mo. Kaja rum um ki gwo mo mmoso mo ’pena nyor jin midi p̱u’du/ mo? 8Dhodhi maman gana/ mo ma, kun mini ha me’d ki mo jin rijuwa du is mo dhali dhalku/ ki ṯel gwo ’pen mo mmo/o e is bum ki: Aman tana ga Ibrahiim jin ta’da babam bam mo, haali/ aha/ ṯora um gwo mo ka: Arumgimis mishi wosh gwansan war mo ki uc̱i goma Ibrahiim mo. 9Me’d gi shwane/ athurmany a’di ’thikunu mo hila/ eya birman cwa mo, ka ris cwa ’baar mo ka ’deṯe/ ’deṯe/ wakan kun ’koki dho’th mamana ’borga/ mo tani minu jep̱ ka ’cesh mo dhali minu ṯa’k mo e o’d mo be.
10Dhala waambuhany ’kwani doṯki a’di gwo mo ki: Haali/ a’di wakan mo tani aman mina miiya tinta mo? 11Dhali a’di thoḵki uni gwo mo ki: A’di jin ta gi burrinyen ’thami su/ mo tani dhalki a’di ḵwa/ a’di bwa mo ki a’di jin dara’d mo. Dhali a’di jin ta’d gi tonṯe/ mo tani dhalki a’di mii’d wakan si’da/ mo ma. 12Dhali imantera thulp̱a/ si’da/ p̱u’dkin mo e mo jin miinuwa mii ki yi’de/ mo ki uni minu mii mo be dhali uni o a’di gwo mo ki: Manṯor gwo, aman mina miiya tinta mo? 13Dhali a’di ki thoḵ uni gwo mo ki: Dhalku/ to ki ter mmo’ce’da p̱o/ mo doḵ/e, jasi a’di jin ṯorkunu um mo. 14Dhali i/askar si’da/ doṯki a’di gwo mo si’da/ ki: Aman mina miiya tinta mo? Dhali a’di ki thoḵ uni gwo mo ki: Dhalku/ to ki dil ’peni jaŋ kamun ’de/ ki mombujur mo walla ki gwonthus jin ’ce’du ’te/ ap̱o/ mo dhali kap̱i mo ma ki to kun gama um ki ji miina um to mo.
15Me’d jin ’kokina ’kwani mo mmoc̱ora c̱or mo dhali aris ’kwani doṯki gwo mo eya dum buni mo isi gwo goma Yohaan mo waḵki/ a’di wari ita’da Ḵrisṯẖos mo. 16Yohaan thoḵki uni ’baar mo gwo mo ki: Aha/ miikina um ki yi’de/ mo tani hili a’di jin ca’d ki aha/ ki caŋ gana/ mo midi yayu/ mo be. Dhali wac̱kana p̱p̱am piti mo tani aha/ dinaki ha me’d mo mmo’cuḵ uni mo. A’di midi mii um ki Shi/in Dheleladhelel mo dhali ki o’d mo be. 17Dhali ton ’dash toŋ ḵar shem piti di’d mme’d mo mmodhelel ja’dam piti mo dhali mmotul emen is mo e themes piti mo hila ’pi’b mina a’di c̱i’th ki o’d jin moli us mo be.
18Wakan a’di malaski’da malas ka ris mo mmoc̱i gwom ’boro’d ki ’kwani mo be. 19Hila Hirodus jin ta’da ra/iis rub mo tani a’di jin nyo/kina a’di ki gwo mo goma Hirodiyya, ash ma kam piti mo, dhali goma ris tonthus kun miikin ma Hirodus mo si’da/, 20mmomarkina a’di uni isi ’baar mo tani a’di ki kara Yohaana sijin mo be.
Mo jin Miinuwa Yesus ki Yi’de/ mo
21Dhali ka ris ’kwani ’baar mo ’kokin mo mmomii ki yi’de/ mo tani dhala Yesus si’da/ ki a’di miikunu ki yi’de/ mo tani dhali di’d mmo’tho mo tani momis ḵa’dki’d mo be 22dhali Shi/in Dheleladhelel thulki’di a’di mo mmobu’th jamas gi buŋgwar mo mmowa e ki gurko/ mo, dhali ’twa/ yayi’d ’peni momis mo mmo/o gwo mo ki: /e ta Ya/m pem jin enka/ mo. Ki /e mo tani aha/ ’bora bwa mo be.
Mo jin Beledhu Gwo mo goma Yesus mo be
23Dhala Yesus ki a’di ṯelki mii ma ṯu’c piti ’pen mo tani a’di ’kona yili iss ’de/ i’ce’dka ’kume’d mo. Mmotana a’di ya/ ma Yuusup̱ mo (me’d jin ṯoshu kan mo) jin ta ya/ ma Hali mo 24dhali jin ta ya/ ma Matṯẖaat mo dhali jin ta ya/ ma Lawi mo dhali jin ta ya/ ma Melki mo dhali jin ta ya/ ma Yanna mo dhali jin ta ya/ ma Yuusup̱ mo, 25dhali jin ta ya/ ma Mattaaṯẖiya mo dhali jin ta ya/ ma Aamuus mo dhali jin ta ya/ ma Nahuum mo dhali jin ta ya/ ma Hasli mo dhali jin ta ya/ ma Najjaay mo, 26dhali jin ta ya/ ma Ma/aaṯẖ mo dhali jin ta ya/ ma Mattaaṯẖiya mo dhali jin ta ya/ ma Shim/i mo dhali jin ta ya/ ma Yuusup̱ mo dhali jin ta ya/ ma Yahuusa mo, 27dhali jin ta ya/ ma Yuhanna mo dhali jin ta ya/ ma Risa mo, dhali jin ta ya/ ma Sarubbaabil mo dhali jin ta ya/ ma Sha/alṯi/iil mo dhali jin ta ya/ ma Niri mo, 28dhali jin ta ya/ ma Melki mo dhali jin ta ya/ ma Addi mo dhali jin ta ya/ ma Gusam mo dhali jin ta ya/ ma Elmudaam mo dhali jin ta ya/ ma Iir mo, 29dhali jin ta ya/ ma Yuusi mo dhali jin ta ya/ ma Eli/aasar mo dhali jin ta ya/ ma Yuriim mo dhali jin ta ya/ ma Matṯẖaat mo dhali jin ta ya/ ma Lawi mo, 30dhali jin ta ya/ ma Shim/uun mo dhali jin ta ya/ ma Yahuusa mo dhali jin ta ya/ ma Yuusup̱ mo dhali jin ta ya/ ma Yunaan mo dhali jin ta ya/ ma Eliyagiim mo, 31dhali jin ta ya/ ma Malaya mo dhali jin ta ya/ ma Menaan mo dhali jin ta ya/ ma Mattaṯẖa mo dhali jin ta ya/ ma Naṯẖaan mo dhali jin ta ya/ ma Dawuu’d mo, 32dhali jin ta ya/ ma Yassa mo dhali jin ta ya/ ma Ubiid mo dhali jin ta ya/ ma Bu/as mo dhali jin ta ya/ ma Salmuun mo dhali jin ta ya/ ma Nahshuun mo, 33dhali jin ta ya/ ma Aminadaab mo dhali jin ta ya/ ma Araam mo dhali jin ta ya/ ma Hasruun mo dhali jin ta ya/ ma P̱aaris mo dhali jin ta ya/ ma Yahuusa mo, 34dhali jin ta ya/ ma Yakuub mo dhali jin ta ya/ ma Is/hak mo dhali jin ta ya/ ma Ibrahiim mo dhali jin ta ya/ ma Taarah mo dhali jin ta ya/ ma Nahur mo, 35dhali jin ta ya/ ma Saruuj mo dhali jin ta ya/ ma Ra/u mo dhali jin ta ya/ ma P̱aalaj mo dhali jin ta ya/ ma Aabir mo dhali jin ta ya/ ma Shaalah mo, 36dhali jin ta ya/ ma Giinaan mo dhali jin ta ya/ ma Arp̱akshaad mo dhali jin ta ya/ ma Saam mo dhali jin ta ya/ ma Nuuh mo dhali jin ta ya/ ma Laamak mo, 37dhali jin ta ya/ ma Maṯushaalah mo dhali jin ta ya/ ma Aḵnuuḵ mo dhali jin ta ya/ ma Yaarid mo dhali jin ta ya/ ma Mahlal/iil mo dhali jin ta ya/ ma Giinaan mo, 38dhali jin ta ya/ ma Anuush mo dhali jin ta ya/ ma Shiṯ mo dhali jin ta ya/ ma Aadam mo dhali jin ta ya/ ma Arumgimis mo be.
Currently Selected:
LUUKA 3: Udk
Highlight
Share
Copy
Want to have your highlights saved across all your devices? Sign up or sign in
©Society for International Ministries, 2013
LUUKA 3
3
Gwo jin C̱in ma Yohaan jin Ta’da Manmiiya Mii ki Yi’de/ mo
1Dhali ki yil ta’da ḵarpa’c mo tani jin takin ma Thibariyuus Kaysar amaliḵ mo tani Punthi Bilaaṯus ta’da mudhiir gi Pa Yahuudiyya mo dhala Hirodus ta’da ra/iis rub gi Pany Jaliil mo dhala akam piti ka P̱ilibbus jin ta’da ra/iis rub gi Pa Ithuriyya mo dhala aTaraḵuniiṯis mo dhali Lisaniyuus ta’da ra/iis rub gi Pa Abiliyya mo be. 2Dhali ki mo jin tan ma Hannaan dhala Kayaap̱a igasiis kun can mo tani Gwo ma Arumgimis p̱u’dki’d mo eya Yohaan mo a’di jin ta ya/ ma Sakariyya em bwaasho mo be. 3Dhali a’di ya’d mo e mo ’baar mo ka kukul is mo e Pa Uurdun mo mmoc̱i gwo gom mo jin minu miiya mii ki yi’de/ mo dhali mmorica du is mo gom gwo gi miinthus jin minu gwam ’kwani mo. 4Me’d gwo jin ’kwarkunu mo e bwaŋ gwo ma Ishaya jin ta’da manc̱i gwo ma Arumgimis kadhamo/ mo ki:
’Twa/ gi jan ṯal ’de/ mmocuu gwo em bwaasho ki:
Thosoni bway gi Tap̱a mo ma,
kari bway piti ka ḵar/e mo.
5Aris embul wosh mo ka ’deṯe/ ’deṯe/ mo tani minu ’tu’d mo
dhali aris wosha turga/ ka ’deṯe/ ’deṯe/ mo dhali aris wosh minu dhu ki gwa’di ’baar mo,
dhali bwaya kolga/ minu dhu ka ḵar/e mo,
dhali bway kun ḵoḵoraḵoḵor mo tani mini ’tic̱ila/ ’tic̱il mo be,
6dhali aris buŋgwar isi ’baar mo mini p̱ar bway mowoṯẖ ma Arumgimis e mo be.
7Dhali a’di o gwo wakan si’da/ eya waambuhany ’kwani mo kun p̱u’dkin mo e mo jin minu miiya mii ki yi’de/ ki a’di mo ki: Um uc̱in tasha/ mo. Kaja rum um ki gwo mo mmoso mo ’pena nyor jin midi p̱u’du/ mo? 8Dhodhi maman gana/ mo ma, kun mini ha me’d ki mo jin rijuwa du is mo dhali dhalku/ ki ṯel gwo ’pen mo mmo/o e is bum ki: Aman tana ga Ibrahiim jin ta’da babam bam mo, haali/ aha/ ṯora um gwo mo ka: Arumgimis mishi wosh gwansan war mo ki uc̱i goma Ibrahiim mo. 9Me’d gi shwane/ athurmany a’di ’thikunu mo hila/ eya birman cwa mo, ka ris cwa ’baar mo ka ’deṯe/ ’deṯe/ wakan kun ’koki dho’th mamana ’borga/ mo tani minu jep̱ ka ’cesh mo dhali minu ṯa’k mo e o’d mo be.
10Dhala waambuhany ’kwani doṯki a’di gwo mo ki: Haali/ a’di wakan mo tani aman mina miiya tinta mo? 11Dhali a’di thoḵki uni gwo mo ki: A’di jin ta gi burrinyen ’thami su/ mo tani dhalki a’di ḵwa/ a’di bwa mo ki a’di jin dara’d mo. Dhali a’di jin ta’d gi tonṯe/ mo tani dhalki a’di mii’d wakan si’da/ mo ma. 12Dhali imantera thulp̱a/ si’da/ p̱u’dkin mo e mo jin miinuwa mii ki yi’de/ mo ki uni minu mii mo be dhali uni o a’di gwo mo ki: Manṯor gwo, aman mina miiya tinta mo? 13Dhali a’di ki thoḵ uni gwo mo ki: Dhalku/ to ki ter mmo’ce’da p̱o/ mo doḵ/e, jasi a’di jin ṯorkunu um mo. 14Dhali i/askar si’da/ doṯki a’di gwo mo si’da/ ki: Aman mina miiya tinta mo? Dhali a’di ki thoḵ uni gwo mo ki: Dhalku/ to ki dil ’peni jaŋ kamun ’de/ ki mombujur mo walla ki gwonthus jin ’ce’du ’te/ ap̱o/ mo dhali kap̱i mo ma ki to kun gama um ki ji miina um to mo.
15Me’d jin ’kokina ’kwani mo mmoc̱ora c̱or mo dhali aris ’kwani doṯki gwo mo eya dum buni mo isi gwo goma Yohaan mo waḵki/ a’di wari ita’da Ḵrisṯẖos mo. 16Yohaan thoḵki uni ’baar mo gwo mo ki: Aha/ miikina um ki yi’de/ mo tani hili a’di jin ca’d ki aha/ ki caŋ gana/ mo midi yayu/ mo be. Dhali wac̱kana p̱p̱am piti mo tani aha/ dinaki ha me’d mo mmo’cuḵ uni mo. A’di midi mii um ki Shi/in Dheleladhelel mo dhali ki o’d mo be. 17Dhali ton ’dash toŋ ḵar shem piti di’d mme’d mo mmodhelel ja’dam piti mo dhali mmotul emen is mo e themes piti mo hila ’pi’b mina a’di c̱i’th ki o’d jin moli us mo be.
18Wakan a’di malaski’da malas ka ris mo mmoc̱i gwom ’boro’d ki ’kwani mo be. 19Hila Hirodus jin ta’da ra/iis rub mo tani a’di jin nyo/kina a’di ki gwo mo goma Hirodiyya, ash ma kam piti mo, dhali goma ris tonthus kun miikin ma Hirodus mo si’da/, 20mmomarkina a’di uni isi ’baar mo tani a’di ki kara Yohaana sijin mo be.
Mo jin Miinuwa Yesus ki Yi’de/ mo
21Dhali ka ris ’kwani ’baar mo ’kokin mo mmomii ki yi’de/ mo tani dhala Yesus si’da/ ki a’di miikunu ki yi’de/ mo tani dhali di’d mmo’tho mo tani momis ḵa’dki’d mo be 22dhali Shi/in Dheleladhelel thulki’di a’di mo mmobu’th jamas gi buŋgwar mo mmowa e ki gurko/ mo, dhali ’twa/ yayi’d ’peni momis mo mmo/o gwo mo ki: /e ta Ya/m pem jin enka/ mo. Ki /e mo tani aha/ ’bora bwa mo be.
Mo jin Beledhu Gwo mo goma Yesus mo be
23Dhala Yesus ki a’di ṯelki mii ma ṯu’c piti ’pen mo tani a’di ’kona yili iss ’de/ i’ce’dka ’kume’d mo. Mmotana a’di ya/ ma Yuusup̱ mo (me’d jin ṯoshu kan mo) jin ta ya/ ma Hali mo 24dhali jin ta ya/ ma Matṯẖaat mo dhali jin ta ya/ ma Lawi mo dhali jin ta ya/ ma Melki mo dhali jin ta ya/ ma Yanna mo dhali jin ta ya/ ma Yuusup̱ mo, 25dhali jin ta ya/ ma Mattaaṯẖiya mo dhali jin ta ya/ ma Aamuus mo dhali jin ta ya/ ma Nahuum mo dhali jin ta ya/ ma Hasli mo dhali jin ta ya/ ma Najjaay mo, 26dhali jin ta ya/ ma Ma/aaṯẖ mo dhali jin ta ya/ ma Mattaaṯẖiya mo dhali jin ta ya/ ma Shim/i mo dhali jin ta ya/ ma Yuusup̱ mo dhali jin ta ya/ ma Yahuusa mo, 27dhali jin ta ya/ ma Yuhanna mo dhali jin ta ya/ ma Risa mo, dhali jin ta ya/ ma Sarubbaabil mo dhali jin ta ya/ ma Sha/alṯi/iil mo dhali jin ta ya/ ma Niri mo, 28dhali jin ta ya/ ma Melki mo dhali jin ta ya/ ma Addi mo dhali jin ta ya/ ma Gusam mo dhali jin ta ya/ ma Elmudaam mo dhali jin ta ya/ ma Iir mo, 29dhali jin ta ya/ ma Yuusi mo dhali jin ta ya/ ma Eli/aasar mo dhali jin ta ya/ ma Yuriim mo dhali jin ta ya/ ma Matṯẖaat mo dhali jin ta ya/ ma Lawi mo, 30dhali jin ta ya/ ma Shim/uun mo dhali jin ta ya/ ma Yahuusa mo dhali jin ta ya/ ma Yuusup̱ mo dhali jin ta ya/ ma Yunaan mo dhali jin ta ya/ ma Eliyagiim mo, 31dhali jin ta ya/ ma Malaya mo dhali jin ta ya/ ma Menaan mo dhali jin ta ya/ ma Mattaṯẖa mo dhali jin ta ya/ ma Naṯẖaan mo dhali jin ta ya/ ma Dawuu’d mo, 32dhali jin ta ya/ ma Yassa mo dhali jin ta ya/ ma Ubiid mo dhali jin ta ya/ ma Bu/as mo dhali jin ta ya/ ma Salmuun mo dhali jin ta ya/ ma Nahshuun mo, 33dhali jin ta ya/ ma Aminadaab mo dhali jin ta ya/ ma Araam mo dhali jin ta ya/ ma Hasruun mo dhali jin ta ya/ ma P̱aaris mo dhali jin ta ya/ ma Yahuusa mo, 34dhali jin ta ya/ ma Yakuub mo dhali jin ta ya/ ma Is/hak mo dhali jin ta ya/ ma Ibrahiim mo dhali jin ta ya/ ma Taarah mo dhali jin ta ya/ ma Nahur mo, 35dhali jin ta ya/ ma Saruuj mo dhali jin ta ya/ ma Ra/u mo dhali jin ta ya/ ma P̱aalaj mo dhali jin ta ya/ ma Aabir mo dhali jin ta ya/ ma Shaalah mo, 36dhali jin ta ya/ ma Giinaan mo dhali jin ta ya/ ma Arp̱akshaad mo dhali jin ta ya/ ma Saam mo dhali jin ta ya/ ma Nuuh mo dhali jin ta ya/ ma Laamak mo, 37dhali jin ta ya/ ma Maṯushaalah mo dhali jin ta ya/ ma Aḵnuuḵ mo dhali jin ta ya/ ma Yaarid mo dhali jin ta ya/ ma Mahlal/iil mo dhali jin ta ya/ ma Giinaan mo, 38dhali jin ta ya/ ma Anuush mo dhali jin ta ya/ ma Shiṯ mo dhali jin ta ya/ ma Aadam mo dhali jin ta ya/ ma Arumgimis mo be.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Society for International Ministries, 2013