PEMUYAN 11
11
Tiraʹ Peterus me Mpun diaʹ ngelan Tuhan kaʹ Yerusalim
1Kun diaʹ lawa Injil ngan mung cenganak dalem Tuhan diaʹ tipo tanaʹ Yudia kenahan dau denga lepoʹ tahaʹ awang Yahudi ban nai ngelan tiraʹ Allah. 2Dalau Peterus abeʹ kaʹ lepoʹ Yerusalim, un palai lepoʹ Yahudi diaʹ ubaʹ mung dulu bayaʹ adet sunat, ngenca ia. 3Kun dau re: “Adeʹ koʹ tai nyakai amin dulu diaʹ abeʹ un ngkang adet sunat, ngan pemung uman ngan nte tupe?” 4Ina ukoʹ Peterus nading badaʹ puyan ina palaʹ ida, petuk cen puʹun ne. Un dau ue:
5“Dalau heʹ kelemameʹ kaʹ lepoʹ Yupe, tai pekaliu taʹat ceʹ. Penco heʹ taʹan ca inu dalem penaʹat ceʹ, iaʹ koʹ baʹan kelihuk keluma iaʹ bioʹ are, nai muno cen langit kata akeʹ, pat de tikung kukoʹ telu ue. 6Dalau heʹ nugen naʹat te ngan pekimet te, akeʹ taʹan palai pun, un pe diaʹ lajam, ngan un pe diaʹ nganap, ngan un pe sui (diaʹ ilu lemalan uman). 7Sulo heʹ kenahan pelaʹa dalau ca tiraʹ neng akeʹ: ‘Peterus, beteʹ ne ikoʹ, nebek ne pun dina, pesak ne, uman nuʹo.’ 8Un dau heʹ ʹo: ‘Naʹun, abeʹ e pekina Tuhan, moʹ inu iaʹ palan ngan iaʹ abeʹ un buheʹ, abeʹ lepe akeʹ uman ne.’ 9Un dau isiu ina cen langit kuma ha: ‘Buk inu iaʹ Allah abeʹ un lemalan, ayen ncoʹ lemalan ne.’ 10Telu liwai ne puyan ina koʹ baʹan ina are lete. Mung inu dina tai pejung ngeliwet kaʹ langit pelaʹa. 11Dalau ina lete un telu usa nekejeng kaʹ juma amin, kukoʹ keʹ ina. Ban nai re cen Kaisaria mita akeʹ. 12Un dau Berua Tuhan: ‘Ayen babak tai tugung ida, moʹ akeʹ iaʹ cuk.’ Un nem usa cenganak dalem Tuhan dini nai jahi akeʹ tai masat kaʹ lepoʹ Kaisaria. Mung meʹ tai kedalem amin laki bioʹ Kurnilius. 13Kun ne badaʹ mameʹ kumpin ban ne taʹan ca usa melikat nekejeng kedalem amin ne, iaʹ kuma ha: ‘Cuk dulu tai pelawa kaʹ Yupe, mengin Simun Peterus. 14Ia ke badaʹ tiraʹ mikem iaʹ ke pudip ikem dalem Tuhan ʹo, peging ngan mung diaʹ neng pengamin ncem.’ Pekina dau melikat me Kurnilius ne.”
15Sulo dau Peterus laʹa: “Dalau tading keʹ ke pisiu neng mpun dulu kaʹ amin Kurnilius ina, kenai Berua Buheʹ mesun neng ida, koʹ baʹan diseʹ neng ilu dalau tading nge are. 16Akeʹ petawai neng tiraʹ iaʹ Tuhan badaʹ idai, iaʹ kuma ha: ‘Un Yaya, ia lepa ngebatis dulu man sungai, un sepuʹo un ncem dini, Allah ke ngebatis ikem man Berua Buheʹ ʹo.’ 17Atek luhaʹ ban Allah naʹ mida pengencai, koʹ baʹan ne naʹ milu tading le ban ngelan Tuhan Yesus Keristus are. Buk pekina, aheʹ keʹ ini, mpi akeʹ iaʹ ke payen Allah?”
18Uʹo re kenahan dau Peterus pekina, tai benaʹa ne ida, penco tai re pempau Allah, mentung dau re: “Buk pekina, seʹ Allah mawang ca janan me dulu diaʹ tahaʹ awang Yahudi, ukoʹ de nesen ngan nyepuleʹ kimet de, iaʹ tai palaʹ udip dalem Tuhan.”
Mpun diaʹ ngelan Tuhan ka lepoʹ Antiukia
19Mung diaʹ ngelan Tuhan tai petat kuʹun penaru iaʹ nai dalau dulu lematai Stipanus are. Un palai mida tai kelap pabeʹ dale Penisia ngan tanaʹ Siperus, mentung nte bada tiraʹ Allah me diaʹ lepoʹ Yahudi tengen le. 20Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi. 21Moʹ ban un nyingan Tuhan luhaʹ tugung ida dina, ina ukoʹ kadoʹ laleʹ dulu diaʹ ngelan ngan pupa nai bayaʹ Tuhan.
22Kenahan kun Mpun diaʹ ngelan Tuhan kaʹ Yerusalim dau denga ina, penco re cuk Barnabas tai kaʹ Antiukia. 23Uʹo ketai Barnabas abeʹ, tisen ne ia ban Allah iaʹ naʹ peniga mida dina, tai bangen ne kaʹ tawai ie. Penco ho pekatuk ida mung, apan denaʹ tekaʹ penawai re tudep bayaʹ Tuhan. 24Moʹ Barnabas ne ca laki iaʹ atek tiga saheʹ, iaʹ sangan kuʹun Berua Buheʹ ngan pengelan. Nai un pit kadoʹ dulu diaʹ pupa nai bayaʹ Tuhan.
25Uʹo ina tai puke ne Barnabas, tai kaʹ Tarsus ke mita Saul. 26Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.
27Dalau ina un palai pegawa Tuhan nai cen Yerusalim puno kaʹ Antiukia. 28Nai kun ca usa pegawa dina beteʹ, ngadan ne Agabus, iaʹ ban un penyukat Berua Tuhan neng ia. Ia badaʹ kenai ca penaru lien bioʹ pa tipo usun tanaʹ ini. (Uʹo ina dalau udip Laja Keludius, kenai lien ina palup ʹo.) 29Penco re diaʹ bayaʹ katuk Tuhan dina payo matu inu re, bayaʹ tekaʹ sukat de singket usa re, man nte mepo diaʹ cenganak de dalem Tuhan diaʹ ngelineʹ kaʹ tanaʹ Yudia. 30Pekina pe ida pempun inu re, sulo re katu ligit de tugung Barnabas ngan Saul me diaʹ tuʹa Mpun diaʹ ngelan Tuhan kaʹ tanaʹ Yudia.
Currently Selected:
PEMUYAN 11: KNT
Highlight
Share
Copy
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.
PEMUYAN 11
11
Tiraʹ Peterus me Mpun diaʹ ngelan Tuhan kaʹ Yerusalim
1Kun diaʹ lawa Injil ngan mung cenganak dalem Tuhan diaʹ tipo tanaʹ Yudia kenahan dau denga lepoʹ tahaʹ awang Yahudi ban nai ngelan tiraʹ Allah. 2Dalau Peterus abeʹ kaʹ lepoʹ Yerusalim, un palai lepoʹ Yahudi diaʹ ubaʹ mung dulu bayaʹ adet sunat, ngenca ia. 3Kun dau re: “Adeʹ koʹ tai nyakai amin dulu diaʹ abeʹ un ngkang adet sunat, ngan pemung uman ngan nte tupe?” 4Ina ukoʹ Peterus nading badaʹ puyan ina palaʹ ida, petuk cen puʹun ne. Un dau ue:
5“Dalau heʹ kelemameʹ kaʹ lepoʹ Yupe, tai pekaliu taʹat ceʹ. Penco heʹ taʹan ca inu dalem penaʹat ceʹ, iaʹ koʹ baʹan kelihuk keluma iaʹ bioʹ are, nai muno cen langit kata akeʹ, pat de tikung kukoʹ telu ue. 6Dalau heʹ nugen naʹat te ngan pekimet te, akeʹ taʹan palai pun, un pe diaʹ lajam, ngan un pe diaʹ nganap, ngan un pe sui (diaʹ ilu lemalan uman). 7Sulo heʹ kenahan pelaʹa dalau ca tiraʹ neng akeʹ: ‘Peterus, beteʹ ne ikoʹ, nebek ne pun dina, pesak ne, uman nuʹo.’ 8Un dau heʹ ʹo: ‘Naʹun, abeʹ e pekina Tuhan, moʹ inu iaʹ palan ngan iaʹ abeʹ un buheʹ, abeʹ lepe akeʹ uman ne.’ 9Un dau isiu ina cen langit kuma ha: ‘Buk inu iaʹ Allah abeʹ un lemalan, ayen ncoʹ lemalan ne.’ 10Telu liwai ne puyan ina koʹ baʹan ina are lete. Mung inu dina tai pejung ngeliwet kaʹ langit pelaʹa. 11Dalau ina lete un telu usa nekejeng kaʹ juma amin, kukoʹ keʹ ina. Ban nai re cen Kaisaria mita akeʹ. 12Un dau Berua Tuhan: ‘Ayen babak tai tugung ida, moʹ akeʹ iaʹ cuk.’ Un nem usa cenganak dalem Tuhan dini nai jahi akeʹ tai masat kaʹ lepoʹ Kaisaria. Mung meʹ tai kedalem amin laki bioʹ Kurnilius. 13Kun ne badaʹ mameʹ kumpin ban ne taʹan ca usa melikat nekejeng kedalem amin ne, iaʹ kuma ha: ‘Cuk dulu tai pelawa kaʹ Yupe, mengin Simun Peterus. 14Ia ke badaʹ tiraʹ mikem iaʹ ke pudip ikem dalem Tuhan ʹo, peging ngan mung diaʹ neng pengamin ncem.’ Pekina dau melikat me Kurnilius ne.”
15Sulo dau Peterus laʹa: “Dalau tading keʹ ke pisiu neng mpun dulu kaʹ amin Kurnilius ina, kenai Berua Buheʹ mesun neng ida, koʹ baʹan diseʹ neng ilu dalau tading nge are. 16Akeʹ petawai neng tiraʹ iaʹ Tuhan badaʹ idai, iaʹ kuma ha: ‘Un Yaya, ia lepa ngebatis dulu man sungai, un sepuʹo un ncem dini, Allah ke ngebatis ikem man Berua Buheʹ ʹo.’ 17Atek luhaʹ ban Allah naʹ mida pengencai, koʹ baʹan ne naʹ milu tading le ban ngelan Tuhan Yesus Keristus are. Buk pekina, aheʹ keʹ ini, mpi akeʹ iaʹ ke payen Allah?”
18Uʹo re kenahan dau Peterus pekina, tai benaʹa ne ida, penco tai re pempau Allah, mentung dau re: “Buk pekina, seʹ Allah mawang ca janan me dulu diaʹ tahaʹ awang Yahudi, ukoʹ de nesen ngan nyepuleʹ kimet de, iaʹ tai palaʹ udip dalem Tuhan.”
Mpun diaʹ ngelan Tuhan ka lepoʹ Antiukia
19Mung diaʹ ngelan Tuhan tai petat kuʹun penaru iaʹ nai dalau dulu lematai Stipanus are. Un palai mida tai kelap pabeʹ dale Penisia ngan tanaʹ Siperus, mentung nte bada tiraʹ Allah me diaʹ lepoʹ Yahudi tengen le. 20Un palai diaʹ ngelan Tuhan ban cen lepoʹ Siperus, ngan lepoʹ Kirini, tai re abeʹ kaʹ lepoʹ Antiukia. Kun nte badaʹ Denga Injil Tuhan Yesus me dulu diaʹ tahaʹ awang Yahudi. 21Moʹ ban un nyingan Tuhan luhaʹ tugung ida dina, ina ukoʹ kadoʹ laleʹ dulu diaʹ ngelan ngan pupa nai bayaʹ Tuhan.
22Kenahan kun Mpun diaʹ ngelan Tuhan kaʹ Yerusalim dau denga ina, penco re cuk Barnabas tai kaʹ Antiukia. 23Uʹo ketai Barnabas abeʹ, tisen ne ia ban Allah iaʹ naʹ peniga mida dina, tai bangen ne kaʹ tawai ie. Penco ho pekatuk ida mung, apan denaʹ tekaʹ penawai re tudep bayaʹ Tuhan. 24Moʹ Barnabas ne ca laki iaʹ atek tiga saheʹ, iaʹ sangan kuʹun Berua Buheʹ ngan pengelan. Nai un pit kadoʹ dulu diaʹ pupa nai bayaʹ Tuhan.
25Uʹo ina tai puke ne Barnabas, tai kaʹ Tarsus ke mita Saul. 26Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.
27Dalau ina un palai pegawa Tuhan nai cen Yerusalim puno kaʹ Antiukia. 28Nai kun ca usa pegawa dina beteʹ, ngadan ne Agabus, iaʹ ban un penyukat Berua Tuhan neng ia. Ia badaʹ kenai ca penaru lien bioʹ pa tipo usun tanaʹ ini. (Uʹo ina dalau udip Laja Keludius, kenai lien ina palup ʹo.) 29Penco re diaʹ bayaʹ katuk Tuhan dina payo matu inu re, bayaʹ tekaʹ sukat de singket usa re, man nte mepo diaʹ cenganak de dalem Tuhan diaʹ ngelineʹ kaʹ tanaʹ Yudia. 30Pekina pe ida pempun inu re, sulo re katu ligit de tugung Barnabas ngan Saul me diaʹ tuʹa Mpun diaʹ ngelan Tuhan kaʹ tanaʹ Yudia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.