LAMPULAN 20
20
Macedonia Hei Greece Te Paul Tai
1Hüyange moppu lakphei me Paul-e pinlan nyikne shonne imante hengyang phei me, Iye imante salam pha hüyange Macedoniate taine yan. 2Hüyange Iye tüoye kahmüklan kaiye taiye imante hengpu ngao yeonge phayang phei me, I Greece kahtok Akhaia te pei. 3Aope I tüome lekeng lüm ngoh, hüyange Jehudilanne I phei tüi-e konmeng ja kon, Iye Syria yete yenglam me taine she ngohwante, Macedonia kaiye leih yelak mong. 4Hüyange Berealan, Pyrrhus üha Sopater, hüyange Thessalonicalan Aristarkhas hei Sekundus; Derbe mepu Gaius; Timothy; hüyange Asia kahtok mepu Tychius hei Trophimus I pheite woi. 5Hüyangpoi tüolan-a shaoyete tai, hüyange Troas me toman tanne ngoh. 6Hüyange do yelangpu an mo nyih hei hipak linphei me, toman Philippi mepu yenglam me tai, hüyange nyih nga mongme iman tangte Troas, ümeken me toman-e nyih nyit nyoi, tüote pei.
Paul Troaste Ükümpa Peitüohpu
7Hüyange hatwok ya#Hatme üwangpa nyih she-o üne-o hatnyih she-o ngelak. aope an tümme hahne toman jamshe jemme ngoh, Paul-e ngainyih yantailak she teih-e, imante konnyüo, hüyange I ngao phawo ngoiye yelakpe ngao. 8Toman jamshe jempu ütangpa tüpme vüntük üngang pah ngoh. 9Hüyange Eutykhas she minpu naoshe ja tawo phei tinge shotyange yeonge shihu. Hüyange Paul-e üne-o shelao she konnyüopuwe, üküm yeme shimah; nok shinpa tüp lüm shepupa mepu I yeita, hüyange ümang me yah in. 10Hüwante Paul-e yuwe I me neang, hüyange I me künne i, “Numan mongtahpong, hangjingne Ime üne-o üyin ngohnang!” 11Hüyange Paul tüpte ongphei me, an tümme hah, hüyange üne-o laowe, wang manngai manngai she iman phei ngao yang pheime, I yayong. 12Hüyange iman-e naosheha-a üyinme yah taiye, iman mong yeonge toloimei.
Troas Mepu Miletus
13Toman shaoyete yenglin me tai hüyange Asos te ngoi, tüomepu Paul üjaite woihuwe teih-e, hangjingne ya me kemlak teih-e, Iye hüke tüm. 14Hüyange aope Iye toman Asos me hüo, toman-e I woi hüyange Mitylene te pei. 15Tüomepu yenglin me taiye, üne nyih Chios ü-o me ngoi. Hüyange üne nyih Samos ngoi-e tüopa nyih linyang phei me toman Miletus ngoi. 16Hangjingne Paul-e Asia me hipak yewinlak ne, Ephesia me konne yenglin me tailak Iye mongyange ngoh. Hangjingne okma-a denga nyih mowa I Jerusalem me ngohlak mamme teih ngoh.
Ephesia Jeiyonglante Paul Yanngao
17Paul-e Miletus mepu kahta ütam shonne Ephesia mepu bumeinok jeiyonglan I phei hüokei she i. 18Hüyange aope iman I tangte peingoi, Iye imante i, “Tao Asia me üyalokpu üwangpa nyih mepu, numan phei hipak üshei me hangke ngoh, numan-e shing; 19hüyange yeonge innyaipu phei, mükphi yinpu phei hüyange Jehudilan kon kaiye ü-tangte shange pongpu peipu phei, hangke taowe Youngwanpa shaoshan numan-e numan nying nyingke shing. 20Numan jingne hanghepa küw ngoh hatüo numante shingne tamlak jingne hangke tao yenyam, hüyange chingyangko me hüyange nok ja mepu nok ja te taiye taowe numante nyüo. 21Hüyange Kahwang yete monglüplak hüyange teman Youngwanpa Jesu Khrista yete menglak jingne Jehudi hei Greeklan moilan te taowe saki pha, hatüo-o numan-e shing. 22Hüyange sha-a, tüoken me üte hanghe ngailakei yeshingpe, Yaha Üjao nyingme yah-e tao Jerusalemte tainang. 23Hüyangpoi shapu hüyange shangne tampuwe tao tannang she Yaha Üjaowe chingnyu phe phe me saki phanang she taowe shing. 24Hüyangpoi taowe yengoilak ken ngoi oklak jingne, hüyange Kahwang shüpshe pungao ümei jeng saki phalak taowe Youngwanpa Jesu mepu shaoshanlak jingne yahpu sholak jingne ling; tüokhei taowe Ü-üyin-a ü-nying nyingke toinyu she hango teih-e yenang.
25“Sha-a leiyah, numan aoyin yo me taowe Ahngching jeng konnyüowe kem; numan üsheiye shaaji ü-sheta nishe ye-ngelak she taowe shing. 26Tüokhei kahta üshei iy mepu tao jaowe ngohnang she numante tenyih taowe saki phanang. 27Hangjingne Kahwang konngao khongküm numante taowe yengaope yengoh. 28Youngwanpawe yoi iy kaiye shakpu bumeinok paolak jingne, hanghe me Yaha Üjaowe numan nyeeyompalan ne menglak jingne le, hatüo nyee ükhong hüyange numan jingne kentingyah. 29Tao yanphei me, mengshipu sholan, nyee ükhongte yeshüpshepe numan yo me ongkülak she taowe shingnang. 30Hüyange komküyakpu ngao ngaowe iman yo me pinlan woiye teilak jingne numan yoi ükhong yo mepu kahtalanne yonglak. 31Tüokhei wangpeng lüm ngoiye kahta lilite mükphi yinne wangnyak wangngai yeshingpe taowe yelakpe nyüo she teihtüowe numan-e yomme ngohyah.”
32“Hüyange sha-a Kahwang hüyange I shüpshe ngao hanghepawe numan jongne tampu ok hüyange numan yo me aoyinne phünne phanang, tüolan üsheiye mothleilak jingne taowe nying tüoh nang. 33Taowe kahta ao jing khüm hei hon yejema-a o ümei yewao. 34Taowe ü-yakke ü-phei ngohpalan jingne hüyange ü-wongpong jingne lingshe numan-e numan nying nyingke shing. 35Hüke linge numan-e wong yenangpalante paolak wongpong she, hüyange Youngwanpa Jesuwe, ‘Yahpu pheiya phapupa ünyei moimanpu’ she yoi nying nyingke ngaopu ngaolan teihtüolak jingne, taowe numante üshei me leppu ja pha nang.”
36Hüyange hüke ngaoyang phei me, I yatuhshing hüyange iman üshei phei yop. 37Hüyange iman üshei shap hüyange Paul üngme ken hüyange Ite omhüp; 38Iman-e shaaji I sheta ye-ngelak she Iye ipu ngao jingne ünyei iman sheyongpu jing mongmenge shap. Hüyange iman-e I yenglin ngoiye lüngetei.
Currently Selected:
LAMPULAN 20: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
LAMPULAN 20
20
Macedonia Hei Greece Te Paul Tai
1Hüyange moppu lakphei me Paul-e pinlan nyikne shonne imante hengyang phei me, Iye imante salam pha hüyange Macedoniate taine yan. 2Hüyange Iye tüoye kahmüklan kaiye taiye imante hengpu ngao yeonge phayang phei me, I Greece kahtok Akhaia te pei. 3Aope I tüome lekeng lüm ngoh, hüyange Jehudilanne I phei tüi-e konmeng ja kon, Iye Syria yete yenglam me taine she ngohwante, Macedonia kaiye leih yelak mong. 4Hüyange Berealan, Pyrrhus üha Sopater, hüyange Thessalonicalan Aristarkhas hei Sekundus; Derbe mepu Gaius; Timothy; hüyange Asia kahtok mepu Tychius hei Trophimus I pheite woi. 5Hüyangpoi tüolan-a shaoyete tai, hüyange Troas me toman tanne ngoh. 6Hüyange do yelangpu an mo nyih hei hipak linphei me, toman Philippi mepu yenglam me tai, hüyange nyih nga mongme iman tangte Troas, ümeken me toman-e nyih nyit nyoi, tüote pei.
Paul Troaste Ükümpa Peitüohpu
7Hüyange hatwok ya#Hatme üwangpa nyih she-o üne-o hatnyih she-o ngelak. aope an tümme hahne toman jamshe jemme ngoh, Paul-e ngainyih yantailak she teih-e, imante konnyüo, hüyange I ngao phawo ngoiye yelakpe ngao. 8Toman jamshe jempu ütangpa tüpme vüntük üngang pah ngoh. 9Hüyange Eutykhas she minpu naoshe ja tawo phei tinge shotyange yeonge shihu. Hüyange Paul-e üne-o shelao she konnyüopuwe, üküm yeme shimah; nok shinpa tüp lüm shepupa mepu I yeita, hüyange ümang me yah in. 10Hüwante Paul-e yuwe I me neang, hüyange I me künne i, “Numan mongtahpong, hangjingne Ime üne-o üyin ngohnang!” 11Hüyange Paul tüpte ongphei me, an tümme hah, hüyange üne-o laowe, wang manngai manngai she iman phei ngao yang pheime, I yayong. 12Hüyange iman-e naosheha-a üyinme yah taiye, iman mong yeonge toloimei.
Troas Mepu Miletus
13Toman shaoyete yenglin me tai hüyange Asos te ngoi, tüomepu Paul üjaite woihuwe teih-e, hangjingne ya me kemlak teih-e, Iye hüke tüm. 14Hüyange aope Iye toman Asos me hüo, toman-e I woi hüyange Mitylene te pei. 15Tüomepu yenglin me taiye, üne nyih Chios ü-o me ngoi. Hüyange üne nyih Samos ngoi-e tüopa nyih linyang phei me toman Miletus ngoi. 16Hangjingne Paul-e Asia me hipak yewinlak ne, Ephesia me konne yenglin me tailak Iye mongyange ngoh. Hangjingne okma-a denga nyih mowa I Jerusalem me ngohlak mamme teih ngoh.
Ephesia Jeiyonglante Paul Yanngao
17Paul-e Miletus mepu kahta ütam shonne Ephesia mepu bumeinok jeiyonglan I phei hüokei she i. 18Hüyange aope iman I tangte peingoi, Iye imante i, “Tao Asia me üyalokpu üwangpa nyih mepu, numan phei hipak üshei me hangke ngoh, numan-e shing; 19hüyange yeonge innyaipu phei, mükphi yinpu phei hüyange Jehudilan kon kaiye ü-tangte shange pongpu peipu phei, hangke taowe Youngwanpa shaoshan numan-e numan nying nyingke shing. 20Numan jingne hanghepa küw ngoh hatüo numante shingne tamlak jingne hangke tao yenyam, hüyange chingyangko me hüyange nok ja mepu nok ja te taiye taowe numante nyüo. 21Hüyange Kahwang yete monglüplak hüyange teman Youngwanpa Jesu Khrista yete menglak jingne Jehudi hei Greeklan moilan te taowe saki pha, hatüo-o numan-e shing. 22Hüyange sha-a, tüoken me üte hanghe ngailakei yeshingpe, Yaha Üjao nyingme yah-e tao Jerusalemte tainang. 23Hüyangpoi shapu hüyange shangne tampuwe tao tannang she Yaha Üjaowe chingnyu phe phe me saki phanang she taowe shing. 24Hüyangpoi taowe yengoilak ken ngoi oklak jingne, hüyange Kahwang shüpshe pungao ümei jeng saki phalak taowe Youngwanpa Jesu mepu shaoshanlak jingne yahpu sholak jingne ling; tüokhei taowe Ü-üyin-a ü-nying nyingke toinyu she hango teih-e yenang.
25“Sha-a leiyah, numan aoyin yo me taowe Ahngching jeng konnyüowe kem; numan üsheiye shaaji ü-sheta nishe ye-ngelak she taowe shing. 26Tüokhei kahta üshei iy mepu tao jaowe ngohnang she numante tenyih taowe saki phanang. 27Hangjingne Kahwang konngao khongküm numante taowe yengaope yengoh. 28Youngwanpawe yoi iy kaiye shakpu bumeinok paolak jingne, hanghe me Yaha Üjaowe numan nyeeyompalan ne menglak jingne le, hatüo nyee ükhong hüyange numan jingne kentingyah. 29Tao yanphei me, mengshipu sholan, nyee ükhongte yeshüpshepe numan yo me ongkülak she taowe shingnang. 30Hüyange komküyakpu ngao ngaowe iman yo me pinlan woiye teilak jingne numan yoi ükhong yo mepu kahtalanne yonglak. 31Tüokhei wangpeng lüm ngoiye kahta lilite mükphi yinne wangnyak wangngai yeshingpe taowe yelakpe nyüo she teihtüowe numan-e yomme ngohyah.”
32“Hüyange sha-a Kahwang hüyange I shüpshe ngao hanghepawe numan jongne tampu ok hüyange numan yo me aoyinne phünne phanang, tüolan üsheiye mothleilak jingne taowe nying tüoh nang. 33Taowe kahta ao jing khüm hei hon yejema-a o ümei yewao. 34Taowe ü-yakke ü-phei ngohpalan jingne hüyange ü-wongpong jingne lingshe numan-e numan nying nyingke shing. 35Hüke linge numan-e wong yenangpalante paolak wongpong she, hüyange Youngwanpa Jesuwe, ‘Yahpu pheiya phapupa ünyei moimanpu’ she yoi nying nyingke ngaopu ngaolan teihtüolak jingne, taowe numante üshei me leppu ja pha nang.”
36Hüyange hüke ngaoyang phei me, I yatuhshing hüyange iman üshei phei yop. 37Hüyange iman üshei shap hüyange Paul üngme ken hüyange Ite omhüp; 38Iman-e shaaji I sheta ye-ngelak she Iye ipu ngao jingne ünyei iman sheyongpu jing mongmenge shap. Hüyange iman-e I yenglin ngoiye lüngetei.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.