LAMPULAN 28
28
Malta Me
1Aope toman yinpu okke ngoi, hüwante dikhot te Malta she nyikpu toman-e shing. 2Hüyange tüopa chingshao kahtalanne teih yetüopute tomante yeonge meiye pao: hangjingne waikei, hüyange wangshüm me ngohwante, iman-e vün jaktam-e toman üshei yah. 3Paul-e hansho ütep ja moiyah-e vünte jak, vün sheampu kaiye, pu ja ngai hüyange I yakme nyeih. 4Aope chingshao kahtalanne puwa I yakme jhotte nge, iman-e jawe japhei teingaowe i, “Nüngneilak yenang, hatüo kahta-a ütingme kahta toipa ja. I yengching mepu yinne ok yahpoi, üne-o khakshuwe Ngaophünpawe I üyin ngohlak jingne yetam.” 5Hüyangpoi Iye puwa vün me konge yeine tam, hüyange I ma yeyah. 6Iman-e I püm peakülak yejema-a mokhshe toitakülak she tanne lei, hüyangpoi aope iman-e laowe tanne ngoh, hüyange Ite hango ümeng yengaipe nge, iman-e iman juteih jeilei hüyange i. “I-a Kahwang ja yang!”
7Sha-a tüopa ü-o me Publius she minpu tüopa dikhot me üjengpa ja ngoh hüyange I jing pesha hei fandei ngoh, Iye toman nyik-e nyihlüm ngoiye toman yeong meiye ngoine tam. 8Hüyange tüo ngai, Publius üpa tinye hüyange iydak phei dak-e ngoh. Paul-e I shongte onge yop, hüyange Ite yak-shinge hüyange I meine tam. 9Aope tüokih lingpu nge, dikhot me ngohpu dak ngohpalan üshei jem hüyange iman meitam. 10Iman-e tomante hünghao maapha, hüyange aope toman yenglin me taine wang toman-e wongpongne mengpu toilan iman-e lin me hüntam.
Paul Rome Ngoipu
11Lekeng lüm linne toman Alexandria chingnyu mepu yenglin ja me tai. Tüopa yenglin dikhot me eanyu linne nyoi; hüyange lin min-a, yepinlak ja ne “Nipet Jeiheinao”#Kastor hei Pollux nipet Kahwang she ngoh. 12Toman Syracase chingnyu ngoi hüyange tüome nyihlüm nyoi. 13Tüomepu toman pahtaiye Rhegium chingnyu ngoi. Hüyange nyih ja ngohyange heye mepu wangyang ja lei, hüyange nyih ni shepume toman-e Puteoli ching ngoi. 14Tüome toman-e mengpalan ütam tüo, hüyange iman phei nyih nyit nyoilak jingne tong. Hüyange toman Rome te pei. 15Tüomepu aope jeiheinaolanne toman jeng jai; iman-e Appius Hatleih, hüyange Lamtep Lüm ngoiye toman pongte yu. Aope Paul-e iman nge, Iye Kahwang minyong hüyange wongnang.
16Hüyange aope toman Rome ngoi, Paul I yompu kengphet phei I shaha ngohne tam.
Yompupa Phangme Paul-e Rome Me Konnyüo
17Hüyange tüo ngai, nyihlüm ngohyange Iye Jehudilan yo me woipalan jamme nyik-e jem. Aope iman jem, Iye iman te i, “Jeiheinaolan, taowe teman kahta yejema-a teman puyimlan wanglam phei tüi-e hango yeling; tüoyangpoi Jerusalem mepu Romelan yak me tao phowe angne phünne pha. 18Iman-e üte tokleiyang phei me lanne teihu, hangjingne tao litamlak ne hango ngao yenangpe ngoh. 19Hüyangpoi aope Jehudilanne, ü-phei tüi-e ngao, taowe Kaisar ngoiye ngaolak she ilakne ngai; tüoyangpoi taowe yoi jat jingne ümeng ütam püolak she yeje. 20Tüojingne numan phei hüolak hüyange ü-phei teingaolak jingne taowe numan nyikyangki; hangjingne Israellan monghümpu jeng jingne tüopa yanwuwe tao shayange ngohnang.”
21Hüpoi iman-e Ite i, “Toman-e Judea mepu nang jeng nyanpulai hango ye-nge, yejema-a jeiheinaolan yo me aote-o tüome peiye nang jeng hango ümeng ngaolan ye i, yejema-a yengao. 22Hüyangpoi nange hanghe teih, tüowa toman-e nang mepu jaihunangki, hangjingne üshei ye me nang ompu tüopa ükhong jeng yemeipe ngaonang she toman-e shinge ngohnang.”
23Hüyange aope iman-e I jingne nyih ja le, iman-e ükhong yeonge yonge I ngohjing te pei. Hüyange shom mepu wangnyak ngoiye, Mosa ngaokeng hüyange hipalan laitep mepu Iye Kahwang ahngching jeng saki phawe, hüyange Jesu jeng iman yoh-e imante ngaowa khoih-e nyüo. 24Iye nyüopu ngaote ütam-e mongonge teih, hüyange ütam-e yemong. 25Aope iman yo me ngao yesheipe ngai, hüyange iman yanlak jingne po, Paul-e tüopa ngao i: “Yaha Üjaowe Isaia hipa kaiye numan puyimlante ütingme hüke ngaoyangki:
26 #
Isa 6.9-10. “Tüopa jat tangte taitüoh, hüyange itüoh:
Numan-e jaipupa-a jailak, hüyangpoi mongte ye-onglak;
numan-e ngepupa-a ngelak, hüyangpoi yeshinglak.
27Hangjingne tüolan kahta mongjang pomme meng;
hüyange iman na jeiteki,
hüyange iman-e iman mük ngoihteki.
Yejema-a iman mük phei iman-e ngehah shepu,
hüyange iman na phei jaihah shepu,
hüyange iman mongjang phei üpong tüohah shepu,
hüyange Ü-tangte lüphah shepu,
hüyange Taowe meitamhah shepu, she Kahwange inang.”
28 #
Tüo 67.2. “Tüokhei hatüo Kahwange yinyepu ngaolan Yinhulan tangte shonne ngohnang; imane-o hatüo jailak she numan-e tüopa ngao shingyah.” 29(Hüyange Paul-e tüolan ngaowe shoyang phei me, iman yo me ngao yeonge ngao yesheipe moppe Jehudilan yan.)
30Hüyange wangpeng ni ngoiye Iye pengmee phayange yoinok ne ngoh, hüyange I tangte peipu üshei Iye yah. 31Aowe-o yetienpe Kahwang ahngching jeng konnyüowe, hüyange Youngwanpa Jesu Khrista jeng yeonge wongnange nyüo.
Currently Selected:
LAMPULAN 28: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
LAMPULAN 28
28
Malta Me
1Aope toman yinpu okke ngoi, hüwante dikhot te Malta she nyikpu toman-e shing. 2Hüyange tüopa chingshao kahtalanne teih yetüopute tomante yeonge meiye pao: hangjingne waikei, hüyange wangshüm me ngohwante, iman-e vün jaktam-e toman üshei yah. 3Paul-e hansho ütep ja moiyah-e vünte jak, vün sheampu kaiye, pu ja ngai hüyange I yakme nyeih. 4Aope chingshao kahtalanne puwa I yakme jhotte nge, iman-e jawe japhei teingaowe i, “Nüngneilak yenang, hatüo kahta-a ütingme kahta toipa ja. I yengching mepu yinne ok yahpoi, üne-o khakshuwe Ngaophünpawe I üyin ngohlak jingne yetam.” 5Hüyangpoi Iye puwa vün me konge yeine tam, hüyange I ma yeyah. 6Iman-e I püm peakülak yejema-a mokhshe toitakülak she tanne lei, hüyangpoi aope iman-e laowe tanne ngoh, hüyange Ite hango ümeng yengaipe nge, iman-e iman juteih jeilei hüyange i. “I-a Kahwang ja yang!”
7Sha-a tüopa ü-o me Publius she minpu tüopa dikhot me üjengpa ja ngoh hüyange I jing pesha hei fandei ngoh, Iye toman nyik-e nyihlüm ngoiye toman yeong meiye ngoine tam. 8Hüyange tüo ngai, Publius üpa tinye hüyange iydak phei dak-e ngoh. Paul-e I shongte onge yop, hüyange Ite yak-shinge hüyange I meine tam. 9Aope tüokih lingpu nge, dikhot me ngohpu dak ngohpalan üshei jem hüyange iman meitam. 10Iman-e tomante hünghao maapha, hüyange aope toman yenglin me taine wang toman-e wongpongne mengpu toilan iman-e lin me hüntam.
Paul Rome Ngoipu
11Lekeng lüm linne toman Alexandria chingnyu mepu yenglin ja me tai. Tüopa yenglin dikhot me eanyu linne nyoi; hüyange lin min-a, yepinlak ja ne “Nipet Jeiheinao”#Kastor hei Pollux nipet Kahwang she ngoh. 12Toman Syracase chingnyu ngoi hüyange tüome nyihlüm nyoi. 13Tüomepu toman pahtaiye Rhegium chingnyu ngoi. Hüyange nyih ja ngohyange heye mepu wangyang ja lei, hüyange nyih ni shepume toman-e Puteoli ching ngoi. 14Tüome toman-e mengpalan ütam tüo, hüyange iman phei nyih nyit nyoilak jingne tong. Hüyange toman Rome te pei. 15Tüomepu aope jeiheinaolanne toman jeng jai; iman-e Appius Hatleih, hüyange Lamtep Lüm ngoiye toman pongte yu. Aope Paul-e iman nge, Iye Kahwang minyong hüyange wongnang.
16Hüyange aope toman Rome ngoi, Paul I yompu kengphet phei I shaha ngohne tam.
Yompupa Phangme Paul-e Rome Me Konnyüo
17Hüyange tüo ngai, nyihlüm ngohyange Iye Jehudilan yo me woipalan jamme nyik-e jem. Aope iman jem, Iye iman te i, “Jeiheinaolan, taowe teman kahta yejema-a teman puyimlan wanglam phei tüi-e hango yeling; tüoyangpoi Jerusalem mepu Romelan yak me tao phowe angne phünne pha. 18Iman-e üte tokleiyang phei me lanne teihu, hangjingne tao litamlak ne hango ngao yenangpe ngoh. 19Hüyangpoi aope Jehudilanne, ü-phei tüi-e ngao, taowe Kaisar ngoiye ngaolak she ilakne ngai; tüoyangpoi taowe yoi jat jingne ümeng ütam püolak she yeje. 20Tüojingne numan phei hüolak hüyange ü-phei teingaolak jingne taowe numan nyikyangki; hangjingne Israellan monghümpu jeng jingne tüopa yanwuwe tao shayange ngohnang.”
21Hüpoi iman-e Ite i, “Toman-e Judea mepu nang jeng nyanpulai hango ye-nge, yejema-a jeiheinaolan yo me aote-o tüome peiye nang jeng hango ümeng ngaolan ye i, yejema-a yengao. 22Hüyangpoi nange hanghe teih, tüowa toman-e nang mepu jaihunangki, hangjingne üshei ye me nang ompu tüopa ükhong jeng yemeipe ngaonang she toman-e shinge ngohnang.”
23Hüyange aope iman-e I jingne nyih ja le, iman-e ükhong yeonge yonge I ngohjing te pei. Hüyange shom mepu wangnyak ngoiye, Mosa ngaokeng hüyange hipalan laitep mepu Iye Kahwang ahngching jeng saki phawe, hüyange Jesu jeng iman yoh-e imante ngaowa khoih-e nyüo. 24Iye nyüopu ngaote ütam-e mongonge teih, hüyange ütam-e yemong. 25Aope iman yo me ngao yesheipe ngai, hüyange iman yanlak jingne po, Paul-e tüopa ngao i: “Yaha Üjaowe Isaia hipa kaiye numan puyimlante ütingme hüke ngaoyangki:
26 #
Isa 6.9-10. “Tüopa jat tangte taitüoh, hüyange itüoh:
Numan-e jaipupa-a jailak, hüyangpoi mongte ye-onglak;
numan-e ngepupa-a ngelak, hüyangpoi yeshinglak.
27Hangjingne tüolan kahta mongjang pomme meng;
hüyange iman na jeiteki,
hüyange iman-e iman mük ngoihteki.
Yejema-a iman mük phei iman-e ngehah shepu,
hüyange iman na phei jaihah shepu,
hüyange iman mongjang phei üpong tüohah shepu,
hüyange Ü-tangte lüphah shepu,
hüyange Taowe meitamhah shepu, she Kahwange inang.”
28 #
Tüo 67.2. “Tüokhei hatüo Kahwange yinyepu ngaolan Yinhulan tangte shonne ngohnang; imane-o hatüo jailak she numan-e tüopa ngao shingyah.” 29(Hüyange Paul-e tüolan ngaowe shoyang phei me, iman yo me ngao yeonge ngao yesheipe moppe Jehudilan yan.)
30Hüyange wangpeng ni ngoiye Iye pengmee phayange yoinok ne ngoh, hüyange I tangte peipu üshei Iye yah. 31Aowe-o yetienpe Kahwang ahngching jeng konnyüowe, hüyange Youngwanpa Jesu Khrista jeng yeonge wongnange nyüo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.