WOITEI 14
14
Ütak Yengching Kaipu
1Hüwante Youngwanpawe Mosa te i, 2“Israel lante, leih yetüoh, hüyange Baal Zephon shongme, Migdol hei Ütak Yengching nipa me ngohpu Pi Hahiroth sheshao me lakjing lingtüoh, yengching phei janhüowe numan-e lakjing lingtüoh she itüoh. 3Hangjingne ahngpawe, hüke Israel lan-a kahko yekao me nüngneiye kemme ngoh külak, hüyange wanwüng jeng shongte owe peiteiye ngohkülak she teihkülak. 4Taowe I üngei ne linge tamlak, hüyange lye numante janglak, hüyange ahngpa hei I jing nyahponglan tangme Taowe okpu ngeye tampu kaiye üte yihnoonpu peine tamlak. Hüwante nakshih Taowa Youngwanpa yang she Egypt lan-e shinglak.” Imante ngaowe tampu kih-e Israel lan-e lingyangki.
5Aope Egypt ahngpa te kahtalan-a shaaji taikümteki she i, ahngpa hüyange Ite tongtahpalan monglüppe jeileipu ngai hüyange i, “Teman-e hanghe lingyangpu shi? Teman-e Israellan yinne teiteki, hüyange teman rha ne iman angpuwa mahne tampu yang!” 6Tüokhei ahngpawe yoijing wehok tongtoi hüyange yoijing nyahponglan tüm. 7Hüyange imanjing tongtoi shemeipulan gho wok ngoiye woiyange yoi tongtoi me shotyange I tai. 8#Lam 13.17.Youngwanpawe ahngpa üngei ne linge tampu jingne, mongyongpu phei yongetaipu Israel lante lye jange woi. 9Egypt nyahponglan, koiponglan hei tongtoilan hüyange tüolan woipalan khongküm puphei imante jange woi hüyange Ütak Yengching nah mepu Pi Hahiroth hei Baal Zephon nipa me iman lakjing lingyange ngohpu nyoi me kemyüo.
10Aope Israel lanne ahngpa hüyange I jing nyahponglan iman pheite jange woipu ngeyapeih, iman yeonge nyam hüyange iman yinne tamlak jingne Youngwanpa te üngwün. 11Iman-e Mosa te i, “Egypt me mangjong hango yenangpu ne, hatüo wanwüng jeng me toman li ne tamlak jingne nange toman woi peipu a? Leihuyah, Egypt mepu nange toman woiye teiyange nange hanghe lingpu shi? 12#Woi 16.3; 17.3.Hükih-e ngaikülak üja she teman ya manyong wante shaotan ngao toman-e nangte ye-i a? Teman shaha hüke tüoh pha, Egyptlan rha ne muh ngohlakei she toman-e nangte i. Hatüo wanwüng jengme lipu phei-a tüohyangpu nyoi me rha ne ngohpupa meihah shepu.”
13Hüpoi Mosawe kahtalan te i, “Numan tahnyam, yepope yongyange ngohtüoh, hüyange Youngwanpawe yinne tampu hanghepa numan jingne lye tenyih linglak, tüopa te leitüoh; hangjingne tenyih numan-e ngepu Egyptlan-a numan-e nishe aope-o ye-ngelak. 14Youngwanpawe numan jingne hoklak, hüyange numan-e hango linglak wongpong ne yeje.”
15Tüophei me Youngwanpawe Mosa te i, “Hangne nange ütepahi üngwünpu? Israel lante sheshao yete taitüoh she itüoh. 16Nang wongjoi notüoh hüyange yengching tangme nowe hongtüoh. Yengchinga ni ne tangkülak, hüyange Israel lan-a yengching nyoi me kahwan tok me linne kemme taipu oklak. 17Taowe Egyptlan-a jamloi she üngei ne linge tamlak tüokaiye iman Israellan tokphei te woilak, hüyange ahngpa tangme, I jing nyahpong hei tongtoilan hüyange woipalan tangme okpu kaiye Taowe yihnoonpu tüolak. 18Aope Taowe iman tang me okpu ngelakei, hüwante Egyptlan-e Taowa Youngwanpa she shinglak.”
19Tüophei me Kahwang shongmokpa aohipa Israel lakjing sheshao te tai, yanne taiye imanpa tokphei me yong; hüyange wangphom shongnyu iman sheshao mepu yanne tai hüyange Israellan hei Egyptlan nipa me yong; 20hüyange wangphom-a Egyptlan hei Israellan lakjing nipa me pei. Hüyange wangphom-e Egyptlan jingne wangnyakke tam, hüpoi Israellan te wangngai pha. Hükih-e nyakpu jingne nyahponglan eiha shongte owe yepei ok.
21Hüyange Mosawe yoi yak yengching tangme nowe hong; hüyange Youngwanpawe heongye wangyang wongnangpu leine tam, phapan yengchinga shunge ye ne tam, hüyange yengchinga kahtok üwanne linge tam, tüokaiye yengchinga phünne tam. 22Hüyange Israellan kahtok üwan tangme yengching ümongte yu; hüyange iman yakjah yeme hüyange yaknya ye me yengchinga jant kih-e ngoh yangki. 23Hüyange Egyptlan imante jange imanjing koiponglan, tongtoilan, hüyange woipalan khongkümpu yengching hotan te iman phei te woiye yu. 24Hüyange wangngai pongme Youngwanpawe vün hüyange wangphom shongnyu kaiye Egyptlan ükhong tangme leiye tai, hüyange Egypt ngangpalan khongküm mahtampupa me inne tam. 25Hüyange lye iman tongtoi yate tüktüoh pute iman-e yeonge shaoshi-e woi. Tüokhei Egyptlan-e i, “Israellan jingne Youngwanpawe teman phei hok nangki. Teman tüopa mepu lüowe taihah!”
Jange Woipalan Yengme Hüng
26Hüwante Youngwanpawe Mosa te i, “Yengching tangme nang yak hongtüoh, hüwante Egyptlan hüyange imanjing tongtoilan hei woipalan tangme yeng leih yelak.” 27Tüokhei Mosawe yengching tangme yoi yak nowe hong, wangngai pu phei jam she yengchinga yoi ngohyangpu nyoi te ümok hümme ye. Egyptlan yeng mepu lüowe tailak jingne ngang, hüpoi Youngwanpawe iman-a yengching me hüngne tam. 28Yeng yoi nyoite leihye hüyange tongtoilan tang me, woipalan tangme, hüyange Israellan tokphei te yengching te woipu Egyptlan üshei tangme linne tam; iman yo me sheja nehoi yeto. 29Hüpoi Israellan pa-a yengching kaiye kahtok üwan me kem, hüyange iman yaknya yakjah moini ye me yengchinga iman jingne jant ja leye ngoh yangki.
30Hüke tüopa nyih me Youngwanpawe Israellan Egyptlan yak mepu yin; hüyange Israel lan-e Egyptlan yengching nah me lipu mang nge. 31Hüyange Youngwanpawe Egyptlan kaiye toi üyong lingpu Israel lan-e nge, hüyange kahtalan-e Youngwanpa te nyam; hüyange iman-e Youngwanpa hüyange I shaoshanpa Mosa te ütinglak-e meng.
Currently Selected:
WOITEI 14: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
WOITEI 14
14
Ütak Yengching Kaipu
1Hüwante Youngwanpawe Mosa te i, 2“Israel lante, leih yetüoh, hüyange Baal Zephon shongme, Migdol hei Ütak Yengching nipa me ngohpu Pi Hahiroth sheshao me lakjing lingtüoh, yengching phei janhüowe numan-e lakjing lingtüoh she itüoh. 3Hangjingne ahngpawe, hüke Israel lan-a kahko yekao me nüngneiye kemme ngoh külak, hüyange wanwüng jeng shongte owe peiteiye ngohkülak she teihkülak. 4Taowe I üngei ne linge tamlak, hüyange lye numante janglak, hüyange ahngpa hei I jing nyahponglan tangme Taowe okpu ngeye tampu kaiye üte yihnoonpu peine tamlak. Hüwante nakshih Taowa Youngwanpa yang she Egypt lan-e shinglak.” Imante ngaowe tampu kih-e Israel lan-e lingyangki.
5Aope Egypt ahngpa te kahtalan-a shaaji taikümteki she i, ahngpa hüyange Ite tongtahpalan monglüppe jeileipu ngai hüyange i, “Teman-e hanghe lingyangpu shi? Teman-e Israellan yinne teiteki, hüyange teman rha ne iman angpuwa mahne tampu yang!” 6Tüokhei ahngpawe yoijing wehok tongtoi hüyange yoijing nyahponglan tüm. 7Hüyange imanjing tongtoi shemeipulan gho wok ngoiye woiyange yoi tongtoi me shotyange I tai. 8#Lam 13.17.Youngwanpawe ahngpa üngei ne linge tampu jingne, mongyongpu phei yongetaipu Israel lante lye jange woi. 9Egypt nyahponglan, koiponglan hei tongtoilan hüyange tüolan woipalan khongküm puphei imante jange woi hüyange Ütak Yengching nah mepu Pi Hahiroth hei Baal Zephon nipa me iman lakjing lingyange ngohpu nyoi me kemyüo.
10Aope Israel lanne ahngpa hüyange I jing nyahponglan iman pheite jange woipu ngeyapeih, iman yeonge nyam hüyange iman yinne tamlak jingne Youngwanpa te üngwün. 11Iman-e Mosa te i, “Egypt me mangjong hango yenangpu ne, hatüo wanwüng jeng me toman li ne tamlak jingne nange toman woi peipu a? Leihuyah, Egypt mepu nange toman woiye teiyange nange hanghe lingpu shi? 12#Woi 16.3; 17.3.Hükih-e ngaikülak üja she teman ya manyong wante shaotan ngao toman-e nangte ye-i a? Teman shaha hüke tüoh pha, Egyptlan rha ne muh ngohlakei she toman-e nangte i. Hatüo wanwüng jengme lipu phei-a tüohyangpu nyoi me rha ne ngohpupa meihah shepu.”
13Hüpoi Mosawe kahtalan te i, “Numan tahnyam, yepope yongyange ngohtüoh, hüyange Youngwanpawe yinne tampu hanghepa numan jingne lye tenyih linglak, tüopa te leitüoh; hangjingne tenyih numan-e ngepu Egyptlan-a numan-e nishe aope-o ye-ngelak. 14Youngwanpawe numan jingne hoklak, hüyange numan-e hango linglak wongpong ne yeje.”
15Tüophei me Youngwanpawe Mosa te i, “Hangne nange ütepahi üngwünpu? Israel lante sheshao yete taitüoh she itüoh. 16Nang wongjoi notüoh hüyange yengching tangme nowe hongtüoh. Yengchinga ni ne tangkülak, hüyange Israel lan-a yengching nyoi me kahwan tok me linne kemme taipu oklak. 17Taowe Egyptlan-a jamloi she üngei ne linge tamlak tüokaiye iman Israellan tokphei te woilak, hüyange ahngpa tangme, I jing nyahpong hei tongtoilan hüyange woipalan tangme okpu kaiye Taowe yihnoonpu tüolak. 18Aope Taowe iman tang me okpu ngelakei, hüwante Egyptlan-e Taowa Youngwanpa she shinglak.”
19Tüophei me Kahwang shongmokpa aohipa Israel lakjing sheshao te tai, yanne taiye imanpa tokphei me yong; hüyange wangphom shongnyu iman sheshao mepu yanne tai hüyange Israellan hei Egyptlan nipa me yong; 20hüyange wangphom-a Egyptlan hei Israellan lakjing nipa me pei. Hüyange wangphom-e Egyptlan jingne wangnyakke tam, hüpoi Israellan te wangngai pha. Hükih-e nyakpu jingne nyahponglan eiha shongte owe yepei ok.
21Hüyange Mosawe yoi yak yengching tangme nowe hong; hüyange Youngwanpawe heongye wangyang wongnangpu leine tam, phapan yengchinga shunge ye ne tam, hüyange yengchinga kahtok üwanne linge tam, tüokaiye yengchinga phünne tam. 22Hüyange Israellan kahtok üwan tangme yengching ümongte yu; hüyange iman yakjah yeme hüyange yaknya ye me yengchinga jant kih-e ngoh yangki. 23Hüyange Egyptlan imante jange imanjing koiponglan, tongtoilan, hüyange woipalan khongkümpu yengching hotan te iman phei te woiye yu. 24Hüyange wangngai pongme Youngwanpawe vün hüyange wangphom shongnyu kaiye Egyptlan ükhong tangme leiye tai, hüyange Egypt ngangpalan khongküm mahtampupa me inne tam. 25Hüyange lye iman tongtoi yate tüktüoh pute iman-e yeonge shaoshi-e woi. Tüokhei Egyptlan-e i, “Israellan jingne Youngwanpawe teman phei hok nangki. Teman tüopa mepu lüowe taihah!”
Jange Woipalan Yengme Hüng
26Hüwante Youngwanpawe Mosa te i, “Yengching tangme nang yak hongtüoh, hüwante Egyptlan hüyange imanjing tongtoilan hei woipalan tangme yeng leih yelak.” 27Tüokhei Mosawe yengching tangme yoi yak nowe hong, wangngai pu phei jam she yengchinga yoi ngohyangpu nyoi te ümok hümme ye. Egyptlan yeng mepu lüowe tailak jingne ngang, hüpoi Youngwanpawe iman-a yengching me hüngne tam. 28Yeng yoi nyoite leihye hüyange tongtoilan tang me, woipalan tangme, hüyange Israellan tokphei te yengching te woipu Egyptlan üshei tangme linne tam; iman yo me sheja nehoi yeto. 29Hüpoi Israellan pa-a yengching kaiye kahtok üwan me kem, hüyange iman yaknya yakjah moini ye me yengchinga iman jingne jant ja leye ngoh yangki.
30Hüke tüopa nyih me Youngwanpawe Israellan Egyptlan yak mepu yin; hüyange Israel lan-e Egyptlan yengching nah me lipu mang nge. 31Hüyange Youngwanpawe Egyptlan kaiye toi üyong lingpu Israel lan-e nge, hüyange kahtalan-e Youngwanpa te nyam; hüyange iman-e Youngwanpa hüyange I shaoshanpa Mosa te ütinglak-e meng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.