WOITEI 22
22
Shümme Yelak Ngaokhüm Jeng
1“Kahta ütam-e mahu ja yejema-a nyee ja kuhma-a hüyange hatüo toima-a, yejema-a yüoküma-a, lye mahu üpong ja nanleiye mahu üpong nga, hüyange nyee ja nanleiye nyee peli shümme yelak yang; ütingme Iye shümpu phalak wongpong; I me hango yenangma-a, lye kuhyangpu jingne I rha ne yüolak.
2“Kuhpaja wangnyak me nok menge onge ngohwante phoma-a, hüyange I shütte toima-a, I iy jingne shüt pupa-a ümeng yejelak. 3Hüpoi wanghe ong pheime hükih-e ngaipu ne mengma-a, hüwantepa-a iy shaiyangpu jingne I ümengne menglak. 4Iye kuhpuwa üyin me ngoh-e tüopu ne mengma-a, mahu jeyah, gado jeyah, nyee ne jeyah, lye üphong ni phalak wongpong.
5“Aope kahta ütam-e I jing yinmok-e kah yejema-a wuwünglick kah hahne tamlakei, yejema-a yoi yinmok lanne teiye eiha kah hahne tamküma-a, lye yoi kah yejema-a wuwünglick kah shemeipupawe shümlak wongpong.
6“Aope kahta ütam-e Inok kah me vün ngaine tam-e hüyange hatüo phaote pah-e eiha nok kah te peiye ngaiye ngohpu tahphao hüyange tahlick hah kümlakei; aowe vün wok lye ütingme shümlak wongpong.
7 #
Lev 5.14—6.7; Lung 5.5-8. “Kahta ütam-e I yak me kahta ütam ngin yejema-a toinyu angma-a, hüyange hatüo inok mepu kuh teiküma-a, kuhpa pho küma-a Iye üphongni shümme yelak wongpong. 8Hüpoi kuhpa yepho ok küma-a, nok nokpuwe eihapa toinyu moth te yak yupu heiya yeyupu tüopa shinglak jingne, I Kahwang sheshao me woi peiye jiengpu yahlak wongpong.
9“Toinyu nanha jingne mop ngaipu lili me, mahu jingne jeyah, gado jingne jeyah, nyee jingne jeyah, inkheklan jing jeyah, yejema-a hüke hanghe mahpu jingne jelakei jeyapoi, ütam-e ‘Hatüo üjing üja she ima-a,’ ükhong moini ngaowa Kahwang shongte peilak wongpong; Kahwange ao yeine tamlakei lye yoi pheipupa te üphong ni phalak wongpong.
10“Kahta ütam-e ütamja jing gado jeyah, mahu jeyah, nyee jeyah yinmok ütam anglak jingne phama-a, hüyange aowe-o ye-ngepe tüopa limahma-a yejema-a mako sama-a yejema-a jange teima-a, 11Iye yoi eihapa moth te jonpu heiya yejonpuweih Youngwanpa sheshao me jiengjeplak wongpong; hüyange nokpuwe tüopa jiengjeppu te monglak wongpong, hüyange eihapawe shaaji Ite shümpu yephalak. 12Hüpoi yinmok-a kuh-e teine tamyange ngohma-a, lye tüopa nokpu te shümme yelak wongpong. 13Hüpoi tüopa phao yinmok-e toipu ne mengma-a, kahtapawe saki ne üjeam yah peilak yang, hüma-a yinmok-e hanghe toi yangki, tüopa jingne lye shümme yelak yeje.
14“Kahta ütam-e ülao kahta ja mepu yinmok seaye jon, hüyange nokpuwe manyah wante tüopa mako sama-a yejema-a liküma-a, ütingme tüopa kahtawe shümlak wongpong. 15Hüpoi nokpu ngohwante hatüo ngaipu ne mengma-a, lye shümlak wongpongne yeje. Hatüo nan shakke jonpu ne mengma-a, tüopa nanmee-a nokpuwe tüolak.”
Mhon Hüyange Mengpu Wanglam Ngaokhüm
16 #
Hin 22.28,29. “Kahta ütam-e üne-o mankhümpe ngohpu naoyha yohkah-e yha phei phwngngamma-a, lye ütingme yoi shekonyu ne menglak jingne yha mee phalak yang. 17Hüpoi naoyha nyu Ipawe lanshe I tangte yha taine mintam she lanma-a lye nyemnya yha mee khakshuwe naoyhanyu üpate phalak wongpong.
18 #
Lev 20.27; Hin 18.10. “Yepahipa lingpu sheko üyin me angne tahtam.
19 #
Lev 18.23; 20.15,16; Hin 27.21. “Yinmok phei phwngngampu netan li ne tamtüoh.
20“Aohipawe tao Youngwanpa tokte kaiye ülao kahwang te toidolakei; li ne tamlak ne yeitam tüoh.
21 #
Woi 23.9; Lev 19.33,34; Hin 27.19. “Yinpa te numan-e yemeipe tahjon yejema-a shaoshi ne yetamlak yang; teih tüoyah, numan Egypt kahtok me yinpa ne ngohyangki 22#Hin 24.17.Numan-e wamnyu yejema-a khah-ha shaoshi ne tahtam. 23Numan-e iman shaoshi ne tamma-a hüyange iman nehi üte üngwünma-a, ütingme Taowe iman-e üngwünpu jailak; 24hüyange ü-mongshih ngailak, hüyange Taowe wehok me numan toilak; hüyange numan shekonyulan wamnyu ne menglak hüyange numan hayimlan khah-ha ne menglak.
25 #
Lev 25.36,37; Hin 23.19,20. “Nange ü-kahtalan aoyin toiha ne ngohnang, imante ngin sea pha yahma-a, ngin sea phapalanne lingpu kih-e tahling; hüyange Ite shom-e yepha she tah i. 26Nange ütamja jing inkhek tei janyange yahküma-a, nange Ite wanghe mannyippe muh leihye-e phalak yang; 27hangjingne Ite büanglak tüoshaha ngohnang, hatüowa I sho jingne I inkhek ngohnang. I hanghe phei shilak? Hüyange aope lye Üte jamlak jingne üngwünlakei, Taowe Ite jailak; hangjingne Tao shüpshe phei ngohnang.
28 #
Lam 23.5. “Nange Kahwangte yaowe leye tah ngao yejema-a kahtalan tangme wanglam lampalan phoiwümme tahling.
29 #
Woi 23.16,19; Hin 26.2-11; Woi 13.2,11-16. “Aope phalak hipak ngoiyapeih, shon yengohpe numan jing tahlick, numan jing wuwüngti, hüyange numanjing olive minnga mepu üte dopu yahkei.
“Nang jing üwangpa halom üte yahkei. 30Nangjing üwangne puhpu mahu üha hei nyee üha üte yahkei. Üwangne puhpu üponghalan ünyu phei nyih nyit ngoh ne tamtüoh, hüyange tet shepupa nyih me üte dopha.
31 #
Woi 19.6; Lev 11.44; 19.1; 7.24; 17.15. “Numan-a ü-kahtalan, tüokhei phao yinmok-e toipu hanghe yinmok mei-o numan-e yehahlak yang; hahleima, tüopa-a kuihalante phatüoh.”
Currently Selected:
WOITEI 22: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
WOITEI 22
22
Shümme Yelak Ngaokhüm Jeng
1“Kahta ütam-e mahu ja yejema-a nyee ja kuhma-a hüyange hatüo toima-a, yejema-a yüoküma-a, lye mahu üpong ja nanleiye mahu üpong nga, hüyange nyee ja nanleiye nyee peli shümme yelak yang; ütingme Iye shümpu phalak wongpong; I me hango yenangma-a, lye kuhyangpu jingne I rha ne yüolak.
2“Kuhpaja wangnyak me nok menge onge ngohwante phoma-a, hüyange I shütte toima-a, I iy jingne shüt pupa-a ümeng yejelak. 3Hüpoi wanghe ong pheime hükih-e ngaipu ne mengma-a, hüwantepa-a iy shaiyangpu jingne I ümengne menglak. 4Iye kuhpuwa üyin me ngoh-e tüopu ne mengma-a, mahu jeyah, gado jeyah, nyee ne jeyah, lye üphong ni phalak wongpong.
5“Aope kahta ütam-e I jing yinmok-e kah yejema-a wuwünglick kah hahne tamlakei, yejema-a yoi yinmok lanne teiye eiha kah hahne tamküma-a, lye yoi kah yejema-a wuwünglick kah shemeipupawe shümlak wongpong.
6“Aope kahta ütam-e Inok kah me vün ngaine tam-e hüyange hatüo phaote pah-e eiha nok kah te peiye ngaiye ngohpu tahphao hüyange tahlick hah kümlakei; aowe vün wok lye ütingme shümlak wongpong.
7 #
Lev 5.14—6.7; Lung 5.5-8. “Kahta ütam-e I yak me kahta ütam ngin yejema-a toinyu angma-a, hüyange hatüo inok mepu kuh teiküma-a, kuhpa pho küma-a Iye üphongni shümme yelak wongpong. 8Hüpoi kuhpa yepho ok küma-a, nok nokpuwe eihapa toinyu moth te yak yupu heiya yeyupu tüopa shinglak jingne, I Kahwang sheshao me woi peiye jiengpu yahlak wongpong.
9“Toinyu nanha jingne mop ngaipu lili me, mahu jingne jeyah, gado jingne jeyah, nyee jingne jeyah, inkheklan jing jeyah, yejema-a hüke hanghe mahpu jingne jelakei jeyapoi, ütam-e ‘Hatüo üjing üja she ima-a,’ ükhong moini ngaowa Kahwang shongte peilak wongpong; Kahwange ao yeine tamlakei lye yoi pheipupa te üphong ni phalak wongpong.
10“Kahta ütam-e ütamja jing gado jeyah, mahu jeyah, nyee jeyah yinmok ütam anglak jingne phama-a, hüyange aowe-o ye-ngepe tüopa limahma-a yejema-a mako sama-a yejema-a jange teima-a, 11Iye yoi eihapa moth te jonpu heiya yejonpuweih Youngwanpa sheshao me jiengjeplak wongpong; hüyange nokpuwe tüopa jiengjeppu te monglak wongpong, hüyange eihapawe shaaji Ite shümpu yephalak. 12Hüpoi yinmok-a kuh-e teine tamyange ngohma-a, lye tüopa nokpu te shümme yelak wongpong. 13Hüpoi tüopa phao yinmok-e toipu ne mengma-a, kahtapawe saki ne üjeam yah peilak yang, hüma-a yinmok-e hanghe toi yangki, tüopa jingne lye shümme yelak yeje.
14“Kahta ütam-e ülao kahta ja mepu yinmok seaye jon, hüyange nokpuwe manyah wante tüopa mako sama-a yejema-a liküma-a, ütingme tüopa kahtawe shümlak wongpong. 15Hüpoi nokpu ngohwante hatüo ngaipu ne mengma-a, lye shümlak wongpongne yeje. Hatüo nan shakke jonpu ne mengma-a, tüopa nanmee-a nokpuwe tüolak.”
Mhon Hüyange Mengpu Wanglam Ngaokhüm
16 #
Hin 22.28,29. “Kahta ütam-e üne-o mankhümpe ngohpu naoyha yohkah-e yha phei phwngngamma-a, lye ütingme yoi shekonyu ne menglak jingne yha mee phalak yang. 17Hüpoi naoyha nyu Ipawe lanshe I tangte yha taine mintam she lanma-a lye nyemnya yha mee khakshuwe naoyhanyu üpate phalak wongpong.
18 #
Lev 20.27; Hin 18.10. “Yepahipa lingpu sheko üyin me angne tahtam.
19 #
Lev 18.23; 20.15,16; Hin 27.21. “Yinmok phei phwngngampu netan li ne tamtüoh.
20“Aohipawe tao Youngwanpa tokte kaiye ülao kahwang te toidolakei; li ne tamlak ne yeitam tüoh.
21 #
Woi 23.9; Lev 19.33,34; Hin 27.19. “Yinpa te numan-e yemeipe tahjon yejema-a shaoshi ne yetamlak yang; teih tüoyah, numan Egypt kahtok me yinpa ne ngohyangki 22#Hin 24.17.Numan-e wamnyu yejema-a khah-ha shaoshi ne tahtam. 23Numan-e iman shaoshi ne tamma-a hüyange iman nehi üte üngwünma-a, ütingme Taowe iman-e üngwünpu jailak; 24hüyange ü-mongshih ngailak, hüyange Taowe wehok me numan toilak; hüyange numan shekonyulan wamnyu ne menglak hüyange numan hayimlan khah-ha ne menglak.
25 #
Lev 25.36,37; Hin 23.19,20. “Nange ü-kahtalan aoyin toiha ne ngohnang, imante ngin sea pha yahma-a, ngin sea phapalanne lingpu kih-e tahling; hüyange Ite shom-e yepha she tah i. 26Nange ütamja jing inkhek tei janyange yahküma-a, nange Ite wanghe mannyippe muh leihye-e phalak yang; 27hangjingne Ite büanglak tüoshaha ngohnang, hatüowa I sho jingne I inkhek ngohnang. I hanghe phei shilak? Hüyange aope lye Üte jamlak jingne üngwünlakei, Taowe Ite jailak; hangjingne Tao shüpshe phei ngohnang.
28 #
Lam 23.5. “Nange Kahwangte yaowe leye tah ngao yejema-a kahtalan tangme wanglam lampalan phoiwümme tahling.
29 #
Woi 23.16,19; Hin 26.2-11; Woi 13.2,11-16. “Aope phalak hipak ngoiyapeih, shon yengohpe numan jing tahlick, numan jing wuwüngti, hüyange numanjing olive minnga mepu üte dopu yahkei.
“Nang jing üwangpa halom üte yahkei. 30Nangjing üwangne puhpu mahu üha hei nyee üha üte yahkei. Üwangne puhpu üponghalan ünyu phei nyih nyit ngoh ne tamtüoh, hüyange tet shepupa nyih me üte dopha.
31 #
Woi 19.6; Lev 11.44; 19.1; 7.24; 17.15. “Numan-a ü-kahtalan, tüokhei phao yinmok-e toipu hanghe yinmok mei-o numan-e yehahlak yang; hahleima, tüopa-a kuihalante phatüoh.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.