WOITEI 30
30
Sümuk Wümjong
(Woi 37.25-28)
1 #
Woi 37.25-29. “Sümuk-e dolak jingne nange acacia pee phei wümjong ja lingtüoh. 2Hatüowa üjük üpeam jakih-e ngohlak, üjükte yakkong ja, hüyange üpeamte yakkong ja, hüyange tüopa daopute yakkong ni ngohlak. Tüopa tepu üwonga üpe ja ne hei ngohlak. 3Ükao peli ütok khongkümpute, hüyange tüopa tepu üwongte jaoshepu honne lümtüoh, hüyange tüopa ünah neikon-e honne ünah lingtüoh. 4Tüopa pailak jingne hon shüptet ni lingtüoh hüyange tüolan-a sheam leyange pailak jingne üjeng moini yekao me satamtüoh. 5Tüolan sheam-a acacia pee phei lingtüoh tüolan te honne phowe tamtüoh. 6Tüopa wümjonga nange jiengjeppu ghonu sheshao me jhotyange ngohpu jhotnye ü-at me angtam tüoh. Ümeken me Tao nang phei hüolak ngohnang. 7Napjeih she aope vüntük tümtalak jingne Aaron peilakeih, üpe meipu sü Iye tüopa tangme jakke muklak. 8Aope ünpong me Aaron vüntük pahyalakeih lye hüke jakih-e muh linglak. Tüopa sümuk-e dopu ngoikülak hipak khongkümpu jingne yephünpe jonlak yang. 9Tüopa wümjong tangme yejao yeshapu sü hango, yinmok dopu hango, yejema-a hahying dopu yedolak yang; hüyange tüopa tangme nange wuwüngti hango tahshok tam. 10Wangpeng te ja me Aaron-e tüopa üwongte tantampu phümwüm lak. Ngoikülak jin khongkümpu me Iye tüopa-a tantampu yinmok iy-e ünu jao tampu linge, ünu jingne dolak yang. Hatüo-a Youngwanpa te loishe shejaopupa.”
Tantampu Ngin
11 #
Woi 38.25,26. Youngwanpawe Mosa te i, 12“Aope nange Israel kahtalan shangtoi ilakei, iman kahta lili-e yoi üyin jingne lanmee üte phalak; hümme nakshih aope shangtoi ilakei, hüwante Ite daktin hango yengoilak. 13Shangtoi ipu me ompu kahta lili-e itpu meitam ngin phalak wongpong; Üjao nyoi me itte sheampu shekel tangkhüw phalak yang. Kahta lili-e tüopa-a üte dopu ja ne phalak yang. 14Shangtoi ipu me omme iyangpu moilanne hüke wangpeng da ngoitephei hüyange tüotok tepu kahta lili-e tüopa meitam-a üte phalak yang. 15Aope numan-e numan üyin jingne Youngwanpate lanmee dopu yahpeilakeih, hakpawe shekel tangkhüw phei nyei-e sheyong she phalak ne-o yeje, hüyange toiha lan-e sheshoi she phalak ne-o yeje. 16Israel kahtalan mepu tüopa ünu lantampu ngin shaitüoh hüyange tüopa-a ü-khümjing nyenok paowe tükpu me jontüoh. Tüopa shangtoi ngin-a iman üyin shakpu nginne menglak, hüyange iman üyin yinne anglak jingne Taowe teih tüolak.”
Shakphanyan Yankhong
17Youngwanpawe Mosa te i, 18#Woi 38.8.“Nange shakphanyan yajenth phei shakphan yan yankhong ja lingtüoh. Khümjing nyenok hei wümjong nipa me tüopa-a angtüoh, hüyange tüo me yeng shokke angtüoh. 19Aaron hei I halan-e tüowe imanjing yak hei ya tuh pholak. 20Aope iman nyenok-khümjing yejema-a aope iman vün phei Youngwanpate toidolak shaoshanlak jingne wümjong shongte owe peilakeih, iman-e yeng phei tuhpholak, hümme nakshih iman yelilak. 21Iman-e imanjing yak hei ya tuh poilak yang, hümme nakshih iman yelilak. Tüopa ngaokenga iman hüyange imanjing huhayimlan ne jin jintepu jingne jonlak.”
Pholak Minnga
22 #
Woi 37.29. Üne-o Youngwanpawe Mosate i, 23“Shemeipupa üpe meipulan yahtüoh; yingwangti üyeng shekel gho nga, hüyange wüngwük-e üpe mei-e pepu longkhok shekel tangkhüw, hatüo-a gho ni denga, hüyange bonggong shekel gho ni denga, 24hüyange cassia üjao nyoi me tok-heipu shekel gho nga hüyange olive minnga litre peli püotüoh. 25Hüyange nange üpe pelak lingpawe lingpu üpe ümei phei nyütyange üjaopa pholak minnga lingtüoh. 26Tüopa yahyange nange khümjing nyenok hei jiengjeppu ghonu te pholak jingne. 27Khao hüyange tüopa me jonne paipu toinan lili, vüntük yongjing hüyange tüopa me jonne paipu toinan, 28hüyange jakke dopu wümjong tüomepu jonpaipu khongküm om-e, hüyange tüopa yonglak yankhong. 29Tüolan toinan khongkümpu hüke jaowe tamtüoh, hüwante tüolan-a lanshe üjao ne menglak, hüyange ütam-e yejema-a ülam jawe tüolante letma-a, tüopa mepu ünganwong kaiye ütuh ne menglak. 30Tüophei me Aaron hei Ihalante minnga phowe tamtüoh, hüyange ü-toishao me iman-e ngengpalanne phünne phawe tamtüoh. 31Israel kahtalante tüopa itüoh, ‘Tüopa üjaopa minnga phowe tampu toishao-a ü-shaoshanpu me ngoikülak jin khongkümpu me jontüoh. 32Hatüowa kahta lili pümte yeshok tamlak yang, yejema-a tüopa lepu me teinyütte numan-e hango yelinglak yang. Hatüowa üjao ngohnang, hüyange numan-e hatüowa üjao toishao ja ne tükke jonlak yang. 33Aohipawe tüopa le-pume nyütte linglakei, yejema-a aowe tüopawe ngengpa ne üjepu jate jonlakei, I-a shaaji ü-kahtalan yo me ye-omlak.’ ”
Sünyet
34Hüyange Youngwanpawe Mosate i, “Nange üpe meipu stacte hei onycha, hüyange galbanum petilan ja kih kih-e hüyange jaoshepu sü yahtüoh. 35Üpe meipu phei jamlak jingne sünyet jontüoh. Tüopa jaoweshawe hüyange üjaopa me anglak jingne hüm paowe nyüttüoh. 36Tüopa mepu ütam yahyange shemeipupa nihphung ne menge khoi tüoh, khümjing nyenokte tüopa yahpei tüoh, hüyange jiengjeppu ghonu sheshao me shaitam tüoh. Tüopa sünyet-a lanshe üjaopa me jontüoh. 37Numan jingne tüopa lepu me ülao sünyet lingne tüopa wanglam tah jon. Tüopa-a üte jaowe tampu üjao toishao ne jontüoh. 38Kahta ütam-e toishao ütam tüopa lepu me üpe ümei ngailak jingne lingma-a, I-a ü-kahta yo mepu lang winlak.”
Currently Selected:
WOITEI 30: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
WOITEI 30
30
Sümuk Wümjong
(Woi 37.25-28)
1 #
Woi 37.25-29. “Sümuk-e dolak jingne nange acacia pee phei wümjong ja lingtüoh. 2Hatüowa üjük üpeam jakih-e ngohlak, üjükte yakkong ja, hüyange üpeamte yakkong ja, hüyange tüopa daopute yakkong ni ngohlak. Tüopa tepu üwonga üpe ja ne hei ngohlak. 3Ükao peli ütok khongkümpute, hüyange tüopa tepu üwongte jaoshepu honne lümtüoh, hüyange tüopa ünah neikon-e honne ünah lingtüoh. 4Tüopa pailak jingne hon shüptet ni lingtüoh hüyange tüolan-a sheam leyange pailak jingne üjeng moini yekao me satamtüoh. 5Tüolan sheam-a acacia pee phei lingtüoh tüolan te honne phowe tamtüoh. 6Tüopa wümjonga nange jiengjeppu ghonu sheshao me jhotyange ngohpu jhotnye ü-at me angtam tüoh. Ümeken me Tao nang phei hüolak ngohnang. 7Napjeih she aope vüntük tümtalak jingne Aaron peilakeih, üpe meipu sü Iye tüopa tangme jakke muklak. 8Aope ünpong me Aaron vüntük pahyalakeih lye hüke jakih-e muh linglak. Tüopa sümuk-e dopu ngoikülak hipak khongkümpu jingne yephünpe jonlak yang. 9Tüopa wümjong tangme yejao yeshapu sü hango, yinmok dopu hango, yejema-a hahying dopu yedolak yang; hüyange tüopa tangme nange wuwüngti hango tahshok tam. 10Wangpeng te ja me Aaron-e tüopa üwongte tantampu phümwüm lak. Ngoikülak jin khongkümpu me Iye tüopa-a tantampu yinmok iy-e ünu jao tampu linge, ünu jingne dolak yang. Hatüo-a Youngwanpa te loishe shejaopupa.”
Tantampu Ngin
11 #
Woi 38.25,26. Youngwanpawe Mosa te i, 12“Aope nange Israel kahtalan shangtoi ilakei, iman kahta lili-e yoi üyin jingne lanmee üte phalak; hümme nakshih aope shangtoi ilakei, hüwante Ite daktin hango yengoilak. 13Shangtoi ipu me ompu kahta lili-e itpu meitam ngin phalak wongpong; Üjao nyoi me itte sheampu shekel tangkhüw phalak yang. Kahta lili-e tüopa-a üte dopu ja ne phalak yang. 14Shangtoi ipu me omme iyangpu moilanne hüke wangpeng da ngoitephei hüyange tüotok tepu kahta lili-e tüopa meitam-a üte phalak yang. 15Aope numan-e numan üyin jingne Youngwanpate lanmee dopu yahpeilakeih, hakpawe shekel tangkhüw phei nyei-e sheyong she phalak ne-o yeje, hüyange toiha lan-e sheshoi she phalak ne-o yeje. 16Israel kahtalan mepu tüopa ünu lantampu ngin shaitüoh hüyange tüopa-a ü-khümjing nyenok paowe tükpu me jontüoh. Tüopa shangtoi ngin-a iman üyin shakpu nginne menglak, hüyange iman üyin yinne anglak jingne Taowe teih tüolak.”
Shakphanyan Yankhong
17Youngwanpawe Mosa te i, 18#Woi 38.8.“Nange shakphanyan yajenth phei shakphan yan yankhong ja lingtüoh. Khümjing nyenok hei wümjong nipa me tüopa-a angtüoh, hüyange tüo me yeng shokke angtüoh. 19Aaron hei I halan-e tüowe imanjing yak hei ya tuh pholak. 20Aope iman nyenok-khümjing yejema-a aope iman vün phei Youngwanpate toidolak shaoshanlak jingne wümjong shongte owe peilakeih, iman-e yeng phei tuhpholak, hümme nakshih iman yelilak. 21Iman-e imanjing yak hei ya tuh poilak yang, hümme nakshih iman yelilak. Tüopa ngaokenga iman hüyange imanjing huhayimlan ne jin jintepu jingne jonlak.”
Pholak Minnga
22 #
Woi 37.29. Üne-o Youngwanpawe Mosate i, 23“Shemeipupa üpe meipulan yahtüoh; yingwangti üyeng shekel gho nga, hüyange wüngwük-e üpe mei-e pepu longkhok shekel tangkhüw, hatüo-a gho ni denga, hüyange bonggong shekel gho ni denga, 24hüyange cassia üjao nyoi me tok-heipu shekel gho nga hüyange olive minnga litre peli püotüoh. 25Hüyange nange üpe pelak lingpawe lingpu üpe ümei phei nyütyange üjaopa pholak minnga lingtüoh. 26Tüopa yahyange nange khümjing nyenok hei jiengjeppu ghonu te pholak jingne. 27Khao hüyange tüopa me jonne paipu toinan lili, vüntük yongjing hüyange tüopa me jonne paipu toinan, 28hüyange jakke dopu wümjong tüomepu jonpaipu khongküm om-e, hüyange tüopa yonglak yankhong. 29Tüolan toinan khongkümpu hüke jaowe tamtüoh, hüwante tüolan-a lanshe üjao ne menglak, hüyange ütam-e yejema-a ülam jawe tüolante letma-a, tüopa mepu ünganwong kaiye ütuh ne menglak. 30Tüophei me Aaron hei Ihalante minnga phowe tamtüoh, hüyange ü-toishao me iman-e ngengpalanne phünne phawe tamtüoh. 31Israel kahtalante tüopa itüoh, ‘Tüopa üjaopa minnga phowe tampu toishao-a ü-shaoshanpu me ngoikülak jin khongkümpu me jontüoh. 32Hatüowa kahta lili pümte yeshok tamlak yang, yejema-a tüopa lepu me teinyütte numan-e hango yelinglak yang. Hatüowa üjao ngohnang, hüyange numan-e hatüowa üjao toishao ja ne tükke jonlak yang. 33Aohipawe tüopa le-pume nyütte linglakei, yejema-a aowe tüopawe ngengpa ne üjepu jate jonlakei, I-a shaaji ü-kahtalan yo me ye-omlak.’ ”
Sünyet
34Hüyange Youngwanpawe Mosate i, “Nange üpe meipu stacte hei onycha, hüyange galbanum petilan ja kih kih-e hüyange jaoshepu sü yahtüoh. 35Üpe meipu phei jamlak jingne sünyet jontüoh. Tüopa jaoweshawe hüyange üjaopa me anglak jingne hüm paowe nyüttüoh. 36Tüopa mepu ütam yahyange shemeipupa nihphung ne menge khoi tüoh, khümjing nyenokte tüopa yahpei tüoh, hüyange jiengjeppu ghonu sheshao me shaitam tüoh. Tüopa sünyet-a lanshe üjaopa me jontüoh. 37Numan jingne tüopa lepu me ülao sünyet lingne tüopa wanglam tah jon. Tüopa-a üte jaowe tampu üjao toishao ne jontüoh. 38Kahta ütam-e toishao ütam tüopa lepu me üpe ümei ngailak jingne lingma-a, I-a ü-kahta yo mepu lang winlak.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.