WOITEI 6
6
Israellan Yinlak Ngaotam
1 #
Lam 13.17. Hüwante Youngwanpawe Mosa te i, “Ahngpa te Taowe hanghe linglak nange ngelak: wongnangpu ü-yak ngohtepuwe Iye iman taine tamlak; wongnangpu ü-yak ngohtepuwe Iye yoi kahmük mepu iman jang teilak.”
2Kahwange Mosa phei ngao hüyange i, “Taowa Youngwanpa. 3Tao Abraham tangte, Isaac tangte hüyange Jacob tangte Ütahpa Kahwang ne ngai, hüpoi iman tangte Taowe Ü-üjaopa min ‘Youngwanpa’, hatüo Taowe ü-nying nyingte imante shingne yetampe ngoh yangki. 4Taowe üne-o Kanan kahtok hanghepa me yinkempa ja kih-e iman nyoi, tüopa kahtok iman te phalak Taowe iman phei jiengjeppu-o ling yangki. 5Sha-a Egypt lan-e rha ne angpu Israel hayimlan shap yoongpu Tao jaiteki; hüyange Taowe Ü-jiengjeppu teih tüoteki. 6Tüokhei Israellante itüoh, ‘Taowa Youngwanpa, hüyange Taowe numan Egyptlan hangkiyih mepu woiteilak, hüyange iman-e shapu phangme ngohpu numan yinlak hüyange yakhongpu hüyange ngaophünpu üyong kaiye Taowe numan yinne tamlak; 7Taowe numan-a ü-kahtalanne yahlak, hüyange Taowa numan Kahwang ne menglak. Hüyange aope numan Egyptlan hangkiyih mepu Taowe numan tantamlak kei, Youngwanpa numan Kahwang-a Tao ngoh nang she numan-e shinglak. 8Hüyange Abraham, Isaac hüyange Jacob te phalak hanghepa kahmük jingne Taowe ü-yak hong, tüopa kahmük yete Taowe numan woipeilak; hüyange hatüowa numante mothlei tamlak jingne phalak. Taowa Youngwanpa ngohnang.’” 9Tüokhei Mosawe Israel hayimlan phei ngao; hüpoi mongjang paine tam-e hüyange shüpshe yenangpe sha-apu yatuhshao me ngohpu kaiye iman-e Mosa ngao te mong yepha.
10Hüwante Youngwanpawe Mosa te ngao, 11“Yayong tüoh hüyange Egypt ahngpa te Israel hayimlan I kahtok mepu taine tamtüoh she itüoh.”
12Hüyangpoi Mosawe Youngwanpa sheshao me ngaowe i, “Leihuyah, Israel hayimlan-e nehoi üte yejai; hüma-a tao jupen sho yekhüppu kahta jate ahngpawe hangke jailak?”
13Hüpoi Youngwanpawe Mosa hei Aaron nite ngaokeng phawe i, “Israel lante hüyange Egypt ahngpate hüke Egypt kahtok mepu Israellan numan-e woiye ngailak jingne ngaokeng phateki” she itüoh.
Mosa Hei Aaron Noksa Jeng
14 #
Kaht 46.8-11; Lung 26.5-14. Hatüolan-a iman noksalan wujüng üshanglan ngohnang: Israel üwangne puhpu ha Reuben me naoshe peli: Hanoch, Pallu, Hezron, hüyange Carmi; tüolan-a Reuben noksalan. 15Simeon me naoshe wok ngoh: Jemuel, Jamin, Ohad, Jachin, Zohar, hüyange Shaul Kananlan sheko mepu ha; iman-a iman min me ngaipu puhu tepu pajeiyonglan ngoh nang. 16#Lung 3.15-20; 26.57-58; 1 Put 6.1,16-19.Levi me naoshe lüm ngoh: Gershon, Kohath, hüyange Merari: iman-a iman minme ngaipu puhu tepu pajeiyonglan ngoh nang. Levi nyupuh wangpeng gho ja phei me delüm me nyit lwngmei ne nyoi yangki. 17Gershon me naoshe ni ngoh: Libni hei Shimei, hüyange iman me huhayimlan üngang ngoh yangki. 18Kohath me naoshe peli ngoh: Amram, Izhar, Hebron, hüyange Uzziel; hüyange Kohath nyupuh wangpeng ghoja phei me delüm phei me lüm lwngmei ne nyoi yangki. 19Merari me hayim naoshe ni ngoh yangki. Mahli hei Mushi. Hüke tüolan-a iman jing huhayimlan phei Levi puhulan ne ngoh yangki.
20 #
Lung 26.58-60. Amram me I sheko ne menglak jingne Ipa ünao Jochebed yah; hüyange yhawe Ite Aaron hei Mosa ni puhtam. Hüyange Amram nyupuh wangpeng gho ja phei me delüm me nyit lwngmei ne ngohyangki. 21Izhar me naoshe lüm ngoh: Korah, Nepheg, hüyange Zichri. 22Uzziel me naoshe lüm ngai: Mishael, Elzaphan, hüyange Sithri.
23Hüyange Aaron-e Nahshon ünao Amminadab üha, Elisheba sheko ne yah. Hüyange yhawe Ite Nadab, Abihu, Eleazar, hüyange Ithamar puhtam. 24Korah me naoshe lüm ngoh: Assier, Elkanah, hüyange Abiasaph; iman-a Korah puhu mepu yanpu huhayimlan ngoh nang. 25Hüyange Aaron üha Eleazarwe Putiel yhalalan yo mepu ja shekonyu ne yah; hüyange yhawe Ite Phinehas puhtam. Tüolan-a Levi nokphong puhulan tepu noksa üshanglan ngoh nang.
26Hatüowa tüopa Aaron hei Mosa ni muh aoyinte Youngwanpawe “Egypt mepu Israellan ükhong ükhong lingyange woi ngaitüoh she ngaotam.” 27Egypt mepu Israellan woi ngailak jingne Egypt Ahngpa Pharaoh te ngaopu tüopa Mosa hei Aaron imni muh ngohnang.
Mosa Hei Aaron Ni-e Kahwangpa Ngao Jai
28Aope Egypt kahtok me Youngwanpawe Mosa te ngao, 29lye Ite i, “Taowa Youngwanpa ngohnang. Taowe nangte ngaowe tampu shemin lamphe Egypt ahngpate ngaotüoh.”
30Hüpoi Mosawe Youngwanpate jan-e i, “Leihuyah, tao ngao yeman pe ngaopu kahta ja, hüma-a hangne ahngpawe ü-ngao jailak?”
Currently Selected:
WOITEI 6: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
WOITEI 6
6
Israellan Yinlak Ngaotam
1 #
Lam 13.17. Hüwante Youngwanpawe Mosa te i, “Ahngpa te Taowe hanghe linglak nange ngelak: wongnangpu ü-yak ngohtepuwe Iye iman taine tamlak; wongnangpu ü-yak ngohtepuwe Iye yoi kahmük mepu iman jang teilak.”
2Kahwange Mosa phei ngao hüyange i, “Taowa Youngwanpa. 3Tao Abraham tangte, Isaac tangte hüyange Jacob tangte Ütahpa Kahwang ne ngai, hüpoi iman tangte Taowe Ü-üjaopa min ‘Youngwanpa’, hatüo Taowe ü-nying nyingte imante shingne yetampe ngoh yangki. 4Taowe üne-o Kanan kahtok hanghepa me yinkempa ja kih-e iman nyoi, tüopa kahtok iman te phalak Taowe iman phei jiengjeppu-o ling yangki. 5Sha-a Egypt lan-e rha ne angpu Israel hayimlan shap yoongpu Tao jaiteki; hüyange Taowe Ü-jiengjeppu teih tüoteki. 6Tüokhei Israellante itüoh, ‘Taowa Youngwanpa, hüyange Taowe numan Egyptlan hangkiyih mepu woiteilak, hüyange iman-e shapu phangme ngohpu numan yinlak hüyange yakhongpu hüyange ngaophünpu üyong kaiye Taowe numan yinne tamlak; 7Taowe numan-a ü-kahtalanne yahlak, hüyange Taowa numan Kahwang ne menglak. Hüyange aope numan Egyptlan hangkiyih mepu Taowe numan tantamlak kei, Youngwanpa numan Kahwang-a Tao ngoh nang she numan-e shinglak. 8Hüyange Abraham, Isaac hüyange Jacob te phalak hanghepa kahmük jingne Taowe ü-yak hong, tüopa kahmük yete Taowe numan woipeilak; hüyange hatüowa numante mothlei tamlak jingne phalak. Taowa Youngwanpa ngohnang.’” 9Tüokhei Mosawe Israel hayimlan phei ngao; hüpoi mongjang paine tam-e hüyange shüpshe yenangpe sha-apu yatuhshao me ngohpu kaiye iman-e Mosa ngao te mong yepha.
10Hüwante Youngwanpawe Mosa te ngao, 11“Yayong tüoh hüyange Egypt ahngpa te Israel hayimlan I kahtok mepu taine tamtüoh she itüoh.”
12Hüyangpoi Mosawe Youngwanpa sheshao me ngaowe i, “Leihuyah, Israel hayimlan-e nehoi üte yejai; hüma-a tao jupen sho yekhüppu kahta jate ahngpawe hangke jailak?”
13Hüpoi Youngwanpawe Mosa hei Aaron nite ngaokeng phawe i, “Israel lante hüyange Egypt ahngpate hüke Egypt kahtok mepu Israellan numan-e woiye ngailak jingne ngaokeng phateki” she itüoh.
Mosa Hei Aaron Noksa Jeng
14 #
Kaht 46.8-11; Lung 26.5-14. Hatüolan-a iman noksalan wujüng üshanglan ngohnang: Israel üwangne puhpu ha Reuben me naoshe peli: Hanoch, Pallu, Hezron, hüyange Carmi; tüolan-a Reuben noksalan. 15Simeon me naoshe wok ngoh: Jemuel, Jamin, Ohad, Jachin, Zohar, hüyange Shaul Kananlan sheko mepu ha; iman-a iman min me ngaipu puhu tepu pajeiyonglan ngoh nang. 16#Lung 3.15-20; 26.57-58; 1 Put 6.1,16-19.Levi me naoshe lüm ngoh: Gershon, Kohath, hüyange Merari: iman-a iman minme ngaipu puhu tepu pajeiyonglan ngoh nang. Levi nyupuh wangpeng gho ja phei me delüm me nyit lwngmei ne nyoi yangki. 17Gershon me naoshe ni ngoh: Libni hei Shimei, hüyange iman me huhayimlan üngang ngoh yangki. 18Kohath me naoshe peli ngoh: Amram, Izhar, Hebron, hüyange Uzziel; hüyange Kohath nyupuh wangpeng ghoja phei me delüm phei me lüm lwngmei ne nyoi yangki. 19Merari me hayim naoshe ni ngoh yangki. Mahli hei Mushi. Hüke tüolan-a iman jing huhayimlan phei Levi puhulan ne ngoh yangki.
20 #
Lung 26.58-60. Amram me I sheko ne menglak jingne Ipa ünao Jochebed yah; hüyange yhawe Ite Aaron hei Mosa ni puhtam. Hüyange Amram nyupuh wangpeng gho ja phei me delüm me nyit lwngmei ne ngohyangki. 21Izhar me naoshe lüm ngoh: Korah, Nepheg, hüyange Zichri. 22Uzziel me naoshe lüm ngai: Mishael, Elzaphan, hüyange Sithri.
23Hüyange Aaron-e Nahshon ünao Amminadab üha, Elisheba sheko ne yah. Hüyange yhawe Ite Nadab, Abihu, Eleazar, hüyange Ithamar puhtam. 24Korah me naoshe lüm ngoh: Assier, Elkanah, hüyange Abiasaph; iman-a Korah puhu mepu yanpu huhayimlan ngoh nang. 25Hüyange Aaron üha Eleazarwe Putiel yhalalan yo mepu ja shekonyu ne yah; hüyange yhawe Ite Phinehas puhtam. Tüolan-a Levi nokphong puhulan tepu noksa üshanglan ngoh nang.
26Hatüowa tüopa Aaron hei Mosa ni muh aoyinte Youngwanpawe “Egypt mepu Israellan ükhong ükhong lingyange woi ngaitüoh she ngaotam.” 27Egypt mepu Israellan woi ngailak jingne Egypt Ahngpa Pharaoh te ngaopu tüopa Mosa hei Aaron imni muh ngohnang.
Mosa Hei Aaron Ni-e Kahwangpa Ngao Jai
28Aope Egypt kahtok me Youngwanpawe Mosa te ngao, 29lye Ite i, “Taowa Youngwanpa ngohnang. Taowe nangte ngaowe tampu shemin lamphe Egypt ahngpate ngaotüoh.”
30Hüpoi Mosawe Youngwanpate jan-e i, “Leihuyah, tao ngao yeman pe ngaopu kahta ja, hüma-a hangne ahngpawe ü-ngao jailak?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.