KAHTAMYENGHAN 24
24
Isaac Hei Rebekah Ni Nok Yampu
1Sha-a Abraham yeonge wupa ne mengteiye ngoh, hüyange ülam lili me Youngwanpawe Abraham moiman tam. 2Hüyange Inok me shaoshanpa she- lwngmeipu, ao lye nangpu üshei tangme nokpu ne menge ang, Ite Abraham-e i, “Nang yak ü-yungkeng nipa me#Yungkeng nipa-Jupeng me jonyange, yejeileilak jingne jiengpu wanglam ngoh. pittüoh hüyange jieng tüoh. 3Kahtok hüyange wangdang Youngwanpa min me, hatüo mepu Kanan kahtalan yo mepu üha jingne sheko yele lak she nangte taowe jiengpu yahne tamhu nang. 4Hüpoi tao ümeken me puh tüopa kahmük te nang leih yetüoh, hüyange ü-jat ü-li yo mepu üha Isaac jingne sheko ja yamtüoh.”
5Hüpoi shaoshanpawe Ite i, “Naoyhawe ü-phei woi-e tüopa kahtok te yepei hu ne ok, hüke ngaima-a, taowe nangha hanghe kahtok mepu nang pei, tüoye temuh nishe woiye teilak a?”
6Abraham-e jan-e i, “Nange ü-ha nishe tüoyekao te shonne üyetamlak jingne kentingyah! 7Youngwanpa, wangdang Kahwang aowe tao üpa nok mepu hüyange tao puhpu nyoi mepu woipei, hüyange aowe ü-phei ngao, hüyange aowe üte jiengjeppe i, ‘Nang huhayimlan te Taowe tüopa kahtok phalakei;’ lye yoi wangdang shongmokpa nang shaote shonlak, hüyange nange tüomepu üha jingne sheko tüolak. 8Hüpoi naoyhawe nang pheite woilak yemongma-a, hüwante nange üte jiengjeppu jeng hango ümeng yengoh lak. Hüpoi jaja kihpu yatuhshao ngaiyapoi nange ü-ha tüokente leih üyetamlak yang.” 9Tüokhei shaoshanpawe yoi yak Abraham yungkeng nipa me pitte tamyange I nokpuwe hanghe tong tüopa linglak jingne jiengpu yah.
10Tüokhei shaoshanpawe yoi nokpupa udh pen yahyange, hüyange yoi nokpupa mepu hünghao üshei yahyange Mesopotamia apyekao ümeken me Nahor nyoi, tüopa chingnyu te tai. 11Aope I ngoiya peih, chingnyu ünahye mepu yengnung me lye udhlan yatuh shünge shotne tam. Hatüowa shekolan yenglaipu ünpong hipak ne ngoh yangki. 12lye yoppe i, “Youngwanpa, ü-nokpu Abraham Kahwang, tenyih üte okpu yahkei hüyange ü-nokpupa Abrahamte nange janpu angpha. 13Tao hatüo ken yengnung me yonge ngohnang; hüyange chingnyu mepu naoyhalan hatüo nyoite yengshüo ne laikülak. 14Hüwante hatüo hüke ngaine tamtüoh, aohipa naoyha te taowe ‘yeng yinglak jingne nang yengtük chingmei lamlinge no-khu’ she ilakei hüyange aohinyuwe ‘yingtüoh, hüyange taowe nang udh te-o yingpha ning’ she, ilakei, tüopa-a nange nang rhapa Isaac jingne lepu ne mengpha. Hükih-e ngaipha ma-a, tüokaiye nange ü-nokpute janpu angteki she taowe shinglak.”
15Iye yoppu mansho pe, Rebekah, ao Abraham ünao Nahor shekonyu Milcah üha Bethuelwe puh, yengtük phaktang me paiyange pei ngoi. 16Naoyhanyuwa yeonge naoyha meipu hüyange jaoshepu netan ao phei-o manhüopu naoyha ja ne ngoh; hüyange yhawe yengnung te yuwe, yoi yengtük maawe shaowe ngai. 17Hüwante shaoshanpawe yha phei hüolak jingne phette wenne i, “Chingmei lamlinge nang yengtük mepu yeng üjingha üte yingtam khu.”
18Yhawe i, “Yingtüoh, üyongpa,” hüyange yhawe mam-e, yha yengtük phaktang mepu yakme nowe taiyange Ite yinge tam. 19Aope lye yinge sho, yhawe i, “Taowe nang udhlan jingne-o, iman-e yinge mansho mansho yeng shaoküning.” 20Tüokhei yhawe mam-e, yoi yengtük mepu aksheng me yeng yeiyange, yengnung te nishe phette ye-e I udhlan khongkümpu jingne yeng shao. 21Kahtapawe I yintaipu yin ünna Youngwanpawe moimanne tampu jeyapu she, ngao yengaipe yhate lei.
22Aope udhlanne yeng yinge sho, kahtapawe shekel tangkhüw tokyangpu hon naju yahpuwe yha nateang me künne tam, hüyange yha yak me hon wentong ni shekel pen tokyangphei lange tam. 23Iye i, “Nanga ao nok naoyha shi? üte itehu! Nangpa nok me toman jingne ngoilak nyoi ngohlak jeya?”
24Yhawe Ite janne i, “Taowa Milcah hei Nahor nok üha Bethuel nok naoyha.” 25Üne-o yhawe Ite i, “Toman nok me tahjan hei phümyak wangman-e ngoh nang, hüyange numan ngoi oklak nyoi ngoh nang.”
26Hüwante kahtapawe yoi yatuh shüng hüyange Youngwanpa te yoppe khüm. 27Hüyange lye i, “Youngwanpa, ü-nokpu Abraham Kahwang minyong tüoh; aowe ü-nokpupa te yoi janpu ngaotingpa me ange tam. Youngwanpawe ü-nokpupa jeihei naolan nok lam yete tingkhakke tao woipei ne tam.”
28Naoyhanyu yoi nyu nokte phette ye hüyange pungao khongkümpu iye tam. 29Sha-a Rebekah I jei ja min Laban ngoh; hüyange ümeken me Abraham shaoshanpalan ngoh tüoye te lailak jingne I nokshao te phette yu. 30Aope lye yoinao nateang me naju hüyange yak me wentong langyange nge, hüyange aope Iye Inao Rebekah ngao, “Kahtapawe hüke üte ngao,” she ipu jai, hüwante I tüopa kahta tangte lai; hüyange leitüoh, I udh phei yengnung ü-o me yongyange ngoh yangki. 31Iye i, “Kei, nang Youngwanpawe moimanpupa; hangne nang ünah yeme yongyange ngohpu? Hangjingne taowe numan ngoilak nok hüyange udhlan jingne nyoi temteki.”
32Tüokhei kahtapa noksate ong, hüyange Laban-e udh me ngohpu hangkilan ngeh yah, hüyange imante tahjan hei phümha pha. Tüophei me I pheipulan-e iman ya tuhlak jingne Iye yeng peiye tam. 33Aope hahyinglak jingne tümme yüoya peih, kahtawe iyangki, “Taowe hanghe ilakne ngoh, manngao pute taowe hango minhah.” Hüwante Iye i, “ngao kei.”
34Tüokhei Iye i, “Taowa Abraham shaoshanpa. 35Youngwanpawe ü-nokpupa yeonge yonge moiman teki, hüyange I hakpane menge tamteki. Hüyange Iye Ite nyee ükhong hei youn, mahu ükhong, hüyange hon hei khüm, hüyange rhapa hei rhanyulan, hüyange udh hei gadolan pha. 36Hüyange Sarah, ü-nokpu shekonyuwe, ü-nokpupa te yha wunyu ne mengte phei te, netan nahaja puh-e tam; hüyange Iye Ite yoi me nangpu üshei phateki. 37Ü-nokpupawe I ngaokeng jaiye linglak jingne üte jienge i, ‘Nange ü-ha jingne Kananlan sheko yo mepu, aoyin yo me tao ngoh nang, sheko ne tahyah tam; 38hüpoi nanga üpa nok hüyange ü-jat hei li tangte taiye, ü-ha jingne sheko yahtüoh.’ 39Hüwante taowe ü-nokpupate iyangki, ‘Shekonyuwe ü-phei te yewoihulak ne ngohma-a hangke ilak?’ 40Hüpoi Iye üte i, ‘Youngwanpa ao sheshao me tao kemnang, Iye yoi wangdang shongmokpa nang phei shonne nang lamnyu me okke tampha lak. Nange ü-ha jingne ü-kahtok mepu, hüyange üpa kahtok mepu sheko woiye peilak. 41Nange jiengpu mepu ümengne yemeng lakne nang jingne ülam ja hei ngoh nang; üpheipulan tangte nang taiyang phei te, iman-e lan küma-a, hüma-a jiengyangpu jingne nang me ümeng yenanglak.’
42“Tenyih tao yengnung te pei, hüyange i, ‘O Youngwanpa, ü-nokpu Abraham Kahwang, nange sha-a tao yintaipu moimantam pha. 43Tao hatüo me, yengnung nah me yongyange ngohnang; aope naoyha ja yeng te lailakei, “Nang yengtük mepu yeng yinglak jingne üte chingmei lamlinge yahkhu,” she taowe yha te tonglak; 44aope yhawe phalak jingne monge, “Nange yingtüoh, hüyange taowe nang udh jingne-o yeng shao phaning,” she ima-a, tüopa-a Youngwanpawe ü-nokpu ü-ha jingne lepu ne mengtam shih.’
45“Taowe ü-mongjang me yoppu manshope ngohwante, Rebekah yoi phaktang me yengtük paiyange pei, hüyange yha yengshaolak jingne yengnung te yu. Taowe yha te i, ‘Chingmei lamlinge üte yinge tamkhu.’ 46Hüyange yhawe mam mamshe yoi phaktang mepu yengtük nowe yahyange i, ‘Yingtüoh, hüyange taowe nang udh te-o yingtam phaning.’ Tüokhei taowe ying, hüyange yhawe udh te-o yinge tam. 47Hüyange taowe yha te tonge i, ‘Nanga ao nok naoyha shi?’ Hüyange yhawe janne i, ‘Nahor üha Bethuel nok naoyha, ao Milcah I shekonyuwe puh.’ Tüokhei taowe yha nateang me naju juwe tam, hüyange yha yaksea me wentong lange tam. 48Taowe yatuh shüng hüyange Youngwanpate yoppe khüm. Ü-nokpu Abraham Kahwang Youngwanpa te taowe minyong, aowe tingkhakke ü-nokpu jat hei li tang te tao woipei, ümeken me taowe ü-nokpupa üha jingne Inok yhamei tüone tam. 49Sha-a numan-e ü-nokpute kenne hüyange ütingpa me jonhuma-a, üte itam pha; hüyange üne-o ütingpa me minjan she iyapoi üte itam pha; tao yakjah yete yejema-a yaknya yete lüplak.”
50Hüwante Laban hei Bethuel niye janne i, “Hatüowa Youngwanpa mepu peipu ne mengtepuwe toman-e nangte ye-i oklak yang. 51Leitüoh, Rebekah nang sheshao me ngohnang, yha woi teiyah, hüyange Youngwanpawe ipu kih-e yha nang nokpu ü-ha shekonyu ne mengtam tüoh.” 52Aope Abraham shaoshanpawe iman ngao jai, I yoi nying nyingke khuhta hüyange Youngwanpate yop khüm. 53Hüyange shaoshanpawe khüm, hon, hüyange oleng ok ngaiye Rebekah te pha. Hüyange Iye yha üjeite hüyange yha ünyu te-o pheeiwanpu hünghaolan pha.
54Tüophei me Abraham shaoshanpa hüyange I phei ngohpu kahtalan-e hahying yange tüoya-a tüome püm. Aope iman napning shinlüo yapeih, Iye i, “Tao ü-nokpupa tangte yeshih ning.”
55Hüpoi Rebekah I jei hei I nyu niye i, “Yhameinyuwa nyih ütenja, hüke nyih pen nehoi, toman phei ngohne tamtüoh, tüophei me yha taipu oklak.”
56Hüpoi Iye imante i, “Toman tük-e tah-ang pha. Hangjingne Youngwanpawe tao yinkempu moiman tamteki; tao ü-nokpu tangte leih yeshih ning.”
57Iman-e jan, “Toman-e yhameinyu nyik-e yhawe hangke monglakei tongkü ning.” 58Tüokhei iman-e Rebekah te nyik hüyange tong, “Nang tüopa kahta phei taihu ya?” Yhawe jan-e i, “Tao tailak.”
59Tüokhei iman-e iman ünao Rebekah, hüyange yha shaoshannyu, hüyange Abraham shaoshanpa hei I kahtalan shonne tei. 60Hüyange iman-e Rebekah te moiman phawe tüolan ngao i:
“Yhamei, nang haja tokte haja pen ünyu ne mengtüoh!
“Nanghu nanghalan-e iman wepalan jing chingnyulan naone tam tüoh!”
61Tüophei me Rebekah hei naoyhalan tümme sho, hüyange udh me shotyange Abraham shaoshanpa phei te woi tai. Hüyange shaoshanpawe Rebekah woiyange yoi lamnyu yete tai.
62Sha-a Isaac Beer-lahai-roi yekao mepu pei; hüyange Kanan heyekao me ngoh. 63Isaac kah yekaote ünshao me kemkem she ngai, hüyange leishihshao me udhlan yepu nge. 64Aope Rebekah-e mük wemme lei hüyange Isaac nge, yha udh toktang mepu mamshe yu; 65hüyange yhawe Abraham shaoshanpa te tong, “Teman phei hüone kahko me kempu kahta-a ao shi?” Hüwante shaoshanpawe i, “Hatüowa ü-nokpu.” Hüwante Rebekah-e yoi sheta lümpu inkhekke shanglüm.
66Hüwante shaoshanpawe Isaacte Iye lingyangpu üshei iye tam. 67Tüophei me Isaac-e yoi nyu Sarah nyenokte yha woi pei, hüyange Rebekah yoi sheko ne meng. Isaac-e Rebekah te ken, tüokaiye Inyu liphei me I mong toloimeipu ok.
Currently Selected:
KAHTAMYENGHAN 24: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
KAHTAMYENGHAN 24
24
Isaac Hei Rebekah Ni Nok Yampu
1Sha-a Abraham yeonge wupa ne mengteiye ngoh, hüyange ülam lili me Youngwanpawe Abraham moiman tam. 2Hüyange Inok me shaoshanpa she- lwngmeipu, ao lye nangpu üshei tangme nokpu ne menge ang, Ite Abraham-e i, “Nang yak ü-yungkeng nipa me#Yungkeng nipa-Jupeng me jonyange, yejeileilak jingne jiengpu wanglam ngoh. pittüoh hüyange jieng tüoh. 3Kahtok hüyange wangdang Youngwanpa min me, hatüo mepu Kanan kahtalan yo mepu üha jingne sheko yele lak she nangte taowe jiengpu yahne tamhu nang. 4Hüpoi tao ümeken me puh tüopa kahmük te nang leih yetüoh, hüyange ü-jat ü-li yo mepu üha Isaac jingne sheko ja yamtüoh.”
5Hüpoi shaoshanpawe Ite i, “Naoyhawe ü-phei woi-e tüopa kahtok te yepei hu ne ok, hüke ngaima-a, taowe nangha hanghe kahtok mepu nang pei, tüoye temuh nishe woiye teilak a?”
6Abraham-e jan-e i, “Nange ü-ha nishe tüoyekao te shonne üyetamlak jingne kentingyah! 7Youngwanpa, wangdang Kahwang aowe tao üpa nok mepu hüyange tao puhpu nyoi mepu woipei, hüyange aowe ü-phei ngao, hüyange aowe üte jiengjeppe i, ‘Nang huhayimlan te Taowe tüopa kahtok phalakei;’ lye yoi wangdang shongmokpa nang shaote shonlak, hüyange nange tüomepu üha jingne sheko tüolak. 8Hüpoi naoyhawe nang pheite woilak yemongma-a, hüwante nange üte jiengjeppu jeng hango ümeng yengoh lak. Hüpoi jaja kihpu yatuhshao ngaiyapoi nange ü-ha tüokente leih üyetamlak yang.” 9Tüokhei shaoshanpawe yoi yak Abraham yungkeng nipa me pitte tamyange I nokpuwe hanghe tong tüopa linglak jingne jiengpu yah.
10Tüokhei shaoshanpawe yoi nokpupa udh pen yahyange, hüyange yoi nokpupa mepu hünghao üshei yahyange Mesopotamia apyekao ümeken me Nahor nyoi, tüopa chingnyu te tai. 11Aope I ngoiya peih, chingnyu ünahye mepu yengnung me lye udhlan yatuh shünge shotne tam. Hatüowa shekolan yenglaipu ünpong hipak ne ngoh yangki. 12lye yoppe i, “Youngwanpa, ü-nokpu Abraham Kahwang, tenyih üte okpu yahkei hüyange ü-nokpupa Abrahamte nange janpu angpha. 13Tao hatüo ken yengnung me yonge ngohnang; hüyange chingnyu mepu naoyhalan hatüo nyoite yengshüo ne laikülak. 14Hüwante hatüo hüke ngaine tamtüoh, aohipa naoyha te taowe ‘yeng yinglak jingne nang yengtük chingmei lamlinge no-khu’ she ilakei hüyange aohinyuwe ‘yingtüoh, hüyange taowe nang udh te-o yingpha ning’ she, ilakei, tüopa-a nange nang rhapa Isaac jingne lepu ne mengpha. Hükih-e ngaipha ma-a, tüokaiye nange ü-nokpute janpu angteki she taowe shinglak.”
15Iye yoppu mansho pe, Rebekah, ao Abraham ünao Nahor shekonyu Milcah üha Bethuelwe puh, yengtük phaktang me paiyange pei ngoi. 16Naoyhanyuwa yeonge naoyha meipu hüyange jaoshepu netan ao phei-o manhüopu naoyha ja ne ngoh; hüyange yhawe yengnung te yuwe, yoi yengtük maawe shaowe ngai. 17Hüwante shaoshanpawe yha phei hüolak jingne phette wenne i, “Chingmei lamlinge nang yengtük mepu yeng üjingha üte yingtam khu.”
18Yhawe i, “Yingtüoh, üyongpa,” hüyange yhawe mam-e, yha yengtük phaktang mepu yakme nowe taiyange Ite yinge tam. 19Aope lye yinge sho, yhawe i, “Taowe nang udhlan jingne-o, iman-e yinge mansho mansho yeng shaoküning.” 20Tüokhei yhawe mam-e, yoi yengtük mepu aksheng me yeng yeiyange, yengnung te nishe phette ye-e I udhlan khongkümpu jingne yeng shao. 21Kahtapawe I yintaipu yin ünna Youngwanpawe moimanne tampu jeyapu she, ngao yengaipe yhate lei.
22Aope udhlanne yeng yinge sho, kahtapawe shekel tangkhüw tokyangpu hon naju yahpuwe yha nateang me künne tam, hüyange yha yak me hon wentong ni shekel pen tokyangphei lange tam. 23Iye i, “Nanga ao nok naoyha shi? üte itehu! Nangpa nok me toman jingne ngoilak nyoi ngohlak jeya?”
24Yhawe Ite janne i, “Taowa Milcah hei Nahor nok üha Bethuel nok naoyha.” 25Üne-o yhawe Ite i, “Toman nok me tahjan hei phümyak wangman-e ngoh nang, hüyange numan ngoi oklak nyoi ngoh nang.”
26Hüwante kahtapawe yoi yatuh shüng hüyange Youngwanpa te yoppe khüm. 27Hüyange lye i, “Youngwanpa, ü-nokpu Abraham Kahwang minyong tüoh; aowe ü-nokpupa te yoi janpu ngaotingpa me ange tam. Youngwanpawe ü-nokpupa jeihei naolan nok lam yete tingkhakke tao woipei ne tam.”
28Naoyhanyu yoi nyu nokte phette ye hüyange pungao khongkümpu iye tam. 29Sha-a Rebekah I jei ja min Laban ngoh; hüyange ümeken me Abraham shaoshanpalan ngoh tüoye te lailak jingne I nokshao te phette yu. 30Aope lye yoinao nateang me naju hüyange yak me wentong langyange nge, hüyange aope Iye Inao Rebekah ngao, “Kahtapawe hüke üte ngao,” she ipu jai, hüwante I tüopa kahta tangte lai; hüyange leitüoh, I udh phei yengnung ü-o me yongyange ngoh yangki. 31Iye i, “Kei, nang Youngwanpawe moimanpupa; hangne nang ünah yeme yongyange ngohpu? Hangjingne taowe numan ngoilak nok hüyange udhlan jingne nyoi temteki.”
32Tüokhei kahtapa noksate ong, hüyange Laban-e udh me ngohpu hangkilan ngeh yah, hüyange imante tahjan hei phümha pha. Tüophei me I pheipulan-e iman ya tuhlak jingne Iye yeng peiye tam. 33Aope hahyinglak jingne tümme yüoya peih, kahtawe iyangki, “Taowe hanghe ilakne ngoh, manngao pute taowe hango minhah.” Hüwante Iye i, “ngao kei.”
34Tüokhei Iye i, “Taowa Abraham shaoshanpa. 35Youngwanpawe ü-nokpupa yeonge yonge moiman teki, hüyange I hakpane menge tamteki. Hüyange Iye Ite nyee ükhong hei youn, mahu ükhong, hüyange hon hei khüm, hüyange rhapa hei rhanyulan, hüyange udh hei gadolan pha. 36Hüyange Sarah, ü-nokpu shekonyuwe, ü-nokpupa te yha wunyu ne mengte phei te, netan nahaja puh-e tam; hüyange Iye Ite yoi me nangpu üshei phateki. 37Ü-nokpupawe I ngaokeng jaiye linglak jingne üte jienge i, ‘Nange ü-ha jingne Kananlan sheko yo mepu, aoyin yo me tao ngoh nang, sheko ne tahyah tam; 38hüpoi nanga üpa nok hüyange ü-jat hei li tangte taiye, ü-ha jingne sheko yahtüoh.’ 39Hüwante taowe ü-nokpupate iyangki, ‘Shekonyuwe ü-phei te yewoihulak ne ngohma-a hangke ilak?’ 40Hüpoi Iye üte i, ‘Youngwanpa ao sheshao me tao kemnang, Iye yoi wangdang shongmokpa nang phei shonne nang lamnyu me okke tampha lak. Nange ü-ha jingne ü-kahtok mepu, hüyange üpa kahtok mepu sheko woiye peilak. 41Nange jiengpu mepu ümengne yemeng lakne nang jingne ülam ja hei ngoh nang; üpheipulan tangte nang taiyang phei te, iman-e lan küma-a, hüma-a jiengyangpu jingne nang me ümeng yenanglak.’
42“Tenyih tao yengnung te pei, hüyange i, ‘O Youngwanpa, ü-nokpu Abraham Kahwang, nange sha-a tao yintaipu moimantam pha. 43Tao hatüo me, yengnung nah me yongyange ngohnang; aope naoyha ja yeng te lailakei, “Nang yengtük mepu yeng yinglak jingne üte chingmei lamlinge yahkhu,” she taowe yha te tonglak; 44aope yhawe phalak jingne monge, “Nange yingtüoh, hüyange taowe nang udh jingne-o yeng shao phaning,” she ima-a, tüopa-a Youngwanpawe ü-nokpu ü-ha jingne lepu ne mengtam shih.’
45“Taowe ü-mongjang me yoppu manshope ngohwante, Rebekah yoi phaktang me yengtük paiyange pei, hüyange yha yengshaolak jingne yengnung te yu. Taowe yha te i, ‘Chingmei lamlinge üte yinge tamkhu.’ 46Hüyange yhawe mam mamshe yoi phaktang mepu yengtük nowe yahyange i, ‘Yingtüoh, hüyange taowe nang udh te-o yingtam phaning.’ Tüokhei taowe ying, hüyange yhawe udh te-o yinge tam. 47Hüyange taowe yha te tonge i, ‘Nanga ao nok naoyha shi?’ Hüyange yhawe janne i, ‘Nahor üha Bethuel nok naoyha, ao Milcah I shekonyuwe puh.’ Tüokhei taowe yha nateang me naju juwe tam, hüyange yha yaksea me wentong lange tam. 48Taowe yatuh shüng hüyange Youngwanpate yoppe khüm. Ü-nokpu Abraham Kahwang Youngwanpa te taowe minyong, aowe tingkhakke ü-nokpu jat hei li tang te tao woipei, ümeken me taowe ü-nokpupa üha jingne Inok yhamei tüone tam. 49Sha-a numan-e ü-nokpute kenne hüyange ütingpa me jonhuma-a, üte itam pha; hüyange üne-o ütingpa me minjan she iyapoi üte itam pha; tao yakjah yete yejema-a yaknya yete lüplak.”
50Hüwante Laban hei Bethuel niye janne i, “Hatüowa Youngwanpa mepu peipu ne mengtepuwe toman-e nangte ye-i oklak yang. 51Leitüoh, Rebekah nang sheshao me ngohnang, yha woi teiyah, hüyange Youngwanpawe ipu kih-e yha nang nokpu ü-ha shekonyu ne mengtam tüoh.” 52Aope Abraham shaoshanpawe iman ngao jai, I yoi nying nyingke khuhta hüyange Youngwanpate yop khüm. 53Hüyange shaoshanpawe khüm, hon, hüyange oleng ok ngaiye Rebekah te pha. Hüyange Iye yha üjeite hüyange yha ünyu te-o pheeiwanpu hünghaolan pha.
54Tüophei me Abraham shaoshanpa hüyange I phei ngohpu kahtalan-e hahying yange tüoya-a tüome püm. Aope iman napning shinlüo yapeih, Iye i, “Tao ü-nokpupa tangte yeshih ning.”
55Hüpoi Rebekah I jei hei I nyu niye i, “Yhameinyuwa nyih ütenja, hüke nyih pen nehoi, toman phei ngohne tamtüoh, tüophei me yha taipu oklak.”
56Hüpoi Iye imante i, “Toman tük-e tah-ang pha. Hangjingne Youngwanpawe tao yinkempu moiman tamteki; tao ü-nokpu tangte leih yeshih ning.”
57Iman-e jan, “Toman-e yhameinyu nyik-e yhawe hangke monglakei tongkü ning.” 58Tüokhei iman-e Rebekah te nyik hüyange tong, “Nang tüopa kahta phei taihu ya?” Yhawe jan-e i, “Tao tailak.”
59Tüokhei iman-e iman ünao Rebekah, hüyange yha shaoshannyu, hüyange Abraham shaoshanpa hei I kahtalan shonne tei. 60Hüyange iman-e Rebekah te moiman phawe tüolan ngao i:
“Yhamei, nang haja tokte haja pen ünyu ne mengtüoh!
“Nanghu nanghalan-e iman wepalan jing chingnyulan naone tam tüoh!”
61Tüophei me Rebekah hei naoyhalan tümme sho, hüyange udh me shotyange Abraham shaoshanpa phei te woi tai. Hüyange shaoshanpawe Rebekah woiyange yoi lamnyu yete tai.
62Sha-a Isaac Beer-lahai-roi yekao mepu pei; hüyange Kanan heyekao me ngoh. 63Isaac kah yekaote ünshao me kemkem she ngai, hüyange leishihshao me udhlan yepu nge. 64Aope Rebekah-e mük wemme lei hüyange Isaac nge, yha udh toktang mepu mamshe yu; 65hüyange yhawe Abraham shaoshanpa te tong, “Teman phei hüone kahko me kempu kahta-a ao shi?” Hüwante shaoshanpawe i, “Hatüowa ü-nokpu.” Hüwante Rebekah-e yoi sheta lümpu inkhekke shanglüm.
66Hüwante shaoshanpawe Isaacte Iye lingyangpu üshei iye tam. 67Tüophei me Isaac-e yoi nyu Sarah nyenokte yha woi pei, hüyange Rebekah yoi sheko ne meng. Isaac-e Rebekah te ken, tüokaiye Inyu liphei me I mong toloimeipu ok.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.