KAHTAMYENGHAN 46
46
Jacob Egyptte Ta
1Aope Israel yoi me nangpu khongkümpu phei tümyange yayong, hüyange Beersheba ngoi, Iye yoipa Isaac Kahwang te dopu pha. 2Kahwange himang me Israel phei ngao hüyange nyik, “Jacob, Jacob,” Hüyange lye i, “Tao tüome ngohnang.”
3Tüophei me Iye i, “Taowa Kahwang, nangpa mengpu Kahwang. Nang Egypt kahtokte tailak nyamme tahteih; hangjingne Taowe tüome nang jatnyu ne linge tamlak. 4Tao nang phei Egypt kahtokte talak, hüyange Taowe nanghu nanghalan tüopa kahmük te yah-e yene tamlak, nang aope lilakei, Joseph nang phei ngohlak.”
5Tüophei me Jacob Beersheba mepu yayong. Hüyange I hayimlanne yoipa Jacob, hüyange yoi ha-naolan, hüyange shekonyulan, Egypt ahngpawe shonpu tongtoi me ongne tam. 6#Lam 7.14,15.Üne-o iman-e yoi tampu yinmok, hüyange Kanan kahtok me hanghe toilam ngoh, tüolan khongkümpu yahyange Jacob, hüyange inok lan khongkümpu phei Egypt kahtok te tai. 7Hüke lye yoi halan, huyimlan, hüyange yoi nokphong jat hei li khongkümpu yoi phei Egypt kahtok te woi tai.
8 #
Woi 1.1-4; Lung 26.4-50. Sha-a Egypt kahtokte taipu Israel hayimlan min hüke ngoh: Jacob hüyange I hayim; Jacob ü-ha jeiyongpa Reuben, 9hüyange Reuben ühalan: Hanoch, Pallu, Hezron, hüyange Carmi. 10Simeon hüyange I hayim: Jemuel, Jamin, Ohad, Jachin, Zohar, hüyange Kanan shekonyuwe puhpu ha Shaul. 11Levi hüyange I hayim: Gershon, Kohath hüyange Merari. 12Judah hüyange I hayim: Er, Onan, Shelah, Perez, hüyange Zerah. (hüpoi Er hei Onan ni-a Kanan kahtok me li.) hüyange Perez hayimlanna Hezron hei Hamul. 13Issakhar hüyange I hayim: Tola, Puvah, Jashub, hüyange Shimron. 14Zebulun hüyange I hayim: Sered, Elon, hüyange Jahleel. 15Mesopotamia me ngohwante tüolan-a Dinah omme Jacob phei Leahwe puhpu hayim; khongkümpu sheiye hayim kahta delüm me lüm.
16Hüyange Gad hei I hayim: Ziphion, Haggi, Shuni, Ezbon, Eri, Arod, hüyange Areli. 17Asher hüyange I hayim: Imnah, Ishvah, Ishvi, Beriah, hüyange iman ünao sheko Serah. Hüyange Beriah hayim: Heber hüyange Malchiel, 18tüolan-a Laban-e yoi ha Leahte phapu Zilpah hayim, hüyange yhawe Jacobte kahta pen me wok puhtam.
19Jacob sheko Rachel-e naoshe ni puhtam: Joseph hüyange Benjamin. 20Hüyange Egypt me Joseph hayim ni On mepu ngengpa Potiphera üha Asenath-e puhpu Manasseh hei Ephraim. 21Hüyange Benjamin hayimlan: Bela, Becher, Ashbel, Gera, Naaman, Ehi, Rosh, Muppim, Huppim hüyange Ard. 22Tüolan-a Jacob te Rachel-e puh tampu hayim khongkümpu iyange kahta pen me peli.
23Dan hüyange Iha Hushim#Hashum she-o nyiknang. 24Naphtali hüyange I hayimlan: Jahzeel, Guni, Jezer, hüyange Shillem. 25Tüolan-a Laban-e yoiha Rachel te phapu rhanyu Bilhah hayim, hüyange yhawe Jacob te puh tampu khongkümpu iyange kahta nyit.
26Jacob mepu ngaipu hüyange I phei Egypt kahtok te taipu, yoiha shekonyulan ye-i-pe, khongküm iyange kahta dewok me wok. 27#Lam 7.14.Hüyange Egypt kahtok me Joseph üha ni puh; Egypt kahtokte taipu Jacob nokphong khongküm iyange kahta denyit ngoh yangki.
Goshen Me Jacob Nyoi
28Jacob-e Goshen me I phei hüolak jingne Joseph tangte Judah shaoyete shon. Hüyange aope iman ngoi, 29Joseph-e yoi tongtoi tümyange yoipa (Israel) pongte Goshen kahtokte tai. Aope iman hüoyapeih, Joseph-e yoi yakke yoipa üngme ken, hüyange hipak laolünge shap. 30Israel-e Joseph te i, “Shaapa-a tao lilakei, hangjingne shaaji taowe nang sheta ngeteki hüyange nang üyin me ngoh nang she shingteki.”
31Tüophei me Joseph-e I jeihei naolan hüyange Ipa nok kahtalan te i, “Tao taiye ahngpate hatüo iküning; ‘Kanan kahtok me ngohpu ü-jeihei naolan hüyange üpa noksalan, ü-tangte peiteki.’ 32Taowe Ite hüke ilak, ‘iman-nyeeyompalan, hüyange yinmok te nam nowe tampalan, iman-e yoi nyee, mahu ükhong, hüyange shemin lamphe yahyange tateki.’ 33Aope Ahngpawe numante nyik yange, ‘Numan hanghe lingpulan shi?’ she tonglakei, 34hüwante numan-e hüke jantüoh, ‘Hüke nang shaoshanpalan-e naha memuh sha-ate ngoiye tampu yinmok yompu kahtalan; toman jing pajeiyong lanne hangke ling hüke toman-o ngoh nang.’ Hüke ngaopu jaiwante lye numan-a Goshen kahtok me ngohne tam phalak. Joseph-e tüopa ngaowe tam, hangjingne ima-a Egyptlan jingne nyeeyom puwa hang wongpong ne-o üjepu wanglam ne ngoh.”
Currently Selected:
KAHTAMYENGHAN 46: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
KAHTAMYENGHAN 46
46
Jacob Egyptte Ta
1Aope Israel yoi me nangpu khongkümpu phei tümyange yayong, hüyange Beersheba ngoi, Iye yoipa Isaac Kahwang te dopu pha. 2Kahwange himang me Israel phei ngao hüyange nyik, “Jacob, Jacob,” Hüyange lye i, “Tao tüome ngohnang.”
3Tüophei me Iye i, “Taowa Kahwang, nangpa mengpu Kahwang. Nang Egypt kahtokte tailak nyamme tahteih; hangjingne Taowe tüome nang jatnyu ne linge tamlak. 4Tao nang phei Egypt kahtokte talak, hüyange Taowe nanghu nanghalan tüopa kahmük te yah-e yene tamlak, nang aope lilakei, Joseph nang phei ngohlak.”
5Tüophei me Jacob Beersheba mepu yayong. Hüyange I hayimlanne yoipa Jacob, hüyange yoi ha-naolan, hüyange shekonyulan, Egypt ahngpawe shonpu tongtoi me ongne tam. 6#Lam 7.14,15.Üne-o iman-e yoi tampu yinmok, hüyange Kanan kahtok me hanghe toilam ngoh, tüolan khongkümpu yahyange Jacob, hüyange inok lan khongkümpu phei Egypt kahtok te tai. 7Hüke lye yoi halan, huyimlan, hüyange yoi nokphong jat hei li khongkümpu yoi phei Egypt kahtok te woi tai.
8 #
Woi 1.1-4; Lung 26.4-50. Sha-a Egypt kahtokte taipu Israel hayimlan min hüke ngoh: Jacob hüyange I hayim; Jacob ü-ha jeiyongpa Reuben, 9hüyange Reuben ühalan: Hanoch, Pallu, Hezron, hüyange Carmi. 10Simeon hüyange I hayim: Jemuel, Jamin, Ohad, Jachin, Zohar, hüyange Kanan shekonyuwe puhpu ha Shaul. 11Levi hüyange I hayim: Gershon, Kohath hüyange Merari. 12Judah hüyange I hayim: Er, Onan, Shelah, Perez, hüyange Zerah. (hüpoi Er hei Onan ni-a Kanan kahtok me li.) hüyange Perez hayimlanna Hezron hei Hamul. 13Issakhar hüyange I hayim: Tola, Puvah, Jashub, hüyange Shimron. 14Zebulun hüyange I hayim: Sered, Elon, hüyange Jahleel. 15Mesopotamia me ngohwante tüolan-a Dinah omme Jacob phei Leahwe puhpu hayim; khongkümpu sheiye hayim kahta delüm me lüm.
16Hüyange Gad hei I hayim: Ziphion, Haggi, Shuni, Ezbon, Eri, Arod, hüyange Areli. 17Asher hüyange I hayim: Imnah, Ishvah, Ishvi, Beriah, hüyange iman ünao sheko Serah. Hüyange Beriah hayim: Heber hüyange Malchiel, 18tüolan-a Laban-e yoi ha Leahte phapu Zilpah hayim, hüyange yhawe Jacobte kahta pen me wok puhtam.
19Jacob sheko Rachel-e naoshe ni puhtam: Joseph hüyange Benjamin. 20Hüyange Egypt me Joseph hayim ni On mepu ngengpa Potiphera üha Asenath-e puhpu Manasseh hei Ephraim. 21Hüyange Benjamin hayimlan: Bela, Becher, Ashbel, Gera, Naaman, Ehi, Rosh, Muppim, Huppim hüyange Ard. 22Tüolan-a Jacob te Rachel-e puh tampu hayim khongkümpu iyange kahta pen me peli.
23Dan hüyange Iha Hushim#Hashum she-o nyiknang. 24Naphtali hüyange I hayimlan: Jahzeel, Guni, Jezer, hüyange Shillem. 25Tüolan-a Laban-e yoiha Rachel te phapu rhanyu Bilhah hayim, hüyange yhawe Jacob te puh tampu khongkümpu iyange kahta nyit.
26Jacob mepu ngaipu hüyange I phei Egypt kahtok te taipu, yoiha shekonyulan ye-i-pe, khongküm iyange kahta dewok me wok. 27#Lam 7.14.Hüyange Egypt kahtok me Joseph üha ni puh; Egypt kahtokte taipu Jacob nokphong khongküm iyange kahta denyit ngoh yangki.
Goshen Me Jacob Nyoi
28Jacob-e Goshen me I phei hüolak jingne Joseph tangte Judah shaoyete shon. Hüyange aope iman ngoi, 29Joseph-e yoi tongtoi tümyange yoipa (Israel) pongte Goshen kahtokte tai. Aope iman hüoyapeih, Joseph-e yoi yakke yoipa üngme ken, hüyange hipak laolünge shap. 30Israel-e Joseph te i, “Shaapa-a tao lilakei, hangjingne shaaji taowe nang sheta ngeteki hüyange nang üyin me ngoh nang she shingteki.”
31Tüophei me Joseph-e I jeihei naolan hüyange Ipa nok kahtalan te i, “Tao taiye ahngpate hatüo iküning; ‘Kanan kahtok me ngohpu ü-jeihei naolan hüyange üpa noksalan, ü-tangte peiteki.’ 32Taowe Ite hüke ilak, ‘iman-nyeeyompalan, hüyange yinmok te nam nowe tampalan, iman-e yoi nyee, mahu ükhong, hüyange shemin lamphe yahyange tateki.’ 33Aope Ahngpawe numante nyik yange, ‘Numan hanghe lingpulan shi?’ she tonglakei, 34hüwante numan-e hüke jantüoh, ‘Hüke nang shaoshanpalan-e naha memuh sha-ate ngoiye tampu yinmok yompu kahtalan; toman jing pajeiyong lanne hangke ling hüke toman-o ngoh nang.’ Hüke ngaopu jaiwante lye numan-a Goshen kahtok me ngohne tam phalak. Joseph-e tüopa ngaowe tam, hangjingne ima-a Egyptlan jingne nyeeyom puwa hang wongpong ne-o üjepu wanglam ne ngoh.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.