KAHTAMYENGHAN 50
50
1Hüwante Joseph-e Ipa me kenyange sheta hüowe shappe omhüp. 2Tüophei me Joseph-e Ipa mangte yenammuli keppe tümlak jingne ngaokeng pha. Tüokhei mulipalan-e Israel te yenam muli kep tam. 3Iman-e yenammuli keppe tümlak jingne nyih deli yah. Hüyange Egyptlan-e Jacob jingne nyih denyit ngoiye shappe yoongpu yah.
4Aope shappe yoongpu hipak linyapeih, Joseph-e ahngnok mepu yakjongpalante i, “Chingmei lamlinge ahngpa te tüopa ngaolan jai ne tamshih; 5Aope üpa lilak hipak ngoiye peiya peih, lye üte jiengjeppu ja yahne tamme, ‘Kanan kahtok me lye tümyangpu mangkoksa me taowe I-a mu ne tampha’ she üte i. Tüokhei taowa ongshih nüng hüyange üpa mang muwe tüohyang küning, hüyange tüophei me tao leihye küpeih.”
6Hüwante ahngpawe janne i, “Ongtüoh, hüyange nangpawe nangte jiengjeppe ngaowe tampu kih-e nange I mang ang tam tüoh.”
7Tüokhei Joseph-e Ipa mang mulak jingne ong. Ahngnok me yakjongpalan, I gho mepu lwngmei kahtalan, hüyange Egypt kahtok mepu üshanglan khongkümpu Joseph phei woi ong. 8Inok noksa, I jeihei naolan, hüyange towe ngohpu Ipa noksalan khongkümpu I phei jamme ong. Iman jing hashih nahalan hei iman jing nyee, youn, hüyange mahu ükhonglan hei Goshen kahtok me nyoiye tüohyange ong. 9Tongtoi me shotpu kahtalan, hüyange koipong me ongpalan-o I phei jamme ong. Hüke kahta ükhong meinyu ne ong.
10Aope iman-e Jordan heongye Atad kah tahnoi nyoi ngoi, tüoken me iman-e yeonge üngwünne mang shappe yoongeshonne shap; hüyange hüke Joseph-e Ipa jingne nyih nyit ngoiye yoong shonne nyoi. 11Aope tüopa nyoi me ngohpu Kanan kahtalanne Atad tahnyoi nyoi me hüke yoong shonne shappu ngeyapeih hüke i, “Egypt lanne hangkihpu lahnyik mongkopu shappe yoongpu mo yahpu weih!” Tüojing üne tüopa nyoite Abel Mizraim#Abel Mizraim-leppu Egyptlan shapnyoi she min.
12Hüke Jacob-e yoi hayimlante ipukih-e iman-e ling. 13#Lam 7.16.Iman-e I jing manga Kanan kahtok te yahtei hüyange Hitlan Ephron mepu mangjong ne she Abraham-e shakpu kah, Mamre heong yemepu Machpelah longsa me tüopa-a muwe tam. 14Joseph-e Ipa mang muyang phei me, I yoi jeihei naolan phei hüyange I phei aoyin mang lünge ongyangki iman khongküm puphei Egypt te leih ye.
Joseph-e Yoi Jeihei Naolante Monghahne Tampu
15Iman üpa lite phei me, Joseph jeihei naolan-e i, “Joseph-e temante yelakpe nuwe ngohma-a hüyange teman-e Ite hanghe linge tamyangki tüolan khongkümpu jingne temante shümme yehuwe teih ngohma-a hangke nanglak?” 16Tüokhei iman-e Joseph tangte ngaolan shon: “Teman üpa lishao me, 17nangte tonglak jingne lye tomante hüke i, ‘Toman-e yoppe tong nang, nang shaoshanpa jeihei naolanne hanghe ümeng hüyange ünu nangte yemeipe ling, tüopa ümeng wintam pha.’ Hüyange sha-a toman-e yoppe tong nang, nang yoipa Kahwang shaoshanpalan ümenga wintampha.” Aope lye tüopa ngaolan jaiyapeih, Joseph shap.
18Tüophei me I jeihei naolan shap hüyange I sheshao me khuh tawe khüm. Iman-e i, “Hatüo me nang sheshao me toman-a nang rhapalan ne ngohnang.”
19Hüyangpoi Joseph-e imante i, “Nyam tahteih; taowa ü-nying nyingte Kahwang nyoi me angne ye-ok. 20Numan-e üte yemeipe lowelam, hüpoi numan-e tenyih ngepu kih-e, Kahwange-a kahta maapu üyin yinlak jingne, ümei linge tam. 21Tüokhei numan hanghete-o nyamlak yenang. Taowe numan hüyange numan hayimlante paowe tüklak.” Hüke lye imante yayeng ngao iye iman mong jangte sha-e iman mong hahne tam.
Joseph Üküm Nyih Hüyange Lipu
22Joseph yelakpe Egypt me yoipa noksalan phei nyoi ngoh; I nyupuh wangpeng gho ja pen ngoi-e üyin ngoh yangki. 23Joseph-e Ephraim hayim hüyange huyimlan ngepu okke ngoh. Iye üne-o Manasseh üha Machir hayim ngepu okke üyin ngoh. 24Joseph yoi jeihei naolan te i, “Tao li ne oteki, hüpoi Kahwange ütingpa me numante paowe tüklak hüyange Iye Abraham, Isaac, hüyange Jacoblante lahnyik mongkowe janpu kahtok te numan woi teilak.” 25Tüo phei me yoi kahtalante Joseph-e jiengpu ja yahlak jingne tonge i. Iye i, “Üte janpha, hüke aope Kahwange numan tüopa kahtok te woiteilakei, numan-e ü-püm numan phei yah teilak she jiengpha.” 26Tüophei me Joseph nyupuh wangpeng gho ja phei me pen me ngohwante li. Iman-e I manga yenammuli keppe tüm, hüyange mangsheng me hinyange Egypt me ang.
Currently Selected:
KAHTAMYENGHAN 50: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
KAHTAMYENGHAN 50
50
1Hüwante Joseph-e Ipa me kenyange sheta hüowe shappe omhüp. 2Tüophei me Joseph-e Ipa mangte yenammuli keppe tümlak jingne ngaokeng pha. Tüokhei mulipalan-e Israel te yenam muli kep tam. 3Iman-e yenammuli keppe tümlak jingne nyih deli yah. Hüyange Egyptlan-e Jacob jingne nyih denyit ngoiye shappe yoongpu yah.
4Aope shappe yoongpu hipak linyapeih, Joseph-e ahngnok mepu yakjongpalante i, “Chingmei lamlinge ahngpa te tüopa ngaolan jai ne tamshih; 5Aope üpa lilak hipak ngoiye peiya peih, lye üte jiengjeppu ja yahne tamme, ‘Kanan kahtok me lye tümyangpu mangkoksa me taowe I-a mu ne tampha’ she üte i. Tüokhei taowa ongshih nüng hüyange üpa mang muwe tüohyang küning, hüyange tüophei me tao leihye küpeih.”
6Hüwante ahngpawe janne i, “Ongtüoh, hüyange nangpawe nangte jiengjeppe ngaowe tampu kih-e nange I mang ang tam tüoh.”
7Tüokhei Joseph-e Ipa mang mulak jingne ong. Ahngnok me yakjongpalan, I gho mepu lwngmei kahtalan, hüyange Egypt kahtok mepu üshanglan khongkümpu Joseph phei woi ong. 8Inok noksa, I jeihei naolan, hüyange towe ngohpu Ipa noksalan khongkümpu I phei jamme ong. Iman jing hashih nahalan hei iman jing nyee, youn, hüyange mahu ükhonglan hei Goshen kahtok me nyoiye tüohyange ong. 9Tongtoi me shotpu kahtalan, hüyange koipong me ongpalan-o I phei jamme ong. Hüke kahta ükhong meinyu ne ong.
10Aope iman-e Jordan heongye Atad kah tahnoi nyoi ngoi, tüoken me iman-e yeonge üngwünne mang shappe yoongeshonne shap; hüyange hüke Joseph-e Ipa jingne nyih nyit ngoiye yoong shonne nyoi. 11Aope tüopa nyoi me ngohpu Kanan kahtalanne Atad tahnyoi nyoi me hüke yoong shonne shappu ngeyapeih hüke i, “Egypt lanne hangkihpu lahnyik mongkopu shappe yoongpu mo yahpu weih!” Tüojing üne tüopa nyoite Abel Mizraim#Abel Mizraim-leppu Egyptlan shapnyoi she min.
12Hüke Jacob-e yoi hayimlante ipukih-e iman-e ling. 13#Lam 7.16.Iman-e I jing manga Kanan kahtok te yahtei hüyange Hitlan Ephron mepu mangjong ne she Abraham-e shakpu kah, Mamre heong yemepu Machpelah longsa me tüopa-a muwe tam. 14Joseph-e Ipa mang muyang phei me, I yoi jeihei naolan phei hüyange I phei aoyin mang lünge ongyangki iman khongküm puphei Egypt te leih ye.
Joseph-e Yoi Jeihei Naolante Monghahne Tampu
15Iman üpa lite phei me, Joseph jeihei naolan-e i, “Joseph-e temante yelakpe nuwe ngohma-a hüyange teman-e Ite hanghe linge tamyangki tüolan khongkümpu jingne temante shümme yehuwe teih ngohma-a hangke nanglak?” 16Tüokhei iman-e Joseph tangte ngaolan shon: “Teman üpa lishao me, 17nangte tonglak jingne lye tomante hüke i, ‘Toman-e yoppe tong nang, nang shaoshanpa jeihei naolanne hanghe ümeng hüyange ünu nangte yemeipe ling, tüopa ümeng wintam pha.’ Hüyange sha-a toman-e yoppe tong nang, nang yoipa Kahwang shaoshanpalan ümenga wintampha.” Aope lye tüopa ngaolan jaiyapeih, Joseph shap.
18Tüophei me I jeihei naolan shap hüyange I sheshao me khuh tawe khüm. Iman-e i, “Hatüo me nang sheshao me toman-a nang rhapalan ne ngohnang.”
19Hüyangpoi Joseph-e imante i, “Nyam tahteih; taowa ü-nying nyingte Kahwang nyoi me angne ye-ok. 20Numan-e üte yemeipe lowelam, hüpoi numan-e tenyih ngepu kih-e, Kahwange-a kahta maapu üyin yinlak jingne, ümei linge tam. 21Tüokhei numan hanghete-o nyamlak yenang. Taowe numan hüyange numan hayimlante paowe tüklak.” Hüke lye imante yayeng ngao iye iman mong jangte sha-e iman mong hahne tam.
Joseph Üküm Nyih Hüyange Lipu
22Joseph yelakpe Egypt me yoipa noksalan phei nyoi ngoh; I nyupuh wangpeng gho ja pen ngoi-e üyin ngoh yangki. 23Joseph-e Ephraim hayim hüyange huyimlan ngepu okke ngoh. Iye üne-o Manasseh üha Machir hayim ngepu okke üyin ngoh. 24Joseph yoi jeihei naolan te i, “Tao li ne oteki, hüpoi Kahwange ütingpa me numante paowe tüklak hüyange Iye Abraham, Isaac, hüyange Jacoblante lahnyik mongkowe janpu kahtok te numan woi teilak.” 25Tüo phei me yoi kahtalante Joseph-e jiengpu ja yahlak jingne tonge i. Iye i, “Üte janpha, hüke aope Kahwange numan tüopa kahtok te woiteilakei, numan-e ü-püm numan phei yah teilak she jiengpha.” 26Tüophei me Joseph nyupuh wangpeng gho ja phei me pen me ngohwante li. Iman-e I manga yenammuli keppe tüm, hüyange mangsheng me hinyange Egypt me ang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.