JOHN 12
12
Bethani Me Jesu Minnga Photampu
(Mt 26.6-13; Mk 14.3-9)
1 #
Mt 26.6-13; Mk 14.3-9; Lk 7.37-38. Yinyepu mo ngoi eipe nyih wok ngohwante, Lazar, Jesuwe lipu mepu yange yetampu ngohjing Bethani te Jesu pei. 2I jingne iman-e tüome yaning nük hahlak tüm, hüyange Marthawe namnowe phawante, Lazar Jesu phei khao me shotte ngoh. 3Hüwante Mary-e yeonge üpe meipu hüyange pheei wanpu minnga ümei toktang nanjing peiye Jesu yate pho hüyange yha shangmin phei Jesu ya shütte tam. Minnga üpe meipuwe noksa maa.
4 #
Jn 6.71; 13.26. Hüyangpoi Jesu pin yo mepu ja, Judas Iskariot, aowe I lotamlak; Iye i, 5“Hatüo minnga ngin gho lüm te yaoyange hangne toihalante yepha pushi?” 6#Lk 8.3.Iye tüopa ngao toihalan teihyange ngaopune yeje, hüyangpoi I kuhpa, hüyange Iye yahhümpu ngin shao Ime ngoh.
7 #
Jn 19.40. Hüyangpoi Jesuwe i: “Yha shaha angne tamtüoh. Yhawe hanghe ngoh tüophei ü-mu nyihpu jingne yha-e min angyah. 8Hangjingne toihalan numan phei jinte ngohnang, hüyangpoi Tao numan phei jinte yengoh külak.”
Lazar Toine Tümpu
9Jehudilan ükhong üyong Bethani me Jesu ngohnang she jaiye iman tüoyete wen; Jesu shaha jingne yeje, hüyangpoi Jesuwe lipu mepu yange yetampu Lazar te-o leilak jingne pei. 10#Mk 14.1.Tüokhei ngengpa üjenglanne Lazar-o toilak jingne taisheng. 11Hangjingne I jeng me Jehudilan yeonge iman woipa tüohyange Jesute ütinglakpu ngai.
Jerusalemte Okpu Ngeye Ongpu
(Mt 21.1-11; Mk 11.1-11; Lk 19.28-40)
12 #
Mt 21.4-9; Mk 11.7-10; Lk 19.35-38. Üne nyih Yinyepu mo te peipu ükhong üyonge Jerusalemte Jesu peiküki she jai. 13#Tüo 118.25; Jn 1.49.Tüokhei iman-e lokyak jonyange Iphei hüone hüke üngwünne pei, “Hosanna! Youngwanpa min me ao pei Kahwange Ite moimantüoh! Kahwange Israel Ahngpate moiman tüoh!” 14Jesuwe gado üha ja tüo hüyange tüome shot, laingaowe ipukih:
15 #
Zekh 9.9. “Tahnyam, Zion hayim!
Leihuyah, gado üha me shotyange
numan ahngpa sha-a peiküki.”
16 #
Mk 9.32; Jn 2.22. I pinlanne hüwante hatüo jeng yeshing; hüyangpoi aope okpu ngeye Jesu yange ye, laingaowe hatüo iyangki, hüyange iman-e hatüo jingne lingyangki she shing.
17Iye mangjong mepu Lazar yange yetamwante ngohpu ükhonge tüopa jeng saki pha. 18Iye tüopa kahnyingwüngha füo lingyangki she jaiye ükhong I phei hüone pei. 19Tüophei me Phariseelanne hüke teingaowe i, “Leihu, teman-e hango okpu ye-ngepu yang! Leitüoh, kahtoknyu üshei I phei te woiteki!”
Greeklan Ütamme Jesu Yam
20 #
Jn 7.35; Lam 11.20. Sha-a mo hipak me yoplak jingne Jerusalem te taipu yo me Greeklan ütam ngoh yangki. 21#Jn 1.44; 6.5.Tüokhei Galilee mepu Bethsaida kahta Philip tangte iman pei, hüyange hüke i, “Üyongpa, toman-e Jesu phei hüohu nangki.” 22Philip taiye Andrew te i, hüyange imni peiye Jesute i.
23 #
Jn 13.1; 17.1; Mk 14.35,41. Jesuwe imante janne i, “Kahta Üha müktishiwalak hipak ngoiteki. 24#1 Kor 15.36.Üting tingha me Taowe numante ipha ning, tahlick ükek ja kahtokte yeiye yelima-a, I tahkek ja nehei ngoh-e shonlak; hüyangpoi I lima-a, Iye ülick maawe licklak. 25#Mt 10.39; Mk 8.35; Lk 9.24; 14.26.Aowe yoi üyinte kenlakei mahlak, hüyangpoi aowe tüopa kahtoknyu me yoi üyinte nulakei Iye jintepu üyin jingne tüonang. 26Aoyinne üshaoshanhu nang, ü-phei te woilak wongpong, hüyange Tao ümeken me ngoh iman ü-phei ngohlak. Aowe ü-shaoshan, Üpawe I yihnoonlak.
I Lilak Jeng Jesuwe Inang
27 #
Jn 11.33; Mt 26.38; Mk 14.34. “Sha-a ü-üyin yaha shangnang, hüyange Taowe hang ilakshi? Opa, hatüo hipak mepu Tao yinpha! Tüoyangpoi tüopa hipak jingne hatüo me Tao peiyangki. 28#Mk 1.11; 9.7.Opa, nang min müktishiwatüoh!” Tüophei me wangmepu ngao ja pei, “Taowe hatüo müktishiwa yangki, hüyange Taowe hatüo nishe müktishiwalak.”
29Tüome yonge ngohpu ükhonge i, “Hatüowa wangkhong puyang!” Ülaolanne i, “Wangdang shongmokpa lanne Ite ngao nangki!”
30Hüyangpoi Jesuwe imante i: “Hatüo ngaowe ipuwa üjingne yeje numan jingne inang. 31#Jn 16.11; 2 Kor 4.4; Eph 2.2.Kahtoknyu ngaophünlak sha-a hipak; kahtoknyu wanglam lampalan sha-a yeitamlak. 32#Jn 3.14; 8.28.Hüyange aope Tao tüopa kahtok mepu no-inlakei, Taowe kahtalan üshei shui inlak.” 33Tüopa ngao ipu kaiye hangkihpu shange pongpu phei I lilak tüopa jeng inang.
34 #
Tüo 110.4; Isa 9.7; Eze 37.25; Dan 7.14. Ükhonge hüke janne ye: “Messiah jin jinte ngohlak she toman ngaokenge inang, hümma-a Kahta Üha no-inlak she nange hangke ipu? Hatüo Kahta Üha ao shi?”
35 #
Jn 7.33; 9.4; Eph 5.8; 1 Jn 2.11. Jesuwe janne i, “Hipak ütenhapu jingne wangngai numan phei ngohlak. Wangnyakke numan yemahlak jingne numan me wangngai ngohwante kemtüoh. Aowe wangnyak me kemnang, ümeken me kemnang Iye yeshing. 36#Lk 16.8; Jn 8.59.Numan me wangngai ngohwante, wangngai ühalan ne menglak jingne, wangngai te ütinglakyah.” Jesuwe tüolan ngao iyangphei me yanne tai hüyange I nying nyingke iman sheshao mepu lo.
Ütingyelakpu Jehudilan
37Iman phinme teshinne kahnyingwüngha füo lingyapoi iman-e Ite üting yelak, 38#Isa 53.1; Rom 10.16.tüokaiye Isaia hipawe ngaoyangpu ütingne menge pei:
“Youngwanpa, aowe toman ngaolan te ütinglak? Ao te Youngwanpawe I wong ütahte ngai hüo?”
39Hangjingne tüojingne iman-e üting yelak, tüokhei Isaiawe üne-o hüke i:
40 #
Isa 6.10; Mt 13.14. “Iye iman mükmüone tamyangki!
Iye iman mong küpne tam,
tüojingne iman mükke ye-nge,
iman monge hango yeshing,
hüyange Taowe iman meitamlak jingne iman ü-tangte yelüplak.”
41 #
Isa 6.1; Lk 24.27. Iye Jesu müktishiwapu nge, hüyange Isaiawe I jeng ngaoyangki.
42 #
Jn 9.22; Lk 6.22. Jehudi woipalan maawe Jesute üting lakyangki; hüyangpoi Phariseelan shaote nyampu nanjingne ütahte ngaiye iman-e yengao, hümme nakshih iman synagogue mepu jange yeteilak; 43hangjingne iman-e Kahwang mepu yihlupu pheiya kahta mepu yihlupu leng.
Jesu Ngaome Ngaophünpu
44 #
Mt 10.40; Jn 5.24. Jesuwe hüke üngwünne i: “Aowe üte ütinglakyapeih, ü-shaha te yeje hüpoi aowe tao shon Ite ütinglak tüoh. 45#Jn 14.9.Aowe Tao nge, Tao shonpupa-o ngenang. 46#Jn 1.4; 8.12; 9.5.Tao wangngai, hüyange üte ütinglakpu üshei wangnyak me yengohlak jingne Tao kahtoknyu te peiyangki. 47#Jn 3.17.Ütamme ü-ngao jai hüyange yejonpe ngohma-a, Taowe Ite ngao yephünlak; hangjingne Tao kahtoknyu ngao phünlak jingne yeje, hüyangpoi kahtoknyu yinlak jingne pei; 48#Mt 10.14-15.Aowe Tao yeyahlakei hüyange ü-ngao yeyahlakei Iye ngaophünpu tüolak. Taowe Ite ngaoyangpu ngaowe üküm nyih I ngao phünlak. 49Hangjingne Taowe üwonge ngaopu hango yenang, hüyangpoi aowe Tao shon, Üpa Iye, Taowe hanghe ngaolak hüyange ilak üte phayangki. 50Hüyange Taowe shingnang I ngaokeng kaiye jintepu üyin peitam nang. Taowe hanghe ngao, Üpawe üte hangke ngao tüo hei hüke ngaonang.”
Currently Selected:
JOHN 12: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
JOHN 12
12
Bethani Me Jesu Minnga Photampu
(Mt 26.6-13; Mk 14.3-9)
1 #
Mt 26.6-13; Mk 14.3-9; Lk 7.37-38. Yinyepu mo ngoi eipe nyih wok ngohwante, Lazar, Jesuwe lipu mepu yange yetampu ngohjing Bethani te Jesu pei. 2I jingne iman-e tüome yaning nük hahlak tüm, hüyange Marthawe namnowe phawante, Lazar Jesu phei khao me shotte ngoh. 3Hüwante Mary-e yeonge üpe meipu hüyange pheei wanpu minnga ümei toktang nanjing peiye Jesu yate pho hüyange yha shangmin phei Jesu ya shütte tam. Minnga üpe meipuwe noksa maa.
4 #
Jn 6.71; 13.26. Hüyangpoi Jesu pin yo mepu ja, Judas Iskariot, aowe I lotamlak; Iye i, 5“Hatüo minnga ngin gho lüm te yaoyange hangne toihalante yepha pushi?” 6#Lk 8.3.Iye tüopa ngao toihalan teihyange ngaopune yeje, hüyangpoi I kuhpa, hüyange Iye yahhümpu ngin shao Ime ngoh.
7 #
Jn 19.40. Hüyangpoi Jesuwe i: “Yha shaha angne tamtüoh. Yhawe hanghe ngoh tüophei ü-mu nyihpu jingne yha-e min angyah. 8Hangjingne toihalan numan phei jinte ngohnang, hüyangpoi Tao numan phei jinte yengoh külak.”
Lazar Toine Tümpu
9Jehudilan ükhong üyong Bethani me Jesu ngohnang she jaiye iman tüoyete wen; Jesu shaha jingne yeje, hüyangpoi Jesuwe lipu mepu yange yetampu Lazar te-o leilak jingne pei. 10#Mk 14.1.Tüokhei ngengpa üjenglanne Lazar-o toilak jingne taisheng. 11Hangjingne I jeng me Jehudilan yeonge iman woipa tüohyange Jesute ütinglakpu ngai.
Jerusalemte Okpu Ngeye Ongpu
(Mt 21.1-11; Mk 11.1-11; Lk 19.28-40)
12 #
Mt 21.4-9; Mk 11.7-10; Lk 19.35-38. Üne nyih Yinyepu mo te peipu ükhong üyonge Jerusalemte Jesu peiküki she jai. 13#Tüo 118.25; Jn 1.49.Tüokhei iman-e lokyak jonyange Iphei hüone hüke üngwünne pei, “Hosanna! Youngwanpa min me ao pei Kahwange Ite moimantüoh! Kahwange Israel Ahngpate moiman tüoh!” 14Jesuwe gado üha ja tüo hüyange tüome shot, laingaowe ipukih:
15 #
Zekh 9.9. “Tahnyam, Zion hayim!
Leihuyah, gado üha me shotyange
numan ahngpa sha-a peiküki.”
16 #
Mk 9.32; Jn 2.22. I pinlanne hüwante hatüo jeng yeshing; hüyangpoi aope okpu ngeye Jesu yange ye, laingaowe hatüo iyangki, hüyange iman-e hatüo jingne lingyangki she shing.
17Iye mangjong mepu Lazar yange yetamwante ngohpu ükhonge tüopa jeng saki pha. 18Iye tüopa kahnyingwüngha füo lingyangki she jaiye ükhong I phei hüone pei. 19Tüophei me Phariseelanne hüke teingaowe i, “Leihu, teman-e hango okpu ye-ngepu yang! Leitüoh, kahtoknyu üshei I phei te woiteki!”
Greeklan Ütamme Jesu Yam
20 #
Jn 7.35; Lam 11.20. Sha-a mo hipak me yoplak jingne Jerusalem te taipu yo me Greeklan ütam ngoh yangki. 21#Jn 1.44; 6.5.Tüokhei Galilee mepu Bethsaida kahta Philip tangte iman pei, hüyange hüke i, “Üyongpa, toman-e Jesu phei hüohu nangki.” 22Philip taiye Andrew te i, hüyange imni peiye Jesute i.
23 #
Jn 13.1; 17.1; Mk 14.35,41. Jesuwe imante janne i, “Kahta Üha müktishiwalak hipak ngoiteki. 24#1 Kor 15.36.Üting tingha me Taowe numante ipha ning, tahlick ükek ja kahtokte yeiye yelima-a, I tahkek ja nehei ngoh-e shonlak; hüyangpoi I lima-a, Iye ülick maawe licklak. 25#Mt 10.39; Mk 8.35; Lk 9.24; 14.26.Aowe yoi üyinte kenlakei mahlak, hüyangpoi aowe tüopa kahtoknyu me yoi üyinte nulakei Iye jintepu üyin jingne tüonang. 26Aoyinne üshaoshanhu nang, ü-phei te woilak wongpong, hüyange Tao ümeken me ngoh iman ü-phei ngohlak. Aowe ü-shaoshan, Üpawe I yihnoonlak.
I Lilak Jeng Jesuwe Inang
27 #
Jn 11.33; Mt 26.38; Mk 14.34. “Sha-a ü-üyin yaha shangnang, hüyange Taowe hang ilakshi? Opa, hatüo hipak mepu Tao yinpha! Tüoyangpoi tüopa hipak jingne hatüo me Tao peiyangki. 28#Mk 1.11; 9.7.Opa, nang min müktishiwatüoh!” Tüophei me wangmepu ngao ja pei, “Taowe hatüo müktishiwa yangki, hüyange Taowe hatüo nishe müktishiwalak.”
29Tüome yonge ngohpu ükhonge i, “Hatüowa wangkhong puyang!” Ülaolanne i, “Wangdang shongmokpa lanne Ite ngao nangki!”
30Hüyangpoi Jesuwe imante i: “Hatüo ngaowe ipuwa üjingne yeje numan jingne inang. 31#Jn 16.11; 2 Kor 4.4; Eph 2.2.Kahtoknyu ngaophünlak sha-a hipak; kahtoknyu wanglam lampalan sha-a yeitamlak. 32#Jn 3.14; 8.28.Hüyange aope Tao tüopa kahtok mepu no-inlakei, Taowe kahtalan üshei shui inlak.” 33Tüopa ngao ipu kaiye hangkihpu shange pongpu phei I lilak tüopa jeng inang.
34 #
Tüo 110.4; Isa 9.7; Eze 37.25; Dan 7.14. Ükhonge hüke janne ye: “Messiah jin jinte ngohlak she toman ngaokenge inang, hümma-a Kahta Üha no-inlak she nange hangke ipu? Hatüo Kahta Üha ao shi?”
35 #
Jn 7.33; 9.4; Eph 5.8; 1 Jn 2.11. Jesuwe janne i, “Hipak ütenhapu jingne wangngai numan phei ngohlak. Wangnyakke numan yemahlak jingne numan me wangngai ngohwante kemtüoh. Aowe wangnyak me kemnang, ümeken me kemnang Iye yeshing. 36#Lk 16.8; Jn 8.59.Numan me wangngai ngohwante, wangngai ühalan ne menglak jingne, wangngai te ütinglakyah.” Jesuwe tüolan ngao iyangphei me yanne tai hüyange I nying nyingke iman sheshao mepu lo.
Ütingyelakpu Jehudilan
37Iman phinme teshinne kahnyingwüngha füo lingyapoi iman-e Ite üting yelak, 38#Isa 53.1; Rom 10.16.tüokaiye Isaia hipawe ngaoyangpu ütingne menge pei:
“Youngwanpa, aowe toman ngaolan te ütinglak? Ao te Youngwanpawe I wong ütahte ngai hüo?”
39Hangjingne tüojingne iman-e üting yelak, tüokhei Isaiawe üne-o hüke i:
40 #
Isa 6.10; Mt 13.14. “Iye iman mükmüone tamyangki!
Iye iman mong küpne tam,
tüojingne iman mükke ye-nge,
iman monge hango yeshing,
hüyange Taowe iman meitamlak jingne iman ü-tangte yelüplak.”
41 #
Isa 6.1; Lk 24.27. Iye Jesu müktishiwapu nge, hüyange Isaiawe I jeng ngaoyangki.
42 #
Jn 9.22; Lk 6.22. Jehudi woipalan maawe Jesute üting lakyangki; hüyangpoi Phariseelan shaote nyampu nanjingne ütahte ngaiye iman-e yengao, hümme nakshih iman synagogue mepu jange yeteilak; 43hangjingne iman-e Kahwang mepu yihlupu pheiya kahta mepu yihlupu leng.
Jesu Ngaome Ngaophünpu
44 #
Mt 10.40; Jn 5.24. Jesuwe hüke üngwünne i: “Aowe üte ütinglakyapeih, ü-shaha te yeje hüpoi aowe tao shon Ite ütinglak tüoh. 45#Jn 14.9.Aowe Tao nge, Tao shonpupa-o ngenang. 46#Jn 1.4; 8.12; 9.5.Tao wangngai, hüyange üte ütinglakpu üshei wangnyak me yengohlak jingne Tao kahtoknyu te peiyangki. 47#Jn 3.17.Ütamme ü-ngao jai hüyange yejonpe ngohma-a, Taowe Ite ngao yephünlak; hangjingne Tao kahtoknyu ngao phünlak jingne yeje, hüyangpoi kahtoknyu yinlak jingne pei; 48#Mt 10.14-15.Aowe Tao yeyahlakei hüyange ü-ngao yeyahlakei Iye ngaophünpu tüolak. Taowe Ite ngaoyangpu ngaowe üküm nyih I ngao phünlak. 49Hangjingne Taowe üwonge ngaopu hango yenang, hüyangpoi aowe Tao shon, Üpa Iye, Taowe hanghe ngaolak hüyange ilak üte phayangki. 50Hüyange Taowe shingnang I ngaokeng kaiye jintepu üyin peitam nang. Taowe hanghe ngao, Üpawe üte hangke ngao tüo hei hüke ngaonang.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.