LUK 7
7
Roman Woipa Shaoshanpa Jesuwe Meitam
(Mt 8.5-13)
1 #
Mt 8.5-10,13; Jn 4.46-53. Aope Jesuwe tüolan khongkümpu kahtalante ngaowe shoyapeih. I Kapernaum te ong. 2Hüwante tüome ngohpu Roman woipa ja, Iye kenpu yoi shaoshanpa yeonge yemeipe dak hüyange pali she ngoh. 3Aope tüopa woipawe Jesu jeng jaiyapeih, Iye Jewish jeiyonglan ütam shonne, peiye yoi shaoshanpa meiye tamkhu she tonge Jesu tangte shon.
4Jesu tangte iman pei hüyange ümme khümme i: “Tüopa kahtawe nang wong ütingme wongpong ne mengnang. 5#Lam 10.2.Hangjingne Iye toman kahta te yeonge kennang hüyange Iye toman jingne synagogue weye tamnang.” 6Tüokhei iman phei Jesu tai. Hüwante I nok mepu meiyange manjaipe ngohwante, Ite tüopa ngao iye, woipawe yoi shümpalan I tang te shon; “Youngwanpa, nang nying nyingke tahshang ngoh, hangjingne tenok yaoshüm phangte nang peitamlak, ü me wangpu yenang. 7Tüojingne ü-man manke nang tangte ü-püm ngoiye peilak nehoi yewangpu she teih. Hüpoi ngaopha ja phatüoh hüyange shaoshanpa meilak. 8Hangjingne tao-o ü-tok mepu üyongpa phang me ngohnang, hüyange üphang me kengphetlan ngohnang. Hüyange taowe sheja te nang taitüoh she ima-a I tainang, taowe tüopate nang peikei she itüohme peinang, hüyange taowe ü-rha te, tüo lingtüoh she ima-a Iye tüo lingnang.” 9Aope Iye tüo ngao jaiyapeih Jesu yashan, I tokphei me ngohpu ükhong yete leppe ye hüyange i, “Taowe numante iphaning, Israel yo me nehoi hükih-e ütinglakpu kahta Taowe mannge!” 10Shong shonne teipalan woipa nokte leih ye, hüyange I shaoshanpa mei teiye nge.
Jesuwe Wamnyu Üha Lüowe Tampu
11 #
Mk 5.21-24,35-43; Jn 11.1-44; 1 Ahng 17.17-24; 2 Ahng 4.32-37. Tüophei me nünge#Lai ütamme üne nyih she-o ngelak Jesu Nain chingnyu te tai; I pinlan hüyange ülao kahtalan maawe I phei tai. 12I chingnyu pejong ngoipu phei jamshe, mang lünge taipalan ngaipu hüo. Tüopa manga wamnyu üha I shaha ngohpu lipu ne ngohyangki hüyange I phei chingshao mepu kahtalan-o maawe ngohyangki. 13#Lk 7.19; 10.1; 11.39; 12.42; 13.15; 17.5-6; 18.6; 19.8; 22.61; 24.3.Aope Youngwanpawe wamnyu nge, I mongme yeonge yayenge teih, hüyange Iye shekonyute i, “Tahshap.” 14Tüophei me I owe wen hüyange mangsheng te jon, hüyange mangpaipalan lak. Jesuwe i, “Naoshe! Taowe nangte inang, lüotüoh!” 15Hüwante liye ngohpu kahta lüo hüyange ngao ine wang, hüyange Jesuwe Inyute I ye-e pha. 16#Lk 7.39; 24.19; Mt 21.11; Jn 6.14.Kahta üshei nyampuwe maa, hüyange iman-e Kahwang te müktishiwa tamme i: “Hipa üyong teman yo me peiteki!” 17Tüopa ngaolan hüyange Jesu jeng Judea kahtok hei chingyo yupi üshei yete ponge tai.
Baptipa John Mepu Shongshonpalan
(Mt 11.2-19)
18 #
Mt 11.2-19. Hüyange John pinlanne ngaipu ngaolan üshei Ite i. Hüwante Johnne yoi pin ni ngoiye nyik-e peiye 19Jesu tangte ngaotonglak jingne shon, “Peikülak she Johnne ipuwa nang heiya ülao kahta she toman-e monglak shi?” 20Aope iman ngoiye pei iman-e Jesute hüke i, “Baptipa Johnne toman nang tangte shonküja, ‘Peikülak she Iye ipuwa nang a, heiya ülao kahta she toman-e tanlak shi?’ ” 21#Mt 4.23; Mk 3.10.Tüohipak me Jesuwe dak meng hei daktinpu hei ünu yahalan mepu meitam hüyange kahta maawe mük eppe tam. 22#Isa 29.18-19; 35.5-6; 61.1; Lk 4.18-19.Johnne shongshonne peipalante Iye janne i: “Numan leih yetüoh hüyange Johnte tüo ngao itüoh: nange hanghe nge hüyange jai: Mük müopawe ngepu ok, yafaipa kempu ok, ngonpalan jaowe tam, napan palan-e jaipu ok, lipalan yange yepu ok, hüyange Pungao ümei ye-ok yeshangpalante nyüo. 23Aowe tüolan jingne mong apu yenang I hangshin mongmeilak!”
24Shongshonpalan yetephei me, Jesuwe ükhong te John jeng ine wang: “Aope John wanwüng jengte taiyapeih, hanghe ngelak she numan-e teih ei? Wangyang hok yenaopu ngeihyan heiya? 25Numan hanghe te leine tai ei? Yejema-a kahta jawe bangni o opute leine tai ei? Ütingme aoyinne hükihpu o tümyapeih hüyange lengpukih ngoh tüolan-a Ahngnok me ngekülak! 26Üte itehu, hang ngelak she numan-e teih ei? Hipaja heiya? Üting, Taowe numante ipha ning, numan-e hipa phei shenyeipu ngeyangki. 27#Mal 3.1; Mk 1.2.Hangjingne ngaolaiye ao jing iyapeih tüowa John, Kahwange i: ‘Ü-shongshonpa tüome ngohnang, taowe nang jingne lam eplak jingne nang sheshao me I shonlak.’ ” 28Jesuwe nishe i, Taowe numante iphaning, “Inyuwe puhpu kahta üha yo me sheyong pupa-a John; hüyangpoi Kahwang ahngching me aoyin üjoipa ne meng iman I phei sheyong pupa.”
29 #
Mt 21.32; Lk 3.12. Kahngin shaipalan hüyange ülao kahta üsheiye I ngao jai, üjaopa Kahwange hanghe lengyapeih tüolan kahtawe jaiye lingyangki, hüyange iman üshei John kaiye bapti. 30Hüyangpoi Pharisee hei ngaokeng nyüopalanne Kahwange mongpu iman-e yeyah hüyange John kaiye bapti ne yetam.
31Hüma-a sha-a hatüo jin kahtalan jingne Taowe hanghe phei phinne ngaolak shi? Iman-a hanglepu shi? 32Iman-a hat me nahalan wonpu lenang. Ükhong jawe eihalan te üngwün, “Numan jingne nokyam mo hem hinnang, hüyangpoi numan yelok! Toman-e lipu hem lok, hüyangpoi numan yeshap!” 33#Lk 1.15.Baptipa John pei, hüyange Iye yehahpe nünne ngoh ok hüyange wuwüngti yeying, tüohipak me numan-e iyangki “Iya ngapa ja!” 34#Lk 5.29; 15.1-2; 7.36-50.Kahta Üha pei, hüyange Iye hahying, hüyange numan-e i, “Tüopa kahta te leitüoh! Iya ünu üshei ompupa hüyange yuyingpa, hüyange kahngin shaipalan hei eiha jat shümpa!” 35Aoyinne üting she yahyapeih tüolan jingne Kahwang üngan ütingpa she hüoyangki.
Ünu Sheko Jawe Jesute Minnga Phopu
36 #
Mt 26.6-13; Mk 14.3-9; Jn 12.1-8. #Lk 11.37; 14.1.Hüyange Pharisee kahta jawe I phei jamme yaning nük hahlak jingne Jesute nyik. Inok te Jesu pei hüyange nük hahlak jingne shot. 37Tüopa ching me meiyange ünu toi jonpu sheko ja ngoh. Jesu Pharisee nok me peiye nük hahnang she yhawe jai, tüokhei yhawe üpi meipu minnga longsheng tük ja maawe yahpei, 38hüyange Jesu yashong me tokphei yeme shapjang shappe yong hüyange I mükphiye Jesu ya team ne tam. Tüophei me yha shangmin ne I ya shit, hüyange ya te jüpjang jüppe üpi meipu minnga phowe tam. 39#Lk 7.16; 24.19; Mt 21.11; Jn 6.14.Aope Phariseepa aowe Jesute nyik Iye tüo nge, hüyange yoi nying nyingke teihyange i, “Ütingme tüopa kahta hipa ne mengma-a, aowe Ite jonyapeih tüopa sheko, hangkihpu ünu toime I üyin ngohpei shinghah shepu!” 40Jesuwe ngao ngai hüyange Ite i, “Simon, Taowe nangte ülam ja ilak ngohnangki.” Iye jan, “Konnyüopa, üte ipha;”
41Jesuwe hüke wang, “Hipak ja me kahta niye üsea phapa mepu ngin sheyange ngoh, kahta jawe ngin gho nga hüyange kahta jawe denga sheyange ngoh. 42#Mt 18.25.Imni yo me jawe nehoi shümme üye ok; tüokhei, moini pheeisea Iye lanne tam. Hüma-a aowe Ite sheyong she kenlak shi?” 43#Lk 10.28.Simon-e janne i, “Taowe teihma-a, aohipa te sheyong she ngohpu lanne tam.” (I mongmeilak) Jesuwe i, “Nange janpu shunang.” 44Tüophei me shekonyu yete I lüppe ye hüyange Simonte i: “Nange tüopa shekonyu ngeya? Tao nenokte pei, hüyange ü-ya poilak jingne nange üte yeng yepha, hüyangpoi yhawe yoi mükphiye ü-yapoi hüyange I shangminne ya shütte tam. 45Nange üte mongmei me nyikyange ü-ya te ja me nehoi yejüp, hüpoi Tao peipu me peiye yhawe ü-ya te jeppu yelak. 46Nange ü-shang me minnga phowe yetam, hüpoi yhawe ü-ya-a üpi meipu minngawe maawe tam. 47Tüokhei Taowe nang te inang, yhawe yeonge kenpu hüopu kaiye yha me maawe ngohpu ünu winyangki. Aoyinne üjinghawe ken, tüolan te üjinghawe ümeng win she hüonang.” 48#Mt 9.2; Mk 2.5; Lk 5.20.Tüophei me shekonyute Jesuwe i, “Nang ünu winyangki.” 49Jamme shotte ngohpu ülao lanne iman manmanke i, “Ünu nehoi winne okpu tüowa ao shi?” 50#Mt 9.22; Mk 5.34; Lk 8.48.Hüyangpoi Jesuwe shekonyu te i, “Nang ütinglakpu kaiye nang yinyangki; chingmei me taitüoh.”
Currently Selected:
LUK 7: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
LUK 7
7
Roman Woipa Shaoshanpa Jesuwe Meitam
(Mt 8.5-13)
1 #
Mt 8.5-10,13; Jn 4.46-53. Aope Jesuwe tüolan khongkümpu kahtalante ngaowe shoyapeih. I Kapernaum te ong. 2Hüwante tüome ngohpu Roman woipa ja, Iye kenpu yoi shaoshanpa yeonge yemeipe dak hüyange pali she ngoh. 3Aope tüopa woipawe Jesu jeng jaiyapeih, Iye Jewish jeiyonglan ütam shonne, peiye yoi shaoshanpa meiye tamkhu she tonge Jesu tangte shon.
4Jesu tangte iman pei hüyange ümme khümme i: “Tüopa kahtawe nang wong ütingme wongpong ne mengnang. 5#Lam 10.2.Hangjingne Iye toman kahta te yeonge kennang hüyange Iye toman jingne synagogue weye tamnang.” 6Tüokhei iman phei Jesu tai. Hüwante I nok mepu meiyange manjaipe ngohwante, Ite tüopa ngao iye, woipawe yoi shümpalan I tang te shon; “Youngwanpa, nang nying nyingke tahshang ngoh, hangjingne tenok yaoshüm phangte nang peitamlak, ü me wangpu yenang. 7Tüojingne ü-man manke nang tangte ü-püm ngoiye peilak nehoi yewangpu she teih. Hüpoi ngaopha ja phatüoh hüyange shaoshanpa meilak. 8Hangjingne tao-o ü-tok mepu üyongpa phang me ngohnang, hüyange üphang me kengphetlan ngohnang. Hüyange taowe sheja te nang taitüoh she ima-a I tainang, taowe tüopate nang peikei she itüohme peinang, hüyange taowe ü-rha te, tüo lingtüoh she ima-a Iye tüo lingnang.” 9Aope Iye tüo ngao jaiyapeih Jesu yashan, I tokphei me ngohpu ükhong yete leppe ye hüyange i, “Taowe numante iphaning, Israel yo me nehoi hükih-e ütinglakpu kahta Taowe mannge!” 10Shong shonne teipalan woipa nokte leih ye, hüyange I shaoshanpa mei teiye nge.
Jesuwe Wamnyu Üha Lüowe Tampu
11 #
Mk 5.21-24,35-43; Jn 11.1-44; 1 Ahng 17.17-24; 2 Ahng 4.32-37. Tüophei me nünge#Lai ütamme üne nyih she-o ngelak Jesu Nain chingnyu te tai; I pinlan hüyange ülao kahtalan maawe I phei tai. 12I chingnyu pejong ngoipu phei jamshe, mang lünge taipalan ngaipu hüo. Tüopa manga wamnyu üha I shaha ngohpu lipu ne ngohyangki hüyange I phei chingshao mepu kahtalan-o maawe ngohyangki. 13#Lk 7.19; 10.1; 11.39; 12.42; 13.15; 17.5-6; 18.6; 19.8; 22.61; 24.3.Aope Youngwanpawe wamnyu nge, I mongme yeonge yayenge teih, hüyange Iye shekonyute i, “Tahshap.” 14Tüophei me I owe wen hüyange mangsheng te jon, hüyange mangpaipalan lak. Jesuwe i, “Naoshe! Taowe nangte inang, lüotüoh!” 15Hüwante liye ngohpu kahta lüo hüyange ngao ine wang, hüyange Jesuwe Inyute I ye-e pha. 16#Lk 7.39; 24.19; Mt 21.11; Jn 6.14.Kahta üshei nyampuwe maa, hüyange iman-e Kahwang te müktishiwa tamme i: “Hipa üyong teman yo me peiteki!” 17Tüopa ngaolan hüyange Jesu jeng Judea kahtok hei chingyo yupi üshei yete ponge tai.
Baptipa John Mepu Shongshonpalan
(Mt 11.2-19)
18 #
Mt 11.2-19. Hüyange John pinlanne ngaipu ngaolan üshei Ite i. Hüwante Johnne yoi pin ni ngoiye nyik-e peiye 19Jesu tangte ngaotonglak jingne shon, “Peikülak she Johnne ipuwa nang heiya ülao kahta she toman-e monglak shi?” 20Aope iman ngoiye pei iman-e Jesute hüke i, “Baptipa Johnne toman nang tangte shonküja, ‘Peikülak she Iye ipuwa nang a, heiya ülao kahta she toman-e tanlak shi?’ ” 21#Mt 4.23; Mk 3.10.Tüohipak me Jesuwe dak meng hei daktinpu hei ünu yahalan mepu meitam hüyange kahta maawe mük eppe tam. 22#Isa 29.18-19; 35.5-6; 61.1; Lk 4.18-19.Johnne shongshonne peipalante Iye janne i: “Numan leih yetüoh hüyange Johnte tüo ngao itüoh: nange hanghe nge hüyange jai: Mük müopawe ngepu ok, yafaipa kempu ok, ngonpalan jaowe tam, napan palan-e jaipu ok, lipalan yange yepu ok, hüyange Pungao ümei ye-ok yeshangpalante nyüo. 23Aowe tüolan jingne mong apu yenang I hangshin mongmeilak!”
24Shongshonpalan yetephei me, Jesuwe ükhong te John jeng ine wang: “Aope John wanwüng jengte taiyapeih, hanghe ngelak she numan-e teih ei? Wangyang hok yenaopu ngeihyan heiya? 25Numan hanghe te leine tai ei? Yejema-a kahta jawe bangni o opute leine tai ei? Ütingme aoyinne hükihpu o tümyapeih hüyange lengpukih ngoh tüolan-a Ahngnok me ngekülak! 26Üte itehu, hang ngelak she numan-e teih ei? Hipaja heiya? Üting, Taowe numante ipha ning, numan-e hipa phei shenyeipu ngeyangki. 27#Mal 3.1; Mk 1.2.Hangjingne ngaolaiye ao jing iyapeih tüowa John, Kahwange i: ‘Ü-shongshonpa tüome ngohnang, taowe nang jingne lam eplak jingne nang sheshao me I shonlak.’ ” 28Jesuwe nishe i, Taowe numante iphaning, “Inyuwe puhpu kahta üha yo me sheyong pupa-a John; hüyangpoi Kahwang ahngching me aoyin üjoipa ne meng iman I phei sheyong pupa.”
29 #
Mt 21.32; Lk 3.12. Kahngin shaipalan hüyange ülao kahta üsheiye I ngao jai, üjaopa Kahwange hanghe lengyapeih tüolan kahtawe jaiye lingyangki, hüyange iman üshei John kaiye bapti. 30Hüyangpoi Pharisee hei ngaokeng nyüopalanne Kahwange mongpu iman-e yeyah hüyange John kaiye bapti ne yetam.
31Hüma-a sha-a hatüo jin kahtalan jingne Taowe hanghe phei phinne ngaolak shi? Iman-a hanglepu shi? 32Iman-a hat me nahalan wonpu lenang. Ükhong jawe eihalan te üngwün, “Numan jingne nokyam mo hem hinnang, hüyangpoi numan yelok! Toman-e lipu hem lok, hüyangpoi numan yeshap!” 33#Lk 1.15.Baptipa John pei, hüyange Iye yehahpe nünne ngoh ok hüyange wuwüngti yeying, tüohipak me numan-e iyangki “Iya ngapa ja!” 34#Lk 5.29; 15.1-2; 7.36-50.Kahta Üha pei, hüyange Iye hahying, hüyange numan-e i, “Tüopa kahta te leitüoh! Iya ünu üshei ompupa hüyange yuyingpa, hüyange kahngin shaipalan hei eiha jat shümpa!” 35Aoyinne üting she yahyapeih tüolan jingne Kahwang üngan ütingpa she hüoyangki.
Ünu Sheko Jawe Jesute Minnga Phopu
36 #
Mt 26.6-13; Mk 14.3-9; Jn 12.1-8. #Lk 11.37; 14.1.Hüyange Pharisee kahta jawe I phei jamme yaning nük hahlak jingne Jesute nyik. Inok te Jesu pei hüyange nük hahlak jingne shot. 37Tüopa ching me meiyange ünu toi jonpu sheko ja ngoh. Jesu Pharisee nok me peiye nük hahnang she yhawe jai, tüokhei yhawe üpi meipu minnga longsheng tük ja maawe yahpei, 38hüyange Jesu yashong me tokphei yeme shapjang shappe yong hüyange I mükphiye Jesu ya team ne tam. Tüophei me yha shangmin ne I ya shit, hüyange ya te jüpjang jüppe üpi meipu minnga phowe tam. 39#Lk 7.16; 24.19; Mt 21.11; Jn 6.14.Aope Phariseepa aowe Jesute nyik Iye tüo nge, hüyange yoi nying nyingke teihyange i, “Ütingme tüopa kahta hipa ne mengma-a, aowe Ite jonyapeih tüopa sheko, hangkihpu ünu toime I üyin ngohpei shinghah shepu!” 40Jesuwe ngao ngai hüyange Ite i, “Simon, Taowe nangte ülam ja ilak ngohnangki.” Iye jan, “Konnyüopa, üte ipha;”
41Jesuwe hüke wang, “Hipak ja me kahta niye üsea phapa mepu ngin sheyange ngoh, kahta jawe ngin gho nga hüyange kahta jawe denga sheyange ngoh. 42#Mt 18.25.Imni yo me jawe nehoi shümme üye ok; tüokhei, moini pheeisea Iye lanne tam. Hüma-a aowe Ite sheyong she kenlak shi?” 43#Lk 10.28.Simon-e janne i, “Taowe teihma-a, aohipa te sheyong she ngohpu lanne tam.” (I mongmeilak) Jesuwe i, “Nange janpu shunang.” 44Tüophei me shekonyu yete I lüppe ye hüyange Simonte i: “Nange tüopa shekonyu ngeya? Tao nenokte pei, hüyange ü-ya poilak jingne nange üte yeng yepha, hüyangpoi yhawe yoi mükphiye ü-yapoi hüyange I shangminne ya shütte tam. 45Nange üte mongmei me nyikyange ü-ya te ja me nehoi yejüp, hüpoi Tao peipu me peiye yhawe ü-ya te jeppu yelak. 46Nange ü-shang me minnga phowe yetam, hüpoi yhawe ü-ya-a üpi meipu minngawe maawe tam. 47Tüokhei Taowe nang te inang, yhawe yeonge kenpu hüopu kaiye yha me maawe ngohpu ünu winyangki. Aoyinne üjinghawe ken, tüolan te üjinghawe ümeng win she hüonang.” 48#Mt 9.2; Mk 2.5; Lk 5.20.Tüophei me shekonyute Jesuwe i, “Nang ünu winyangki.” 49Jamme shotte ngohpu ülao lanne iman manmanke i, “Ünu nehoi winne okpu tüowa ao shi?” 50#Mt 9.22; Mk 5.34; Lk 8.48.Hüyangpoi Jesuwe shekonyu te i, “Nang ütinglakpu kaiye nang yinyangki; chingmei me taitüoh.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.