MARK 14
14
Jesu Toine Tümpu
(Mt 26.1-5; Lk 22.1,2; Jn 11.45-53)
1 #
Mt 26.1-5; Lk 22.1-2; Jn 11.47-53. Sha-a Yinyepu mo hei do yenyütpu an mo nyih ni sheshao me, ngengpa üjenglan hüyange ngaokeng nyüopalan-e lowe Jesu pholak hüyange toilak lam yam. 2“Teman-e hatüowa mowante tahlinghah.” “Hangjingne kahtalan mopkülak yang she iman-e i.”
Bethani Me Jesute Minnga Pho
(Mt 26.6-13; Jn 12.1-8)
3 #
Mt 26.6-13; Lk 7.36-38; Jn 12.1-8. Aope Bethani mepu ngonpa Simon nokme Jesu yinpa ne peiye ngoh; aope iman hah ngoh, sheko ja yeonge pheei wanpu pholak minnga tük phei pei. Shekonyuwe minnga tük pai hüyange Jesu shangte pho. 4Hüpoi tüome ngoh pu kahta ütam mongshih ngai, hüyange hüke teingaowe i. “Hüke minnga shai winpu me hanghe ngailak shi? 5Hatüowa ngin gho lüm phei nyeipute yaohah shepu, hüyange hatüo ngin toihalante phahah shepu!” Hüyange shekonyute iman-e yemeipe ngao.
6Hüyangpoi Jesuwe i: “Yha shaha angne tamtüoh! Hangne numan I jingne mongshangpu shi? Yhawe üjingne yeonge shemei yaomapu toi lingnang. 7#Hin 15.11.Toihalan numan phei jinjinte ngohlak, hüyange numan-e aope jamhu yapeih, imante jamlak. Hüpoi Tao numan phei jinte yengohlak. 8#Jn 19.40.Yhawe hanghe ok yhawe tüo lingnang: mulak hipak peishao me she yhawe ü-pümte minnga phonang. 9Ütingme Taowe numante inang! Kahtoknyu üshei yete pungao ümei ümeken me nyüo, shekonyuwe hanghe ling, yha teihtüowe tüopa ngao ilak.”
Jesu Lolak Jingne Judaswe Mong
(Mt 26.14-16; Lk 22.3-6)
10 #
Mt 26.14-16; Lk 22.3-6. Tüophei me Judas Iskariot pinlan penme ni yo mepu ja, ngengpa üjenglan yak me Jesu lowe phophalak jingne tai. 11Iye hanghe i, iman üshei mongmeiye jai, hüyange Ite ngin phalak jingne jan. Tüophei me Jesu lowe tamlak jingne Judaswe ülam yam.
Yoi Pinlan Phei Jesuwe Yinyepu Mo Hah
(Mt 26.18-25; Lk 22.8-14,21-23; Jn 13.21-30)
12 #
Mt 26.17-19; Lk 22.7-13. Do yelangpu an mo üwangpa nyih, Yinyepu mo jingne nyee üha toipu nyih, yoi pinlan-e Jesute tong! “Ümeken me taiye nang jingne toman-e yinyepu mo tüm ne tamhu nangki?” 13Tüophei me Jesuwe iman yo mepu naoshe ni tüopa ngao phei shon! “Chingnyu te ongtüoh, yengtük kiyange kahta ja numan-e hüolak, I pheite woitüoh. 14I pheite woiye I ongpu nokte ongtüoh, hüyange nokmepu nokpupate hüke itüoh! ‘Konnyüopawe i, tao hüyange ü-pinlanne Yinyepu mo hahlak ü-nyoi üpu?’ 15Iye ütangpa nyoijing üyong mak moiye tümyange ngohpu hüophalak, tüome numan-e teman jingne tümtüoh.” 16Pinlan yayong chingnyute ong, hüyange Jesuwe imante ipu kih lamphe li tüo, hüyange iman-e Yinyepu mo tüm.
17 #
Mt 26.20-25; Lk 22.14,21-23; Jn 13.21-30; Tüo 41.9. Aope ün ngoi, pinlan penme ni phei Jesu pei. 18Aope iman khao me neikonne shotyange hah, Jesuwe i, “Taowe ütingme inang! Ü-phei hah ngohpu numan yo me shejawe Tao lolak.” 19Pinlan yeonge mongmeng, hüyange ja phei me jashe Ite tong, “Ütingme nang üte ikü a?” 20Jesuwe jan! “Numan penme ni yo me ja: aowe ü-phei sheng ja me hahnang. 21Kahta Üha laingao me hangke i hüke lilak; hüyangpoi aowe Kahta Üha lowe tamlakei I jingne hangshin menglak shi? Tüopa kahta jingne I lanshe yepuhpu shemei hah shepu!”
Youngwanpa Mo
(Mt 26.26-30; Lk 22.14-20; 1 Kor 11.23-25)
22 #
Mt 26.26-29; Lk 22.17-19; 1 Kor 11.23-26. #Mk 6.41; 8.6; Lk 24.30.Aope iman-e hahyapeih Jesuwe an yah, minyong phawe yop, paikhoih, hüyange yoi pinlante pha. Iye i, “Hatüo yahtüoh,” “Hatüowa ü-püm.” 23#1 Kor 10.16.Tüophei me Iye wanyah, Kahwangte minyong pha, hüyange imante pha; hüyange iman üsheiye hatüo mepu ying. 24#Woi 24.8; Heb 9.20.Jesuwe i; “Hatüowa ü-iy hanghepa kahta maapu jingne yün, hüyange Kahwang phei jiengjep. 25Ütingme Taowe numante inang; tüopa nyih me Kahwang Ahngching me Taowe üla ne manying manying Taowe wuwüngti shaaji yeyinglak.” 26#Mt 26.30-35; Lk 22.33-34,39.Tüophei me iman-e hem ja lok hüyange Olive Kahtang te tai.
Peterwe Yejanlak Jesuwe Itpu
(Mt 26.31-35; Lk 22.31-34; Jn 13.36-38)
27 #
Zekh 13.7; Jn 16.32. Hüyange Jesuwe imante i, “Numan üshei Tao tüohyange yanne tailak, hangjingne laingaowe inang, ‘Kahwange nyeeyompate (toilak) shetlak hüyange nyeelan yantailak.’ 28#Mk 16.7.Hüyangpoi Tao yange yephei me numan sheshao me Galilee te Tao tailak.” 29Peterwe jan, “Ülaolan khongkümpuwe angyapoi taowe nang aope-o ye-anglak!” 30#Mk 14.66-72; Jn 13.36-38; 18.17-18,25-27.Jesuwe Peter te i, “Ütingme Taowe nang te inang! Teya awha nishe kotepheite nange Tao yeshing she lümme ilak.” 31Peterwe sheyong she wünne i: “Tao nang phei lilak ne ngohyapoi, taowe nang yeshing she aope-o ye ilak!”
Jesuwe Gethsemane Me Yop
(Mt 26.36-46; Lk 22.39-46)
32 #
Mt 26.36-46; Lk 22.40-46; Heb 5.7-8. Hüyange iman Gethsemane she nyikpu nyoite ngoi, hüyange Jesuwe pinlante i, “Taowe yopwante tüome shotte ngohkei.” 33Tüophei me Iye Peter, Jeams hei John woitei. Mongmengpu hei shangpu I tangme pei, 34#Jn 12.27.hüyange Iye imante i: “Ümong jang mepu mongmeng lilak üne jamloi teki tüopawe üte shahlak yang. Tüome ngohkei hüyange menghayah.” 35I shejai she wen, I nying nyingke kahtok te lamme ta hüyange hüke yop, okma-a tüopa hipak I mepu teiyang pha. 36#Rom 8.15; Gal 4.6; Mk 10.38; Jn 18.11.Hüyange Iye i, “Abba, Opa! Nang jingne ye-oklak toi hango yenang. Hatüo wan ü-mepu yahtepha. Hüyangpoi Taowe mongpu yeje, hüpoi nang mong.”
37Tüophei me I leihye hüyange pinlan lüm shiye ngoh, hüyange Peterte i, “Simon, nanga shipu a? Ghonda ja jingne nehoi numan yange yengoh okpu a?” 38#Mt 6.13; Lk 11.4.Hüyange Iye imante i, “Numan ütuh me yeyeilak jingne, menghayah, hüyange yoptüoh. Yahawe lengshihpu, hüyangpoi mei me wong yenang.”
39I üne-o yanne tai hüyange tüopa ngao muh iye yop. 40Tüophei me I pinlan tangte leih ye hüyange iman mük yewem ok. Hüyange Ite hanghe ngao yelak iman-e yeshing.
41Aope I lümshe leih ye, Iye imante i: “Numan shiye muh toloimeiye ngoh nangkü a? Shaaji wangteki! Hipak ngoiteki! Leihu, sha-a Kahta Üha ünulan yakme phanang. 42Lüotüoh, teman taihah. Leihu, Tao lopa tüome ngohnang!”
Jesu Lowetam Hüyange Phopu
(Mt 26.48-56; Lk 22.48-53; Jn 18.3-12)
43 #
Mt 26.47-56; Lk 22.47-53; Jn 18.2-11. I yelakpe ngaowe ngohwante, pinlan penme ni yo mepu ja, Judas woiyange ngengpa üjenglan, Ngaokeng nyüopalan hüyange jeiyonglan ne shonpu ükhong ja yanglow hei peshüm phei pei ngoi. 44Lopawe ükhong te füojai ja hüo: “Aote taowe omhüp lakei numan-e yampuwa Ine menglak. I photüoh hüyange yomyange woitei yah.”
45Judas pei ngoipu phei jamshe I Jesu tangte wen hüyange i, “Konnyüopa!” Hüyange Ite omhüp. 46Tüophei me iman-e Jesute yakke jon hüyange Ite sha. 47Hüpoi yonge ngohpu yo mepu jawe I yanglow teakyah hüyange ütahpa Ngengpa rhapa na lange winne tam. 48Tüophei me Jesuwe ngao ngai hüyange imante i: “Tao pholak jingne kuhpa ja leye numan yanglow hei peshüm phei pei a? 49#Lk 19.47; Jn 18.19-21.Nyih jeih Tao numan phei khümjing me nyüowe ngoh, hüyange numan-e Tao yepho. Hüpoi laingao ütingme ngailak wongpong.” 50Tüophei me pinlan üsheiye I ang hüyange yantai.
51Naosheha ja, ümongpa nye-ükhai shaha inyange Jesu pheite woi. Iman-e I pho, 52hüyangpoi, inkhek shaha tüohyange I pümkeng me phet tai.
Ükhong Sheshaome Jesu
(Mt 26.58-68; Lk 22.54,55,63-71; Jn 18.13-14,19-24)
53 #
Mt 26.57-68; Lk 22.54-55,63-71; Jn 18.12-24. Tüophei me iman-e ütahpa Ngengpa nok te Jesu woitei, ümeken me ngengpa üjenglan, jeiyonglan, hüyange Ngaokeng nyüopalan üshei jem. 54Üjai me Peter woi hüyange ütahpa Ngengpa nokshao shümphang ngoiye pei. Tüome yompalan phei I vünlüm meiye shot. 55Ngengpa üjenglan hüyange jemme ngohpu üsheiye Jesuwe lingyangpu ümeng ütam ngohma-a I toilak jingne yam, hüpoi iman-e hango yetüo. 56Kahta maapuwe tahleih saki pha hüyangpoi iman ngaolan phei yemong.
57Tüophei me kahta ütam yong hüyange Jesu phei tüi-e tüopa ngaoleih i: 58#Mk 13.2; 15.29; Lam 6.14; Jn 2.19.“Iye hüke ipu toman-e jai, ‘yakke lingpu tüopa khümjing taowe menglak, hüyange nyih lüm ngohyange yakke yelingpu ülao ja taowe welak.’ ” 59Tüoyangpoi tüopa me-o üjingha nehoi iman saki te yemong.
60Hüwante Ütahpa ngengpa iman üshei sheshao me yong hüyange Jesute ngao tong. “Nang phei tüi-e ngao peipalante nange hango yejan lak a?” 61Hüyangpoi Jesuwe ngao pha ja nehoi yejan, jünge ngoh. Ütahpa ngengpawe nishe ngao tong: “Moimanpu Kahwang üha, Messiah nang a?” 62#Dan 7.13; Mk 9.1; 13.26.Jesuwe i, “Iya Tao;” “Hüyange Kahta Üha ünganwong nangpupa yakjah yeme shotyange wangphom phei yupu numan üsheiye ngelak!” 63#Lam 14.14; Lung 14.6.Hüwante Ütahpa ngengpawe I jing inkhek hit hüyange i, “Tüophei shenyei she toman-e ülao saki wongpongne yeje! 64#Lev 24.16.Iye lowelampu ngao numan-e jaiteki. Numan-e hangke ilak shi?” Iman üsheiye, I yeshuja hüyange li ne tamtüoh she ngaoshüm.
65Ütamme Ite iyphao phaone wang, hüyange I mük me nyeye büangne tamyange Ite tüp. Iman-e i: “Aowe tüpnangki itehu!” Hüyange yompalan-e I yah hüyange shet.
Peterwe Jesu Yejan
(Mt 26.69-75; Lk 22.56-62; Jn 18.15-18,25-27)
66 #
Mt 26.69-75; Lk 22.56-62; Jn 18.16-18,25-27; Mk 14.30. Peter nokshao memuh ngoh aope ütahpa Ngengpa shaoshannyu yome ja pei; 67hüyange yhawe Peter vünlüm meiye nge, yhawe Peterte tinge lei hüyange i, “Nango Nazareth mepu Jesu phei ngohpu.” 68Hüpoi Iye yeje she hüke i: “Taowe yeshing...nange hanghe ngao, taowe yeshing;” hüyange I nokshao te yu. Tüophei jamshe awka. 69Shaoshannyuwe yelakpe I nge hüyange yonge ngohpalan te, “Hatüo kahta, iman yo mepu ja üja she i!” 70Hüpoi Peterwe nishe yejan. Ütenja ngohyange, tüome yonge ngohpalan-e Peter te nang muh üja she üne-o tong. “Nang iman yo mepu ja yeje she tah i, hangjingne nango Galilee mepu.” 71Tüoyangpoi Peterwe jienge i: “Taowe ngaoting ye ipu ne mengma-a Kahwange üte ümeng minyah pha! Numan-e ipu kahta jeng taowe yeshing!” 72Tüophei jamshe awha nishe ka, hüyange Jesuwe Ite hangke i, Peterwe teihtüo, “Awha nishe ka shaome nange lümme nange Tao yeshing she ilak.” Hüyange tüopa teih hüyange shap.
Currently Selected:
MARK 14: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
MARK 14
14
Jesu Toine Tümpu
(Mt 26.1-5; Lk 22.1,2; Jn 11.45-53)
1 #
Mt 26.1-5; Lk 22.1-2; Jn 11.47-53. Sha-a Yinyepu mo hei do yenyütpu an mo nyih ni sheshao me, ngengpa üjenglan hüyange ngaokeng nyüopalan-e lowe Jesu pholak hüyange toilak lam yam. 2“Teman-e hatüowa mowante tahlinghah.” “Hangjingne kahtalan mopkülak yang she iman-e i.”
Bethani Me Jesute Minnga Pho
(Mt 26.6-13; Jn 12.1-8)
3 #
Mt 26.6-13; Lk 7.36-38; Jn 12.1-8. Aope Bethani mepu ngonpa Simon nokme Jesu yinpa ne peiye ngoh; aope iman hah ngoh, sheko ja yeonge pheei wanpu pholak minnga tük phei pei. Shekonyuwe minnga tük pai hüyange Jesu shangte pho. 4Hüpoi tüome ngoh pu kahta ütam mongshih ngai, hüyange hüke teingaowe i. “Hüke minnga shai winpu me hanghe ngailak shi? 5Hatüowa ngin gho lüm phei nyeipute yaohah shepu, hüyange hatüo ngin toihalante phahah shepu!” Hüyange shekonyute iman-e yemeipe ngao.
6Hüyangpoi Jesuwe i: “Yha shaha angne tamtüoh! Hangne numan I jingne mongshangpu shi? Yhawe üjingne yeonge shemei yaomapu toi lingnang. 7#Hin 15.11.Toihalan numan phei jinjinte ngohlak, hüyange numan-e aope jamhu yapeih, imante jamlak. Hüpoi Tao numan phei jinte yengohlak. 8#Jn 19.40.Yhawe hanghe ok yhawe tüo lingnang: mulak hipak peishao me she yhawe ü-pümte minnga phonang. 9Ütingme Taowe numante inang! Kahtoknyu üshei yete pungao ümei ümeken me nyüo, shekonyuwe hanghe ling, yha teihtüowe tüopa ngao ilak.”
Jesu Lolak Jingne Judaswe Mong
(Mt 26.14-16; Lk 22.3-6)
10 #
Mt 26.14-16; Lk 22.3-6. Tüophei me Judas Iskariot pinlan penme ni yo mepu ja, ngengpa üjenglan yak me Jesu lowe phophalak jingne tai. 11Iye hanghe i, iman üshei mongmeiye jai, hüyange Ite ngin phalak jingne jan. Tüophei me Jesu lowe tamlak jingne Judaswe ülam yam.
Yoi Pinlan Phei Jesuwe Yinyepu Mo Hah
(Mt 26.18-25; Lk 22.8-14,21-23; Jn 13.21-30)
12 #
Mt 26.17-19; Lk 22.7-13. Do yelangpu an mo üwangpa nyih, Yinyepu mo jingne nyee üha toipu nyih, yoi pinlan-e Jesute tong! “Ümeken me taiye nang jingne toman-e yinyepu mo tüm ne tamhu nangki?” 13Tüophei me Jesuwe iman yo mepu naoshe ni tüopa ngao phei shon! “Chingnyu te ongtüoh, yengtük kiyange kahta ja numan-e hüolak, I pheite woitüoh. 14I pheite woiye I ongpu nokte ongtüoh, hüyange nokmepu nokpupate hüke itüoh! ‘Konnyüopawe i, tao hüyange ü-pinlanne Yinyepu mo hahlak ü-nyoi üpu?’ 15Iye ütangpa nyoijing üyong mak moiye tümyange ngohpu hüophalak, tüome numan-e teman jingne tümtüoh.” 16Pinlan yayong chingnyute ong, hüyange Jesuwe imante ipu kih lamphe li tüo, hüyange iman-e Yinyepu mo tüm.
17 #
Mt 26.20-25; Lk 22.14,21-23; Jn 13.21-30; Tüo 41.9. Aope ün ngoi, pinlan penme ni phei Jesu pei. 18Aope iman khao me neikonne shotyange hah, Jesuwe i, “Taowe ütingme inang! Ü-phei hah ngohpu numan yo me shejawe Tao lolak.” 19Pinlan yeonge mongmeng, hüyange ja phei me jashe Ite tong, “Ütingme nang üte ikü a?” 20Jesuwe jan! “Numan penme ni yo me ja: aowe ü-phei sheng ja me hahnang. 21Kahta Üha laingao me hangke i hüke lilak; hüyangpoi aowe Kahta Üha lowe tamlakei I jingne hangshin menglak shi? Tüopa kahta jingne I lanshe yepuhpu shemei hah shepu!”
Youngwanpa Mo
(Mt 26.26-30; Lk 22.14-20; 1 Kor 11.23-25)
22 #
Mt 26.26-29; Lk 22.17-19; 1 Kor 11.23-26. #Mk 6.41; 8.6; Lk 24.30.Aope iman-e hahyapeih Jesuwe an yah, minyong phawe yop, paikhoih, hüyange yoi pinlante pha. Iye i, “Hatüo yahtüoh,” “Hatüowa ü-püm.” 23#1 Kor 10.16.Tüophei me Iye wanyah, Kahwangte minyong pha, hüyange imante pha; hüyange iman üsheiye hatüo mepu ying. 24#Woi 24.8; Heb 9.20.Jesuwe i; “Hatüowa ü-iy hanghepa kahta maapu jingne yün, hüyange Kahwang phei jiengjep. 25Ütingme Taowe numante inang; tüopa nyih me Kahwang Ahngching me Taowe üla ne manying manying Taowe wuwüngti shaaji yeyinglak.” 26#Mt 26.30-35; Lk 22.33-34,39.Tüophei me iman-e hem ja lok hüyange Olive Kahtang te tai.
Peterwe Yejanlak Jesuwe Itpu
(Mt 26.31-35; Lk 22.31-34; Jn 13.36-38)
27 #
Zekh 13.7; Jn 16.32. Hüyange Jesuwe imante i, “Numan üshei Tao tüohyange yanne tailak, hangjingne laingaowe inang, ‘Kahwange nyeeyompate (toilak) shetlak hüyange nyeelan yantailak.’ 28#Mk 16.7.Hüyangpoi Tao yange yephei me numan sheshao me Galilee te Tao tailak.” 29Peterwe jan, “Ülaolan khongkümpuwe angyapoi taowe nang aope-o ye-anglak!” 30#Mk 14.66-72; Jn 13.36-38; 18.17-18,25-27.Jesuwe Peter te i, “Ütingme Taowe nang te inang! Teya awha nishe kotepheite nange Tao yeshing she lümme ilak.” 31Peterwe sheyong she wünne i: “Tao nang phei lilak ne ngohyapoi, taowe nang yeshing she aope-o ye ilak!”
Jesuwe Gethsemane Me Yop
(Mt 26.36-46; Lk 22.39-46)
32 #
Mt 26.36-46; Lk 22.40-46; Heb 5.7-8. Hüyange iman Gethsemane she nyikpu nyoite ngoi, hüyange Jesuwe pinlante i, “Taowe yopwante tüome shotte ngohkei.” 33Tüophei me Iye Peter, Jeams hei John woitei. Mongmengpu hei shangpu I tangme pei, 34#Jn 12.27.hüyange Iye imante i: “Ümong jang mepu mongmeng lilak üne jamloi teki tüopawe üte shahlak yang. Tüome ngohkei hüyange menghayah.” 35I shejai she wen, I nying nyingke kahtok te lamme ta hüyange hüke yop, okma-a tüopa hipak I mepu teiyang pha. 36#Rom 8.15; Gal 4.6; Mk 10.38; Jn 18.11.Hüyange Iye i, “Abba, Opa! Nang jingne ye-oklak toi hango yenang. Hatüo wan ü-mepu yahtepha. Hüyangpoi Taowe mongpu yeje, hüpoi nang mong.”
37Tüophei me I leihye hüyange pinlan lüm shiye ngoh, hüyange Peterte i, “Simon, nanga shipu a? Ghonda ja jingne nehoi numan yange yengoh okpu a?” 38#Mt 6.13; Lk 11.4.Hüyange Iye imante i, “Numan ütuh me yeyeilak jingne, menghayah, hüyange yoptüoh. Yahawe lengshihpu, hüyangpoi mei me wong yenang.”
39I üne-o yanne tai hüyange tüopa ngao muh iye yop. 40Tüophei me I pinlan tangte leih ye hüyange iman mük yewem ok. Hüyange Ite hanghe ngao yelak iman-e yeshing.
41Aope I lümshe leih ye, Iye imante i: “Numan shiye muh toloimeiye ngoh nangkü a? Shaaji wangteki! Hipak ngoiteki! Leihu, sha-a Kahta Üha ünulan yakme phanang. 42Lüotüoh, teman taihah. Leihu, Tao lopa tüome ngohnang!”
Jesu Lowetam Hüyange Phopu
(Mt 26.48-56; Lk 22.48-53; Jn 18.3-12)
43 #
Mt 26.47-56; Lk 22.47-53; Jn 18.2-11. I yelakpe ngaowe ngohwante, pinlan penme ni yo mepu ja, Judas woiyange ngengpa üjenglan, Ngaokeng nyüopalan hüyange jeiyonglan ne shonpu ükhong ja yanglow hei peshüm phei pei ngoi. 44Lopawe ükhong te füojai ja hüo: “Aote taowe omhüp lakei numan-e yampuwa Ine menglak. I photüoh hüyange yomyange woitei yah.”
45Judas pei ngoipu phei jamshe I Jesu tangte wen hüyange i, “Konnyüopa!” Hüyange Ite omhüp. 46Tüophei me iman-e Jesute yakke jon hüyange Ite sha. 47Hüpoi yonge ngohpu yo mepu jawe I yanglow teakyah hüyange ütahpa Ngengpa rhapa na lange winne tam. 48Tüophei me Jesuwe ngao ngai hüyange imante i: “Tao pholak jingne kuhpa ja leye numan yanglow hei peshüm phei pei a? 49#Lk 19.47; Jn 18.19-21.Nyih jeih Tao numan phei khümjing me nyüowe ngoh, hüyange numan-e Tao yepho. Hüpoi laingao ütingme ngailak wongpong.” 50Tüophei me pinlan üsheiye I ang hüyange yantai.
51Naosheha ja, ümongpa nye-ükhai shaha inyange Jesu pheite woi. Iman-e I pho, 52hüyangpoi, inkhek shaha tüohyange I pümkeng me phet tai.
Ükhong Sheshaome Jesu
(Mt 26.58-68; Lk 22.54,55,63-71; Jn 18.13-14,19-24)
53 #
Mt 26.57-68; Lk 22.54-55,63-71; Jn 18.12-24. Tüophei me iman-e ütahpa Ngengpa nok te Jesu woitei, ümeken me ngengpa üjenglan, jeiyonglan, hüyange Ngaokeng nyüopalan üshei jem. 54Üjai me Peter woi hüyange ütahpa Ngengpa nokshao shümphang ngoiye pei. Tüome yompalan phei I vünlüm meiye shot. 55Ngengpa üjenglan hüyange jemme ngohpu üsheiye Jesuwe lingyangpu ümeng ütam ngohma-a I toilak jingne yam, hüpoi iman-e hango yetüo. 56Kahta maapuwe tahleih saki pha hüyangpoi iman ngaolan phei yemong.
57Tüophei me kahta ütam yong hüyange Jesu phei tüi-e tüopa ngaoleih i: 58#Mk 13.2; 15.29; Lam 6.14; Jn 2.19.“Iye hüke ipu toman-e jai, ‘yakke lingpu tüopa khümjing taowe menglak, hüyange nyih lüm ngohyange yakke yelingpu ülao ja taowe welak.’ ” 59Tüoyangpoi tüopa me-o üjingha nehoi iman saki te yemong.
60Hüwante Ütahpa ngengpa iman üshei sheshao me yong hüyange Jesute ngao tong. “Nang phei tüi-e ngao peipalante nange hango yejan lak a?” 61Hüyangpoi Jesuwe ngao pha ja nehoi yejan, jünge ngoh. Ütahpa ngengpawe nishe ngao tong: “Moimanpu Kahwang üha, Messiah nang a?” 62#Dan 7.13; Mk 9.1; 13.26.Jesuwe i, “Iya Tao;” “Hüyange Kahta Üha ünganwong nangpupa yakjah yeme shotyange wangphom phei yupu numan üsheiye ngelak!” 63#Lam 14.14; Lung 14.6.Hüwante Ütahpa ngengpawe I jing inkhek hit hüyange i, “Tüophei shenyei she toman-e ülao saki wongpongne yeje! 64#Lev 24.16.Iye lowelampu ngao numan-e jaiteki. Numan-e hangke ilak shi?” Iman üsheiye, I yeshuja hüyange li ne tamtüoh she ngaoshüm.
65Ütamme Ite iyphao phaone wang, hüyange I mük me nyeye büangne tamyange Ite tüp. Iman-e i: “Aowe tüpnangki itehu!” Hüyange yompalan-e I yah hüyange shet.
Peterwe Jesu Yejan
(Mt 26.69-75; Lk 22.56-62; Jn 18.15-18,25-27)
66 #
Mt 26.69-75; Lk 22.56-62; Jn 18.16-18,25-27; Mk 14.30. Peter nokshao memuh ngoh aope ütahpa Ngengpa shaoshannyu yome ja pei; 67hüyange yhawe Peter vünlüm meiye nge, yhawe Peterte tinge lei hüyange i, “Nango Nazareth mepu Jesu phei ngohpu.” 68Hüpoi Iye yeje she hüke i: “Taowe yeshing...nange hanghe ngao, taowe yeshing;” hüyange I nokshao te yu. Tüophei jamshe awka. 69Shaoshannyuwe yelakpe I nge hüyange yonge ngohpalan te, “Hatüo kahta, iman yo mepu ja üja she i!” 70Hüpoi Peterwe nishe yejan. Ütenja ngohyange, tüome yonge ngohpalan-e Peter te nang muh üja she üne-o tong. “Nang iman yo mepu ja yeje she tah i, hangjingne nango Galilee mepu.” 71Tüoyangpoi Peterwe jienge i: “Taowe ngaoting ye ipu ne mengma-a Kahwange üte ümeng minyah pha! Numan-e ipu kahta jeng taowe yeshing!” 72Tüophei jamshe awha nishe ka, hüyange Jesuwe Ite hangke i, Peterwe teihtüo, “Awha nishe ka shaome nange lümme nange Tao yeshing she ilak.” Hüyange tüopa teih hüyange shap.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.