ROME 4
4
Ütinglakpuwe Abraham Tingtam
1Hümma-a iy hei mei yeme teman puyim Abraham jeng teman-e hang ilak shi? 2#1 Kor 1.31.Hangjingne Abraham toishao kaiye tingetampu ne mengma-a, I yongelüopu oklak; hüyangpoi Kahwang yeme yeje. 3#Kaht 15.6; Rom 4.9,22; Gal 3.6; Jas 2.23.Ngaolai me hang ipushi? “Abraham-e Kahwangte meng, hüyange hatüo I jingne khakshupu she iyeshe.” 4#Rom 11.6.Hangjingne aowe lingnang, I küw hünghao jakih ye-i, hüyangpoi pheeisea kih inang. 5#Rom 3.22.Hüyangpoi kahta aowe yelingpe, hüyangpoi aowe Kahwang yejepute ütingpa lingyange, Ite ütinglak, I ütinglakpuwa khakshupu kih inang. 6Tüokheima Davidte-o Kahwange ao te toishao ye-ompe khakshupu kih inang I moimanpu she shingne tamnang.
7 #
Tüo 32.1-2. “Aoyin ümeng winyangki,
hüyange aoyin ünu büangyange ngoh, iman moimanpu.
8Ao te Youngwanpawe ünu ine yetam, I moimanpupa.”
9Hümma-a hatüo moiman üshokhüppu jingne heiya, yejema-a üsho yekhüppu jingne peipu? Hangjingne teman-e inang, Abrahamte Iye ütinglakpuwa üjaopa she i. 10Hümma-a hatüo hangke? I shokhüpyange ngohwante heiya, yejema-a shoyekhüppe ngohwante? Shokhüp yange ngohwante yeje, hüyangpoi sho mahkhüppe ngohwante. 11#Kaht 17.10; Rom 3.22,30.I shomankhüppe ngohwante muh I ütinglakpu kaiye khakshupu ülam ja yejema-a yepinlakpa ja ne Iye shokhüppu tüoyangki. Hatüowa shoyekhüppe ütinglakpu üshei üpa ne I menglak jingne, hüyange iman khakshupu she ilak jingne Iye shokhüppu yepinlak yah. 12Hüyange teman üpa Abraham-e shoyekhüppu hipak me hanghe ütinglakpu lamnyu me kem, tüopa lamme kempalan aoyin shokhüpyange ngoh, üne-o iman shokhüppu üpa ne menglak jingne Iye shokhüppu yepinlakpa yah.
Ütinglakpuwe Kahwange Janpu Tüo
13 #
Kaht 17.4-6; 22.17-18; Gal 3.29. Hangjingne Abrahamte yejema-a I mepu ülite I kahtoknyu mothleipa ne menglak she tüopa janpuwa ngaokeng kaiye yepha, hüyangpoi ütinglakpu khakshupu kaiye pha. 14#Gal 3.18.Hangjingne ngaokeng jonpalan-a mothleipa lanne menge tamma-a, ütinglakpu ükeng hüyange janpuwa jajangjapu ne mengnang; 15#Gal 3.10.hangjingne ngaokenge mongshih ngaine tamnang; hüyangpoi ümeken me ngaokeng yenang ümeng yenang.
16Tüokhei janpuwa ütinglakpu tangme yafün ling, hüke Abraham mepu huhayimlan üsheite Kahwangpa jajang japu hünghao ne janpuwa phatamlak jingne; Ngaokeng jaiye jonpalan jing shaha yeje, hüpoi aoyinne Abraham-e ütinglakpu te meitam yah, hangjingne Abraham-a teman moilan jingne Yaha Üpa ngohnang. 17#Kaht 17.5; Jn 5.21.Nyanne ngohpuke, “Taowe nang jat maapu Üpa ne mengtamlak.” Hangjingne Kahwang aote Abraham-e meng, hüyange ngai yenangpu toilante ngohnang pukih nyik. 18#Kaht 15.5.I shongte Abraham-a mengpalan üshei üpa ngohnang. “Hüke nang hayim ngohlak,” she iyangpuke, I jat maapu üpa ne menglak jingne Iye monghümlak yenangwante-o monghümme mengyangki. 19#Heb 11.12; Kaht 17.17; 18.11.Hüyange I wangpeng gho ja meime jeiyongne menge I püm lilak kih hüyange Sarah naonyoi ükeng she teihyapoi, Iye ütinglak pume wong yenangpe yengoh. 20Kahwange janyangpute Iye üting yelakpe yengoh, hüyangpoi ütinglakpu kaiye wongtüo hüyange Kahwangte müktishiwapu pha. 21Kahwange hanghe jan tüopa hei lingkülak she Iye mei meiye shing. 22#Rom 4.3.Tüokhei, I ütinglakpuwa “Khakshupu she Ite i.” 23#Rom 15.4; 1 Kor 9.10; 10.11.Hüyangpoi “I khakshupu she yahpu,” tüopa ngao I jingne shaha yenyan; 24hüyangpoi teman jingne-o hatüo nyan, hangjingne aowe teman Youngwanpa Jesu lipu mepu yange yenetam, Ite teman-e mengpuwe üne-o teman jingne teman ütinglakpuwa khakshupu ne ilak. 25#Rom 8.32.I aowe teman ünu jingne phünne pha, hüyange teman tinge tamlak jingne nishe yange yene tam.
Currently Selected:
ROME 4: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
ROME 4
4
Ütinglakpuwe Abraham Tingtam
1Hümma-a iy hei mei yeme teman puyim Abraham jeng teman-e hang ilak shi? 2#1 Kor 1.31.Hangjingne Abraham toishao kaiye tingetampu ne mengma-a, I yongelüopu oklak; hüyangpoi Kahwang yeme yeje. 3#Kaht 15.6; Rom 4.9,22; Gal 3.6; Jas 2.23.Ngaolai me hang ipushi? “Abraham-e Kahwangte meng, hüyange hatüo I jingne khakshupu she iyeshe.” 4#Rom 11.6.Hangjingne aowe lingnang, I küw hünghao jakih ye-i, hüyangpoi pheeisea kih inang. 5#Rom 3.22.Hüyangpoi kahta aowe yelingpe, hüyangpoi aowe Kahwang yejepute ütingpa lingyange, Ite ütinglak, I ütinglakpuwa khakshupu kih inang. 6Tüokheima Davidte-o Kahwange ao te toishao ye-ompe khakshupu kih inang I moimanpu she shingne tamnang.
7 #
Tüo 32.1-2. “Aoyin ümeng winyangki,
hüyange aoyin ünu büangyange ngoh, iman moimanpu.
8Ao te Youngwanpawe ünu ine yetam, I moimanpupa.”
9Hümma-a hatüo moiman üshokhüppu jingne heiya, yejema-a üsho yekhüppu jingne peipu? Hangjingne teman-e inang, Abrahamte Iye ütinglakpuwa üjaopa she i. 10Hümma-a hatüo hangke? I shokhüpyange ngohwante heiya, yejema-a shoyekhüppe ngohwante? Shokhüp yange ngohwante yeje, hüyangpoi sho mahkhüppe ngohwante. 11#Kaht 17.10; Rom 3.22,30.I shomankhüppe ngohwante muh I ütinglakpu kaiye khakshupu ülam ja yejema-a yepinlakpa ja ne Iye shokhüppu tüoyangki. Hatüowa shoyekhüppe ütinglakpu üshei üpa ne I menglak jingne, hüyange iman khakshupu she ilak jingne Iye shokhüppu yepinlak yah. 12Hüyange teman üpa Abraham-e shoyekhüppu hipak me hanghe ütinglakpu lamnyu me kem, tüopa lamme kempalan aoyin shokhüpyange ngoh, üne-o iman shokhüppu üpa ne menglak jingne Iye shokhüppu yepinlakpa yah.
Ütinglakpuwe Kahwange Janpu Tüo
13 #
Kaht 17.4-6; 22.17-18; Gal 3.29. Hangjingne Abrahamte yejema-a I mepu ülite I kahtoknyu mothleipa ne menglak she tüopa janpuwa ngaokeng kaiye yepha, hüyangpoi ütinglakpu khakshupu kaiye pha. 14#Gal 3.18.Hangjingne ngaokeng jonpalan-a mothleipa lanne menge tamma-a, ütinglakpu ükeng hüyange janpuwa jajangjapu ne mengnang; 15#Gal 3.10.hangjingne ngaokenge mongshih ngaine tamnang; hüyangpoi ümeken me ngaokeng yenang ümeng yenang.
16Tüokhei janpuwa ütinglakpu tangme yafün ling, hüke Abraham mepu huhayimlan üsheite Kahwangpa jajang japu hünghao ne janpuwa phatamlak jingne; Ngaokeng jaiye jonpalan jing shaha yeje, hüpoi aoyinne Abraham-e ütinglakpu te meitam yah, hangjingne Abraham-a teman moilan jingne Yaha Üpa ngohnang. 17#Kaht 17.5; Jn 5.21.Nyanne ngohpuke, “Taowe nang jat maapu Üpa ne mengtamlak.” Hangjingne Kahwang aote Abraham-e meng, hüyange ngai yenangpu toilante ngohnang pukih nyik. 18#Kaht 15.5.I shongte Abraham-a mengpalan üshei üpa ngohnang. “Hüke nang hayim ngohlak,” she iyangpuke, I jat maapu üpa ne menglak jingne Iye monghümlak yenangwante-o monghümme mengyangki. 19#Heb 11.12; Kaht 17.17; 18.11.Hüyange I wangpeng gho ja meime jeiyongne menge I püm lilak kih hüyange Sarah naonyoi ükeng she teihyapoi, Iye ütinglak pume wong yenangpe yengoh. 20Kahwange janyangpute Iye üting yelakpe yengoh, hüyangpoi ütinglakpu kaiye wongtüo hüyange Kahwangte müktishiwapu pha. 21Kahwange hanghe jan tüopa hei lingkülak she Iye mei meiye shing. 22#Rom 4.3.Tüokhei, I ütinglakpuwa “Khakshupu she Ite i.” 23#Rom 15.4; 1 Kor 9.10; 10.11.Hüyangpoi “I khakshupu she yahpu,” tüopa ngao I jingne shaha yenyan; 24hüyangpoi teman jingne-o hatüo nyan, hangjingne aowe teman Youngwanpa Jesu lipu mepu yange yenetam, Ite teman-e mengpuwe üne-o teman jingne teman ütinglakpuwa khakshupu ne ilak. 25#Rom 8.32.I aowe teman ünu jingne phünne pha, hüyange teman tinge tamlak jingne nishe yange yene tam.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.