ROME 6
6
Ünuwe Linetam Khrista Me Üyin
1 #
Rom 3.8; 6.15. Hümma-a teman-e hanghe ilak? Shüpshe ünyei ngaitamlak jingne teman ünu me yelakpe ngohlak a? 2#Rom 7.4,6; Gal 2.19; 1 Pet 2.24.Hüke aope-o yeje! Hangke teman ünu omtamlak jingne li, üne-o teman hangke tüome muh ngohlak? 3#Lam 2.38; 8.16; 19.5.Yejema-a teman, hangshin Khrista Jesu me baptitam, teman üshei I lipu me baptitam she numan-e yeshing a? 4#Kol 2.12.Tüokhei hangke Ipa müktishiwa kaiye Khrista lipu mepu yange yene tam, hüke teman-o üyin üla me kemlak jingne teman üshei baptipu kaiye lipu me I phei mu.
5 #
2 Kor 4.10; Kol 2.12. Hangjingne teman-e I lipu me hükih-e I phei shüppe shama-a, teman I yange yepu me-o I phei hükih-e shüppe shalak. 6#Rom 7.24; Kol 2.13.Hüyange ülangpa ünu lungsa me teman yengohlak jingne, hüyangpoi ünu püm mahlak jingne, teman ülang kahta I phei tangpem me ep she teman-e shing. 7#1 Pet 4.1.Hangjingne ao liyangki I ünu mepu lanne ngohnang. 8#2 Tim 2.11.Hüyangpoi teman Khrista phei li she ima-a, teman üne-o I phei ngohlak she teman-e mengnang. 9#Lam 2.24; Ütah 1.18.Hangjingne Khrista lipu mepu yange yephei me shaaji yelilak she teman-e shing. Lipupawe I tangme shaaji wanglam yelam. 10Hangjingne I liwante ünu üshei jingne ja me li; hüyangpoi I hanghepa üyin ngoh hatüo Iye Kahwang jingne üyin ngohnang. 11#Rom 7.4,6; Gal 2.19; 1 Pet 2.24.Hüke numan-o numan nying nyingke ünu mepu yanne li she hüyange Jesu Khrista me Kahwang jingne numan üyin ngohnang she teih tüoh.
12Tüokhei numan-e püm yejaoyeshapu te wenjailakpa ne numan lilak pümme ünu te wanglam lamne tahtam. 13#Rom 6.19; 7.5; 12.1.Numan püm ümükja yejao yeshapu yang-hei-ngou ke ünute tahpha. Hüyangpoi numan nying nyingke lipu mepu yange yepu üyinkih, hüyange numan püm ümükja khakshupu yang-hei-ngou ke Kahwangte phatüoh. 14#Rom 8.2.Hangjingne numan tangme ünuwe wanglam yelamlak, hangjingne numan shaaji ngaokeng phangme yeje, hüyangpoi shüpshe phangme ngoh nang.
Khakshupupate Rhane Mengpu
15 #
Rom 3.8; 6.1. Hümma-a hang? Teman-a ngaokeng phangme yeje, hüpoi shüpshe phangme ngoh tepuwe, teman-e ünu linglak a? Hüke aope-o yeje! 16#Mt 6.24; Jn 8.34; Rom 12.1.Numan-e ngao jaiye ao te yoi nying nyingke rhane pha, ünu jingne lilakne jeyah, ngao jaipuwe khakshupu jingne jeyah, numan-e ao te ngaojai I rha numan ngohnang she, numan-e yeshingpu a? 17Hüyangpoi Kahwang min yongtüoh, numan aoyin ünupa rha ne ngoh, numan-e mongjang üsheiye numante phapu konnyüopu me ngao jai, 18#Rom 8.2.hüyange ünu mepu lantamyange numan khakshupupa rhalan ne mengteki.
19 #
Rom 3.5; 6.13; 12.1. Numan iymei wanglam me ngohtepuwe, taowe numante kahta wanglam me ngaonang. Hangjingne numan-e hangke numan püm ümükja yejaopupate rha ja leye pha, hüyange ünyei ünyei ünu üyongpate pha ngoh; hümma-a sha-a numan püm ümük ja jaoweshalak jingne khakshupupa rhalanne phatüoh.
20 #
Mt 6.24; Jn 8.34. Aope numan ünu rhapalanne ngoh, numan khakshupupa phangme yengoh. 21#Rom 7.5; 8.6,13,21.Hümma-a sha-a numan-e hanghe toilan jingne wüoteih nang, tüopa hipak me tüolan mepu numan-e hanghe küw tüo, tüolan üküm toishaowa lipu. 22Hüyangpoi sha-a ünu phang mepu lantamyange, hüyange Kahwang rhalanne meng; hüyange sha-a numan me ngohpu ülickke, numan jaowe tampupate woinang, hüyange ükümne jintepu üyin. 23#Rom 5.12,21; Gal 6.7-8.Hangjingne ünu küw-a lipu ngohnang, hüyangpoi teman Youngwanpa Khrista Jesu me Kahwang jajang japu hünghaowa jintepu üyin ngohnang.
Currently Selected:
ROME 6: KONYBSI
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
ROME 6
6
Ünuwe Linetam Khrista Me Üyin
1 #
Rom 3.8; 6.15. Hümma-a teman-e hanghe ilak? Shüpshe ünyei ngaitamlak jingne teman ünu me yelakpe ngohlak a? 2#Rom 7.4,6; Gal 2.19; 1 Pet 2.24.Hüke aope-o yeje! Hangke teman ünu omtamlak jingne li, üne-o teman hangke tüome muh ngohlak? 3#Lam 2.38; 8.16; 19.5.Yejema-a teman, hangshin Khrista Jesu me baptitam, teman üshei I lipu me baptitam she numan-e yeshing a? 4#Kol 2.12.Tüokhei hangke Ipa müktishiwa kaiye Khrista lipu mepu yange yene tam, hüke teman-o üyin üla me kemlak jingne teman üshei baptipu kaiye lipu me I phei mu.
5 #
2 Kor 4.10; Kol 2.12. Hangjingne teman-e I lipu me hükih-e I phei shüppe shama-a, teman I yange yepu me-o I phei hükih-e shüppe shalak. 6#Rom 7.24; Kol 2.13.Hüyange ülangpa ünu lungsa me teman yengohlak jingne, hüyangpoi ünu püm mahlak jingne, teman ülang kahta I phei tangpem me ep she teman-e shing. 7#1 Pet 4.1.Hangjingne ao liyangki I ünu mepu lanne ngohnang. 8#2 Tim 2.11.Hüyangpoi teman Khrista phei li she ima-a, teman üne-o I phei ngohlak she teman-e mengnang. 9#Lam 2.24; Ütah 1.18.Hangjingne Khrista lipu mepu yange yephei me shaaji yelilak she teman-e shing. Lipupawe I tangme shaaji wanglam yelam. 10Hangjingne I liwante ünu üshei jingne ja me li; hüyangpoi I hanghepa üyin ngoh hatüo Iye Kahwang jingne üyin ngohnang. 11#Rom 7.4,6; Gal 2.19; 1 Pet 2.24.Hüke numan-o numan nying nyingke ünu mepu yanne li she hüyange Jesu Khrista me Kahwang jingne numan üyin ngohnang she teih tüoh.
12Tüokhei numan-e püm yejaoyeshapu te wenjailakpa ne numan lilak pümme ünu te wanglam lamne tahtam. 13#Rom 6.19; 7.5; 12.1.Numan püm ümükja yejao yeshapu yang-hei-ngou ke ünute tahpha. Hüyangpoi numan nying nyingke lipu mepu yange yepu üyinkih, hüyange numan püm ümükja khakshupu yang-hei-ngou ke Kahwangte phatüoh. 14#Rom 8.2.Hangjingne numan tangme ünuwe wanglam yelamlak, hangjingne numan shaaji ngaokeng phangme yeje, hüyangpoi shüpshe phangme ngoh nang.
Khakshupupate Rhane Mengpu
15 #
Rom 3.8; 6.1. Hümma-a hang? Teman-a ngaokeng phangme yeje, hüpoi shüpshe phangme ngoh tepuwe, teman-e ünu linglak a? Hüke aope-o yeje! 16#Mt 6.24; Jn 8.34; Rom 12.1.Numan-e ngao jaiye ao te yoi nying nyingke rhane pha, ünu jingne lilakne jeyah, ngao jaipuwe khakshupu jingne jeyah, numan-e ao te ngaojai I rha numan ngohnang she, numan-e yeshingpu a? 17Hüyangpoi Kahwang min yongtüoh, numan aoyin ünupa rha ne ngoh, numan-e mongjang üsheiye numante phapu konnyüopu me ngao jai, 18#Rom 8.2.hüyange ünu mepu lantamyange numan khakshupupa rhalan ne mengteki.
19 #
Rom 3.5; 6.13; 12.1. Numan iymei wanglam me ngohtepuwe, taowe numante kahta wanglam me ngaonang. Hangjingne numan-e hangke numan püm ümükja yejaopupate rha ja leye pha, hüyange ünyei ünyei ünu üyongpate pha ngoh; hümma-a sha-a numan püm ümük ja jaoweshalak jingne khakshupupa rhalanne phatüoh.
20 #
Mt 6.24; Jn 8.34. Aope numan ünu rhapalanne ngoh, numan khakshupupa phangme yengoh. 21#Rom 7.5; 8.6,13,21.Hümma-a sha-a numan-e hanghe toilan jingne wüoteih nang, tüopa hipak me tüolan mepu numan-e hanghe küw tüo, tüolan üküm toishaowa lipu. 22Hüyangpoi sha-a ünu phang mepu lantamyange, hüyange Kahwang rhalanne meng; hüyange sha-a numan me ngohpu ülickke, numan jaowe tampupate woinang, hüyange ükümne jintepu üyin. 23#Rom 5.12,21; Gal 6.7-8.Hangjingne ünu küw-a lipu ngohnang, hüyangpoi teman Youngwanpa Khrista Jesu me Kahwang jajang japu hünghaowa jintepu üyin ngohnang.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.