Jon 3
3
Nikodemus a qolo Yesus aqa areq bosiqa a ombla na anjam qaireb
1Jerusalem dia tamo bei soqnej aqa ñam Nikodemus. A Farisi tamo. A Juda naŋgo gate bei. 2A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”
3Onaqa Yesus na kamba minjej, “Ni que. E bole mermqai. Tamo bei a aŋgro mom bunuj bulosim ŋambabqasai di Qotei na a taqatosim aqa Mandor Koba sqasai. Deqa a Qotei unqa keresai.” 4Onaqa Nikodemus na nenemyej, “Tamo qeliqo qaji a kiersim olo aqa ai miligiq aisim aŋgro mom bunuj bulosim ŋambabqas?”
5Onaqa Yesus na kamba minjej, “Ni que. E bole mermqai. Tamo bei a ya na ti Qotei aqa Mondor na ti aŋgro mom bunuj bulosim ŋambabqasai di Qotei na a taqatosim aqa Mandor Koba sqasai bolesai. 6Aqa ai wo abu wo naŋgi aiyel jejamu ti sosib dena a ŋambabteb. Deqa a dego jejamu ti unu. Ariya Qotei aqa Mondor na a ŋambabtqas di a mondor ti sqas. 7E ni mermonum, ‘Niŋgi aŋgro mom bunuj bulosib ŋambaboiye.’ Ni ijo anjam di qusim prugugetaim. 8Jagwa a segi puyoqnsiqa sawa sawaq gileqnaqa ni aqa anjam ato queqnum. Ariya a qabe na kio boqnsiq qabiteqnu di ni qaliesai. Tamo kalil Qotei aqa Mondor aqa siŋgila na aŋgro mom bunuj bulosib ŋambabeqnub qaji naŋgi kere dego.”
9Onaqa Nikodemus na Yesus nenemyej, “Kumbra di kiersi brantqas?” 10Onaqa Yesus na kamba minjej, “Ni Israel naŋgo qalie tamo koba. Ni kiyaqa ijo anjam endeqa poimosai? 11Ni que. E bole mermqai. Iga anjam qalieosim deqa agi mareqnum. Iga kumbra unoqnsim deqa saeqnum. Ariya niŋgi gago anjam endi olo qoreiyeqnub. 12E mandam endeqa anjam merŋgonumqa niŋgi qusib nuŋgo areqaloq di siŋgilatosai. Deqa e laŋ qure qa anjam dego merŋgwai di niŋgi kiersib nuŋgo areqaloq di siŋgilatqab? 13Tamo bei a laŋ qureq oqosai. E Tamo Aŋgro e segi qujai laŋ qureq dena mandamq aiem. 14Nami Moses a wadau sawaq di sosiqa a amal sigitosiq soqtosiqa gaintej. Dego kere e Tamo Aŋgro dego soqtbosib gaintbqab. 15Amqa tamo kalil e qa naŋgo areqalo siŋgilatqab qaji naŋgi ŋambile gaigai sqab.
16“Qotei aqa Ŋiri qujai unu. Qotei na tamo uŋgasari kalil mandamq endi unub qaji naŋgi tulaŋ qalaqalainjrsiq deqa aqa segi Ŋiri qujai di naŋgi enjrej. A endegsi are qalej, ‘Tamo uŋgasari kalil ijo Aŋgro qa naŋgo areqalo siŋgilatqab qaji naŋgi di padalqasai. Naŋgi ŋambile gaigai sqab.’ Qotei a degsi are qalsiq deqa aqa segi Ŋiri qujai naŋgi enjrej. 17Qotei a na tamo uŋgasari mandamq endi unub qaji naŋgo kumbra qa naŋgi peginjrqajqa deqa are qalsiq aqa Ŋiri naŋgoq qariŋyosai. A na naŋgi eleŋam naŋgi padalaib deqa are qalsiq aqa Ŋiri qariŋyonaq mandamq aiej. 18Qotei na tamo naŋgi Yesus qa naŋgo areqalo siŋgilateqnub qaji naŋgi peginjrqasai. Ariya tamo naŋgi Yesus qa naŋgo areqalo siŋgilatosaieqnub qaji naŋgi Qotei na peginjrqas. Di kiyaqa? Naŋgi aqa segi Ŋiri aqa ñam qa naŋgo areqalo siŋgilatosai deqa. 19Qotei na tamo naŋgi di peginjrqas di aqa utru agiende. Puloŋ a mandamq ainaqa tamo naŋgi ambru qa arearetnjroqnej. Naŋgi puloŋ qa arearetnjrosaioqnej. Di kiyaqa? Naŋgi kumbra uge uge yoqneb deqa. 20Tamo kalil kumbra uge uge yeqnub qaji naŋgi puloŋ jeuteqnub. Naŋgo kumbra uge uge di puloŋ na boleq ataim deqa naŋgi puloŋ aqaq bosaieqnub. 21Ariya tamo uŋgasari anjam bole dauryeqnub qaji naŋgi puloŋ aqaq beqnub. Boqnsib wau bole bole yeqnabqa tamo uŋgasari naŋgi unoqnsib endegsib mareqnub, ‘Bole, naŋgi Qotei aqa siŋgila oqnsib deqa wau bole bole yeqnub.’”
Yesus a tamo yai deqa Jon yansnjro qaji a anjam palontosiq tamo uŋgasari naŋgi minjroqnej
22Ariya bati bei Yesus aqa aŋgro naŋgi ti walwelosib Judia sawaq gileb. Gilsib dia aqa aŋgro naŋgi ti sosibqa a na tamo uŋgasari naŋgi yansnjroqnej. 23Jon yansnjro qaji a Ainon qureq di sosiqa a dego tamo uŋgasari naŋgi yansnjroqnej. Ainon qure di Salim qure jojomq di unu. Dia ya koba soqnej deqa tamo uŋgasari naŋgi Jon aqa areq beqnabqa a na yansnjroqnej. 24Bati deqa Herot na Jon tonto talq waiyosaisoqnej.
25Bati bei Jon aqa aŋgro qudei naŋgi Juda tamo bei ti jejamu yanso kumbra qa anjam na qotoqneb. 26Onaqa Jon aqa aŋgro naŋgi Jon aqa areq gilsib minjeb, “O Qalie Tamo Koba, nami tamo ni ombla Jordan ya taqal beiq di sosibqa ni a qa anjam maroqnem qaji bini tamo uŋgasari kalil naŋgi aqa areq gileqnabqa a na yansnjreqnu. Naŋgi inoq bosaieqnub.” 27Onaqa Jon na kamba minjrej, “Qotei laŋ qureq di unu qaji a na tamo bei iŋgi yqasai di a iŋgi oqa keresai. 28Niŋgi segi ijo anjam bei e nami merŋgoqnem qaji di quoqneb. Agi e merŋgoqnem, ‘E Kristus sai. Qotei na e qariŋbonaqa e namoosim Kristus bqajqa gam gereiyetoqnem.’ 29Tamo uŋa baŋ ojqas qaji a segi na uŋa di oqas. Aqa was a laŋa qalaq di tigelesosimqa tamo uŋa baŋ ojqo qaji aqa anjam quoqnqas. Qusimqa tulaŋ areboleboleiyqas. Dego kere e bini tulaŋ areboleboleibqo. 30Kristus aqa ñam tulaŋ kobaqas. Ijo ñam aguq aiqas.” Jon a na naŋgi degsi minjrej.
31Tamo laŋ qureq di sosiqa dena mandamq aiej qaji a na iŋgi iŋgi kalil tulaŋ buŋnjrejunu. Tamo naŋgi mandamq endena branteleŋeb qaji naŋgi mandam endeqa kumbra yeqnub. Osib mandam endeqa anjam segi mareqnub. Ariya tamo laŋ qureq di sosiqa dena mandamq aiej qaji a na iŋgi iŋgi kalil tulaŋ buŋnjrejunu. 32Kumbra a uneqnu qaji a deqa saeqnu. Anjam a queqnu qaji di a babteqnu. Ariya tamo bei na aqa anjam di ojosaieqnu. 33Tamo naŋgi Yesus aqa anjam ojeqnub qaji naŋgi a qa naŋgo areqalo siŋgilatoqnsib mareqnub, “Bole, Qotei a anjam bole qa utru.” Naŋgi degsib mareqnub. 34Tamo Qotei na qariŋyej qaji a Qotei aqa anjam babtosiq mergeqnu. Di kiyaqa? Qotei na aqa Mondor aqa siŋgila potosiq taqal bei segi Yesus yosai. A na aqa siŋgila kalil Yesus yekritej. 35Abu Qotei na aqa segi Ŋiri Yesus tulaŋ areiyoqnsiq qalaqalaiyeqnu. Deqa a na iŋgi iŋgi kalil aqa segi Ŋiri aqa baŋq di ateleŋeqnu. 36Tamo naŋgi Qotei aqa Ŋiri qa naŋgo areqalo siŋgilatqab qaji naŋgi ŋambile gaigai sqab. Ariya tamo naŋgi Qotei aqa Ŋiri aqa anjam dauryqa uratqab qaji naŋgi ŋambile itqasai. Qotei aqa minjiŋ naŋgoq di sqas.
Currently Selected:
Jon 3: bojNT
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Jon 3
3
Nikodemus a qolo Yesus aqa areq bosiqa a ombla na anjam qaireb
1Jerusalem dia tamo bei soqnej aqa ñam Nikodemus. A Farisi tamo. A Juda naŋgo gate bei. 2A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”
3Onaqa Yesus na kamba minjej, “Ni que. E bole mermqai. Tamo bei a aŋgro mom bunuj bulosim ŋambabqasai di Qotei na a taqatosim aqa Mandor Koba sqasai. Deqa a Qotei unqa keresai.” 4Onaqa Nikodemus na nenemyej, “Tamo qeliqo qaji a kiersim olo aqa ai miligiq aisim aŋgro mom bunuj bulosim ŋambabqas?”
5Onaqa Yesus na kamba minjej, “Ni que. E bole mermqai. Tamo bei a ya na ti Qotei aqa Mondor na ti aŋgro mom bunuj bulosim ŋambabqasai di Qotei na a taqatosim aqa Mandor Koba sqasai bolesai. 6Aqa ai wo abu wo naŋgi aiyel jejamu ti sosib dena a ŋambabteb. Deqa a dego jejamu ti unu. Ariya Qotei aqa Mondor na a ŋambabtqas di a mondor ti sqas. 7E ni mermonum, ‘Niŋgi aŋgro mom bunuj bulosib ŋambaboiye.’ Ni ijo anjam di qusim prugugetaim. 8Jagwa a segi puyoqnsiqa sawa sawaq gileqnaqa ni aqa anjam ato queqnum. Ariya a qabe na kio boqnsiq qabiteqnu di ni qaliesai. Tamo kalil Qotei aqa Mondor aqa siŋgila na aŋgro mom bunuj bulosib ŋambabeqnub qaji naŋgi kere dego.”
9Onaqa Nikodemus na Yesus nenemyej, “Kumbra di kiersi brantqas?” 10Onaqa Yesus na kamba minjej, “Ni Israel naŋgo qalie tamo koba. Ni kiyaqa ijo anjam endeqa poimosai? 11Ni que. E bole mermqai. Iga anjam qalieosim deqa agi mareqnum. Iga kumbra unoqnsim deqa saeqnum. Ariya niŋgi gago anjam endi olo qoreiyeqnub. 12E mandam endeqa anjam merŋgonumqa niŋgi qusib nuŋgo areqaloq di siŋgilatosai. Deqa e laŋ qure qa anjam dego merŋgwai di niŋgi kiersib nuŋgo areqaloq di siŋgilatqab? 13Tamo bei a laŋ qureq oqosai. E Tamo Aŋgro e segi qujai laŋ qureq dena mandamq aiem. 14Nami Moses a wadau sawaq di sosiqa a amal sigitosiq soqtosiqa gaintej. Dego kere e Tamo Aŋgro dego soqtbosib gaintbqab. 15Amqa tamo kalil e qa naŋgo areqalo siŋgilatqab qaji naŋgi ŋambile gaigai sqab.
16“Qotei aqa Ŋiri qujai unu. Qotei na tamo uŋgasari kalil mandamq endi unub qaji naŋgi tulaŋ qalaqalainjrsiq deqa aqa segi Ŋiri qujai di naŋgi enjrej. A endegsi are qalej, ‘Tamo uŋgasari kalil ijo Aŋgro qa naŋgo areqalo siŋgilatqab qaji naŋgi di padalqasai. Naŋgi ŋambile gaigai sqab.’ Qotei a degsi are qalsiq deqa aqa segi Ŋiri qujai naŋgi enjrej. 17Qotei a na tamo uŋgasari mandamq endi unub qaji naŋgo kumbra qa naŋgi peginjrqajqa deqa are qalsiq aqa Ŋiri naŋgoq qariŋyosai. A na naŋgi eleŋam naŋgi padalaib deqa are qalsiq aqa Ŋiri qariŋyonaq mandamq aiej. 18Qotei na tamo naŋgi Yesus qa naŋgo areqalo siŋgilateqnub qaji naŋgi peginjrqasai. Ariya tamo naŋgi Yesus qa naŋgo areqalo siŋgilatosaieqnub qaji naŋgi Qotei na peginjrqas. Di kiyaqa? Naŋgi aqa segi Ŋiri aqa ñam qa naŋgo areqalo siŋgilatosai deqa. 19Qotei na tamo naŋgi di peginjrqas di aqa utru agiende. Puloŋ a mandamq ainaqa tamo naŋgi ambru qa arearetnjroqnej. Naŋgi puloŋ qa arearetnjrosaioqnej. Di kiyaqa? Naŋgi kumbra uge uge yoqneb deqa. 20Tamo kalil kumbra uge uge yeqnub qaji naŋgi puloŋ jeuteqnub. Naŋgo kumbra uge uge di puloŋ na boleq ataim deqa naŋgi puloŋ aqaq bosaieqnub. 21Ariya tamo uŋgasari anjam bole dauryeqnub qaji naŋgi puloŋ aqaq beqnub. Boqnsib wau bole bole yeqnabqa tamo uŋgasari naŋgi unoqnsib endegsib mareqnub, ‘Bole, naŋgi Qotei aqa siŋgila oqnsib deqa wau bole bole yeqnub.’”
Yesus a tamo yai deqa Jon yansnjro qaji a anjam palontosiq tamo uŋgasari naŋgi minjroqnej
22Ariya bati bei Yesus aqa aŋgro naŋgi ti walwelosib Judia sawaq gileb. Gilsib dia aqa aŋgro naŋgi ti sosibqa a na tamo uŋgasari naŋgi yansnjroqnej. 23Jon yansnjro qaji a Ainon qureq di sosiqa a dego tamo uŋgasari naŋgi yansnjroqnej. Ainon qure di Salim qure jojomq di unu. Dia ya koba soqnej deqa tamo uŋgasari naŋgi Jon aqa areq beqnabqa a na yansnjroqnej. 24Bati deqa Herot na Jon tonto talq waiyosaisoqnej.
25Bati bei Jon aqa aŋgro qudei naŋgi Juda tamo bei ti jejamu yanso kumbra qa anjam na qotoqneb. 26Onaqa Jon aqa aŋgro naŋgi Jon aqa areq gilsib minjeb, “O Qalie Tamo Koba, nami tamo ni ombla Jordan ya taqal beiq di sosibqa ni a qa anjam maroqnem qaji bini tamo uŋgasari kalil naŋgi aqa areq gileqnabqa a na yansnjreqnu. Naŋgi inoq bosaieqnub.” 27Onaqa Jon na kamba minjrej, “Qotei laŋ qureq di unu qaji a na tamo bei iŋgi yqasai di a iŋgi oqa keresai. 28Niŋgi segi ijo anjam bei e nami merŋgoqnem qaji di quoqneb. Agi e merŋgoqnem, ‘E Kristus sai. Qotei na e qariŋbonaqa e namoosim Kristus bqajqa gam gereiyetoqnem.’ 29Tamo uŋa baŋ ojqas qaji a segi na uŋa di oqas. Aqa was a laŋa qalaq di tigelesosimqa tamo uŋa baŋ ojqo qaji aqa anjam quoqnqas. Qusimqa tulaŋ areboleboleiyqas. Dego kere e bini tulaŋ areboleboleibqo. 30Kristus aqa ñam tulaŋ kobaqas. Ijo ñam aguq aiqas.” Jon a na naŋgi degsi minjrej.
31Tamo laŋ qureq di sosiqa dena mandamq aiej qaji a na iŋgi iŋgi kalil tulaŋ buŋnjrejunu. Tamo naŋgi mandamq endena branteleŋeb qaji naŋgi mandam endeqa kumbra yeqnub. Osib mandam endeqa anjam segi mareqnub. Ariya tamo laŋ qureq di sosiqa dena mandamq aiej qaji a na iŋgi iŋgi kalil tulaŋ buŋnjrejunu. 32Kumbra a uneqnu qaji a deqa saeqnu. Anjam a queqnu qaji di a babteqnu. Ariya tamo bei na aqa anjam di ojosaieqnu. 33Tamo naŋgi Yesus aqa anjam ojeqnub qaji naŋgi a qa naŋgo areqalo siŋgilatoqnsib mareqnub, “Bole, Qotei a anjam bole qa utru.” Naŋgi degsib mareqnub. 34Tamo Qotei na qariŋyej qaji a Qotei aqa anjam babtosiq mergeqnu. Di kiyaqa? Qotei na aqa Mondor aqa siŋgila potosiq taqal bei segi Yesus yosai. A na aqa siŋgila kalil Yesus yekritej. 35Abu Qotei na aqa segi Ŋiri Yesus tulaŋ areiyoqnsiq qalaqalaiyeqnu. Deqa a na iŋgi iŋgi kalil aqa segi Ŋiri aqa baŋq di ateleŋeqnu. 36Tamo naŋgi Qotei aqa Ŋiri qa naŋgo areqalo siŋgilatqab qaji naŋgi ŋambile gaigai sqab. Ariya tamo naŋgi Qotei aqa Ŋiri aqa anjam dauryqa uratqab qaji naŋgi ŋambile itqasai. Qotei aqa minjiŋ naŋgoq di sqas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.