Ifyacitilwe 14
14
1Lomba muIkonya paliŵele ati ŵaliinjile pamo mwisunagoge lyaŵaJuda, nekulukulaŵila, fyopele'fyo iŵumba ilikulu IlyaŵaJuda neŵaEla ŵalicetekele. 2Sombi aŵaJuda aŵalukuleŋgulula ŵalisuŋgwilile imitima yaŵenafyalo, nekuŵatekenesya ifiŵipile aŵanaŵaŋkasi, 3Popele apo ŵaliikele impindi ikulu ili ŵalaŵilisya nemitima ikosele iyamuli ŵaSikulu, aŵasimicile ifyakwisiwi lyaluse lwaŵo, nekulukusumina ati utwisiŵilo nefimpelampela filukucitwa kuminwe yaŵo. 4Sombi iŵumba ilyamumusi lyalilekene umupaka; ŵambi ŵalukusaŋkana neŵaJuda; ŵambi naŵo nentanjisi. 5Popele, pakusipimpilila neŵenafyalo neŵaJuda pamo nempemba syaŵo mukusipensya nekusipama amabwe, 6syaliisiŵile, nekufyuka ukuŵutucila kuLusiala nakuDabe imisi yaku Lukaonya, nakumitala iyasiŋgulucile: 7kopele uko syalitulisisye leeŵo leiweme.
8Lomba kuLusiala kwaliikele umbi umuntu, utaakwete-makosa mumakasa, uwafyelwe neŵulema, utaalukwenda neli limo. 9Uyo aliumfwile Paulu alukulaŵila; naye Paulu, pakumutontomeka nekuŵona ati ali nekucetekela ukwakumuŵusya, 10alilaŵile nesiwi'likulu ati: Ima, woloke mumakasa oŵe! Naye alisotokele nekwenda. 11Popele amaŵumba aŵantu, ili ŵabwene ifi acitile Paulu, ŵaliŵilicisye, nekulaŵila mumulaka wakuLukaonya ati: Ŵalesa ŵaselucila kuli fweŵo necipasyo caŵantunsi! 12Naŵo ŵalimwilicile Banaba ati niSeu, naPaulu naye ati niElime, pakuti ye wakulaŵila ukwakucila. 13Popele umupapatilisi wakwe Seu, itempuli lyakwe lyali kwisonde lyamusi, aliletele iŋombe nefinsokolwa kumisiko, nekufwayo'kucito'mulambu pamo nemaŵumba aŵantu. 14Sombi intanjisi, Banaba naPaulu, pakumfwe'fyo, syalipandawile ifyakufwala fyasisyo, nekucilucila mwiŵumba, nekulukuŵilicisya 15ati: Mweŵasikulu, mbanindo mulukucitile'fi? Nafweŵo tuli ŵantunsi, tuli nemekalilo opele aenu; twamuleteleni leeŵo Iciweme, ati mufutatile kufintu ifi'fyalukoso, mwalucile kuli ŵaLesa ŵaMweo, awaleŋgele iulu necalo necisiŵa, nefintu fyonse ifili-mo, 16aŵasumine, pafitentekwa fyakale, ati aŵantu aŵamikoka yonse ŵalukwenda munsila syaŵo aŵene. 17Naŋgawe'fyo taŵalilekele aŵakuŵule'mboni, pakuti ŵalukucite'fiweme, nekumupeleni imfula syakwiulu, nemyaka iyakumena bwino imbuto, nekwisusya imitima yenu ifyakulya nekutemwa. 18Nemasiwi ayo kwalikatesye ukwakanya amaŵumba aŵantu ati ŵeŋgaŵacitilo'mulambu.
19Sombi ŵaliisile uko aŵaJuda aŵafumine kuAntioke nakulkonya; naŵo nekwatekenesya amaŵumba aŵantu, nekumupama Paulu kumabwe, nekumukulumwina pesonde lyamusi, ili ŵeŵa ati afwa'kale. 20Sombi pakwimakana aŵasambile ukumusiŋguluka, aliŵucile nekwinjila mumusi; ŋgamailo alikumbulucile pamo nakwe Banaba, nekuya kuDabe. 21Popele apo, ili ŵatulisye leeŵo Iciweme mumusi uyo, nekuŵaalulula aŵasambile aŵenji, ŵalibwelele kuLusiala nakulkonya nakuAntioke, 22ili ŵakosya imitima yaŵasambile, nekuŵacenjesya ati ŵakulukwikele muku cetekela, nakaŵili ati ukutwelelwa ukupita pamapensyo aenji, ili tatuŋgenjila muŴufumu bwaŵaLesa. 23Naŵo ŵaliŵasalulwilile aŵakulu mumakelesya onse, nekulukutembela, ili ŵakane'fyakulya; eli ŵaŵasisisye kuli ŵaSikulu, muli ŵo emo ŵacetekele. 24Popele ŵalipitile paPisilya, nekufika kuPamfulya. 25Lomba ili ŵalaŵile lsiwi muPaga, ŵaliile kuAtalya. 26Pakufumo'ko ŵaliile mubwato kuAntioke, kopele uko uku ŵatuminwe kuluse lwaŵaLesa, pakuti pamilimo iyo iyi ŵakonsesye. 27Popele ili ŵaficile nekuwuŋganya aŵekelesya, ŵaliŵulisisye ifintu fyonse ifi ŵacitile naŵo ŵaLesa, nakaŵili ati ŵaliŵeswilile-po aŵenafyalo umulyaŋgo wakucetekela. 28Peŋka ŵalukwikala impindi ikulu neŵasambile.
Currently Selected:
Ifyacitilwe 14: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Ifyacitilwe 14
14
1Lomba muIkonya paliŵele ati ŵaliinjile pamo mwisunagoge lyaŵaJuda, nekulukulaŵila, fyopele'fyo iŵumba ilikulu IlyaŵaJuda neŵaEla ŵalicetekele. 2Sombi aŵaJuda aŵalukuleŋgulula ŵalisuŋgwilile imitima yaŵenafyalo, nekuŵatekenesya ifiŵipile aŵanaŵaŋkasi, 3Popele apo ŵaliikele impindi ikulu ili ŵalaŵilisya nemitima ikosele iyamuli ŵaSikulu, aŵasimicile ifyakwisiwi lyaluse lwaŵo, nekulukusumina ati utwisiŵilo nefimpelampela filukucitwa kuminwe yaŵo. 4Sombi iŵumba ilyamumusi lyalilekene umupaka; ŵambi ŵalukusaŋkana neŵaJuda; ŵambi naŵo nentanjisi. 5Popele, pakusipimpilila neŵenafyalo neŵaJuda pamo nempemba syaŵo mukusipensya nekusipama amabwe, 6syaliisiŵile, nekufyuka ukuŵutucila kuLusiala nakuDabe imisi yaku Lukaonya, nakumitala iyasiŋgulucile: 7kopele uko syalitulisisye leeŵo leiweme.
8Lomba kuLusiala kwaliikele umbi umuntu, utaakwete-makosa mumakasa, uwafyelwe neŵulema, utaalukwenda neli limo. 9Uyo aliumfwile Paulu alukulaŵila; naye Paulu, pakumutontomeka nekuŵona ati ali nekucetekela ukwakumuŵusya, 10alilaŵile nesiwi'likulu ati: Ima, woloke mumakasa oŵe! Naye alisotokele nekwenda. 11Popele amaŵumba aŵantu, ili ŵabwene ifi acitile Paulu, ŵaliŵilicisye, nekulaŵila mumulaka wakuLukaonya ati: Ŵalesa ŵaselucila kuli fweŵo necipasyo caŵantunsi! 12Naŵo ŵalimwilicile Banaba ati niSeu, naPaulu naye ati niElime, pakuti ye wakulaŵila ukwakucila. 13Popele umupapatilisi wakwe Seu, itempuli lyakwe lyali kwisonde lyamusi, aliletele iŋombe nefinsokolwa kumisiko, nekufwayo'kucito'mulambu pamo nemaŵumba aŵantu. 14Sombi intanjisi, Banaba naPaulu, pakumfwe'fyo, syalipandawile ifyakufwala fyasisyo, nekucilucila mwiŵumba, nekulukuŵilicisya 15ati: Mweŵasikulu, mbanindo mulukucitile'fi? Nafweŵo tuli ŵantunsi, tuli nemekalilo opele aenu; twamuleteleni leeŵo Iciweme, ati mufutatile kufintu ifi'fyalukoso, mwalucile kuli ŵaLesa ŵaMweo, awaleŋgele iulu necalo necisiŵa, nefintu fyonse ifili-mo, 16aŵasumine, pafitentekwa fyakale, ati aŵantu aŵamikoka yonse ŵalukwenda munsila syaŵo aŵene. 17Naŋgawe'fyo taŵalilekele aŵakuŵule'mboni, pakuti ŵalukucite'fiweme, nekumupeleni imfula syakwiulu, nemyaka iyakumena bwino imbuto, nekwisusya imitima yenu ifyakulya nekutemwa. 18Nemasiwi ayo kwalikatesye ukwakanya amaŵumba aŵantu ati ŵeŋgaŵacitilo'mulambu.
19Sombi ŵaliisile uko aŵaJuda aŵafumine kuAntioke nakulkonya; naŵo nekwatekenesya amaŵumba aŵantu, nekumupama Paulu kumabwe, nekumukulumwina pesonde lyamusi, ili ŵeŵa ati afwa'kale. 20Sombi pakwimakana aŵasambile ukumusiŋguluka, aliŵucile nekwinjila mumusi; ŋgamailo alikumbulucile pamo nakwe Banaba, nekuya kuDabe. 21Popele apo, ili ŵatulisye leeŵo Iciweme mumusi uyo, nekuŵaalulula aŵasambile aŵenji, ŵalibwelele kuLusiala nakulkonya nakuAntioke, 22ili ŵakosya imitima yaŵasambile, nekuŵacenjesya ati ŵakulukwikele muku cetekela, nakaŵili ati ukutwelelwa ukupita pamapensyo aenji, ili tatuŋgenjila muŴufumu bwaŵaLesa. 23Naŵo ŵaliŵasalulwilile aŵakulu mumakelesya onse, nekulukutembela, ili ŵakane'fyakulya; eli ŵaŵasisisye kuli ŵaSikulu, muli ŵo emo ŵacetekele. 24Popele ŵalipitile paPisilya, nekufika kuPamfulya. 25Lomba ili ŵalaŵile lsiwi muPaga, ŵaliile kuAtalya. 26Pakufumo'ko ŵaliile mubwato kuAntioke, kopele uko uku ŵatuminwe kuluse lwaŵaLesa, pakuti pamilimo iyo iyi ŵakonsesye. 27Popele ili ŵaficile nekuwuŋganya aŵekelesya, ŵaliŵulisisye ifintu fyonse ifi ŵacitile naŵo ŵaLesa, nakaŵili ati ŵaliŵeswilile-po aŵenafyalo umulyaŋgo wakucetekela. 28Peŋka ŵalukwikala impindi ikulu neŵasambile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.