Ifyakutaŋga 23
23
1Popele umweo wakwe Sala walikumene imyaka umwanda umo nemakumi aŵili naisanu naiŵili: iyo emyaka yamweo wakwe Sala. 2Popele Sala walifwilile kumusi wakwe Aliba (kopele ekuEbiloni), mucalo caKa nani: popele Ablaamu waliisile mukumulila nekumuŵombomanina Sala.
3Popele Ablaamu waliimine ili afumine pamenso amufu wakwe, nekulawila kuŵana ŵakwe Yeti ati: 4Newo ndi mwensu uwakulinsya lukoso nenu: mumpele-po pantu apakusicila, apaŋgawa panii, pakati penu, ati ŋkasike umufu ŵanji ukumufumya pamenso anji.
5Popele awana wakwe Yeti ŵalimwasucile Ablaamu ati: Tumfweni, mweŵaSikulu: 6mweŵo muli nimfumu ikulu pakati pali fwewo: mukasike umufu wenu mucilende ico ici mukasalulula pafyesu; tapali-po pali fweŵo ukamukanyeni icilende cakwe, mwiŋgasiko'mufu wenu.
7Popele Ablaamu waliimine nekuŵenamisya aŵantu aŵamucalo, eŵana ŵakwe Yeti. 8Naye walukwambala naŵo nekulaŵila ati: Kani mulukusumina ati musike umufu wanji ukumufumya pamenso anji, numfweni, mukaŋkombetelela Efilono, umwana wakwe Soyali, 9ati akampele-po iceŋgo lyaMacipela, ili ali nalyo, ilili kumpelo yeŵala lyakwe; ŋgaalipose kuli neŵo pamenso enu, ŋgule umulo uwakukumana, ati liŵe pakusicila.
10Lomba Efilono waliikele pakati paŵana ŵakwe Yeti: popele Efilono umuYeti walimwasucile Ablaamu apomfwanicile kuŵana ŵakwe Yeti, epomfwanicile kuŵantu ŵonse aŵalukwinjila pamusiko wakumusi wakwe, ati: 11Koku, mweŵaSikulu ŵanji, ŋumfweni: Iŵale'lyo ndukumupeleni, neceŋgo ilili-mo kaŵili ndukumupeleni; pamenso aŵana ŵaŵantu ŵanji ndukumupeleni; musikeni umufu wenu.
12Popele Ablaamu waliinamisye pansi pamenso aŵantu aŵamucalo ico; 13nekulaŵila kuli Efilono apomfwanicile kuŵantu aŵamucalo, ati: Sombi kani mulukusumina, ndukumukombeteleni ati numfweni; nakumupeleni umulo weŵala; mupoke kuli neŵo, eli nakusiko' mo umufu wanji.
14Popele Efilono walimwasucile Ablaamu ati: 15MweŵaSikulu ŵanji, icipimo ceŵala icakukumana umulo wamasyekeli esilifa imyanda ine, cili syani pali neŵo namweŵo? Pakuti pali fyefyo musikeni umufu wenu.
16Popele apo Ablaamu walimumfwile Efilono; lomba Ablaamu walimwesesye Efilono isilifa, ilyo asimbwile apomfwanicile kuŵana ŵakwe Yeti, amasyekeli esilifa imyanda ine, indalama isyelelwe isyalukuula aŵolisi. 17Fyopele'fyo iŵala lyakwe Efilono ilyali kuMacipela, Ilyasiŋkamene nakuMamile, pamo neceŋgo ilyali-mo, nemiti yonse iyali mwiŵala, iyali mumpelo yaliko monse umwasiŋgulucile, 18fyonse fyaliŵele icine ŵuŵoni bwakwe Ablaamu pamenso aŵana ŵakwe Yeti napamenso aŵantu ŵonse aŵalukwinjila pamusiko wakumusi wakwe.
19Popele panuma yafyefyo, Ablaamu walimusicile Sala umukasi wakwe mwiceŋgo ilyamwiŵala lyaMacipela apasiŋkamene napaMamile (popele epaEbiloni), mucalo caKanani.
20Kaŵili iŵala neceŋgo ilili-mo fyonse fyalialwilwe icine ŵuŵoni bwakwe Ablaamu umwakusicila, kuŵana ŵakwe Yeti.
Currently Selected:
Ifyakutaŋga 23: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Ifyakutaŋga 23
23
1Popele umweo wakwe Sala walikumene imyaka umwanda umo nemakumi aŵili naisanu naiŵili: iyo emyaka yamweo wakwe Sala. 2Popele Sala walifwilile kumusi wakwe Aliba (kopele ekuEbiloni), mucalo caKa nani: popele Ablaamu waliisile mukumulila nekumuŵombomanina Sala.
3Popele Ablaamu waliimine ili afumine pamenso amufu wakwe, nekulawila kuŵana ŵakwe Yeti ati: 4Newo ndi mwensu uwakulinsya lukoso nenu: mumpele-po pantu apakusicila, apaŋgawa panii, pakati penu, ati ŋkasike umufu ŵanji ukumufumya pamenso anji.
5Popele awana wakwe Yeti ŵalimwasucile Ablaamu ati: Tumfweni, mweŵaSikulu: 6mweŵo muli nimfumu ikulu pakati pali fwewo: mukasike umufu wenu mucilende ico ici mukasalulula pafyesu; tapali-po pali fweŵo ukamukanyeni icilende cakwe, mwiŋgasiko'mufu wenu.
7Popele Ablaamu waliimine nekuŵenamisya aŵantu aŵamucalo, eŵana ŵakwe Yeti. 8Naye walukwambala naŵo nekulaŵila ati: Kani mulukusumina ati musike umufu wanji ukumufumya pamenso anji, numfweni, mukaŋkombetelela Efilono, umwana wakwe Soyali, 9ati akampele-po iceŋgo lyaMacipela, ili ali nalyo, ilili kumpelo yeŵala lyakwe; ŋgaalipose kuli neŵo pamenso enu, ŋgule umulo uwakukumana, ati liŵe pakusicila.
10Lomba Efilono waliikele pakati paŵana ŵakwe Yeti: popele Efilono umuYeti walimwasucile Ablaamu apomfwanicile kuŵana ŵakwe Yeti, epomfwanicile kuŵantu ŵonse aŵalukwinjila pamusiko wakumusi wakwe, ati: 11Koku, mweŵaSikulu ŵanji, ŋumfweni: Iŵale'lyo ndukumupeleni, neceŋgo ilili-mo kaŵili ndukumupeleni; pamenso aŵana ŵaŵantu ŵanji ndukumupeleni; musikeni umufu wenu.
12Popele Ablaamu waliinamisye pansi pamenso aŵantu aŵamucalo ico; 13nekulaŵila kuli Efilono apomfwanicile kuŵantu aŵamucalo, ati: Sombi kani mulukusumina, ndukumukombeteleni ati numfweni; nakumupeleni umulo weŵala; mupoke kuli neŵo, eli nakusiko' mo umufu wanji.
14Popele Efilono walimwasucile Ablaamu ati: 15MweŵaSikulu ŵanji, icipimo ceŵala icakukumana umulo wamasyekeli esilifa imyanda ine, cili syani pali neŵo namweŵo? Pakuti pali fyefyo musikeni umufu wenu.
16Popele apo Ablaamu walimumfwile Efilono; lomba Ablaamu walimwesesye Efilono isilifa, ilyo asimbwile apomfwanicile kuŵana ŵakwe Yeti, amasyekeli esilifa imyanda ine, indalama isyelelwe isyalukuula aŵolisi. 17Fyopele'fyo iŵala lyakwe Efilono ilyali kuMacipela, Ilyasiŋkamene nakuMamile, pamo neceŋgo ilyali-mo, nemiti yonse iyali mwiŵala, iyali mumpelo yaliko monse umwasiŋgulucile, 18fyonse fyaliŵele icine ŵuŵoni bwakwe Ablaamu pamenso aŵana ŵakwe Yeti napamenso aŵantu ŵonse aŵalukwinjila pamusiko wakumusi wakwe.
19Popele panuma yafyefyo, Ablaamu walimusicile Sala umukasi wakwe mwiceŋgo ilyamwiŵala lyaMacipela apasiŋkamene napaMamile (popele epaEbiloni), mucalo caKanani.
20Kaŵili iŵala neceŋgo ilili-mo fyonse fyalialwilwe icine ŵuŵoni bwakwe Ablaamu umwakusicila, kuŵana ŵakwe Yeti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.