Yoane 15
15
1Neŵo nineMufaina Uwine; ŵaTata eŴalimi. 2Imisimba yonse ili muli neŵo, utawikata-po ifisepo, ŵalaufumya; kaŵili yonse uwikata ŵalauswesya ati ukekate nafimbi ifisepo. 3Ŵukumo muliswetele, pakuti pesiwi namuŵuleni. 4Mwikale muli neŵo, naneŵo njikale muli mweŵo. Koti nifyopele'fyo ifi tawisi umusimba uwine ukwikata-ko ifisepo, uwakuŵulo'kwikala mumufaina; fyopele'fyo namweŵo, kani muŵule ukwikala muli neŵo, tamwisi ukwikata-po ifisepo.
5Neŵo nineMufaina; mweŵo nimwemisimba. Uyo uwikala muli neŵo, naneŵo ukwikala muli ye, uyo akekata ifisepo ifinji; pakuti apakuŵula naneŵo, mweŵo mweŵene tamwisi-po ukucita neli kantu. 6Kani umuntu taekala muli neŵo, aŋgaposwa kwisonde koti musimba, nekuuminina; lomba aŵantu nekwiwuŋganisisya, nekwiposa mumulilo, nayo nekupya. 7Kani mulukwikele muli neŵo, nemasiwi anji nekulukwikele muli mweŵo, ifintu fyonse ici mulukufwaya, kamulukucilomba, peŋka cikalukuli kuli mweŵo. 8ŴaTata ŵalicindicilwe muli fifi, ati mwikate ifisepo ifinji; ifyo mukekala ŵasambile ŵanji. 9Koti nifyopele' fyo ifi ŵantemenwe ŵaTata, naneŵo fyopele'fyo nalimutemenweni; mwikale mweŵo muŵutemwe bwanji. 10Kani mwakulukwalama amafunde anji, eli mwakulukwikele muŵutemwe bwanji; koti nifyopele'fyo ifi nalukulama amafunde aŵaTata neŵo, nekulukwikele muwutemwe bwaŵo. 11Ifintu ifyo namuŵuleni ati ukusaŋgalala kwanji kukalukwikele muli mweŵo, nako ukusaŋgalala kwenu nekulukufula. 12Ifunde lyanji nilili, ati mulukutemwansyanya, koti nifyopele'fyo ifi mutemenweni naneŵo. 13Tapali umuntu uli neŵutemwe ubwakucilo'ŵukulu napali ŵuŵu, ati umuntu apose umweo wakwe pakuti pafiŵusa fyakwe. 14Kani mulukucite'fintu ifyo ifi mufundeni, ifyo muli fiŵusa fyanji. 15Nsikamwilikeni liŵili ati nimweŵapyunjisi ŵanji, pakuti umupyunjisi taafiisi ifyo ifi ŵalukucita ŵawisikulu; sombi namwilikeni muli fiŵusa, pakuti ifintu fyonse ifi naumfwile kuli ŵaTata, ifyo namwisiŵisyeni mweŵo. 16Mweŵo tamwansalulwile; sombi neŵo enenamusalulwileni, nekumwikalikeni ati muye, mukekate ifisepo, nefisepo fyenu ati fikekalilile; ati ifintu fyonse, ici mukalomba kuli ŵaTata mwisina lyanji, ŵakamupeleni. 17Ifintu ifyo ndukumufundeni ati mukalukutemwansyanya.
18Kani ŵalukumufitilweni aŵapacalo capansi, ifi muliisiŵile ati ŵalitanjilile pali mweŵo ukumfitilwa naneŵo. 19Ŋga muli ŵapacalo capansi, neŵapansi pano ŋga ŵalimutemenweni ati ŵaŵyesu; sombi pakuti tamuli ŵapacalo capansi, sombi nalimusalulwileni pali ŵo, pakuti pali fyefyo aŵapacalo capansi ŵalukumufitilweni, 20Mulaŋguluke isiwi ilyo namuŵuleni ati—Umupyunjisi taacilo'ŵukulu napali ŵawisikulu. Pakuti ŵalukuŋkululusya neŵo, namweŵo ŵakamukululusyeni. Ŋga ŵalukulama amasiwi anji, ŋga ŵakalukulama nemasiwi enu mweŵo. 21Sombi ifintu ifyo fyonse ŵakalukumuciteni pakuti pesina lyanji, pakuti taŵaŵesi aŵo aŵantumine.
22Ŋga nsiisile mukuŵaŵula, ŋga taŵali-po nemulandu wakuŵifya; sombi ŵukumo taŵakwete icakufimba-po pakuŵifya kwaŵo. 23Uyo umfitilwa neŵo, alafitilwa naŵaTata. 24Ŋga nsinacitile pakati pali ŵo imilimo iyo itaŵalukucitapo ŵambi ŵonse neli umo, ŋga taŵali-po nemulandu wakuŵifya. Sombi ŵukumo ŵatuŵona nekutufitilwa naneŵo naŵaTata. 25Sombi ifyo ati fipelelwe pamo nemasiwi alembelwe mumafunde aŵo ati: Ŵalimfitilwe neŵo ukwakumfumbucila. 26Sombi ili akesa Umupalamisi, uyo uŋkatuma kuli mweŵo, ukufuma kuli ŵaTata, Umupasi waŵucine uwakufuma kuli ŵaTata, uyo ukansimicila. 27Namweŵo mulukusimika, pakuti mwali naneŵo napakutaŋga.
Currently Selected:
Yoane 15: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Yoane 15
15
1Neŵo nineMufaina Uwine; ŵaTata eŴalimi. 2Imisimba yonse ili muli neŵo, utawikata-po ifisepo, ŵalaufumya; kaŵili yonse uwikata ŵalauswesya ati ukekate nafimbi ifisepo. 3Ŵukumo muliswetele, pakuti pesiwi namuŵuleni. 4Mwikale muli neŵo, naneŵo njikale muli mweŵo. Koti nifyopele'fyo ifi tawisi umusimba uwine ukwikata-ko ifisepo, uwakuŵulo'kwikala mumufaina; fyopele'fyo namweŵo, kani muŵule ukwikala muli neŵo, tamwisi ukwikata-po ifisepo.
5Neŵo nineMufaina; mweŵo nimwemisimba. Uyo uwikala muli neŵo, naneŵo ukwikala muli ye, uyo akekata ifisepo ifinji; pakuti apakuŵula naneŵo, mweŵo mweŵene tamwisi-po ukucita neli kantu. 6Kani umuntu taekala muli neŵo, aŋgaposwa kwisonde koti musimba, nekuuminina; lomba aŵantu nekwiwuŋganisisya, nekwiposa mumulilo, nayo nekupya. 7Kani mulukwikele muli neŵo, nemasiwi anji nekulukwikele muli mweŵo, ifintu fyonse ici mulukufwaya, kamulukucilomba, peŋka cikalukuli kuli mweŵo. 8ŴaTata ŵalicindicilwe muli fifi, ati mwikate ifisepo ifinji; ifyo mukekala ŵasambile ŵanji. 9Koti nifyopele' fyo ifi ŵantemenwe ŵaTata, naneŵo fyopele'fyo nalimutemenweni; mwikale mweŵo muŵutemwe bwanji. 10Kani mwakulukwalama amafunde anji, eli mwakulukwikele muŵutemwe bwanji; koti nifyopele'fyo ifi nalukulama amafunde aŵaTata neŵo, nekulukwikele muwutemwe bwaŵo. 11Ifintu ifyo namuŵuleni ati ukusaŋgalala kwanji kukalukwikele muli mweŵo, nako ukusaŋgalala kwenu nekulukufula. 12Ifunde lyanji nilili, ati mulukutemwansyanya, koti nifyopele'fyo ifi mutemenweni naneŵo. 13Tapali umuntu uli neŵutemwe ubwakucilo'ŵukulu napali ŵuŵu, ati umuntu apose umweo wakwe pakuti pafiŵusa fyakwe. 14Kani mulukucite'fintu ifyo ifi mufundeni, ifyo muli fiŵusa fyanji. 15Nsikamwilikeni liŵili ati nimweŵapyunjisi ŵanji, pakuti umupyunjisi taafiisi ifyo ifi ŵalukucita ŵawisikulu; sombi namwilikeni muli fiŵusa, pakuti ifintu fyonse ifi naumfwile kuli ŵaTata, ifyo namwisiŵisyeni mweŵo. 16Mweŵo tamwansalulwile; sombi neŵo enenamusalulwileni, nekumwikalikeni ati muye, mukekate ifisepo, nefisepo fyenu ati fikekalilile; ati ifintu fyonse, ici mukalomba kuli ŵaTata mwisina lyanji, ŵakamupeleni. 17Ifintu ifyo ndukumufundeni ati mukalukutemwansyanya.
18Kani ŵalukumufitilweni aŵapacalo capansi, ifi muliisiŵile ati ŵalitanjilile pali mweŵo ukumfitilwa naneŵo. 19Ŋga muli ŵapacalo capansi, neŵapansi pano ŋga ŵalimutemenweni ati ŵaŵyesu; sombi pakuti tamuli ŵapacalo capansi, sombi nalimusalulwileni pali ŵo, pakuti pali fyefyo aŵapacalo capansi ŵalukumufitilweni, 20Mulaŋguluke isiwi ilyo namuŵuleni ati—Umupyunjisi taacilo'ŵukulu napali ŵawisikulu. Pakuti ŵalukuŋkululusya neŵo, namweŵo ŵakamukululusyeni. Ŋga ŵalukulama amasiwi anji, ŋga ŵakalukulama nemasiwi enu mweŵo. 21Sombi ifintu ifyo fyonse ŵakalukumuciteni pakuti pesina lyanji, pakuti taŵaŵesi aŵo aŵantumine.
22Ŋga nsiisile mukuŵaŵula, ŋga taŵali-po nemulandu wakuŵifya; sombi ŵukumo taŵakwete icakufimba-po pakuŵifya kwaŵo. 23Uyo umfitilwa neŵo, alafitilwa naŵaTata. 24Ŋga nsinacitile pakati pali ŵo imilimo iyo itaŵalukucitapo ŵambi ŵonse neli umo, ŋga taŵali-po nemulandu wakuŵifya. Sombi ŵukumo ŵatuŵona nekutufitilwa naneŵo naŵaTata. 25Sombi ifyo ati fipelelwe pamo nemasiwi alembelwe mumafunde aŵo ati: Ŵalimfitilwe neŵo ukwakumfumbucila. 26Sombi ili akesa Umupalamisi, uyo uŋkatuma kuli mweŵo, ukufuma kuli ŵaTata, Umupasi waŵucine uwakufuma kuli ŵaTata, uyo ukansimicila. 27Namweŵo mulukusimika, pakuti mwali naneŵo napakutaŋga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.